Wednesday, July 27, 2011

休業數天

親戚到訪,
心情欠佳,
身心疲憊,
休業數天.

Tuesday, July 26, 2011

瓜瓜::14Mths




~9.9kg. (冇乜分別, 又病咗幾日, 冇輕都好叻啦.)


~78cm (自己度都唔係十分準確 :P)


長極都唔長,
因為天氣太熱,
都有修多一次耳仔邊的頭髮.
不過我鐘意佢啡啡地軟綿綿似我 :P
好似斯文啲.


有 8 隻牙仔.
唔識放落自己口,
但係可以餵餅仔俾媽媽爸爸.


鬧佢兩句必然要駁咀,
打佢又會還手,
唔夠人惡佢又會即刻扮可愛!
喊得耐會嘔,
所以好多時想狠心都唔得.


咕喱,
成日兩隻手各攞住一個 cushion,
又會從雜價攤搬啲玩具 / 書去梳化.
扶住可以自己行樓梯級.
識得自己大步跨行入企缸再跨入浴盆.
可以一路踢個污衣籃一路行扮足球小將!
出街會周圍行,
不過都怕陌生的地方,
都算好肯拖住行.


仲係一日兩餐飯三支奶,
樣樣都俾佢食啦.
仍然唔肯自己攞奶樽.
臨瞓前飲水唔飲奶.
唔想食的食物會不停咳,
咳到嘔番出黎為止!
用筷子夾的食物好食過用羹餵的.


好鐘意睇書,
係咁指書上面啲公仔要你讀俾佢聽.
係咁指來指去非常樂此不疲!
佢阿媽我就口水都乾 :(
斑馬 / 老鼠 / 豹係至愛.
Mother Goose Club 一日睇幾次都唔厭.
最鐘意聽 'BINGO'.
叠杯 / 入圈非常純熟,
杯識分大細, 圈就唔識.
開始拿筆畫畫畫.


通常都一覺 2100 瞓到 0600.
朝早成日都肯瞓,
係要玩玩玩玩都好攰成 1300 / 1400 至瞓,
都係兩個鐘左右.
仍然要抱住 '暗' 瞓.
鐘意瞓係媽媽個大脾上面.


講 '爸' 的時候比較多,
近排鐘意練習一個 '爸', 一個 '媽',
梅花間竹的爸媽爸媽爸媽...
依依吖吖到成句句子,
不過都係唔肯正經講嘢.


世界奇事之一: 仲有人問係咪女仔...
仲係 BB 樣.
唔笑似媽媽, 一笑就似爸爸.


- 可以自己點蟲蟲.
- 最唔鐘意試鞋, 一試就勁喊.
- 鐘意沖涼, 鐘意玩水.
- 好在出街識攞鞋.
- 專登做啲你唔俾佢做的事情博你理佢.
- 幫佢著褲識得自己舉腳穿腳入褲管.
- 成日扯住衫尾行.
- 聽到熟悉的歌會搖吓搖吓.
- 無人教自己學會開床頭個無印輕飄飄膠櫃筒.
- 由地下單腳跨上梳化.

Monday, July 25, 2011

想當年::科學家遊戲

可以想當年,
証明年紀都不少了 :P
--------------------------------------
這是浸浴時最喜愛的遊戲.

攞個漱口盅,
將一枝二枝的唔同顏色的洗頭水/ 護髮素 / 沖涼液唧落個盅度,
然後扮科學家用個牙刷尾攪攪攪,
最後加水令佢地起晒泡,
咁藥水就成功製成啦`!

當時我已經可以自己沖涼,
應該不是太小的.
是大約二, 三年級的事情吧.

可能睇得藍精靈多,
精靈爸爸, 加達巫師都成日一樽三樽的倒來倒去.

Sunday, July 24, 2011

Saturday, July 23, 2011

紅娘的異想世界之在西廂

- 3 個鐘頭冇休息, 加埋開頭第人入場, 之後林奕華出黎講嘢, 加埋接近 4 個鐘!! 令我坐立難安.
- 不幸中之大幸係我帶咗包麥提沙同一樽水.
- 劉若英由頭帶到尾兼勁多台詞, 記憶力同體力缺一不可.我好鐘意劉若英!!
- 好長氣, 特別第三部的場目基本上可以全部剪晒佢! 其實可以俾人更多思考空間, 唔使畫公仔畫出腸.
- 最鐘意精神分裂的部份, 節奏剛剛好.
- 又鐘意好多舞蹈加入去戲劇, 好豐富!
- 原本開頭講一個女子對結婚的幻想同害怕嫁錯郎都還可以, 但係最後竟然因為個男子係建築師/ 鐘意畫畫/ 唔大花筒揸架大眾而一見鐘情! 好爛!!!
- 星星話以後唔睇舞台劇!

