Tuesday, November 30, 2010

過去式與現在進行式

如果前度能夠非常平靜又真心的跟你討論現在的情人.
那麼恭喜你!
你找到了一輩子的好朋友!

Monday, November 29, 2010

星星工具箱


星星係好典型的男仕: 工欲善其事嗰隻.
繼買刀之後,
就話要買工具,
咁工具基本上都係佢用,
佢用得高興,
我都唔介意貴少少.

這是他未集齊從世界地圖找來的工具箱, (仲要係上網等送貨訂架囉! 兩公婆都咁鐘意網上購物...):
丹麥的工具箱, HK$290
德國的尖咀鉗, HK$143
德國的扁咀鉗, HK$156
西班牙的士把拿, HK$195
日本的螺絲批 (全部購自鴨寮街, 所以係鴨寮街大把有得揀, 去之前佢已經唸定要買呢個牌子)

佢原本叫我唔好登住,
因為佢連鎚仔都未買....
因為一次過買咁多嘢都肉赤喎 :P
不過以佢慢慢搵的性格,
都唔知幾時要買齊囉.

月曆2011::點點印

年尾流流,
心血來潮想整個瓜瓜月曆放枱頭,
總監找來好幾家公司:
香港印刷中心 --> 總監話呢間平霸
快圖美 -- 對佢冇乜信心, 平時晒相時藍時紅
柏萊 --> 呢間都唔錯, 不過冇排板冇調光, 就咁俾張相佢就晒, 驚驚地.
Mud Photo --> 我鐘意呢間呀, 個 website 做得唔錯, 其他相的設計都合心水, 星星想造個藝術拼圖, 但係月曆的軟件未完成未有得整.
Paper House --> 呢間都好精美, 不過最少要印 300 本!!! 要派街坊至得!!
天然 --> 個背景娘爆!
卡片王 --> 都平架.
AOphotobook --> 係人地的 blog 見到都印得唔錯, 不過好貴呀!
memoMiio --> 想整呢間, 個 program 都 user-friendly, 已經整咗個大綱, 不過最大問題係個月曆的日子排列好奇怪! 人地係左至右, 佢係上至下囉, 點睇呀? 然後自己又搵極都搵唔到香港假期的月曆可以 fit 入去.
外國的 TinyPrintsPhotoWorks 都好靚, 但係得掛牆版同印幾個月曆郵費比較貴囉.

要求都好簡單:
要座枱式,
啲日子唔好太細,
有紅色代表公眾假期.
相片可以放大縮小,
一版唔止放一張相,
最好可以調光加公仔.

睇完一大輪,
唸住等 Mud 啦,
個哥哥話月尾就 ok.

但係過兩日總監又搵到點點印!
台灣公司但係可以整香港月曆,
仲有小量台式 clipart 豐富畫面,
加埋郵費都唔係貴好多嘅,
最緊要係成件事情都好似靚啲!
整咗六個 @NT$350 + NT$340 郵費.
都係 ~HK$100/個,
買個靚少少都要啦!

期待...
約 9/12 收貨...

Sunday, November 28, 2010

攞家庭照::MyMemory

等咗好耐,
終於都有得攞啦,
星星唸住叫家姐去咁我地就唔需要無端端過海.

星星唸住問吓張單的影印本可唔可以攞,,
點知個小姐話攞都要約時間因為要檢查云云.
查乜呢? 得嗰 10 張 2R 加一個相框,
正常人幫人攞都會望一望啦.

又過咗幾日唸住約星期六去啦,
個小姐又話預約要俾女士的全名,
發票號碼係唔可以囉!
男士的全名都唔得...
想點呢?
俾咗名又話遲啲覆,
但係又冇人打番黎囉.
我影全家福,
都唔記得有俾過全名佢!

再下一次打去又話隨時都攞得,
搵人去攞又得.
想點呢??

是但啦,
都冇下次架啦.

Friday, November 26, 2010

瓜瓜::6Months


這個月學識甚麼?
扒係度做獅身人面瓜的時候,
上半身兩隻手左移右移可以做到 360 度轉身.
可以自己坐.
學習抓東西.
但係轉物都淨係識轉一邊兼背向天就唔識反番轉頭.
身高體重就過幾日又打針再 update.
瓜瓜開放有性格有要求,
大部份時間都想抱住要傾計要唱歌或者坐係身邊,
有時都有點吃不消 :p
但係每次放工瓜瓜見到你時好興奮的跳跳札,
有事冇事成個人好似塊溶化咗的芝士 '撻' 係你個身上,
又覺得一切的付出都值得啦.

我呢?
體重停咗係度,
不過就著得番啲褲.
比生仔前大食咗,
可能要湊仔要多啲體力.
咁耐都冇乜著過裙,
因為驚湊住個仔唔覺意走光.
冇心機襯衫,
因為瓜瓜依家鐘意舔嘢,
著幾靚都假,
個膊頭重災.
更加唔會化妝,
廢時掂到落瓜瓜度,
而且都冇咁嘅時間.
心血來潮的試番對介指,
結婚嗰隻 ok,
訂婚嗰隻就緊少少,
或者遲啲攞去改囉.
------------------------------------------------------
5 Months 1 week
妳的寶寶很快就能熟練地、不必支撐地坐起來。為了輔助寶寶達到這個里程碑,妳可以支撐寶寶身軀換成坐姿。一定要用紮實卻又柔軟的東西,例如半圓形的枕頭或靠枕把寶寶好好地支撐住,以免傾倒。寶寶開始煩躁或顯得疲累時,讓寶寶恢復躺下的姿勢。

讓寶寶在不同的地方都有機會坐起來,用嬰兒手推車帶寶寶出門。寶寶坐起來所花的時間對於發育和維持平衡會有幫助,對身體發育也很重要。此外,利用坐起來所看見的新視野,對認知發展也很好。起初,寶寶只能用「蛙式坐姿」(背往後拱,手臂往前以便支撐) 坐幾分鐘。寶寶的平衡能力和力氣會逐漸增強,不久就能自己坐起來,這時大約是 6、7 個月大。

出乳牙
當寶寶長出第一顆牙 — 通常在 4 到 7 個月大的時候 — 可能既讓人興奮,卻又不太好受。牙齒還沒有冒出來之前,就可能使得寶寶的牙齦腫脹疼痛,導致躁動不安和夜晚醒來的情形。出乳牙也可能造成流許多口水的狀況。有的寶寶不太受出乳牙的影響,有的卻一次煩躁好幾天、甚至幾周時間。<0}

為了舒緩寶寶的不適:試著用乾淨手指揉揉寶寶的牙齦。也可以拿冰涼的濕毛巾給寶寶嚙咬。或者用橡膠製的牙齒咬環或長牙玩具試試,先放進冰箱或冷凍庫幾分鐘,會更有鎮靜效果。給寶寶任何藥物之前,先請教醫生。止痛劑或許能對寶寶的牙齦形成短暫的麻醉鬆弛效果,但也可能會干擾嘔吐反射,或導致過敏。<0} >不可給寶寶服用阿斯匹靈,或塗藥物在寶寶的牙齦上。

