Saturday, June 11, 2011

深圳::深圳動物園

是團購活動令我地往深圳動物園的,
原價 HK$201, 折到 HK$79.

我好鐘意去呢啲小朋友聖地,
不過唔係個個朋友都喜歡.
星星冇得揀,
瓜瓜適合去的地方佢都會去.

選了個星期五,
點知落大雨而押後.
再有時間已經係五月尾,
天氣好好,
不過就有啲熱啦.

上網睇人地講點樣去動物園.
行西部通道比較近,
係嘉亨灣上車,
一個小時左右就到關口,
轉的士, 人仔36蚊去到車場口,
仲要行多成千米至到大門!!
的士係唔可以入去啦.

好 low-tech 的大門, 但係同迪迪尼一樣都有一大個噴水池.


園內的裝潢都好七十年代.



入場的時候見到有馬車坐,
好多馬伕叔叔,
唔敢問幾錢.
另外有架循環線巴士,
但係星星話個園都冇乜人,
相信架巴士都唔多循環,
果然, 全日只係見過架巴士三次!
任坐仲要人仔20/人!



呢兩隻嘢好好笑,
瓜瓜望咗好耐.



雀鳥的品種又好多, 另外雞都有好多種 :P



有四, 五個表演,
每個平日都有一至兩場.
時間都剛剛好,
個個鐘都有唔同表演.

好簡陋的表演館,
個名都好娘 :P


係獅子同老虎的表演,
不過係幼兒園級別,
獅子同老虎都好明顯拔了牙,
那兩個 '馴獸師' 亦明顯的小學級,
而當中的道具, 是用手推出來的!
話雖如此, 對於小小的小朋友還是有趣的.


另外一項有八成似海浪公園的表演,
如不買全票要另外俾人仔60.
因為當日人比較少,
睇得好舒服.
瓜瓜仲係個場度不停行黎行去.
仲可以俾錢入去個池度潛水或影相.


有跳水, 海豚, 海獅等表演.


大大隻的動物如黑熊;


獅虎;


獅子等等都有得睇.
另外大象, 長頸鹿, 斑馬, 河馬, 猴子, 兔子, 天鵝, 孔雀, 企鵝...
你覺得動物園應該有的動物呢度都有!
瓜瓜 (個阿媽) 睇得好開心!!


另外有小朋友玩的機動遊戲同攤位遊戲,
令我想起當年的荔園.

呢架車有水槍玩,
我好想玩囉!!


其實地方好大,
我地 ~12.00 到, 行到 ~17.00,
行咗八成的地方,
攰到傻!!
全程用揹帶揹住瓜瓜,
冇有車仔,
好在冇帶,
因為有好幾段路都唔適合推車,
好似睇獅子老虎這一段是有很多樓梯又上又落的.


我用揹帶讓瓜瓜同我一齊向前望,
可以一路行一路講解俾佢聽.
如果小朋友已經自己識得行,
相信需要更多的時間.
亦都好好彩,
瓜瓜係上大陸的那程巴士睡了,
直到離開動物園至瞓,
都冇白費我一番心機.

地方很大也很潔淨,
人不多,
但樹木動物都多,
地理上的遠一點,
不過車程都唔過份.

就現今的幼兒標準,
六歲以下的應該都會開心.
六歲以上的,
都係去海洋公園或者長隆動物園較好.

No comments:

Blog Widget by LinkWithin