Tuesday, March 27, 2012

豚王

聞名已久的長龍拉麵係銅鑼灣開分店,
成日想去但又驚排長龍兼天氣凍!
終於熱番少少就搵日早少少食晏,
人龍比想像中短,
五分鐘左右已經有位。

那張order紙好似人地車仔麵咁,
湯底的款式濃淡,麵的軟硬,加唔加蔥,要唔要蛋,等等等等。
星星要白的豬骨湯,很濃香。豬肉也大大塊厚切,非常慷慨。
我的綠色芝士檻欖油湯底,那芝士很騷!!!
亦太油。。。對,我選錯了。。。

不過我也全吃下去,因為麵好食,枱面上那個自家辣泡菜簡直一流!!!全靠呢個泡菜去食晒碗麵!
另加了溫泉蛋,但有一點兒太生,過於水水的。
如果下次又係唔多要排隊我會再試其他口味!

Monday, March 26, 2012

瓜瓜::22Months







~??kg.


~??cm


兩餐飯,
半夜都食奶,
一日三至四支奶,
終於識用鴨咀樽飲水.,
但係唔多喜歡.
最鐘意食雜莓小食,
不論士多啤梨/ 藍莓/ 紅莓/ 車厘子.


最鐘意的活動係玩車!!
屋企一地到係車!!!
熊貓係次選.


通常都 2200 瞓到 0800.
不過 0500 左右會想飲早奶.


基本中瓜對每個新發音都係佢自覺的指住件物件講俾我聽係乜嘢,佢預備好會自己講,反而你叫佢跟你講,佢知道自己唔識發嗰個音佢就凈係笑。
Ball 叫 'bal'
Orange 叫 'or-ch'
Watch 叫 'ar-ch'
'家' - 即係去街
Taxi - 'taxi'
蝦 - 非常正確的 '蝦'
婆婆 - 係高音的 'por por'
蛋 - 變咗低音的 '打'
我講 one 佢會講 'two'
Cow - 變咗 '溝'
三幾日就自動波講一個新字, 但係仍然大部份係英文(-_-), 明明我同時教中英文生字...
Turtle - 扁咀音唔清晰的turtle
Duck - 'duck' 仲有K音非常準確
會扮消防車警車的叫聲巴士響號
會扮狗叫 wowo
Truck 就得返個 'ka' 的尾音
Digger - 所有工程車模樣的都叫 '得架'


- 自我原地轉圈.
- 會豎起食指話玩多一次,豎完左手豎右手,即係玩兩次!
- 認得數字 2, 7,10, 26
- 用手指表達 1,2 ,10.
會想出街就攞大家的鞋同袋
- 識得斜啤眼,不過只斜左邊

-------------------------------------------

6 歲前可行的興趣班:
2.5 歲 - 音樂預備班 / 英文戲劇
3 歲 - 游水, 畫畫, 鋼琴或鼓或單簧管或樂器一種
4 歲 - 溜冰, 跆拳道
5 歲 - 踢躂舞, 跳彈床
6 歲 - 魔術, 騎馬, 劍擊

附註:
- 我又返工啦, 瓜係公公婆婆屋企非常自娛.
- 心理中好想生多個豆,但係生理同維他命M上唔知負唔負荷得到,都係睇定啲先啦。

Sunday, March 25, 2012

Thursday, March 22, 2012

Monday, March 19, 2012

回歸職場兩星期

公司有自我的小天地,
只為自己負責,
很輕鬆自在。
更高興可以在新地方重生,
成為一個有用勤奮的員工!

瓜也沒特別的異樣,
小孩子就是容易適應。

星星可能比較辛苦吧,
他又要分擔家務事了!

多謝你讓我做我,
可以做一些我認為開心的事。

Saturday, March 17, 2012

沖繩::美之海水族館

呢個係唯一一個要求必到的景點.
很喜歡逛水族館的說!

結果呢...
這個水族館比想像中要小很多啦...
但係...
以下呢個畫面都係超震撼的!!

