Saturday, October 30, 2010

HoneyBeBeStudio::睇相

一個星期左右就有相睇,
我同星星的想法係睇吓全部買晒幾多錢,
咁就唔洗煩,
我地係格價專家,
唔係講價專家.
預算係 2K,
星星話加個相架都可以.

一坐低小姐叫我地睇一遍先,
都影咗成 170+ 架.
相片唔係太差但又唔覺得好好囉.
因為瓜瓜會郁,
有啲相冇咗頭殼頂,
有啲冇隻手, 有啲冇腳.
有啲同我地一齊影,
但係我地兩個又冇準備,
不修邊幅!
都有啲怪表情之前我冇影過.
都合格嘅.
另外仲有啲好似加咗個星空的 effect 相,
同推高 contrast 的發光相, (好刺眼囉...)
好假,
唔係我地杯茶.

之後小姐叫我地揀相,
我話要先聽 package 先可以揀囉,
都唔知佢點收錢.
由 HK$988-4988,
12 -55 張相, 加吓相架相簿咁.
係咪好似好貴呢?
我再問如果我買晒啲相, 要一個一排三幅相的相架幾多錢?
佢計一計, 話 HK$2300.
都合乎預算就決定啦.
當然佢都話加相簿可以平啲云云,
但係真係冇用囉.

下一步就要選 3 張相放相架,
要全部打橫或全部打直,
想要三張感覺統一啲.
淨係選 3 張都用咗 1 個鐘,
真係要慢慢選唔買晒全部可能到收舖都未走得!

45 日後有貨,
小姐會再打俾我約時間.

Friday, October 29, 2010

Cushion::CoupleHome

買咗啦,
來自英國的店主服務好好,
好快到貨.
這家店沒有提供 designer fabric,
不過相片拍得美美的,
而且店主已經配搭唔同的款式,
我唔鐘意一對一樣的 cushion,
好似好悶咁.
圖案都 ok,
不過面料同我預期的有少少分別.
雖然是 100% cottoon,
我想要更滑一點,
奶奶的那兩個好像有點織麻的感覺.

自己影的實物圖.
一開始已經鐵定要買的黃 / 灰色荷花.

店主的相, 媽媽選擇深色.

店主的相, 兩個花開富貴係買俾奶奶的, 後面紅色的樹葉係我的.

All from CoupleHome

Thursday, October 28, 2010

雞肉串+雜菜煲+三文魚骨

好又一餐, 唔太好又一餐 :p

吉之島 $10 任選三包菜, 今次煮咗兩包, 芥菜同白菜,
仲有煲粥餘下的腐皮.

三文魚骨係吉之島的現賣,
剛出爐而且自己唔會整.
好大盒要分兩次食.

Wednesday, October 27, 2010

HoneyBeBeStudio::影bb相

又影相?
係囉...
瓜瓜都習慣咗被影架啦,
日日都俾媽媽迫住影 :p
咔察~ 咔察~

先多謝林芍芍~
將佢公司的員工優惠送咗俾我!
員工優惠係會得 6 張相 (唔知幾大又或者只係得檔案??) + 1 隻 DVD.
間公司又唔介意我只係提供員工號碼的朋友喎.
(不過都係做生意啫, 再賣相都賺番啦.)

打電話去預約的時間覺得怪怪地架,
有 3 個電話,
9.45am 的時候打去,
第一個打去係傳真線,
第二個打去飛咗留言信箱,
第三個就有個好似剛剛瞓醒的男人聽電話話佢唔係公司會打番轉頭.
直到夜晚就有個女仔打俾我,
可以約下一個星期日!
即時有啲驚~
係咪冇生意呢??
佢又話間公司做咗 10 年架啦.
但係網頁只係介紹佢地整立體手足印,
冇提過影相喎!
最抵死係第二日個男人又打俾我約時間,
我話已經有個女仔幫咗我啦.

