Wednesday, April 30, 2014

瓜瓜::3 歲11個月


~17.6g.


104cm


起身食咗支淡奶唔多想食,
有時間的話食杯乳酪 / 麵包 / cereal.
出門口食粒 Papa Jelly.
學校有茶點,
放學食八粒小小魚仔餅, 一小杯加水的蘋果汁,
午飯, 食通粉.
晚飯食飯.
臨瞓前唔食奶,
鐘意粉麵多過飯.
至愛蘋果, 火龍果, 青提子同各式菇類.
仲有親子士多啤梨班戟.
通粉同粟米湯一齊食.
魷魚, 叉燒, 牛扒, 豆卜魚蛋.
飲茶要食飯, 食奶黃包.
菜淨食西蘭花,
唔鈡意食豆, 食黑色食物,
飲水同果汁,湯水唔啱.

玩 - 不變
都仲係鐘意玩車,
鐘意反斗車王,禮物小恐龍?!
鐘意紅色, 深綠色,
鐘意海洋公園, 科學館.
勁鐘意名古屋的鈴鹿賽車場.

行 - 不變
好懶,
八成行兩成揹.
要鬥快佢會行得開心啲,
可以媽媽揹婆婆揹唔可以騎膊馬.

瞓 - 不變
瞓之前要講一本MrMen 書,
通常都 2200 瞓到 0700。
星期六, 日通常有午睡。


阿瓜語錄
有一日爸爸話本書爛咗要貼好,
佢話要釘唔要貼.
結果爸爸唯有釘好.
佢同爸爸講: 爸爸, 我都話你一定得架啦, 你話係咪.
我個仔識講啲咁鼓勵性我說話我都好高興.

同佢去游水,
唔覺意sir 滑梯後個頭都落一左水,
佢話: 飲啖水之麻.

藉口王,
樣樣嘢衰咗都有得解釋!
一定唔係佢錯.
轉數又快.
衰咗喊定先,
一係叫爸爸走先,
一叫爸爸走先就非奸即盜!

自己剪完髮就話: 媽媽你個頭都有啲亂啦, 快啲去剪啦.

朝早見人點都唔肯講早晨,
日哦夜哦之後佢都只係肯好細聲講早, 或者早早!

出街食飯一定要坐毛毛櫈!

同瓜講媽媽星期六要返工,
瓜扮唔開心然後話: 媽媽要返工, 咁你咪好悶囉!

公公婆婆瓜瓜去茶餐廳食飯,
公公問人攞幾杯水,
瓜話佢帶咗水唔晒啦.
公公話咁我都要飲架.

瓜話係兩杯, 唔係幾杯, 你又話幾!

6 歲前可行的興趣班:
3 歲暑假... 英文拼音, EQ 訓練! 音樂班.
3 歲 - 音樂+小手工班 / 軍鼓班 / 英文
4 歲 - 英文戲劇,音樂+小手工班 / 軍鼓班 / 英文
5 歲 -游水, 溜冰,踢躂舞, 跳彈床, 跆拳道,畫畫, 單簧管或樂器一種
6 歲 - 魔術, 騎馬, 劍擊早餐

Friday, April 18, 2014

澳門::澳門科學館

想去這裡好一陣子, 但每當去澳門的時候又忘了它.... 還是留待下一次吧.
Copy from AppleDaily 20100619 
---------------------------
周末好節目之一就是到澳門遊玩,而澳門除了美食和賭場,其實也有很多適合一家大小的好去處。今期最吸引的,一定非貝聿銘設計的澳門科學館莫屬;而各酒店增設的兒童樂園,亦絕對令小朋友興奮莫名。

記者:謝翠玲
攝影:楊錦文
Models: Audrey、 Brian& Natalie

Stop1
斜錐設計夠型

才剛坐船到澳門,頭一站可以帶囝囝囡囡去位於漁人碼頭附近的澳門科學館,科學館由世界著名美籍華裔建築師貝聿銘設計,據說是他個人生命中第二重要的設計,事實呈斜錐體的展覽中心外形別樹一格,遠看甚至有點像機械人呢,的確外形已夠吸引!而科學館展覽中心有14個呈螺旋上升狀分佈的展覽廳,其中10個長期展廳的主題包括兒童、科技、環境科學及生活4大範疇。

