Thursday, August 15, 2013

瓜瓜::3歲2個月

~15.5kg.


~98cm


早餐食包/食通粉/北菰雞飯,
下午食飯, 食通粉,
放學有雞蛋.
晚飯食飯, 食通粉,
臨瞓前食奶,
半夜臨天光食多次奶.
鐘意通粉多過飯.
至愛士多啤梨同各式菇類.
唔鈡意食豆, 食黑色食物,
飲水同果汁,湯水唔啱.

玩 - 不變
都仲係鐘意玩車,
鐘意反斗車王,
鐘意紅色.
鐘意公園.

行 - 不變
好懶,
除左玩的時候都要人抱.
行樓梯鐘意先用左腳踏出,
可以唔洗扶住自己左右左右的上樓梯.

瞓 - 不變
通常都 2200 瞓到 0700。
星期六日有午睡。

阿瓜語錄
有颳風即係我上台
有波波即係新加坡
夜晚個太陽唔係落左山,係去左美國

睇中爸爸對鞋收埋入櫃筒話留番佢大個的時候著!

要返婆婆屋企就多多藉口!
佢話: 如果唔係咪見唔到個同學囉.
而呢個同學只不過久唔久係地鐵站撞到!

聽電話第一句問: 邊個呀?
絕唔會'喂'.

叫自己做豬仔包

會扮我,
拍我個頭叫我: 乖仔

會角色扮演,
BEAR 係佢好朋友,
同佢食飯去廁所!

佢唔認衰,
就喊,
話你嚇親佢。

佢自己衰左,
就喊,
叫你唔好嬲佢,原諒佢同錫番佢。

瓜去旅行的時候話要快D返香港:
因為D嘢就黎過期,D通粉,奶粉咁啦.

瓜話唔要搭摩天輪,會頭暈架!

佢食雪糕,同我講: 你鈡意RED我就俾你食,好小事之嘛

佢見到又落雨話: 成日落雨我就死啦

叫佢做嘢 / 俾啲嘢佢唔想食, 就話:
係都唔要! 點都唔要! 死都唔要!

瓜話:
爸爸話我就揾媽媽,
媽媽話我就揾爸爸,
公公話我就揾婆婆,
婆婆話我就揾公公.
 
----------------------
6 歲前可行的興趣班:
3 歲 - 音樂預備班 / 英文戲劇 / 游水
呢個暑假... 英文拼音, EQ 訓練! 音樂班.
4 歲 - 溜冰, 跆拳道, 畫畫, 鋼琴或鼓或單簧管或樂器一種
5 歲 - 踢躂舞, 跳彈床
6 歲 - 魔術, 騎馬, 劍擊




No comments:

Blog Widget by LinkWithin