如何護理出牙紅疹:如果寶寶的下巴和下唇發紅,表示經常流口水對皮膚造成了刺激。請用棉布輕輕抹 (不可搓揉) 掉口水,然後給患部添一些滋潤,再讓寶寶入睡。<0}

>防範未然:長牙代表需要開始注意口腔衛生。寶寶的醫生可能會檢查新長出來的牙齒。有些專家建議每天用濕毛巾或紗布擦拭寶寶的牙齦與牙齒兩次以上,不過沒有這麼做也對寶寶無害。

5 Months 2 weeks
妳是否注意到,當寶寶聽見妳的聲音,會轉過頭來?聽見新的聲響,寶寶可能也會好奇地凝視著,想知道聲音從哪裡傳來。妳的寶寶甚至可能已經知道自己的名字,在妳說話的時候,寶寶可能會瞪著妳的嘴,想要模仿,所以儘量多說話,好讓寶寶跟著學。也可能會注意到,在妳忙著做其他事情的時候,寶寶會自己牙牙學語,和長聲尖叫,好像對妳喊:「嘿!我們來聊聊吧!」

>經過這麼長時間辛苦地照顧寶寶,他表現出對妳如此關注,真是讓人感到窩心。這麼久長時間看似單方面的付出,這時已開始朝向真正互動關係開花結果的時候。不誇張,妳會越來越常想要丟開手邊的一切,直接趴在地上跟寶寶玩。這還只是妳倆未來所能享受樂趣的小小縮影罷了。

5 Months 3 weeks
寶寶手部的控制正在明顯進步中, 也許你會看見他抓取靠近他附近的物體,並且試著把它們拿起來。大多數5個月大的寶寶抓取物體只不過可以維持短短一會兒就掉下來。如果你嘗試拿起物體並交給他們,寶寶會花很長的時間一次次地嘗試重複做這個動作。

鼓勵你的寶寶接觸並且拿取各樣適合他並符合安全的物體和玩具。既然他已能自己拿到東西,因此你要特別留意會導致寶寶不慎吞食的小物品和其他危險物品。你將對他在一眨眼的過程中就能拿到想要的東西感到驚訝。雖然你的嬰兒不久可能就能握住他自己的奶瓶,但要確認在他的手裡不會掉下來。

養育一個聰明有好奇心的寶寶
當然,你的寶寶距離要去上學的時間還很遙遠。 但是她已經非法渴望學習。 以下 4 個重要的步驟可以幫助她的發展︰

讓你的寶寶多接觸不同的環境、人以及活動。無論是有規律的(如每日的例行雜事),還是新鮮或是不熟悉的互動(如特別的旅遊)都會刺激寶寶的感官,並且引發她的好奇心。努力地帶寶寶去到各種不同的地方,並且和她說你看見、聽到、嗅出並接觸到的東西。

嬰幼兒居家安全防護。好奇心是推動人學習的主要動力。増寶寶好奇心最好的方法,是為她提供她能安全探索的環境。在他所及的範圍內愈少危險,也能降低你需要限制的探索範圍,並減少干擾寶寶的活動。

充分利用寶寶的玩樂時間。讓玩具有著多種形狀,顏色,質地和聲音。 有時讓他自已一個人玩,有時陪著他玩 – 這兩種遊戲的方式以不同的方法訓練他的心智。 盡量克制自己去幫忙寶寶面對一些富挑戰的玩具或活動,以便她能嘗試並且獨立學習 (但是如果她一直遇到麻煩並且開始感到挫折時就幫他個忙)。 在你的嬰兒開始轉移目光和不耐煩之前便需要結束遊戲時間 – 這表示他已經過度被剌激了。

在房子四周保持許多嬰兒書。 定期與你的嬰兒一起翻閱這些書籍,看看書裡頭的照片並且與寶寶說說書裡的內容。

5 Months 4 weeks
寶寶手部的控制正在明顯進步中, 也許你會看見他抓取靠近他附近的物體,並且試著把它們拿起來。大多數5個月大的寶寶抓取物體只不過可以維持短短一會兒就掉下來。如果你嘗試拿起物體並交給他們,寶寶會花很長的時間一次次地嘗試重複做這個動作。

鼓勵你的寶寶接觸並且拿取各樣適合他並符合安全的物體和玩具。既然他已能自己拿到東西,因此你要特別留意會導致寶寶不慎吞食的小物品和其他危險物品。你將對他在一眨眼的過程中就能拿到想要的東西感到驚訝。雖然你的嬰兒不久可能就能握住他自己的奶瓶,但要確認在他的手裡不會掉下來。


info from Johnson's Baby

Thursday, November 25, 2010

SogoThankfulWeek::LeCreuset


這是一個無聊的 blog,
因為見到人人買咗呢個牌子的 '沙煲冷掙' 都要放一放上 blog,
我又影吓囉.
Sogo Thankful Week 的收穫.

藍色係牛扒 pan,
星星想買呢個東東好耐 (唔一定係呢個牌子.)
我唔食牛咪唸住煎吓腸仔洋蔥咁囉.
腸仔都整格仔紋~
原價 HK$1588,
其他色 HK$1188,
呢個藍就 6 折,
現 HK$952.8.

原本已經俾咗錢,
星星又話想買多個小 pan,
見幾百蚊就是但啦,
雖然都唔知做乜 :p
可以煎一隻蛋囉 :P:P:P
橙色同米色的選擇,
橙色 classic 啲啦.
原價唔知 HK$588?? 定 HK$688??
依家就 HK$388.

另外滙豐最紅星期 X 有 9% 回贈,
感覺又平少少囉.

Wednesday, November 24, 2010

MeetTheMrMen


每一天跟瓜瓜出外,
我都會指住周圍的數字 / 文章同佢講講講,
例如等電梯時係樓層的 ABCD 室,
電梯內的 123456789,
地鐵站的地圖,
各樣各樣瓜瓜都睇得目不轉睛!
瓜瓜每一日都吸收新知識架,
我就口水乾囉 :P

所以決定買多啲東東同佢傾計,
原本是買 Mr Men the Complete Collection,
點知又見到呢本厚紙的 Meet The Mr Men (HK$59),
大大本全彩色印刷非常精美,
就唸住買一本返屋企試吓先,
無謂浪費啦.
另外買多兩盒 flash card,
我呢個係 3 個英文宇的生字版 (HK$29),
另外一盒放咗係媽媽度係數目宇 1-100 (HK$39).