最刺激展廳兒童科學廳

小學階段的兒童最愛親身體驗,採訪期間看到現場大人小孩在這個展廳都玩得非常開心,其中以水展館最受歡迎。原因?除了學習各種科學知識,最重要是有得玩水!怪不得個個都玩到捨不得離開。
位置:1F

科學家科學快車廳

裝置像火車站的科學快車廳適合年齡大些的小孩,展廳由「科學快車」及中央車站及四個「科學啟發」展區組成。內裏有不同的互動遊戲讓小孩更明白科學理論。
位置:1F
地址:澳門孫逸仙大馬路

電話:(853)28880822

開放時間:10am至6pm
(逢星期四及農曆新年除夕休息)

收費:2歲至11歲 $15、成人 $25(限展覽中心)

Stop2
消防博物館

早上去完充滿動感的科學館,吃完午飯便可帶仔仔去消防博物館走走。十個有九個小男孩的志願都是當消防員,帶他們到這兒參觀,保證他們見到消防車便開心到跳起。別具南歐風格的博物館大樓已有八十多年歷史,從外觀已值得拍照留念。主展廳展出不少很有價值的實物和珍貴圖片。內展廳裝修較為現代化,陳列着消防局中央行動站擴建後的模型,消防帽和各種救火工具,小朋友最感興趣。
開放時間:10am至6pm

地址:澳門連勝路2至6號(鏡湖醫院側)

電話:(853)83960420

免費入場

Stop3
最大兒童樂園

去完博物館又玩又學習,最後一站也應該給孩子們盡情放鬆的機會吧,帶他們到澳門最大型兒童樂園「童夢天地」便不會錯。位於新濠天地 Hard Rock酒店2樓的「童夢天地」,總面積超過10,000平方呎,在「勇闖巔峰」及「科幻世界」內有大型攀爬組合連滑梯及電玩區,刺激又動感,而「創意坊」及「夢劇院」有玻璃大畫板及表演舞台等等,可以發揮藝術天份。而樂園內更有專人可以幫家長暫時照顧小孩,爸爸媽媽也可以乘機休息一會,來個二人世界去!
地址:澳門路氹連貫公路新濠天地 Hard Rock酒店2樓

電話:(853)88683000

入場費: $90(每兩小時,包一名成人及一名小童)

開放時間:10:30am至9:30pm

對象:2至12歲小童 

Thursday, April 17, 2014

新加坡::22-26Mar2014

很多很多年沒有去新加坡,
記憶中的還是古舊純樸的牛車水.
建成賭場後聽到好多朋友去了,
這些年東南亞的熱門國家都去了,
唯獨新加坡提不起勁!
A380 未坐過, 俾個藉口走一轉吧.

先聲明瓜暫時只愛車水族館公園,
不愛動物不愛機動遊戲. 佢好多嘢都話好驚.
新加坡沒有去 Night Safari沒有 RiverSafari沒有 Lego Land沒有環球片場.
去咗SEA Aquarium, 聖淘沙, Duck Tour, Gardens by the Bay, Marina Bay Sands. 去咗新加坡科學館, PasarBella  室內農夫市集.
食咗Newton Food Centre, 珍寶海鮮樓, 亞坤 Kaya Toast, 榴槤, 王亞細肉骨茶, Wee Nam Kee 海南雞飯.
酒店選了地點方便的Park Royal Orchard Hotel.
只去了五天,  午機去午機返沒有去到太多地方, 想坐A380 就要有少少犧牲.

結果係第二天完成後我便想回港了.
新加坡很悶呢…. L
感覺很假. 美得很假. 假的定義係冇乜天然的青山綠水, 所有的地方, 不止景點, 都是很人工化的一個地方

SEA Aquarium號稱全亞洲最大吧? 不過魚的種類極少, 仲要細細條, 個個魚缸都係魔鬼魚! 冇一款好特色的海洋生物鯊魚的隧道又見唔到鯊魚. 海洋公園真的有趣多了!
 
