Friday, April 29, 2011

北京大董烤鴨x東方文華酒店文華廳

周圍都立立亂,
去旅行都要遲吓先啦.
冇得去北京,
食個烤鴨都好啦.

星星的生日飯,
原本咁貴梗係食晚飯好似抵啲啦,
但係晚飯不招待 bb 啦~
星星又想帶埋瓜瓜,
就改星期六的下午啦.

兩個人食套餐最好,
樣樣都可以試吓.
沒選最貴,
也沒要最便宜.
大董特選套餐的內容最對口味.
(HKD$638/位,如選擇大董「酥不膩」烤鴨則為每位 HKD$738)
包括:水晶鵝肝、口水雞、香椿豆腐、紅花汁魚翅或清湯鴨舌羊肚菌、XO 醬爆帶子、燒四寶、老北京炸醬麵、艾窩窩及豌豆黃。

酒店頂樓海景位.


枱面棵樹仔好得意啦,
餐牌都是特製的.


餐前腰果小食.


水晶鵝肝 --> 啫喱多過鵝肝, 所以一啲都唔膩
口水雞 --> 比較辣, 不過雞皮都好滑 (我唔覺意就食埋啦... :()
香椿豆腐 --> 比較淡, 俾咗好多瓜瓜食


師傅即場表現片鴨

「酥不膩」烤鴨
又真係酥而不膩,
好好味呀~

呢個皮好勁,
點拉都唔會黏住或者撕爛!

除咗一般食開的皮仲有呢個叉子燒餅,
但好笑在佢係俾三個囉.
對筷子係有個國語姐姐介紹點隻烤鴨啦.

好多配菜.


二選一, 我們選了紅花汁魚翅.

但係估唔到成碗都係翅囉,
滿滿的啊!!
食完都飽晒啦,
瓜瓜激讚,
食到停唔到口!
放底羹都嘈啦,
咁細個0靚仔真識食!


XO 醬爆帶子
唔知點解覺得個味好港式,
可能係 XO 醬啩,
咬咗一啖都唔大興趣啦.


老北京炸醬麵同香港的炸醬麵好唔同,
但係我已經飽到七個一皮,
咬咗一啖都頂唔住啦,
淨係知白色麵都好彈牙.


艾窩窩及豌豆黃,
好飽,
好想食但係都分咗俾瓜瓜同星星.


瓜瓜全程攪攪陣,
好少人咁細帶 bb 食慢飯啦,
悶死人咩!

文華廳
地址:中環干諾道中5號香港文華東方酒店25樓
電話:2825 4003
菜式:廣東

No comments:

Blog Widget by LinkWithin