返屋企試過,
瓜瓜全部都好有興趣!
我同佢讀完 Meet The Mr Men 想收埋的話,
佢個頭會跟住本書一齊轉!
之後我就會再讀一次...
如是者就讀咗好幾次 :p
瓜瓜對數目宇咭的定力係 1-50,
之後就忍唔住要移動個頭.
我覺得好好啦!

所以短期內都會再買 Complete Collection,
Meet The Mr Men 得五頁,
瓜瓜唔悶我都悶啦!!

bookazine 會員有 85 折,
我入咗會啦!
不過都俾咗入會費 HK$100,
真係要買多啲至維到皮啦~

Tuesday, November 23, 2010

搖鈴::十蚊店


無無聊聊的時候行十蚊店很好,
常常見到一些出人意表的東東.

平時都見啲媽媽話十蚊店的 BB 部門不錯,
所以又專登在 BB 貨架前研究一番.

買咗兩個搖鈴,
每個都有兩種玩法.
顏色又靚~
日本人的東東係精緻啲.
係要留意個笑面後面係由普通膠紙貼住,
一定要清潔乾淨囉.

吉之仔咭仲有 95 折,
出街玩唔見咗都唔肉痛!

Monday, November 22, 2010

開店

結婚的時候覺得結婚的新人都好肯用錢兼有好多賺錢位,
到大肚時又覺得好難買啲靚啲嘅大肚衫,
生咗仔又想買平靚正嘅衫俾個仔,
bb 大得快唔想買大貴,
屋企裝修呢又搵咗好多自覺好靚的物品.

某天突發其想兼有啲得閒,
想將所有的東東公諸同好,
一口氣的在 facebook 及 blogspot 開了間小店!
希望有少少回報啦,
唔係唸住搵大錢,
不過好過打機啦 :p

之不過瓜瓜唔生性,
長期要大量愛心, (要抱住又或者唱歌或傾計!)
而且一個人三個 blog 真係好忙...
所以小店的庫存好慢 :p
我要努力~
慢慢建立一大間店!
(但係真係好慢... 屋企仲要大把嘢未做囉...)

Sunday, November 21, 2010

Copy::訓練戒片循序有法

小朋友話大就大,
好快就可以學自己去廁所啦! :p
--------------------------------------------------------------------------------
訓練戒片循序有法
不少媽媽在孩子2歲左右,會因為即將上學而訓練戒片,這個過程究竟會是容易還是艱辛,會因應不同小朋友的個性和習慣而有異。訓練過程沒有固定的法則,媽媽最好要保持耐性及循序漸進,或有助訓練過程更順利。

訓練的時機
每個孩子可以開始訓練戒片的年紀都不同,有些在歲半已可開始,有些則要遲至4歲,但如果孩子能夠聽得懂「疴尿尿」的意思,甚至尿片濕了能表達更換的需要,都表示是訓練的適當時機了。
開始前,最好與孩子一起閱讀有關如廁的圖書,令他對這先行有概念;選購一個專用的廁盆/廁板,鼓勵孩子坐在上面,並最好每天在固定的時間都坐在上面,變成一種習慣;為培養他坐定,可購買些圖書讓他閱讀或由媽媽陪伴誦讀。

循序漸進莫心急
由開始訓練至5 歲這段期間,是孩子學習如廁的鬥爭期,他們很多時仍覺得包裹尿片很舒適及有安全感,令他們不肯完全戒掉尿片。做媽媽的唯有繼續保持耐心,若進展不佳,只可暫停數星期才再開始,期間不要再強逼。而在訓練時,也不妨參考以下的步驟,或可幫上一把:
1) 摒棄包尿片的習慣
孩子過了3 歲,就不要再全日裹著尿片,應穿著內褲,當他撒了尿後,也才可以體會尿濕的感覺;
2) 提醒孩子上廁所
孩子不會自己記起要上廁所,所以媽媽要不時提醒,如在起床後、飯後、午睡前及出門前,或者每隔一小時都提醒他上廁所,漸漸便會養成如廁的習慣。
3) 指導如廁步驟
由包裹尿片的生活習慣轉變為如廁,媽媽必須幫助他去學習,告訴他如何按步就班去做,如先要將內褲除下,才可以坐在馬桶上等。
4) 小獎品鼓勵成功
成功如廁,可以獎勵一粒小糖果。若不喜歡孩子吃糖果的話,也有不少媽媽愛以貼紙作鼓勵,譬如用一張月曆,在他能如廁的日子獎勵貼紙,由他貼上,一個月後,一起數數他這月內有多少次能夠成功。
5) 保持耐心
若孩子不小心撒尿,緊記不要向他發脾氣,這只會打擊了他的信心,媽媽應先為他清理,然後面對面向他說,下次只要留心,必定可以告訴媽媽需要去如廁的。
撰文:Adi
Copy from Shemom.com

Saturday, November 20, 2010

Fisher-Price 開倉 LastDay

想知道開倉開到尾的時候會唔會再平啲,
所以最後一日又行一轉.
更多的優惠係買夠 HK$500 至減 100!
但係東東都所餘無幾!
都好難囉.

我再買咗個俾瓜瓜大啲去廁所櫈仔,
HK$140, 都接近半價啦.

官網見到最新出版有呢個縮小版的廁所,
都好有趣啦.

Friday, November 19, 2010

染髮劑::RevlonColorSilkLuminista

我係唔鐘意去髮型屋架.
唔係因為剪髮貴,
係因為覺得好晒時間!
去一次起碼兩個鐘.
髮型屋係好得閒的時候至會去,
以前係澳洲讀書的時候悶得滯,
髮型屋就最啱啦,
一坐一個下午,
差唔多所有的顏色都玩過晒!
最無聊試過面一層係紅色, 底一層係橙色!

唔係特別鐘意同髮型師傾計,
最記得當年初初夾依家呢個髮型師的時間,
佢問我會鐘意個髮型師好傾定係想要剪得好,
我話當然剪得好啦, 最憎剪頭髮要不停傾計講私人嘢, 依家好熟咩?

最怕電髮 / 染髮 / treatment, 一坐幾個鐘!!
個人咁坐唔定,
個頭戴住個頭盔連條頭都唔郁得真係好辛苦...
唯有最簡約,
一頭唔多洗理佢的長直髮,
半年至修一修!

可惜天生多白髮,
生咗仔之後白髮好似仲多咗, (都可能因為老咗...)
一向都係同媽媽兩個互染,
平靚正!
媽媽的手勢可以比美專業效果!

咁多顏色之中,
覺得紅色同我最夾,
面色又紅潤啲又白淨啲.
但係坊間搵隻真係上到紅色的染髮劑唔多,
依家興日本人偏綠的啡色.

以前最鐘意 loreal 的 3D Color,
支 color booster 好似好勁咁,
不過依家冇咗紅色系列囉.
早排試過那個宣傳強勁的泡泡,
但係染出黎完全唔係嗰回事!
冇紅色不突止,
仲要係偏綠的啡色,
直頭懷疑自己買錯咗!!

