Sunday, February 12, 2012

Concert YY

很愉快的晚上!
好似唱咗幾個鐘頭卡啦OK!!
星光熠熠耀保良明星版!!!
舊歌真係比現今的新歌好聽好多,
每首歌都反映我不同時段的心態,
有幾首特別窩心.

首先觸動神經的是李蕙敏唱活得比你好,
眼淚緩緩的落下來.
是條件反射吧.
那些年失戀的時候都係唱呢首歌啦,
往事一幕幕的飄出黎!
游博士即刻同我講:
你依家生活都好好架啦.
我知.
唔需要比較任何人,
我的生活好好,
直頭夫復何求啦!

然後Y特別介紹李克勤一首關於世界末日的歌- 世界末日的早上,
我想假如這日真的來到,
也只要跟親友一起淡淡的像沒事人一樣過就好.

蘇永康的那誰,

盧巧音爆紅的好心分手, 垃圾,
薛凱琪的奇洛李維斯回信,
鄭伊健的敏感,
何韻詩的木紋,

容祖兒初出道的痛愛,

鄭秀文的如何掉眼淚,
更有絕不少得的陳奕迅, 葡萄成熟時, 落花流水,陀飛輪.

都係 ipod 的長期曲目.

結尾Y選了薜凱琪,
我至愛的十年後的我,
又再快速審視一下上個十年.
幸好,
至少近兩年也絕不白過!
為這個晚上劃上完美的句號.

數數吓,
Wyman 多謝你,
我的日子冇咗你的詞相信都空虛好多!

p.s.
游博士話如果彭羚出現唱埋給我愛過的男孩們就賺凸啦!

No comments:

Blog Widget by LinkWithin