聖淘沙 沒有住在聖淘沙區沒有走近沙灘,  沒有到環球片場. 天氣好熱, 要係室外走走跳跳實在有點難度. 食咗個午飯,  Food Court 不錯, 旁邊 Slappy Cakes 可以自製Pancake , 不便宜但好玩. 入聖淘沙選擇了單軌火車, 離開時改乘. 車是坐八人的大車, 路程也長仲有幾個站.

Duck Tour - 全程重點, 瓜好鐘意唔同的交通公具. 呢個海陸兩用的車對佢黎講好新奇! 而且一個鐘頭的路線可以睇到唔同角度的新加坡, 推介!

Gardens by the Bay去到的時候發現最想去的 Cloud Forest 維修!!! 天氣太熱又唔想行室外 :P 一路賴在Flower Dome 不願離開. 4 點多至走出 Flower Dome Dragonfly Lake, 個公園好鬼大, 慢慢行都好攰, 小朋友遊園地都唔想再行. 本來想係 Indo China 食飯有靚景, 但係佢地想食中菜又打消咗.

Marina Bay Sands因為好攰想搵個地方休息吓 :P 帶住個仔冇得入賭場.
新加坡科學館 內裡的展品係需要先睇一大段解釋的文字至明白做乜. 對於唔多識字的瓜就變得不大吸引, 都唔係一攞起手就玩. 然後又做咗個電力表演, 高頻的電力嚇親瓜瓜, 所以行咗大半層之後佢就話要走. 大人的唯一得著係坐咗張按摩椅!

PasarBella  室內農夫市集 同蔡瀾一樣我地係好鐘意行菜欄! 新加圾的菜市場不多, PasarBella 係新式的大型市集, 又大又乾淨, 行吓都幾舒服, 行超市買咗大量的百勝廚即食麵, 喇沙味, 咖哩味, 黑椒味, 手信都係佢啦! 冇法啦, 全程冇嘢買, 即食麵都買吓啦.
珍寶海鮮樓 – Clarke Quay 河邊, 很清幽, 食物普普通, 那些年舊老闆在漁人碼頭開食肆, 同樣的食物但好吃多了. 還有這裡的招呼很差勁!

Newton Food Centre – 同事介紹不錯吃的地方, 露天食堂, 很有以前大笪地的感覺, 不過只有食肆, 店家很多但食物種類很少, 都是炒炒炒的海鮮,  炒炒炒的菜同炒炒炒的蘿蔔糕. 跟珍寶海鮮樓的食物相似但價錢便宜一截, 當晚天公造美, 戶外吃飯行清涼. 雖然很多店家都是買同樣的東西, 一進場會跟住你提供協助幫你搵位, 但係佢地絕對冇爭生意冇一窩蜂, 秩序非常良好.
 
亞坤 Kaya Toast那塊多士好薄好脆, 一定要即買即食, 外買放咗入袋焗一焗就冇咁好食.

榴槤@261 Balestier Rd  – 五個人食咗四個榴槤, 三個款式包括皇上皇,  貓山王, 仲有隻唔記得叫乜名, 有甜有苦, 食到好滿足!  同香港食開的泰國品種唔同, 馬來西亞的比較細粒薄肉軟身, 可我都係鐘意泰式啖啖肉大口大口的吃大滿足!

 

王亞細肉骨茶 同記憶中的味道有點不同? 依家完全冇中藥味, 超勁黑椒的辣! 不過都比較咸.
 
Wee Nam Kee 海南雞飯 我個新加坡人上司話呢間總店係最好食的海南雞. 食咗一啖我就覺得那些年的泰妃雞更好吃啦! 不過佢個燒雞就蠻不錯.