(偷相, 我唔係用呢個色.)
我用 #150 - red,
新出的 Revlon ColorSilk Luminista,
勁呀!
洗完頭成個麥當勞叔叔咁!
超紅!!
幾驚瓜瓜唔認得我!
啱啱染, 唔知係咪 long lasting.
不過都彈一彈:
包裝裡面得對膠手套,
梳都冇把囉.

Thursday, November 18, 2010

紙婚晚飯


(好濕碎的頹相)

週年紀念沒有特別慶祝,
帶住個 bb 仔點燭光晚餐?

Apita 做日本食品節,
即劏魚生,
星星買咗幾盒: 大拖羅, 油甘魚...
之後就話番佢屋企煮意粉!
得幾片魚生撈意粉呀???
再去吉之仔,
買咗 parma ham 同什麼 pepper ham,
再加鵝肝醬 + 黑松露橄欖油 + 西蘭花,
甜品係蘋果批.
超豐富!

唔好講笑,
咁樣買一買都差唔多七佰蚊!
仲貴過出街食!

Wednesday, November 17, 2010

Copy::產假QA

產假QA﹕證實懷孕 盡快通知僱主

【明報專訊】法例規定 至少「前二後八」
Q﹕「前四後六」即分娩前4星期及分娩後6星期,連續共10星期的產假,我可以改為「前零後十」嗎?
A﹕若得僱主同意,僱員可選擇在預產期前2至4星期開始放產假。如未得到僱主同意或僱員沒有提出要求,則須在預產期前4星期開始放產假。據我所知,有些公司會批准員工放「前一後九」,但我並不建議,因為臨盆前較易累,工作能力也可能會下降,法例規定最少要「前二後八」,這是保障僱主和僱員雙方的利益。
「前零後十」的產假只適用於僱員在開始正式放產假前已分娩,則分娩日為產假的開始日期。
--> 我老闆都算好啦, 瓜瓜出世係攞「前零後十」架! 雖然返工都係零工作 :p 仲提供免費上網添~

Q﹕10星期的產假裏,其中有兩天是公眾假期,我可以多放這兩天假期嗎?
A﹕不可以,因法例列明僱員只可享有連續10星期的產假。只有在以下情,僱員才會有額外的產假或休假﹕
1.若分娩日較預產期遲,僱員可享有一段日數相等於預產期翌日起至實際分娩日為止的額外產假;
2.如僱員因懷孕或分娩而引致疾病或不能工作,最多可額外休假4星期。
--> 係分娩日較預產期遲喎! 早知當時就放多兩日假啦! (其實我不知幾想返工! 悶出隻鳥來~

受僱滿40周 可領產假
Q﹕領取產假薪酬,須符合哪些條件?
A﹕1.僱員在所訂定的產假開始前已按連續性合約受僱滿40星期;2.給予僱主懷孕及準備放取產假的通知,如向僱主出示證實懷孕的醫生證明書;3.如僱主提出要求,向僱主遞交醫生證明書說明其預產期。
根據勞工法例,產假薪酬至少要相等於正常工資的五分之四。然而,現時不少公司都會給100%工資予僱員。
此外,建議僱員取得醫生證明書證實懷孕後,要盡快通知僱主,因法例保障僱員由證實懷孕之日起至產假結束為止,僱主不得解僱該僱員,除非嚴重過失而被即時解僱或僱傭合約有明確協定有試用期,僱主在不多於12星期的試用期內,仍可解僱僱員,但僱主不能以僱員懷孕作為解僱理由。
--> 公司出五分之四俾我咋... 好在仲未炒我...

資料提供﹕香港工會聯合會勞工服務中心副總幹事蘇春娜
明報 2010年11月10日

Tuesday, November 16, 2010

早應習慣不要再碎碎念

'將來' 大家也看不清,
'好' 的解釋各有不同,
也許沒有準備就是最好的準備.

道不同不相為謀.

Monday, November 15, 2010

香蔥蠔油豬肉 / 西汁豬扒 / 金沙骨

雖然我唔鐘意食肉亦唔鐘意煮肉,
不過男人就覺得有肉先至飽 :p
我唔食牛, 咁煮豬囉.
搵日煮吓先!
---------------------------------------------
香蔥蠔油豬肉
材料
1- 枚頭豬肉450克左右, 切絲
2- 中洋蔥1個, 去衣, 切絲
3- 蒜蓉1湯匙
4- 青蔥2條, 切絲

汁料
1- 蠔油2湯匙
2- 米酒1湯匙
3- 水1湯匙

做法
1- 先將豬肉用基本野醃15分鐘, 快火落油(約1湯匙)起鑊, 將豬肉炒熟, 盛起備用
2- 快火落油(約1湯匙)起鑊, 先落蒜茸炒至金黃, 加入青蔥, 洋蔥和1/3茶匙炒至軟身, 再加入豬肉炒勻, 加入汁料兜勻煮熱, 上碟即成
info from 通之廚房
--------------------------------------------
西汁豬扒
材料:
1- 無骨豬扒1磅左右
2- 中型洋蔥半個, 去衣切絲
3- 蒜蓉1湯匙
4- 雜豆1杯
5- 罐頭磨菇1罐(400克)

汁料
1- 熱水1/4杯(50ml)
2- 牛油2湯匙
3- 雞湯50ml(1/4杯)
3- 茄汁2湯匙

做法
1- 豬扒兩面平均拍鬆, 再用醃料醃15分鐘, 快火落油(約1湯匙)起鑊, 先將豬扒煎至兩面金黃, 加入50ml熱水, 蓋頂大火焗3分鐘或至全熟, 盛起隔油備用
2- 快火落1湯匙油, 快火起鑊, 先爆香蒜茸, 再加入洋蔥和1/3茶匙鹽炒至軟身, 再加入雜豆,磨菇勻炒香, 再加入豬扒和汁料兜勻, 蓋頂煮滾焗1分鐘, 上碟即成
info from 通之廚房
-----------------------------------------------------
金沙骨
材料:
金沙骨 12條
义燒醬 約2-3湯匙
玫瑰露酒 約2茶匙
蒜頭 (拍扁去皮) 3粒

做法:
1) 將义燒醬、玫瑰露酒及蒜頭一同加入金沙骨上拌勻,放回雪櫃內醃1日
2) 將(1)排好在焗盤上(醃汁可留用),預熱焗爐,用約200度先焗20分鐘,取出將金沙骨反轉,可塗上醃汁,再焗約20分鐘,便成。
info from cckitty08