影樓又係尖東,
都唔太遠啦!
會影 100+ 的相,
攞番 6 張 bb 相,
即係話有家人合照就一定要俾錢啦.
我問佢點計,
佢話唔同套裝價錢唔同,
幾百到二千左右,
咁都好似唔太貴.
-----------------------------------------------
去到影樓一片白,
入單位前要先除鞋, (但係冇提供拖鞋!)
咁係乾淨定唔乾淨?
地下一片白牆身一片白開放式天花都係一片白!
有兩間玻璃房睇相,
成件事情都非常討好啦.
(好過上次那家好多好多好多! 不過係因為上一家太差 :p)

上一次瓜瓜影相狀態唔好,
今次都好擔心.
不過好快趣就唔驚啦,
因為除咗攝影師哥哥,
仲有兩個美少女姐姐同佢玩~
玩具都有添~
(上次係乜都冇! 物資非常短缺 :p)
所以瓜瓜一路都影得好開心.
(除咗想食奶的時候...)
當然瓜瓜瞓係度太耐都會喊吓,
佢就俾時間我地餵吓奶, 安撫吓,
冇話黑面想快快趣影完.
瞓咗又有瞓咗的影法.
(但係今次瓜瓜點都唔瞓囉!)

攝影技術未知,
但係道具就非常充足,
有我鐘意的毛毛籃,
長尾冷帽, 太陽眼鏡, 領帶, 耳套,
就咁睇都覺得好有趣!!

依家又繼續擔心啦...
非常肯定一定會買相啦!
又破財~

Honey Bebe 官網

Tuesday, October 26, 2010

瓜瓜::5Months


愈來愈覺得生仔的決定非常正確,
有個仔啲時間好充實, (有時充實得滯...)
人生充滿意義, (你唔理自己都要理佢啦...)
兩公婆合作無間, (查實一個人邊做得晒...)
放低其他煩惱, (邊有時間唸其他嘢??)
仲會覺得自己好有用, (一抱起就唔喊啦.)
唱歌好好聽, (瓜瓜會即時安靜下來.)
好有做棟篤笑的潛質, (做個表情又笑, 做怪聲又笑.)
而且瓜瓜唔再成日矇吓矇吓一舊飯,
至少會笑會互動,
好有滿足感.

到依家都唔敢著番 3 吋高的鞋,
無謂抱仔的時候仆親啦.
都冇乜著裙,
好大機會會走光, 好唔方便.
啲衫又唔可以釘珠,
個仔成日舔我啲衫又或者 '撲' 係膊頭度瞓.
基本上我個樣都好乞丐囉 :p
而且好多衫都仲未著得返,
我要買衫!!

佢令我好鬼死忙!!
睇資料睇到嘔...

忙搵瓜瓜的奶粉邊度有得賣(兼便宜),
林貝兒真係冇乜地方有得賣,
但係瓜瓜食咗都好好啦,
唔想轉其他牌子.

忙睇幼兒園的資料,
我知瓜瓜得 5 個月大,
不過都要睇定幾時開始報名?
有乜嘢要準備?
人地點解收你?
之後可以升邊間小學容易啲?
總之, n 年計劃咁囉!
唔想一個決定影響一生啦!

另外睇吓 playgroup 啦,
見好多都唔係即時有位啦,
六個月左右可以開始參加,
早睇早啲準備.
運動: (星星最鐘意, 因為可以自己玩埋一份!)
My Kiddy Gym
The Little Gym
My Gym
音樂: (音樂嘅嘢, 好似個個都會學咁.)
My Musik Box
Little School of Music
多元發展: (我有興趣呢類, 好似好好玩咁.)
Little Montessorian
Kinder U
仲有語言類,
不過要大啲至開始學.
--------------------------------------------
4 months 1 week
有沒有留意寶寶最愛看誰?寶寶喜歡照鏡子看自己。事實上,對於這個年紀的寶寶來說,世界上最愛看的東西就是臉。所以請抱寶寶照照鏡子,看看他的喜悅。他要到 7 或 8 個月大時才了解那是自己的倒影,但他很喜歡這樣看,而他亦會集中注意著倒影於鏡中自己那揮動著的小手。

3、4 個月大的寶寶也喜歡看展示大寶寶面容的書 (不要期待他會注意很久,但至少有一下子)。請考慮買一些很好摸又可愛柔軟的書或可安全被咬的硬板書給寶寶。雜誌中或包裝紙上的寶寶照片也很有吸引力,所以當妳看到時請和他分享。

說到看人的話,妳那表情豐富的臉當然是第一名!