超大平幕~
















看!
三大條鯨鯊同好多魔鬼魚!!!
好正係坐係隔離個餐廳仔一路睇魚一路食飯~
















天色唔多好...
好大的風兼又開始落毛毛雨.
又唔啱時間睇表演.
















隔離仲有幾個館又有花園,
但雨似乎愈來愈大,
沒有流連很久就離開啦.

相片沒有很多,
因為我長期要抱住阿瓜都冇多餘的手影相啦....

Friday, March 16, 2012

HippieKingdom::RecycledEcofriendlyJewelry

有趣的環保小店,
用紙/ 繩/ 珠仔等東東造成的首飾~
睇唔出吧?





All from Hippie Kingdom

Tuesday, March 13, 2012

龍潭沖繩料理

差唔多成個月都完成沖繩之旅!
想點?
是第一晚的晚飯,
租咗車攞咗房,
時間都唔早啦,
就係國際通近近地搵個沖繩料理,
沖繩料理近似台灣食品,
熟食多,
瓜樣樣都食得.

四周都有沖繩風的畫.

















冇影到個門口,
影個餐牌,
出面的燈牌一模一樣.
















唔識日文唔緊要,
有圖架麻!
















筷子套都靚過人!
















現場有沖繩傳統音樂表演,
一晚有幾次.
不過詳情我就冇留意,
都幾有趣嘅.
















我叫晒所有餸的時候星星俾呢個金獎 '豆腐' 吸引咗!
















結果好似一件腐乳!!!
絕對係我食過最貴的腐乳....
平時同價值可以買成樽啦!
不過味道都唔錯~
另一碟係沖繩炒麵,
一般啦.
















必食海葡萄沙律,
那些魚生好鮮味!
















另一必食沖繩苦瓜炒蛋!
















星星想食的燒豬肉,
好似略肥的煙豬脾咁.
















等咗好耐其他嘢差唔多食晒至黎的燒魚,
剛燒起好香,
係鹹咗少少.
















埋單比想像中平,
唔記得幾錢啦.
~JPY5000

Sunday, March 11, 2012

加油!

Guess what?
I love my new job!

早幾年我就應該轉行啦!
不過算啦,都冇早知架啦~

雖然只係返左幾日,
但如魚得水。
原來我都係一個外國人(*^◯^*)
大部分時間都唔係講廣東話,
反而有我叧一片天地。
希望過左 training 之後仍然歡樂!

再開展一個新生活,
睡眠時間,煮飯洗熨等工作都要重頭磨合過,
但係我地都會努力達到雙方平衡!
加油!

Friday, March 9, 2012

沖繩::Aquagrace教堂


是今次成功爭取到日本旅遊的主因,
好友 S 到沖繩結婚了!
恭喜恭喜!

我們從市區駕車北上到教堂去.
有 GPS 的協助也不是太難度高.
不過得個教堂就冇嘢睇啦.
其一的原因係因為我地唔知道點樣至行到落沙灘,
加上大風兼抱住個瓜都廢事行得太遠.

教堂外型幾靚,
不過係內裡影相就好易背光.
但係如果陽光普照的時候又可以影到光線囉.
就算唔係黎結婚都可以係出面搖下個鐘.



成件事情的結論係我真係完全唔喜歡教堂行禮,
由禮堂部門一開新人進場直至儀式完成,
我個腦都係不斷想如果這是我的婚禮會令我高興嗎?
答案係否定的.
很怕那嚴肅的氣氛,
很怕樣樣要跟足規矩,
很怕一對對眼望實我,
很怕事情偶有差錯.
然後就暗暗高興還是忠於當年結婚的選擇,
哈哈!

Thursday, March 8, 2012

飾物::Art&Adornment

對真花興趣不大,
反而用其他物料呢,
又覺得幾好睇噃~























All from Art & Adornment by Carla S. Fox

Monday, March 5, 2012

重回職場

我.要.重.回.職.場.!!!
這是新的一年最大的決定吧!
也是近來較忙碌的原因之一.