Copy::表情刺激嬰兒腦發育

呢個活動好啱我!
瓜瓜日日都受好多刺激呀!
---------------------------------
醫知健:表情刺激嬰兒腦發育
【本報綜合報道】天真爛漫的嬰兒令人忘卻煩憂,笑逐顏開。日本一項研究發現,與嬰兒溝通時表現出喜怒哀樂的不同表情,會刺激嬰兒腦部不同區域的發育,專家呼籲家長照顧嬰兒時應時常帶着豐富的表情。

日本中央大學教授山口真美招募十二名六至七個月大的嬰兒接受測試,讓嬰兒觀察女性各種表情圖像,同時利用特別裝置觀測嬰兒腦內血流量變化。結果發現,每當嬰兒看到笑臉圖像時,左腦便會作出反應,即使圖像消失,左腦反應仍持續一段時間。當看到發怒的表情圖像時,右腦即作出反應,圖像消失後,右腦反應隨即消失。

專家認為,識別表情是交流的基礎,故與嬰兒溝通時應帶豐富表情。

Sunday, November 14, 2010

May'sCookies

價錢不便宜,
一盒 HK$148, 有齊 6 款口味.
另有小紙袋裝約 20 塊, 好似 HK$53, 但只可選一種口味.
前面小個係星星想試的芝士蛋糕,
另外有其他款式, 不過全部都要兩日前預訂.

包裝走簡約風,
不過讓我想起超群?? :p

這個曲奇有兩層, 一層兩包,
一包有六個款, 每款三塊.
每部都是一口的尺寸.
不過就名氣大,
味道實在一般.
說到名氣曲奇,
謝寧的曲奇四重奏比這個好.
不過我還是最愛肥到震的 Jenny Bakery :D

原本對個芝士蛋糕冇期望,
仲放多咗一晚添,
點知又好好味喎!
有啲檸檬香,
軟硬適中,
好味到停唔到口~
決定再去訂多個蛋糕試多次~~

Friday, November 12, 2010

Copy::買樓8大誤解

好似好啱咁 :p
---------------------------------------
1. 我可以係跌市買樓一再強調,大跌市時雖然樓價平,但買樓第一炮所需的資金唔會按比例大幅減少。大跌市為何會出現?因為有大量業主賤價割愛。為何賤價都要賣俾你?因為冇水。冇水點解唔問人借?因為銀行閂水喉。大家必須記住,大跌市的出現,一定配合銀行閂水喉。如果好似而家咁,打2個電話就借10萬,點解要賤賣層樓俾你?因此,在大跌市時買樓,你必須有心理準備估唔足價,同埋連7成都做唔到。例如200萬跌剩100萬,但銀行只肯估80萬,兼只肯做6成,那麼你就要嘔52萬。如果你係諗住用10萬經MC上呢個100萬盤,可以返屋企訓覺。還有,要係大跌市時買平樓,你要有好多現金。我強調係現金,唔係股票或其他需要變賣既資產,因為你既股票係大跌市時一樣會下調。估價8折做6成,係非常樂觀保守的估計數字,事實上,在08金融海潚時,部份銀行在簽按揭契前突然終止申請,1成會都唔俾上既個案真係發生過。另外,除非閣下係公務員,否則在大跌市時好難保証收入不會下跌。結論:你需要持有目標樓價50%以上的現金。

2. 樓價一定會下跌樓價在短期內有上落是事實,但另一個更重要既事實係,以30年為觀察期的話,樓價只會上升不會下跌!03沙士價是香港近十年最低價,美孚的03呎價約為1600,但1600這個賤價仍然係美孚入伙價的10多倍!事實上,某時期的低價,通常都會比上一個時期的高價還要高。等樓價爆破的朋友,要有心理準備爆破後的樓價和今日的價其實差不多。因此,如果你係用家,諗住長住20~30年,只要供款係能力範圍內,就算97年買樓一樣冇問題,因為樓價升跌不會影響你一早已計劃好既供款,20年後樓價一定會超過買入價(請對比1983及2003的樓價)。結論:以20~30年長線睇,樓價一定升。短期升跌只係為炒家而設。

3. 遲早會加息講得呢句說話,即係話而家息平。係人都知遲早會加息,但重點係息口仲平既時候你還左幾多本金?房貸好公道,本金少左,息會按比例減少,係低息環境下你可以好輕易就還幾十萬本金。即使加息,對你的實際影響極微。結論:趁息平多還本金,點會怕加息!

4. 供30年樓係樓奴我寫包單,講得出呢句說話既人學歷不會超過小學6年級。世界上所有銀紙現在均以每30年跌95%的速度貶值,簡單來說,30年後港幣的購買力,和現在的日圓差不多,即是說,今日我借港幣100萬,還到第30年就變左100萬yen。當然,中途你係有不斷供款,但你每期供款的購買力都會貶值,變相你可以用貶值後的貨幣購買未貶值的資產。幻想一下你可以用今日既身家,坐時光機回到1980年買當時既樓。因此,30年的供款期內,供款壓力係會越來越低,因為你的債項不斷貶值。頭10年是最艱苦困難的,中間10年可以有閒錢去下旅行,後10年供款比飲茶錢還要低。結論:供樓係會越來越輕鬆

5. 唔買樓可以租供樓壓力會隨時間減弱,因為你用未來貶值後的錢,去還今日未貶值的錢。但租金就相反,你一定要用當時的錢去還當時的錢,即是說,當供款金額固定下來,租金卻係會隨時間不斷上升,例如貨幣每30年下跌95%,租金就會同樣以每30年升20倍的速度上升。當然,這是假設沒有加息。但即使有加息,亦不見得租樓會有著數,因為業主會按成本加租,冇死錯人。租樓的另一個問題係,你和業主的財富差距越拉越大,假設今天你和業主身家都係100萬,租了2年樓洗左20萬,你的身家變成80萬,業主就120萬,差距係40萬,亦即你現有身家的一半。當然,你投資有道,可以用呢80萬本金賺超過40萬,則另作別論。但假如你唔投資,純做租客,你會白白將日後入市上車既資金送俾業主。租金回報5厘知唔知即係點解?即係話你租20年的話,你就送左層樓俾業主。多謝夾承惠。結論:年輕人應該同阿媽住,省回租金支出。要2人世界可以租時鐘。

6. 生活質素唔可以妥協好多人唔接受舊樓、單幢樓、大西北,話唔會為上車而降低生活質素。請讓本人告訴你一個殘酷的事實,如果你的能力只能買舊樓、單幢樓、大西北,你冇資格講質素。如果你係打工仔,每日可以係屋企既清醒時間唔會超過6小時,有乜質唔質素?訓到朝早11點,然後先考慮今日返唔返公司打點一下,呢d就叫質素。結論:先講資格,後談質素

