Saturday, July 20, 2013

瓜::故事演講比賽獎

時間過得好快,
轉眼就到瓜幼兒園畢業,
依家幼兒園都有畢業典禮!

沒有穿起畢業袍,
就是一班人上台影個相再一班人走下台已而。
然後再每人一個豬肉獎,
一班16人有6個獎每獎2人!

我唔知老師的評分準則,
獎項有清潔,操行,??, 歌唱,演講,美術。
瓜得到故事演講比賽獎,
當然佢係唔知發生乜嘢事情的情況下得獎!
但係我就好高興啦,
比起得到其他的獎項更高興。

話說早幾個月前老師派左張故事比賽紙,
叫家長教小朋友。
但係又冇寫幾時比賽?同邊個比?
我就日日係瓜耳邊講講講又教佢做動作!
都唔知佢幾時比賽咗,佢就得咗獎啦?!
至少呢個獎實在係我有教而有練習的小成果!

瓜之前都冇同我講已經係老師前講過故事,
攞左獎後問佢,
佢話老師叫佢個名就出去講囉!

佢講成點?做左D乜?真係唔知啦!
Anyway,都算係有意義的豬肉獎啦!

No comments:

Blog Widget by LinkWithin