4 months 2 weeks
由於寶寶越來越大,越來越壯,把她放下來的姿勢要有變化,這對她的成長發展很重要呢。例如要幫助她的力氣與靈活性均衡改善的話,把她放下去睡覺的方式也要有變化-有時把她的頭放在嬰兒床的一端,有時放另一端。如果嬰兒床的一邊掛有活動玩具或鏡子,一段時間就把它掛在另一邊。餵奶時,抱她的手也要兩邊交替。換邊可幫她發展完整的動作,肌肉控制得更好,這是她漸漸發展中的眼手協調所必須的。

較大、較強壯的寶寶也比較有可能在換尿片時動來動去。換尿片時,妳的一隻手要隨時扶著她,把她放下去之前,要把所有需要的東西都準備好,換尿布的動作要快。有些爸爸媽媽喜歡在換尿片的臺子上放一個音樂活動玩具,讓寶寶有東西可以看。放玩具的籃子要裝滿,玩具也要輪流放,或只在換尿布的時候用,也可幫她在妳換尿布時靜靜躺久一點。

4 months 3 weeks
隨著寶寶發聲的能力越來越好,那些隨意的唧唧喳喳也越來越多了。就像歌唱家做暖聲練習,妳的寶寶正試著以不同的方式,利用他的部分嘴巴與聲帶製造聲音呢。妳可能開始聽到兩個母音組合的聲音,像「媽媽」 (這依舊不一定和妳有關,但反正聽起來很好聽)。請鼓勵妳的寶寶做些嘗試,方法是帶著豐富的表情與臉部情感跟他說話。

雖然妳還無法了解寶寶,但他已經開始可以理解妳了。這就是為什麼妳每天不管做什麼都要跟他講話會那麼重要的原因了。邊做邊講妳在做什麼:「這是妳的奶瓶。」「要洗白白了嗎?」幾個月後,當妳說到「奶瓶」或「洗白白」時,他就會完全了解妳了。妳也不必喋喋不休;寶寶也喜歡安靜的。妳所要做的是把他當個小伴侶一樣跟他說說話 (就算這樣的聊天大部分都只是單方面的也沒關係呀。)

音樂的力量
能夠撫慰妳或讓妳快樂的音樂,對妳的寶寶剛好也有相同的效果呢。雖然有證據顯示音樂對於學齡前與較大的兒童有認知的優點,但沒有人研究音樂對於嬰兒的影響。可是,妳還是可以發現音樂以其他方式,在寶寶的生命中扮演一個有益的角色:

音樂就像鎮定劑。對妳有效,不是嗎?當寶寶哭鬧時,請輕輕在她耳邊唱些搖籃曲,如《搖籃曲》、《小星星》等。反覆的音調和妳那熟悉的聲音可讓她感覺更有安全感、更放鬆呢。

音樂可使背景的噪音安靜下來。不要一整天開著電視或收音機,考慮轉到妳喜愛的音樂網吧。

音樂是一種力量的來源。Brigham Young University(楊百翰大學) 的一個研究發現,暴露於音樂之中的早產兒與未暴露於音樂中的早產兒相比,他們的體重增加比較多、血壓比較低,而且心跳也比較強。

沒有證據顯示哪一種音樂比較有效,因此請挑選妳喜歡的就行了。例外:動植物研究顯示,刺耳的音調與雜亂的饒舌樂、車庫搖滾 (grunge) 與炸頭搖滾 (head-banger rock) 似乎會干擾植物和動物的成長,以及動物的大腦結構。

4 months 4 weeks
聽寶寶笑不只是件快樂的事,也是他在情感上與社交上發展的一個徵兆呢。當他看到或體驗到高興的事情時的咯咯笑,是一種幽默感的展示,雖然他的大腦得到的訓練還不多。請輕輕搔寶寶的腳趾頭或圓嘟嘟的大腿,逗他咯咯發笑。或做一些誇張的臉部表情與好笑的動物聲音,吹吹口哨,還有彈彈妳的舌頭,弄個小型的喜劇給他看。

如果寶寶為了要加入妳,而發出入神的尖叫聲,故意吸引妳的注意,讓妳笑回去時,可別太過驚訝呢。(如果妳的寶寶很敏感,請小心不要太大聲或太驚人。太過刺激的視覺或聲音,會讓有些寶寶不舒服,回應的辦法就是溫和地搔搔癢就好,不要太尖銳的口哨聲。)

