Saturday, October 2, 2010

賣鐵

不要說我環保,
不過我有兩個鐵櫃放衫同書,
租客唔啱用要搬走.
好 x 重!
都唔知點算.
可以搵收買佬 / 賣舊傢俱,
不過我地懶,
選擇自己搬去收買廢料舖,
呢個決定真係........

廢料舖同屋企相隔一條街,
行得我吖!
因為個櫃真係好重,
星星同我先去店借架車仔,
但係手推車放滿紙,
只可以借到鐵鏕車.

得我地兩個人,
(基本上得佢一個),
咁點算呢?
不過當年搬得入稷就應該搬得出去啦.

先幾個櫃放上鐵車??
點知上咗車就出唔到房門...
不能打橫個櫃,
驚入唔到電梯...
就咁推個櫃,
又驚整花個木板地...
不過都唔理得咁多啦,
就咁推啦,
好在又冇事.
推到出大門口,
又要過門檻又要過鐵閘.
出咗門口咪再上車仔囉,
點知又入唔到電梯!!
我地兩個都出晒汗啦...
好不容易入咗電梯落到大堂,
又出唔到個大堂囉!!
唔知點解臨近門口嗰度個天花係低啲架囉!
咪又將個櫃放落地...
出個門口都咁難架...
係呢個時候就有人咁啱返屋企,
多個男士幫我地打橫個櫃,
仲幫忙推去賣鐵店添~

一上磅,
個櫃係 96 斤囉!!!
仲重過陳星星!
賣得 ~HK$115
攰死咗.
我地時薪好貴架!
第一次樓下可以咁遠...

仲有另一個...
送咗俾人就算啦,
唔好再叫我搬啦...

No comments:

Blog Widget by LinkWithin