Park Royal Orchard Hotel酒店在烏節路當然十級方便, 這酒店的好處是每間房提供一個手提電話可供無限上網, 無限本地通話及無限國際長途電話!  但很攪笑的我預訂了三間雙人床的房間,要求相連的房間.  結果我得到一間King Bed, 一間 Queen Bed, 一間 Twin Bed (拍埋變大床)! 三間房的尺寸亦相差很遠, Twin King 那間大50%! 很不幸就是這兩間可連在一起. 還有父母住的那房間冷氣壞掉, 很冷不能調高溫度, 浴缸去水又有問題. Reception MRT , 我要去王亞細肉骨茶, 應該去 Farrer Park, 佢老點我去 Farrer Road!! 浪費咗我地一個小時!!

MRT – 呢個地鐵係全程最最最笨的地方! 係有旅遊票, 面值SGD20, 但我地一日去一至兩個地方的一家大小, 行程叫五日實得四天就一定用唔晒但又冇退款買單程地鐵飛係可以重用 – 6 ! 耍知道買第一次飛有SGD0.1 訂金, 用三次至退俾你, 用六次就有減SGD0.1的優惠. 你可以按行程入錢, 唔係一次入十蚊, 係先決定行程再入錢! 一定要一張一張的加錢, 仲要如果你買 SGD一個幾亳的票係不能夠入SGD五蚊! WELL… 我六個大人一個小童呀, 下下搭車買飛都攪我十五分鐘頭都暈.  
 
更慘的事情在後頭…. 自問讀旅遊, 近十多年都是自悠行兼方向感十足. 係新加坡呢一係落車之後都指示不足搵唔到所需要的出口要問人. 一係落車之後就行行行行行行行老遠都唔到! Gardens by the Bay 真係遠到呢…..
 
後來都係決定改搭的士, 雖然冇香港一伸手就有, 而且大部分時間要分兩架, 但佢有啲係八人車.的士都比地鐵方便, 怪不得地鐵永遠都冇乜人.
 
最喜歡的事情係每一個洗手間都設有親子廁所, 內有小童的安全椅同小童廁所板. , 呢個世界有成人有老人有傷健都有小朋友, 新加坡的設施其實好適合親子遊.  

Anyway… 新加坡唔利我



Saturday, April 12, 2014

台中::清境農場::黃慶果園民宿

年去台中的假期也不錯,
清境農場很有趣,
山上的民宿也不錯.
選擇很多,
有很西式城堡feel,
有家庭式, 農村形,
我們選了係我地呢D城市人所希望見到感覺較大自然的黃慶果園民宿
這民宿是成個旅行最先定下來的行程!
佢有房至訂機票!
: 未生仔前係好想住城堡之後嘆個下午茶, 有個仔之後城堡與我無緣.

我們四個大人一個小孩便選了新後棟的地下跟一樓單位,
原來可以同一門口出入,
好像住在單位內置樓梯的複式單位.
所以地下大廳連樓梯都變成我地的私人地方。
瓜就最鐘意行上行落!

觀星房有天窗,
至少係香港很少機會住到的.

民宿算係山頂最高的位置,
可以同時睇到日落日出。
雖然四人房也不錯,
不過得一個洗手間實在有啲麻煩.

45月仲可以睇螢火蟲,
(原來眨個眼已經一年啦!)
民宿可以幫忙安排,
專車載咗我地可一個冇人的山谷,
真係睇到好多好多螢火蟲,
仲可以將佢放係手心!
城市人如我從來都冇見過咁多螢火蟲.
陳司機 (+886 935 322713)技術很好,
彎多的山路兼下著大雨都令人放心.
下次去台中唔想自駕都可以搵番佢.

埔里就係清境山腳,
夜市真係普普通,
去過其他夜市呢個相比下不值一提.

鎖事記趣不多吧,
我地遊清境農場,
只想著應該由上到下的行一趟.
所以將架車停泊係最高的停車場,
但係行到中段就決定放棄回程一口氣往下出口再算.
行左三個鐘到出口,
發現巴士一個鐘頭至得一班,
又唔知有冇誤點!
天又開始落毛毛雨….
好彩俾我地遇到好人肯接載老豆去攞車番黎接我地,
唔係都唔知點返上山!


其他山上景點有很多人影過好多相寫過好多字有冇乜驚喜就唔寫啦.
Blog Widget by LinkWithin