Tuesday, December 13, 2011

2011::又老一歲+全職主婦::8個月+大事回顧

一次過寫晒三樣嘢!
橫掂都係差唔多的事情.

自從踏入咗 3 字頭之後,
日子過得好快.
轉過眼又一日.

2 字頭同 3 字頭的最大分別係,
以前一日到黑想出街,
依家天黑你唔好搵我出街.
心歸到不得了!
而且日日煮飯而有人準時返屋企食都算係一種福氣.

陀仔的時候好驚修唔到身,
點知依家仲瘦過以前,
仲要增極都唔肥!
等我仲掉咗啲瘦人褲,
著開的褲啲褲頭都鬆晒.
依家焗住買橡筋褲頭,
肥又著得, 瘦又著得!
其實我都想肥番少少,
身體好啲他日有機會迎接豆豆都好啲.

今年最大的分別係將大部份的時候奉獻俾瓜,
當然係開心啦.
對住瓜個喊樣都好過對住老闆過笑面啦!
不過佢返學之後仲忙過返工,
睇電視的時間都少之有少.
私人時間都少啦.

唔返工變得比較小心洗錢,
依家一對鞋著足兩年,
仲要日日著!
以前三兩個月就買對鞋啦!
不過量可能比以前少咗,
但係質素就好咗,
幸好都仲有閒錢買衫 :D
因為唔洗日日轉 LOOK,
反而要著得舒適,
湊仔要方便.

旅行去咗馬來西亞, 泰國, 開平陽江同澳門,
都不過不失啦.
帶住個小朋友,
要去太遠太耐都唔容易,
但係都係好期待再去日本!

上親子班算唔算係學習呢?
識咗好多首兒歌喎,
家吓可以不停唱大半個鐘兒歌唔重覆!

來年希望家人朋友身體健康, 瓜瓜入到間好學校就夠啦!

2 comments:

kAt said...

原來看你的blog都已經這麼久, 由小姐看到太太再當媽媽, 生日快樂哦

芷蔚 said...

謝謝妳!
是的, 日子過得好快啦! 年紀都大啦:P:P

Blog Widget by LinkWithin