Wednesday, March 19, 2014

瓜瓜:: 3 年 8&9 個月


~17.5kg.


~102cm


起身食咗支淡奶唔多想食,
有時間的話食杯乳酪 / 麵包.
學校有茶點,
放學食八粒小小魚仔餅, 兩粒M&M, 一小杯蘋果汁,
午飯, 食通粉.
晚飯食飯.
臨瞓前唔食奶,
鐘意粉麵多過飯.
至愛蘋果同各式菇類.
仲有親子士多啤梨班戟.
魷魚, 叉燒, 牛扒.豆卜魚蛋.
呢排飲茶要食奶黃包.
菜淨食西蘭花,
唔鈡意食豆, 食黑色食物,
飲水同果汁,湯水唔啱.

玩 - 不變
都仲係鐘意玩車,
鐘意反斗車王,亨利小怪獸!
鐘意紅色, 深綠色,
鐘意海洋公園, 科學館.
勁鐘意名古屋的鈴鹿賽車場.

行 - 不變
好懶,
九成行一成抱.
要鬥快佢會行得開心啲,
可以媽媽揹唔可以騎膊馬.

瞓 - 不變
瞓之前要講一本MrMen 書,
通常都 2200 瞓到 0745。
星期六, 日通常有午睡。

阿瓜語錄
8 個月
我放工時佢會問我: 媽媽, 你今日返工辛唔辛苦呀?

一眼瞓就發癲, 乜都唔啱

會講自己想去廁所,
係婆婆家會自己企係度小便

仲係好鐘意做戲

做錯事叫你細細力打佢, 之後佢通常唔會再犯.

帶一日係走廊見到隻曱甴,
隔左幾日佢話要搵番佢.

爸爸係無謂嘢人!
柯士甸站係無謂嘢甸站!

每個人都有啲特別嘢,
鐘意舅母同仍玩, 教佢停車場下面有洞
舅父成日有郵包
媽媽屋企有BEAR
公公日日倒魚仔餅佢食
姑丈有玩具
嫲嫲有黑松露包
婆婆成日陪佢玩
爸爸整乳酪佢食

一出街就話眼瞓.

佢成日話自己係生嘢粉紅豬,
會生macaron!

我同佢講我去英國,
佢話好掛住我,
我叫佢係婆婆度住一個禮拜,
佢就話住兩個禮拜,
去到英國成日FaceTime 佢都唔理我!
不過都算乖架啦.

佢同姑丈講買左新玩具放櫃筒唔好俾媽媽知.

---------------------
6 歲前可行的興趣班:
3 歲暑假... 英文拼音, EQ 訓練! 音樂班.
3 歲 - 音樂+小手工班 / 軍鼓班 / 英文
4 歲 - 英文戲劇, 游水, 溜冰, 跆拳道, 畫畫, 單簧管或樂器一種
5 歲 - 踢躂舞, 跳彈床
6 歲 - 魔術, 騎馬, 劍擊早餐

No comments:

Blog Widget by LinkWithin