Sunday, April 21, 2013

台中18-22Apr2013

福岡之旅玩得好開心但係一路拖拖拖未有寫片言隻語又動身啦。
D人成日話小朋友咁細去過邊都唔記得,
其實唔係架,
瓜到依家都答到我,
熊本有城堡,
城堡有好多樓梯。
火山係阿蘇,
嗰日好大霧乜都睇唔到。
食鰻魚的係柳川,
仲有條河!
百貨公司食麪,
頂樓有得坐小火車!
邊個話小朋友唔知?

很想帶瓜瓜看這個世界多一點,
近近地又可以自駕遊的。
自從上次去廣州又上又落的抱住隻瓜搭地鐡之後,
我已經講左唔得自駕遊的地方係唔會去啦!
台中有清境農場的羊!
還有日月潭的纜車!
就這樣便定下來。

訂好機票酒店才仔細睇下有乜其他嘢玩。
帶住個3歲小朋友唔去到好多地方。
一日去兩處差唔多,
又要預D時候午睡。

Tuesday, April 2, 2013

瓜瓜::34個月


~15.4kg.


~94cm

食 - 不變
早餐食包/食通粉,
下午食飯, 食通粉,
返學有茶點,
放學有鵪鶉蛋.
晚飯食飯, 食通粉,
臨瞓前食奶,
半夜臨天光可能食多次奶.
鐘意通粉多過飯.


都仲係鐘意玩車,
鐘意反斗車王,
鐘意公園.


肯自己行的時間多咗。
一半一半啦。
行樓梯鐘意先用左腳踏出,
開始肯用右腳.

瞓 
通常都 2200 瞓到 0730。
星期六日至午睡。

阿瓜語錄
瓜: 媽媽,我想去吉之島。
我: 好攰,唔去啦。
瓜: 去啦,去啦。
我: 你自己行我就去囉。
瓜: 好啦,好啦。
落到樓下,瓜: 媽媽抱。
我: 媽媽唔抱。
瓜: 媽媽,吉之島好遠好攰架。
我: 咁唔好去啦,去公園算啦。
結果咪又係自己行去吉之島。
----------------------
藉口王!
乜都有藉口,
睇緊電視 / 我好忙呀/一陣先/飲緊水
----------------------
瓜成日話:
媽媽我今日好開心呀,睇左好多嘢呀。
我好興奮呀, 好好玩呀.
呢個係全世界最好玩呀.
 ----------------------
完全講得晒成條港島線所有站,, 
不過佢會專登講少佢返學嗰個站。
我問佢點解,
佢話:因為我唔鐘意返學吖。
----------------------
去到嫲嫲屋企突然間唔使搵我幫佢洗pat,
佢記得我之前講個俾爸爸聽我唔夠高望個鏡箱的反射唔知佢乾唔乾淨!
然之後仲要寸我:爸爸至睇到我個菇,你望唔到我個菇吖。
----------------------
每一次離開嫲嫲屋企我都要佢先收好佢的玩具,
佢收拾路軌就左右手各一條的行N次收埋佢,
姑教佢:你成條路軌搬入去至拆啦,
瓜皺晒眉講:唔肯呀,成條路軌搬,好。重。架。
----------------------
放假的時候,
我地都盡量帶佢周圍去又坐吓唔同的交通工具,
但係佢真係好膽小。
唔要坐船,唔好玩。
飛機上到雲天好驚架。
----------------------
肯同我講係學校做啲乜,
雖然佢都係答我冇返學。
邊個冇返學?
茶點食乜嘢?
飲左乜嘢?
同學仔叫乜嘢名?
邊個唔舒服冇返學?
返左半年,我至知佢同學仔都係叫佢瓜瓜。
----------------------
佢有一個最鐘意的男同學,
一個最鐘意的女同學,
我問佢個女同學靚唔靚,
靚。
咁媽媽靚定女同學靚,
媽媽。
都好啲,仲記得個阿媽。
依家教佢要有禮貌,
冇禮貌唔幫佢.
----------------------
我: 學校最好的同學叫乜名?
瓜: 男仔係柏柏, 女仔係媽媽!
 ----------------------
為左留係街玩唔想返屋企,
瓜話屋企好焗呀,好熱呀,好驚呀。
----------------------
屋企冇菲律賓工人,
但係瓜好鐘意用菲傭口音同人講嘢.
----------------------
會自己講啲英文字串連一齊就當講咗英文!
----------------------
我: 鐘唔鐘意二叔公?
瓜: 鐘意。
我: 咁二叔婆呢?
瓜: 唔鐘意。
我: 點解呀?
瓜: 因為佢鬧二叔公囉。
----------------------
6 歲前可行的興趣班:
3 歲 - 音樂預備班 / 英文戲劇 / 游水
4 歲 - 溜冰, 跆拳道, 畫畫, 鋼琴或鼓或單簧管或樂器一種
5 歲 - 踢躂舞, 跳彈床
6 歲 - 魔術, 騎馬, 劍擊



Blog Widget by LinkWithin