7. 炒家炒高樓價錯!實際係「買家買高樓價」。冇炒家唔代表用家會平賣俾你,有人肯接炒家貨,代表炒家有眼光,估計到未來樓價有水位,係先有購買力後有炒家。其實有買過樓都會知,買炒家貨好買過用家貨,議價空間比用家盤大,因為炒家係做生意,計好個ROI唔怕平少少賣俾你,但用家就皇帝女唔憂嫁,大不了住多2年先賣。再者,炒家買完一定賣,穩定供應,用家就有入冇出,炒家有時反而會有調低樓價的平衡功能。結論:自願的價就係市價

8. 市區樓抗跌力強抗跌力是大跌市時業主繼續供款的能力,因此,以下類別的物業抗跌力一定強:
一、 大部份業主已供斷的屋苑(沒有供樓壓力)
二、 大部份業主的買入價都很低(供樓壓力極低)
三、 業主真係好有錢(沒有收入壓力)因此,老牌屋苑(第1類)、新界100萬上下的物業、半山豪宅的抗跌力一定高,其中半山豪宅最強。而老牌屋苑如太古城、美孚新村都位於市區,故產生抗跌力強的假象。
以下物業抗跌力最弱:
一、 被發展商食盡溢價的一手樓
二、 業主多數是高收入打工仔(一旦失業很難在短時間內找到同樣人工的工作)
三、 入伙日期接近爆破日期的物業此三項條件可以同時出現。

Copy from Discuss.com

MyLittleGym::試堂

星星一路都好想瓜瓜參加啲運動類的興趣班,
MyLittleGym 四個月就可以參加啦,
網頁登記就有一個試堂啦.

地點(以為)係尖沙咀,
免費就去吓啦.
一個家長一齊上堂,
家長一定要帶襪啦.

去到尖沙咀海洋中心的店,
原本我係應該去銅鑼灣架囉!
個店員又講尖沙咀的地址俾我聽...
sigh...

1. 佢公司的網頁係冇銅鑼灣分店的地址
2. 去尖沙咀試堂係要俾錢架
3. 網頁登記後又有人打黎約時間, 早一日有人確認 (就係佢講尖沙咀!), 次次打黎都係講英文
4. 尖沙咀店有一個中國人reception, 不過眼見上堂指導的都係外國人
5. 上堂區用玻璃間房 (大約 3 歲的小朋友玩樂中), 家長都坐係出面睇住

anyway.
-------------------------------------------
第二個星期六,
去到銅鑼灣店啦,
比尖沙咀店細少少,
更加冇靚海景啦.

試堂有 5 對家長+ bb,
全部都係第一次,
老師係深膚色的外國人,
有小朋友見到都不停喊架,
語言當然用英文啦.
不過其實 5 個月都未識聽指導,
其實係考緊我 :p
而且大部份的動作都要我抱住佢做,
45 分鐘後我都攰死咗 :p:p:p

動作都好簡單,
其實平時都會同瓜瓜玩,
暫時唔認為需要俾錢出去玩囉.
咁細個專注力唔夠,
每個動作都唔會做得耐.
個哥哥會唱吓歌仔,
但係我冇留意佢唱乜.
又未識大夥兒的交朋友.
再大個啲先啦,
依家實在唔需要.
家吓都唔知我 gym 定瓜 gym!

唔好問間學校究竟好唔好,
一次試堂知道啲乜?
佢話次次唔同主題用唔同的玩意囉,
不過我就覺得好睇小朋友心情能唔能夠維持玩咁耐!
咁細個啲時間好難遷就,
有時太眼瞓,
有時又肚餓,
瓜瓜最後的十分鐘完全唔想玩!

Thursday, November 11, 2010

Copy::還是柔弱一點數

想起某君,
他也說我是堅強的.
堅強並不是拋棄人的藉口.