《紅娘的異想世界之在西廂》
日期: 2011/07/21-24
地點: 香港文化中心 - 香港文化中心大劇院

節目詳情:
普通話演出,附中文字幕
非常林奕華20歲生日大戲 ─ 從《西廂記》再出發的21世紀後花園人格分裂悲喜鬧劇
這是一個人人都替自己做紅娘的時代
鬼才導演林奕華 x 多棲影后劉若英 x 千面型男王耀慶
編劇:陳立華
演員:劉若英、王耀慶、周姮吟、韋以丞、時一修、趙逸嵐、戴旻學、彭浩秦、陳恭銘、吳佳雯、楊芷瓔、朱育宏、黃俊傑

Friday, July 22, 2011

瓜瓜::肚痾+發燒+紅疹子

次序是這樣:
- 肚痾一日好, 一日壞, 不過最多都係一日三次
- 幾日後發燒, 唔高, 最多 38.4. 飲咗退燒水都少少燒吓燒吓.
- 睇醫生懷疑輕度感冒, 但係冇咳冇流鼻水. 不過食咗藥精神啲醫咗肚痾.
- 再兩日後出紅疹子,
- 再睇醫生話係病毒引致, 唔痕即係唔係敏感, 因為病抵抗力差啲, 過兩日會自己好.

最怕真係出痳疹,
已經問定醫生,
懷疑痳疹至少應該:
1. 發燒同紅疹係同時發生!

---------------------------------------------
瓜瓜病咗我地就慘啦,
瞓少咗好多.
20.00 我要瞓啦, 因為瓜瓜夜晚會醒幾次.
22.00 要起身協力餵瓜瓜食藥, 到星星去瞓.
瓜瓜瞓得唔多好, 半夜喊醒幾次, 我地輪流招呼佢.
絕招唔到最後唔用: 抱佢入房一齊瞓, 佢瞓中間.
05.30 餓醒, 食完奶唔肯自己瞓要瞓大脾.

快啲好番吖唔該~

ChildrenMasks::Mahalo

第時聖誕節 / 萬聖節 / 生日會都冇有怕,
扮乜嘢動物都得!

不過肯唔肯戴住個眼罩咁耐真係好成問題!






All from Mahalo, Florida, USA

Thursday, July 21, 2011

Cushion::sukan

很鐘意這個 shocking pink.







All from sukan

Wednesday, July 20, 2011

家之黑洞?

屋企唔係好大,
但係一定唔會有暗格,
點解瓜瓜玩完一輪,
可以唔見咗兩個相機蓋, 三個奶樽蓋???

可以去得邊呀??

Tuesday, July 19, 2011

十勝牛乳布甸



這個布甸想食咗好一陣子,
因為覺得用氣球包住好好玩.
某日睇飲食男女見到 Great 有得賣,
就叫星星買俾我食.
其實我時常睇雜誌見到啲乜乜物物都會叫佢去買,
今次係第一次成功的送貨.



味道呢,
布丁有啲實,
可能要撐住個氣球.
焦糖又有啲甜...
所以都唔會再買第二次架啦.

Monday, July 18, 2011

瓜第一雙退役的鞋

真係著到爛,
瓜瓜出街都好鐘意四圍行!
都只不過個多月,
130 都唔啱著啦.

Sunday, July 17, 2011

Laser Cut Chandeliers::Seequin

可以打造一個扮豪華的婚禮!
做枱面的 Centrepiece 一定好得!







All from Seequin, Salt Lake City, United States

Saturday, July 16, 2011

清蒸蟹+節瓜海帶湯+蒜蓉豆豉蒸倉魚

飯前先食隻清蒸蟹,
個天仲好光!



開飯就得兩味餸.


節瓜海帶湯
是在布袋澳買的海帶,
好鮮味.


蒜蓉豆豉蒸倉魚
瓜瓜愛吃魚,
沒有買蔥,
就蒜蓉豆豉蒸,
仲好味.

Friday, July 15, 2011

Thursday, July 14, 2011

蜜糖子薑雞+蒜泥蒸勝瓜


蜜糖子薑雞
街市啲子薑真係好靚,
搜尋一吓食譜,
呢個都似乎最簡單: 食譜.
雞就好有蜜糖味,
因為以前未食過,
所以都唔知呢個子薑係咪咁嘅味道.

蒜泥蒸勝瓜
清蒸真好,
唔需要洗鑊~

Wednesday, July 13, 2011

嬰兒食品::from英國

外國的嬰兒食品又多又便宜,
在英國 Boots 網頁找來不同的嬰兒食品然後勞煩阿玲幫我搬番香港,
是很占地方,
不過唔太重.

Heinz 香港有得賣,
不過款式冇咁多,
味道好濃郁,
瓜瓜好鐘意食.


牛欄牌食品,
未開,
不過送 25%,
明顯大盒好多.


Plum 都少見.

之後係 Market Place 都有見過.


因為平時都有煮飯仔瓜瓜食,
所以以上食品的銷路都好慢。。。

Tuesday, July 12, 2011

Cushion::ThatFunkyBoutique

鐘意張梳化,
鐘意牆上面的畫.
鐘意啲Cushion,
不過太女性化,
擺我屋企唔多適合.






All from That Funky Boutique

Monday, July 11, 2011

Blog Widget by LinkWithin