Tuesday, August 2, 2011

想當年::興趣班

那天跟游同學說起童年,
我們說小時候也沒有參與很多的興趣班,
但是也過得很充實一很快樂.

圖書館係其中一個去得最多的地方,
阿媽買餸, 我同阿哥就係圖書館等佢,
佢買完黎接我地兼可以借幾本書.

屋企留中有一小片的公園仔,
最記得有條龍船咁長的搖搖櫈.

再行遠啲個公園大好多,
有個 '琴' 鋼架,
我好鐘意爬上去,
亦記得好經常的跌落黎,
同時跌爛咗好幾隻玉鐲子.
另外有啲好大個的石屎空心圓柱,
用黎玩躲躲貓一流!

公眾泳池熱天必去!
最記得那碗焗的餐蛋福字麵,
是最好味的公仔麵!

去明愛參加畫畫班,
是傍晚五, 六點的時間,
除咗上堂的那個空間之外,
其他的燈係唔開架!
冬天日長夜短,
到咗六點之後係全場黑晒,
好似鬼屋咁 :P
嚇得廁所都唔夠膽去.
最後係因為我見哥哥已經升至高班而我仍然係低班所以唔開心同阿媽講唔學啦
(我細細個已經知自己冇藝術天份!)

除咗畫畫,
學過游水, 芭蕾舞, 民族舞, 中國舞,
都是正常過唔正常的東東.

依家就有啲後悔冇學鋼琴,
阿媽話佢當年俾我二選一: 跳舞或是鋼琴,
我揀咗跳舞喎.
可能鋼琴都唔啱我,
但係當年學咗,
依家可以教鋼琴做副業!

No comments:

Blog Widget by LinkWithin