飛@AirAsia

總之就賺唔到我第二次錢啦,
價錢係平,
服務質素都可以,
但係去旅行真係想享受,
而享受應該由搭飛機開始.

之前講過關於更改時間都已經好麻煩.
上機後又發現冇機內任何的娛樂設施, 冇音樂, 更加冇電視,
灰爆... (不過係我錯, 唔應該期望有娛樂...)
訂票的時候已順便訂餐,
幾個鐘頭飛機不能唔食嘢啦,
不過係叫起,
要留住 boarding pass 俾空服至上菜啦,
而且只是微微熱,
好懷疑有冇加熱囉??
幸好味道不錯,
但係選了幾個不同菜式都是辣的囉!
還不是普通的辣唷!

不過都有好處,
飛機是小機,
乘客較少,
一上齊人就可以開機,
亦都冇誤點,
仲早到添~

關於瓜瓜上飛機,
這架飛機係冇 bb 籃,
更加唔會有 bb 禮物.
去程的時候由頭到尾都空服問過嘢,
回程個空服就有問要唔要 bb 安全帶,
但我都係覺得自己攬住安全啲.

去程 bb 車跟到入閘,
閘前俾空服,
問清楚係落地的時候立即交收定係行李帶,
不過雖然講咗落地立即交收,
但係可能檳城機場太細最後行李帶攞囉.

返黎的時候 bb 車直接寄倉,
反而行李帶等極唔見,
原本空服將 bb 車放咗係行李帶隔離的手推車度!

驚瓜瓜唔適應,
準備咗奶咀 / 玩具 / 餅仔 / 奶 / 水俾佢.
佢咁大個仔都食過奶咀,
第一次就係飛機上,
以為佢會好歡喜,
點知好快就0累出黎!
都唔肯食!
可能因為冇味道啦.