Thursday, May 29, 2014

瓜瓜::4歲


~17.6g.


105cm


起身食咗支淡奶唔多想食,
有時間的話食杯乳酪 / 麵包 / cereal.
出門口食粒 Papa Jelly.
學校有茶點,
放學食八粒小小魚仔餅, 一小杯加水的蘋果汁或3.6奶,
午飯, 食通粉.
晚飯食飯.
臨瞓前要講書唔食奶,
鐘意粉麵多過飯.
至愛蘋果, 火龍果, 青提子同各式菇類.
仲有親子士多啤梨班戟.
通粉同粟米湯一齊食.
魷魚, 叉燒, 牛扒, 豆卜魚蛋.
飲茶要食飯, 食奶黃包.
菜淨食西蘭花,
唔鈡意食豆, 食黑色食物,
飲水同果汁,湯水開始飲啲.

玩 - 不變
都仲係鐘意玩車,
鐘意反斗車王,禮物小恐龍?!
鐘意紅色, 深綠色,
鐘意海洋公園, 科學館.
勁鐘意名古屋的鈴鹿賽車場.

行 - 不變
好懶,
八成行兩成揹.
要鬥快佢會行得開心啲,
可以媽媽揹婆婆揹唔可以騎膊馬.

瞓 - 不變
瞓之前要講一本書,
通常都 2130 瞓到 0730。
星期六, 日通常有午睡。


阿瓜語錄
有事冇事都喊定先,之後仲要話我驚你話我呀.


瓜: 媽媽, 我DUM咗你個枕頭, (落地)
我: 點解呢?
瓜: 平時都好想DUM,  不過你又係度. 所以今朝你唔係度我就DUM咗佢囉.
我: 點解呢?
瓜: 因為佢軟淋淋囉.

有一日瓜發癲的話老師俾小咗樣功課佢.
我打電話番學校, 老師話: 冇呀, 可能告示板的內容轉咗, 所以佢以為多咗啦.
瓜仲可以形容另一份功課係做啲乜嘢...
但老師都話冇就算啦.
隔咗兩個鐘頭老師再用手提打俾我,
佢話因為見有時間, 所以今日多教了一份明白的功課. 可能咁樣瓜就以為多一份.
點先? 乜事咁好記性先? 仲記得小咗樣功課!

瓜係我的黨羽,
跟隨我的方向!

會知道邊個位最有利,
可以最先攞玩.

有三個男同學名佢都常常提起.
不過係街見到佢又扮唔記得人地個名.

生日會後,
瓜: 有小朋友留低個個汽球.
我: 唔緊要啦, 你留黎自己玩啦.
瓜斜眼奸樣好肯定的話: 佢一定係專登留俾我玩架啦.
 
6 歲前可行的興趣班:
3 歲暑假... 英文拼音, EQ 訓練! 音樂班.
3 歲 - 音樂+小手工班 / 軍鼓班 / 英文
4 歲 - 英文戲劇,音樂+小手工班 / 軍鼓班 / 英文, 游水
5 歲 - 溜冰,踢躂舞, 跳彈床, 跆拳道,畫畫, 單簧管或樂器一種
6 歲 - 魔術, 騎馬, 劍擊早餐

No comments:

Blog Widget by LinkWithin