Tuesday, October 4, 2011

曼谷::SiamKempinski

寫晒其他納納離,
終於到酒店啦!


大堂樓底高,
check-in 唔需要排隊,
俾咗 coupon 個 reception 姐姐,
佢會帶你係梳化坐低,
姐姐做完手續會帶埋鎖匙過黎,
然之後再帶你上房.
這才是服務啦!

基本上每一次問任何一個服務生一些事情,
他們一定會幫你完滿解決才離開.
簡單如問餐廳係邊,
佢會先帶你去餐廳再等你搵咗位坐低後再有另一個服務生幫你佢至會去返原本工作的地點!


有好多花~


塊地毯好厚啲圖案好立體.
瓜瓜就勁喜歡!
行兩步就要大大力的雙腳跪地,
佢好鐘意這個軟淋淋的感覺.


房間一入到去的感覺係比較細囉.
不過樣樣都好骨子.
最大就係張床囉!
呢張床絕對係我去過咁多酒店之中最啱瞓的其中之一!
張被係最快瞓暖嘅!
不過枕頭就軟咗啲.


我地住九樓望住泳池.
四周都好開揚~


二人梳化,
因為房間不大,
呢個梳化冇乜用.


這張玻璃枱就好似細咗少少囉.


又係一個玻璃浴室,
不過個浴缸就超讚!
又型又唔會滑腳.


洗手盤, 潔具都係靚嘢,
但係沐浴露洗髮露等就冇乜特別.


雪櫃汽水十罐任飲,
每日添飲.


每一日都有新鮮泰國特色生果放係枱面.
第一日係紅毛丹, 第二日龍眼, 第三日牛奶蕉, 最後一日有隻類似梨的東東.
另外每日都有英文報紙啦.


雪視連鍵盤可直接上網不另收費.
不過個滑鼠就煩啲囉.


超大的 BB 床!
瓜瓜都好好瞓啦~


很貼心的到了晚上枱頭又多了牛奶餅乾同朱古力.
不過得第一晚有, 其他日子都冇囉.
可能我地之後按咗 Do Not Disturb 啩?


我最喜歡的地方就係只要由酒店過這一小段馬路就到 Siam Paragon!!

服務超等,
服務員個個俊男美女.
大愛的酒店~
下次去曼谷仲有錢的話都會再好大機會再揀啦.

No comments:

Blog Widget by LinkWithin