Sunday, April 12, 2015

瓜瓜::4 歲10個月

地鐵站叫做怪獸谷谷洞
離開地洞就安全啦, 冇怪獸啦.
有特定的路線出口, 好似迷宮啦,
仲有泥潭.

如果我自己約咗人出街唔帶瓜,
佢會叫我: 你要記住我呀.

以前非常高興的去婆婆度瞓,
依家去婆婆屋企瞓一晚,
喊到好似要去外國升學咁.

瓜第一次係聖誕節報佳音,
一次過唱五首歌仲做啲動作咁.
雖然佢本人唔係咁開心,
話好多人望住佢覺得好醜怪.
我就莫名的感動.
覺得個仔好似好叻咁,
亦都想起小時候去表演唔洗返學係非常的高興!
而且我同瓜講: 其實除咗你阿媽之外係唔會有人留意你架.

佢好鐘意上珠心算,
但係一做練習佢就覺得好悶.
幸好佢做功課好快手.
佢鐘意扮老師教番我地.

其實瓜好鐘意學嘢.
佢學術上的學科樣樣都想學.
反而運動類細膽的佢點都唔肯學,
群體活動又一啲興趣都冇.




No comments:

Blog Widget by LinkWithin