舊年三月一日, 我回家當全職媽媽去.
今年三月一日, 我出外簽約回歸職場.
陪伴瓜瓜整整一年!
這一年飛快的過去!

原因很多啦:
唔想星星壓力太大.
瓜都就黎返學, 唔想很多時間係屋企冇所事事.
我同瓜返學的時候發現自己冇辦法同其他主婦溝通.
做家務又唔係本人特長之一.
湊仔一年, 個人就瘦咗二十磅有多!! 需要回復一個有自我又有規律的生活模式增肥一下.
個人瘦了, 瓜又肯自己行了, 瘋狂的想念華衣美服~~
購物意欲十級旺盛, 但係唔搵錢就想用錢感覺十級罪惡!
想瓜瓜學多啲嘢. (因為自己都可以學埋一份 :D)
想生多個豆仍可以維持普通中產的生活.
到尾一句就係想用錢, 唯有搵多啲錢.

祝我幸運吧!
---------------------------------------
突然間咁快返工!
搵份工比我想像中容易!
本來我唸住用半年,
搵份舒服冇壓力又穩定兼人工不錯福利不錯近屋企而自己想做但係學歷經驗未必符合的工作.
對! 我要轉行重頭由新人開始~

我想我也算幸運吧,
用咗一個月左右,
九唔搭八的寄咗 <20 封信,
第三間一見即請!
最好笑係次次見工都會同我講其實佢地有另一個職位未出廣告但係好啱我,
而另一份職位無論係任何一方面都俾我原先申請的那一份好!
以前搵工都係咁!
好明顯我從來都唔知自己適合做乜嘢工作!!

唉... 未返工已經開始掛住瓜瓜啦... 想哭...
不過咁... 未返工已經瘋狂洗$$$啦... 非常滿足... 就好似餓咗好耐的吸血鬼勁吸了一大口血咁!

Sunday, March 4, 2012

撻著

我們在看亞視那個相睇節目.
星星係咁話唔好睇,
梗係啦,
我地睇慣內地的非誠勿擾,
珠玉在前,
而且內地那個節目裡的女子的質素高好多!

星: 你話係咪唔好睇啦?
我: 係喎, 冇你份好失色喎!
星: 咁你覺唔覺得我上去的話一定好過佢地先?
我: 你咁老, 貪你驅風呀?
星: 唔係喎, 我識驅鬼!
xyz#%#$@%^#^&

XO醬焗醋扒+老火湯+浸菜心+蒸鹹魚

Friday, March 2, 2012

沖繩自駕租車::OTS

上網見到大量自由行推薦的租車公司,
全部都係網上輸入日子, 汽車款式即時報價,
格價後我用車當日的價錢最便宜是 OTS,
最大的分別係BB汽車坐椅唔需要加錢,
其他公司要加 1000 日元一天.
要知道日本法例任何年齡的嬰兒都要安坐汽車坐椅,
而汽車坐椅係計 1.5 人,
即係有汽車坐椅的 5 人車只可以坐多 3 個大人.

攞車好簡單,
係機場有操國語的專員接載到分店,
分店都有懂國語的,
雖然不易明白 :p
詳程其實係網路預約的電郵都寫得清清楚楚.
辦完手續有個人教你用GPS就可以開車走啦,
GPS輸入固網電話或地圖編號皆可.

係沖繩自駕其實不錯,
本地人的車品都很好, 很禮讓,
車唔多又唔快,
公路又簡單!

還車亦唔難,
有職員望下架車有冇花就放你走啦,
係DFS分店還車之後可以行下隔離們的Naha Main Place,
叧一分店就直頭係 Outlet 對面.

我地一家三口一件行李唔需要搬酒店租架細車 FIT.
雖然細細架但易睇位亦坐得舒適.
最後亦不忘讚賞一下星星駕車不錯,
係成日分唔清左右囉 :P
Blog Widget by LinkWithin