最憎扮柔弱,
縱然我並不堅強.
我想: 其實他不認識我.
-------------------------------------------
還是柔弱一點數
有個相士告訴我,男人在辦公桌放些家庭照,對事業運很有幫助。女人在辦公桌放家庭照,等於叫老闆「唔好升我」。
Well,這裡有點心理學,有點社會學,相士都是社會學家。讓我Daisy 來說明一下吧,道理非常簡單:家庭照有助男人塑造「好好先生」的形象,相比那些「沒有腳的雀仔」,「好好先生」看來可靠得多。男人齊家之後就能治國,搞不好還順手平了天下。家裡小事有老婆辦妥,男人可以全情投入工作,老闆喜歡這類員工。
但假如各位稍為清醒一點,就會發現「好好先生看來可靠」不過是個錯覺罷了,很多男人齊家之後就急急去做齊人。治國? What a joke!
女人在辦公桌放家庭照,是事業上「無心戀戰」的宣言。結了婚就以家庭為重了,每天準時五點收工,飛奔回家看管老公、吩咐菲傭,還要帶孩子學琴跳舞畫畫補習,已經心力交瘁,哪裡還有心神放在工作上?老闆不喜歡這類員工。
那麼,世上有沒有結了婚仍在職場所向披靡的女人? Sure。當中有八成離婚收場。 「男女平等」這口號動聽得很,而動聽的話都是可疑的。事實上男女自古至今從來沒有平等過,吃虧是女人的分內事。社會表揚「事業家庭兩得意」的男人,卻容不下「事業家庭兩得意」的女人。太強了,女人不應該那麼強呀。
That's the point。女人有「應該」和「不應該」做的事情。超越了這個範圍,就是不安分。
那份「應該」的清單相當有趣。例如,女人應該既柔弱又剛強,一方面弱不禁風以滿足男人保護你的欲望,但老公一旦闖禍,又能閃電化身「美少婦戰士」,替老公把殘局收拾得妥妥貼貼;又例如女人應該既精明,又會在適當的時候失明;女人應該能言善道,同時會在適當的時候閉嘴;為免讓丈夫感到自卑,女人不應事業有成,但女人應該自力更生,不應花丈夫一分一毫。換言之,女人應該有能力讓錢從天上掉下來,從樹上長出來,不靠援交、走私或賣白粉來養夫活兒……這樣說下去我還可以寫出三萬字,現代女性「應該」具備的條件數之不盡,因為男人貪得無厭。
既柔弱又剛強──這不是互相矛盾嗎?傻仔,柔弱可以裝出來呀。所以我Daisy 常說,只要動腦筋,絕處可逢生。女人可以憑剛強在職場闖出一條血路,然後裝柔弱(或愚蠢)在情場殺個片甲不留。以下說一個實戰個案:
朋友Alvin 與一個女護士拍拖八年。有次他到內地旅行,在山上碰到一個香港旅行團,一位女團友弄傷了腳,Alvin 剛巧路過,把受傷女子背了下山。好一個愛心爆棚的臭男人。
三個月後, 「兩個只能活一個」的難題已經不能再拖。一個是拍拖八年的護士女友,另一個是在異地有緣相會的拗柴女子。「怎麼辦?我該選哪一個?」Alvi n 問我,然後把啤酒拚命灌進肚子。
「你愛哪一個比較多?」我問。
「兩個都愛。」我知其實給他十個,他也會同樣回答「十個都愛」。
「那就選比較漂亮的那一個吧。」我說。
「這個嘛, 其實兩個也不算漂亮呀。」Jesus Christ!這是人說的嗎?兩個女人甘願放下自尊,站在你面前任君選擇,毫無怨言,你這混蛋還去評頭品足,「不算漂亮呀」的侮辱一番,人家情何以堪?憑你閣下那副尊容,沒錢沒權沒勢沒學識沒前途,居然還有兩個女人去爭,世上究竟還有沒有天理?
「Okay,假如你確實認為兩人條件一樣,那道義上還是應該選原來的女朋友吧,畢竟你們認識在先,而且人家已將八年青春放在你身上了。」我居然還在跟他講道理!
最後他選了後來認識的一個。
「為什麼?」「因為她比較柔弱呀,如果我不要她,她一定受不了,也許就這樣崩潰了,或者跑去自殺。但原先的女朋友比較堅強,就算我不要她,她應該也能挺過來的。」「應該」?For God's sake!什麼叫做「應該」?這事雖然與本人無關,但那一刻我還是想兜巴摑醒Alvin 這個無情無義的男人。
因為她生性堅強,就理所當然地「應該」遭受不合理的對待嗎?軟弱的人就「應該」獲得厚待?心地那麼善良,又不見你把薪水全部捐給公益金?那麼熱心背人下山,又不見你放假去深水唐樓把阿婆背下樓?莫怪我Daisy 又來踢爆,無能的男人都喜歡軟弱的女人,那樣才不至於令他們過於自卑。
「你才認識了人家三個多月,你怎知那柔弱不是裝出來的?」我問Alvin。
「裝出來?哈,怎麼可能瞞得過我雙眼! 」他自豪地說。老實講,那一刻我真的有點羡慕他。此人蠢到一個地步,連自己蠢也不知道,那是一種回歸到宇宙存在之前的混沌境界。 好禪。
我一方面替那個堅強的女護士感到不值,另一方面卻又暗暗替她捏一把汗。萬一被那個廢物選上了,豈不抱憾終身?這個男人配不起她。
那位堅強女護士的遭遇不禁讓我想起了一句說話─It's cold up here。電影He's JustNot That Into You是一部出色的愛情小品,其中一位女編劇用英語訪問了不同民族的女性,談談作為女人的感受, 部分片段曾放在YouTube。一個北京女人說: 「It's cold uphere!」高處不勝寒。這就是中國現代女性的寫照。事業有成,堅強獨立,有學識有主見又不易受騙,穿一雙名貴高跟鞋優雅地往上攀,遠遠看去婀娜多姿,其實她幾乎冷死!唉,想到這裡就覺得好唏噓。
我很怕冷,攝氏十度已經在家裡開暖爐。我這輩子也沒有什麼理想可言,在山腳徘徊一下,看看風景撲撲蝶就已經開心到死,實在沒有必要攀上山峰。可惜人在江湖,身不由己。現代女性其實並不是大家想像中那麼堅強啊,因為男人太過不濟,女人才「焗住」擔起大旗。所謂堅強,都是環境逼出來的。社會對現代女性抱過分的期許,因為你是二十一世紀的女性,你讀書多,賺錢多,因此就有風吹不倒雷打不死的義務。他日香港打起仗來,披甲上陣的還是女人。正當你拋頭顱灑熱血,有人卻又抱怨道: 「太強了,女人不應該那麼強呀!」大佬,你究竟想我點?
作為現代女性,我常常為社會對我的期望而感到迷茫。應該走「剛強」還是「柔弱」的路線呢?幸好社會對我的期望跟我本人是沒有任何關係的。我喜歡做什麼就做什麼,從來不向別人交代。無論「剛強」或「柔弱」,也不過是為了在職場和情場上取得便利而已。我在工作上面對的都是獅子豺狼,稍為柔弱一點也會馬上被吃掉,在那個時候;你得把自己包裝成很強的樣子,才能生存下去。談戀愛的時候,你得把自己包裝成很柔弱的樣子,才有運行啊。
Copy from 王迪詩 Daisy Wong

Tuesday, November 9, 2010

Dermes激光脫毛

開始到 Dermes 原來是久遠前的事.
那個年代非常大花筒的我,
成日都唔知點解的搵到地方去洗錢 :D

那時青春少艾,
大熱天時當然要著背心出街啦!
手腳都光光滑滑,
唯一係腋下的毛髮非常旺盛,
令我非常困擾!
朝早用刀片剃完,
(從未用過蜜臘, 好似好痛咁.)
未到夜晚已經見到黑色的點點蠢蠢欲動!
最怕搭地鐵的時候要舉高手扶住個手柄.

激光脫毛係其中一項認為好值得的 '投資'.
起碼啲錢洗落自己身上,
又一勞永逸! (其實唔止一勞~)

自覺激光脫毛有一定的危險性, (例如燒傷.)
我只會選擇感覺最專門的 Bella 或 Dermes.
其實我係先上咗 Bella, (當時係比較出名.)
不過去到個門口又令我提唔起勁走去,
唔知係覺得好貴定好唔舒服,
總之部電梯開咗門對腳就冇行出去囉.
之後就再去 Dermes.

那一室的白感覺安心潔淨專業,
咪走咗入去聽吓個小姐介紹,
仲記得小姐講解佢部機的圓形咀跟 Bella 的方形咀的分別,
還有什麼追蹤黑色素, 不過燒傷皮膚云云.
成件事情都對脾胃,
順道試做一次唔多痛,
效果卻非常好!
就俾錢完成療程,
是包一世 '保養' 的 :p
這些都是 2004 年的事.

然後的幾次係一次痛過一次!!
第三至五次係直頭唔想再去 :p
每一次都同自己講咬實牙根,
只不過十分鐘,
很快就會過去.
好在事後係覺得非常值得!

當年的價錢是過萬,
依家都係過萬,
感覺好似舒服啲 :p
至少依家唔會幾千就做到同樣的事.

Dermes 的服務真係超讚!
因為唔係今日做完,
下個禮拜就可以再做,
可能要等幾個月再做至有用.
久唔久就有小姐提醒你,
睇你有冇需要上去望一望.
依家都 6 年啦,
都繼續打黎,
做完都唔會 hard sell 囉.
以前仲試過生日送生日蛋糕添!

今次係第 10 次!
發現有 1 條毛~
打埋激光~
死咗~

Monday, November 8, 2010

Knits::celapiu

這個織格格的頸巾 ok,
但係呢個模特兒讓我更印象深刻,
佢唔靚, 仲有啲怪,
想起 american's next top model.



All from celapiu

BB 油::Combi 海洋深層水嬰兒潤膚油

瓜瓜塊面仔爆拆紅卜卜,
可能皮膚綁緊,
佢笑都唔想笑.