當妳的寶寶很安靜,而且心情好時,他會喜歡這種娛樂的,因為跟平常不太一樣,而且會讓他笑。

看天氣穿衣服
太熱?太冷?妳如何確定寶寶穿得合不合適?一個偉大的經驗法則就是寶寶比妳多穿一件衣服。也要留意寶寶「告訴」妳什麼。如果他哭了或變得難搞,他可能太冷了 (他比較不可能因為太熱而反應)。寶寶的手、腳與頭也可以是很好的晴雨表,摸一摸,看看會不會冷或熱。

妳可以替寶寶穿好幾層衣服,幫她快速且輕易地適應不同的溫度。好處:當無可避免地弄髒時,單件衣服與一層一層的衣服也會比較容易換。

夏天必備:一頂可保護他的臉與耳朵的寬邊夏日帽;天然纖維,尤其是棉質製成的。尿片袋裡放幾雙襪子與一件外套,以便妳去的地方有冷氣時可以穿。

冬天必備:一頂可以蓋住他的耳朵的溫暖的帽子;襪子、嬰兒襪與可以套住四肢的手套 (鞋子現在還不必要);一條可以蓋住他身體的溫暖的小毯子。看溫度的情況,貼身內衣、毛線衣與連身羊毛睡袋也是不錯的主意。

info from Johnson's Baby

Monday, October 25, 2010

Clock::SeikoSQ672S

我地都偏愛跳字鐘,
我覺得大大隻字睇得清清楚楚,
星星仲煩, 跳字鐘仲要有埋日子, 溫度同濕度.

其實係香港買跳字鐘的選擇唔多,
來來去去都係嗰兩三個款 casio.
大家一定話跳字鐘咪又係咁嘅樣,
會曉飛咩?
但係真係可以有少少唔同架,
方角圓角大隻字細隻字,
啲字的排位都有分別架!

係日本 Tokyo Hands 見過最多的跳字鐘,
咁啱阿哥去日本,
拿拿臨係官網搵個款叫佢去買!
星星要大牌子,
即係 citizen 同 seiko 啦.
我要大大個,
星星見到呢個仲要太陽能! (死未! 環保喎...)
二話不說,
係呢個啦.

Tokyo Hands 賣 5880 yen,
阿哥係秋葉園附近買 5110 yen.
返到香港發現仲有電磁波功能但係冇濕度囉!
但係個樣又真係比較好睇~
老豆星期日去日本, 要叫佢買多個放係房!

Sunday, October 24, 2010

浪跡天崖

我: 星期六約咗朋友食晏, 你去唔去?
星: 唔去啦~ 我帶住阿瓜浪跡天崖~~~~
我: 浪跡天崖??? 你去得邊啫?
星: (好堅持.) 我帶住阿瓜~~~浪~~跡~天崖~~~~
我: (冇你咁好氣.) 得得得, 你地慢慢浪啦. 隨便浪...
.
.
浪跡天崖? 我睇你點走出我五指山!
.
.
.
我: 浪跡天崖有冇冷氣嘆架?
星: 冇.
我: 浪跡天崖有冇私家車坐架?
星: 冇, 要行路.
我: 浪跡天崖係咪去好耐架, 我係咪可以一個人霸住間屋? 定係屋企有個角落叫 '天崖' 呀?
星: !&#*(@^$%

Saturday, October 23, 2010

忙 x2

很多文章都是起了頭而沒有尾,
非常切合本人有頭冇尾的性格...
睇見就頭痛,
真係有糧出咩???

瓜瓜的 private blog 文字唔多,
不過等啲相放上網都等死人,
個電腦俾佢啲相霸晒啲位,
又唔得閒轉過去 external harddisk!!

工作一浪接一浪的黑仔,
攪到工作量大增!
係咪要拜個神呢?
真係要望天打卦!

屋企搬屋的箱都仲放係廳,
幾時要有心情有時間放好佢地呢?
仲有佈置屋企的濕濕星!

夜晚星星要睇佢嘅電視,
朝早要去番 myTV 睇讀心神探 + 天天天晴.
一個禮拜有一次 project runway 8.

仲未計 facebook 的 3 家餐廳同 bontique, (Resturant City / Mall World / Fashion World!)
& ipad 的頹 game...

well...
果然係冇事忙的閒人....

Friday, October 22, 2010

鮎魚 is coming~

據講係一個好強勁的颱風喎!
星期六去飲會唔會改期呢?
唔去又駛唔駛俾人情?
俾幾多?
去咗又唔會有好多人唔到, 咁我可以食雙份兼打包呢?

