Friday, August 19, 2011

麵包機::乳酪麵包

一早已經買定所有材料,
機一到埗就可以開張啦.

唔想食白麵包,
跟人地呢個乳酪食譜,
不過星星話我地隨機附送的食譜至少放 400ml 的麵粉,
所以我地倍大晒所有的份量.


好似科學家咁!
又磅, 又食譜, 又材料,
好多嘢!
萬事俱備!!


一大輪磅磅磅之後加水變咗咁,
直接放落機按個時間制.


十五分鐘前個廳已經好勁麵包味,
好想食好心急!

好靚仔呀!
不過個面咁白嘅?


倒出黎啦~
個底有個洞,
係個機個撥粉器整到咁,
一定有.


反番轉先,
因為個架又多咗幾條橫紋 :P
反而旁邊都烘得小小燶.


切啦!
興奮過切結婚蛋糕~


氣孔都 OK,
不過真係好實淨.


味道 ok,
最好食係個皮,
有咬口有勒性.
M 呢個尺寸我地兩個半人食兩日,
早餐同下午茶.
好實淨,
同出面街完全冇得比,
真材實料.
但係我又想鬆少少,
唔知係咪應該落少啲粉?
我會試番 250ML.
總係覺得英國人的口味同我地亞洲人唔同.
相信試多幾次就可以整到啱自己口味.

整體都好滿意,
因為過程好簡單,
清洗容易,
新鮮包又好味道!
貴就貴啲,
不過冇買錯.

3 comments:

楊火火 said...

好靚仔,部機同個包,等我又買來試下先。

Jellyfish said...

個包唔夠軟,會唔會係發醏時間唔夠?

芷蔚 said...

楊火火, 買啦買啦. 不過可以唔使咁大部,我都唸唔到幾時需要整到 XL 的包!

Jellyfish, 發酵的時間係部機自己決定, 不過相信係酵母少咗, 因為睇其他國家的 manual 酵母用多一倍.

Blog Widget by LinkWithin