Friday, March 2, 2012

沖繩自駕租車::OTS

上網見到大量自由行推薦的租車公司,
全部都係網上輸入日子, 汽車款式即時報價,
格價後我用車當日的價錢最便宜是 OTS,
最大的分別係BB汽車坐椅唔需要加錢,
其他公司要加 1000 日元一天.
要知道日本法例任何年齡的嬰兒都要安坐汽車坐椅,
而汽車坐椅係計 1.5 人,
即係有汽車坐椅的 5 人車只可以坐多 3 個大人.

攞車好簡單,
係機場有操國語的專員接載到分店,
分店都有懂國語的,
雖然不易明白 :p
詳程其實係網路預約的電郵都寫得清清楚楚.
辦完手續有個人教你用GPS就可以開車走啦,
GPS輸入固網電話或地圖編號皆可.

係沖繩自駕其實不錯,
本地人的車品都很好, 很禮讓,
車唔多又唔快,
公路又簡單!

還車亦唔難,
有職員望下架車有冇花就放你走啦,
係DFS分店還車之後可以行下隔離們的Naha Main Place,
叧一分店就直頭係 Outlet 對面.

我地一家三口一件行李唔需要搬酒店租架細車 FIT.
雖然細細架但易睇位亦坐得舒適.
最後亦不忘讚賞一下星星駕車不錯,
係成日分唔清左右囉 :P

No comments:

Blog Widget by LinkWithin