Sunday, June 5, 2011

Venture::攝影

星星一路都想試一下 Venture.
不過佢地只可以得到一張相連相架,
冇檔案,
官方話 '藝術品' 喎.
但係都係貴囉.

發現 VISA 咭有優惠,
HK$400 就可以啦,
仲可以免費升級得到大一點 10"X8"的座枱相.

排期之後有個小姐電話同你溝通,
問定你中文/ 英文溝通有冇問題,
又不斷問你平時一家人玩啲乜,
有乜嘢會一齊做.
即係咁,
同個BB一齊三個人會玩啲乜呢?
主要咪玩我地囉.
有乜嘢連繫住一家人??
有乜嘢代表你地?

到影之前一日又有另一個小姐打黎講番上一次通話所問過的問題,
不同的係今次個小姐講英文,
依家我係咪見工呢?
咁多嘢問嘅??
佢堅持要我地帶一啲玩具去影相,
佢提議我帶一套彩色波波.
瓜瓜啲玩具都唔細件,
要攞幾件不如你黎我屋企影啦?
我係咁意帶咗本彩色書,
呢本 Elmer 係瓜瓜近來至愛.

影的時候同其他影樓的不同係影之前攝影師會同你傾計,
即係又問番之前的問題...
我地的攝影師係 JP, 係韓國人,
需用英語溝通.
然後佢俾個場地我地自娛,
咁佢就從中影相啦,
唔需要特別望鏡頭,
佢會自己搵角度.

一個小時好快就過去.
五日後就有相睇.

走之前俾咗本價目表番屋企睇,
最便宜都三千多,
要大大張掛牆更可以去到三萬多!!!
點算??

No comments:

Blog Widget by LinkWithin