Monday, July 28, 2014

瓜瓜::4 歲 2 個月


~18.3g.


105.5cm

食 - 差唔多
起身食咗支淡奶唔多想食,
有時間的話食杯乳酪 / 麵包 / cereal.
出門口食粒 Papa Jelly.
學校有茶點,
放學食八粒小小魚仔餅, 一小杯加水的蘋果汁或3.6奶,
午飯, 食通粉.
晚飯食飯.
臨瞓前要講書唔食奶,
鐘意粉麵多過飯.
至愛蘋果, 火龍果, 青提子同各式菇類.
仲有親子士多啤梨班戟.
通粉同粟米湯一齊食.
魷魚, 叉燒, 牛扒, 豆卜魚蛋.
飲茶要食飯, 食蓮蓉包.
菜淨鐘意食西蘭花,
唔鈡意食豆, 食黑色食物,
飲水同果汁.

玩 - 差唔多
都仲係鐘意玩車,
鐘意反斗車王,Planes.
鐘意紅色,
鐘意海洋公園, 科學館.
勁鐘意名古屋的鈴鹿賽車場.

行 - 
好懶,
八成行兩成揹.
唔多要揹不過要騎膊馬, 要爸爸騎.

瞓 - 不變
瞓之前要講一本書,
通常都 2130 瞓到 0730。
星期六, 日通常有午睡。


阿瓜語錄
成日問我哲學問題:
媽媽,你加上你, 仲係咪你.
你係邊呀, 我地係邊呀. (明明我係你隔離呀仔...)
你係唔係你?

六點幾起身去搵爸爸唱半個鐘頭歌

飲湯, 苦瓜湯同皮蛋莞茜湯, 各式西湯同濃味湯

去沙灘游水要跳咸水舞.

買益力多但係爸爸冇得飲,
我問佢點解?
瓜細細聲同我講:
我係你黨羽黎架麻.

佢要做氣象學家睇天氣或者天體物學家睇星!
又或者開茶餐廳煮嘢食.
仲有大個要讀多啲書, 將來興建一條透明的海底隧道可能以睇魚.

非常老古董,
坐底咗唔會移動,
決定咗食就就算賣晒寧願唔食都唔要改.

係海的就係海龜,
唔係海的就係烏龜.

係餐廳會自己叫嘢食, 叫人倒水.

依家瓜講嘢好老積, 又成日串人, 好好笑.

6 歲前可行的興趣班:
3 歲暑假... 英文拼音, EQ 訓練! 音樂班.
3 歲 - 音樂+小手工班 / 軍鼓班 / 英文
4 歲 - 英文戲劇,音樂+小手工班 / 軍鼓班 / 英文, 游水
5 歲 - 溜冰,踢躂舞, 跳彈床, 跆拳道,畫畫, 單簧管或樂器一種
6 歲 - 魔術, 騎馬, 劍擊早餐








No comments:

Blog Widget by LinkWithin