拿拿臨去買個護膚品,
我地好似同自己買嘢咁,
都會試吓個質地,
索吓個香味.
大部份的有機護膚東東都好臭 :p

最後揀咗 Combi 的潤膚油,
Combi 本身已經係信得過的嬰兒品牌,
產品亦多樣化.
同大人的產品一樣,
爽啲可以用乳液 (lotion),
潤啲要揀護膚霜 (cream),
再深層啲就要潤膚油 (oil)!
味道好似 '水' 咁嘅味,
就算油都吸收得好快唔會膩,
持久力又強!
仲可以做按摩油.

瓜瓜用咗一日已經回復靚仔冇紅蘋果啦~
十級推介!
(星星都攞黎自己擦!)

下回可以再試吓爽身乳液 (liquid powder) 或者防蚊液.
---------------------------------------------
Combi 海洋深層水嬰兒潤膚油
HK$68
購自 BeBeDream, 第二件貨 50% off, 依家兩枝 HK$102.

產品詳情:
-天然米胚芽油,高效保濕,舒緩乾燥,補充天然油脂
-延展性能,配合按摩可舒緩及放鬆肌膚
-天然溫和,觸感柔細,吸收快速,不黏膩,不會阻塞毛孔
-弱酸性,幫助形成微酸性,保護加強肌膚防護力

Sunday, November 7, 2010

紙婚

我很幸福.
結婚一年,
感覺還是有的,
選擇仍是對的,
很好.
希望以後每一年的開頭還是可以如此的說.
------------------------------------------
最鐘意食甜,
有事冇事都買個蛋糕食吓.
月頭想買個結婚蛋糕樣的蛋糕仔慶祝吓,
首選 sevva,
但星期日唔開!!
次選 cake2,
要個幾禮拜前預訂,
去網址選圖樣又麻煩! (食都懶...)
星星又話唔需要,
唉.....
零浪漫........
三選 confetti,
1 磅要 HK$350,
又覺得好似好貴又唔係好靚,
咁不如都係揀個好食啦.
然後又懶再繼續搵啦.
--------------------------------------
呢一年過得好快,
唔覺得結咗婚有乜唔同?
有個人 24/7 都同出同入囉.
不過又唔覺得太多.

好充實,
忙買樓忙生仔忙裝修忙湊仔!
一個星期七日都有節目!

不過家務就唔算太忙,
星星比我整潔又比我勤力,
大部份時間我都係阿懶上身瞓係梳化上網,
我係 facebook 有 3 家店, (好大生意!!)
好忙架!

最大的分別係心態上,
又像重新活過來,
過去種種尤如昨日死咁囉,
以前的事好像離開很遠.

仍然係最想做又冇做就係 table for six.
到依家都好想去,
我唔講已婚應該睇唔出嘅??
星星, 可唔可以出埋錢俾我試一次???

Friday, November 5, 2010

檳城::預訂g Hotel

1 月的旅行,
決定咗帶埋瓜瓜去,
到時 8 個月的人仔不佔座位,
AirAsia 每程加 HK$120.
希望佢係飛機唔好喊啦 :P

酒店最後都係決定 g Hotel,
呢間係唯一新淨又近市區的選擇,
又係我鐘意的型格酒店.
星星搵咗間澳門代理預訂,
佢地平啲而且有提供不連早餐的房間.
之後星星就將 Voucher 電郵酒店,
確認一下真偽兼問有沒有小床提供俾瓜瓜.
帶個仔去旅行實在要事事準備周詳.

一星期過後石沈大海.
星星又去佢地個網頁搵到人地個 GM 的電郵,
就問人地什麼是 5 星級的服務.
3 個鐘頭之後就收到回覆話上一個電郵入咗 Spam,
而且一切事情都會幫我地安排妥當,
個電郵同時 cc 咗俾好幾個經理.
(星星係投訴電郵方面真係有一手.)

相信我地都入咗酒店的麻煩友名單內,
希望到時有個靚景高層的房間,
最好再送支香檳或者送啲小食啦 :p:p

瓜瓜學習

雖然瓜瓜連轉身都未識的時候,
我地都已經唸咗好多活動俾佢.
呢啲當然係學校以外啦.

我的選擇:
踏躂舞 --> 因為我覺得那些舞者成個人都企得好直, 絕冇寒背! 不過唔覺邊度有小朋友班, 大人班都少啦.
戲劇 --> 我鐘意 dramatic! 瓜瓜應該似我 :p 家燕媽媽或者 PIP 都得!

星星的選擇:
跳彈床 --> 由有咗講到依家, 仲搵埋邊度有得學!
打功夫仲要暑假去武當 --> 呢個好明顯係星星自己想去武當啦.

但係依家都未坐得穩囉...

Thursday, November 4, 2010

動物掛勾


想為瓜瓜的房間加添一點的小朋友氣氛,
有趣的掛勾唔多見,
通常都好大個.

呢個比較小巧,
係 '手繪' 的木製東東,
一套三件有鱷魚獅子長頸鹿.
購自 Mothercare, 清貨價 HK$90.

星星炒飯


是星星的手藝,
因為佢想玩刀!
要切大量的薑, 蔥同腸仔.
另一碗係菜心 + 龍蝦波.

Wednesday, November 3, 2010

Clock::SeikiSE686W


再買多個鐘係細個仔版,
其實冇乜特別.
yen 3000+.

想講係日本購物,
竟然係內地銀聯咭有九折囉!
而老豆個朋友仲要有帶埋去旅行!

Tuesday, November 2, 2010

自信番晒黎~

今日著得落以前的褲啦~
扣到鈕架!
(係窄少少囉...)
頭髮又長番,
又有生意仔.

即時舒服晒~~~~~

Monday, November 1, 2010

Mattel開倉

瓜瓜開始識攞嘢, 識轉身,
就黎可以自己坐, 周圍爬, 甚至行.
呢兩個禮拜開始識玩放地下的 gym,
自己會開轉轉轉,
會搖'沙沙'.
屋企現有的玩具已經唔足夠佢下一步的發展,
Mattel 又開倉,
又可以見到至愛的 Fisher-Price,
啱晒~

呢個圓波唔多知點玩,
用途係有聲有影咁 BB 就會跟住爬.
HK$100

手動時鐘,
可以教時間.
HK$100

可以教圖案, 顏色同識得配對.
我細個的時候好鐘意玩!
HK$70

原本星星想買個近似學行車,
佢鐘意 peek-a-block 的河馬車,
個樣就靚,
不過我就覺得呢個超級市場手推車似乎更多玩意,
因為最後一個兼個盒皺了, 原本 HK$240, 依家 HK$200.

開倉做 3 個禮拜至 11 月 16.
結束前要再去多次~
Blog Widget by LinkWithin