如果當年結婚嗰日打風, 我會唔會改期呢?
點通知親友? 一改會唔會要改好耐之後? 個場都好 full 喎.
件婚紗咪濕晒? 我會喊架喎!
打大風又吹亂我個頭! 個造型用咗好多心機架!
中途咪唔可以出戶外影相? 攝影師好貴架咪晒錢!!
如果件衫係租嘅大拖尾, 打風整到又濕又霉, 咁要唔要扣好多按金架?
唔改期會唔會冇人到? 我要俾 min. pay 喎!
唸吓都驚!

不過都唔關我事啦, 都嫁咗咯, 就黎一年添啦.

Thursday, October 21, 2010

白銀蛋白菜+煎三文魚+雞肉串+粥

吉之島六點後開始減價,
好多師奶等店員貼減價貼紙囉,
原來都真係減好多架!

黃燈影出黎又怪怪地,
開閃燈啲食物又唔美味,
應該點呢?

呢碟三文魚點解冇咗一忽?
唔係我煎得唔好!
係因為煎咗好耐都唔夠燶!!
所以先食個身睇吓繼續煎其他部份睇吓會唔會燶,
結果都係咁囉...

吉之島的預先調味的雞肉串,
一包十串分兩次食.

白銀蛋白菜,
皮蛋係上環阿蘇介紹的小店買架,
甜心皮蛋 yummy yummy!

呢個粥係第二餐啦.
飯煲煲粥真係好方便~
我原本想繼續金銀蛋就算,
但星星要加白果腐竹, (早講可以去深水埗買樹記吖麻!)
好多料囉... 多得滯 :p

Wednesday, October 20, 2010

雨褸

我: 我想一陣間食完飯行一行吉之島.
星: 點解呀?
我: 想買件雨褸俾阿瓜, 如果過兩日打大風咁擔傘阿瓜都會濕晒囉.
星: 攞個垃圾袋咪得囉.
我: (以為佢覺得晒錢.) 咁平平地又好樣咪買件囉.
星: 咁靚咪買囉, 不過真係用個垃圾袋lup住開個洞咪得囉.

佢真係覺得垃圾袋好囉.
真慘.
垃圾瓜...

Tuesday, October 19, 2010

澳門::水舞間

冇帶瓜瓜去,
因為 6 歲以上至入得場.
冇影相, (雖然可以影相),
不過專注表演比較好.

長隆睇完好歡樂,
zaia 睇完好夢幻,
水舞間睇完好黑暗.

故事唔知係爭仔定爭權?
我問同行的大家都唔知道.
表演唔連貫.
一忽一忽咁.
一時又古代一時又土人一時又飛車,
好似精神分裂咁.

成件事都好黑暗,
一開場就打雷兼有貞子喪屍混合髒爬上黎,
問你死未?
仲唔嚇死細路仔!
上場仲係半空吊啲死屍落黎,
我百無禁忌都睇到啋啋聲!

無厘頭又會有個中國人出黎耍劍,
九唔搭八,
又唔係耍得好, 又唔係耍得耐, 又冇需要,
好明顯就係迎合內地觀眾啦.

坐位呢,
我一路都覺得 $680 好貴 :p
但係又驚 $380 個位唔好,
結果係好彩買咗 $680,
座位表係馬鞍型,
個缺口位係舞台的一部份,
兼且有戲院大螢幕做背景,
雖然都冇乜特別表演係嗰度發生,
但係平價票就要係咁轉睇晒所有正在發生的事.
都專登船過澳門睇,
俾多少少唔差在啦.

最鐘意的部份係人肉水晶燈,
一班人吊高一齊係個架度移動,
好華麗.
另外值得睇係飛電單車好難聞不過香港都冇乜適合的地方可以做同類的表演.
水花四濺的舞台機關就十個讚,
一陣就滿一水池可以俾人跳水,
一時就全乾可以飛車喎!
真係即時想上 youtube 睇製作特輯囉!
仲有一樣好啱游同學就係大量肌肉男,
好結實啦!

如果你睇咗長隆馬戲團,
又睇咗 zaia,
又好耐冇睇大製作,
又想去吓澳門,
又想洗吓錢,
咁睇吓都無妨囉.

官方網頁: 水舞間

星星都打黎問我點解唔寫 blog??
家吓唔俾公務繁忙架?
我又好多嘢想做但係時候唔係好夠囉...
有時間都瞓吓 / 搵吓錢先啦 :p

其實有好多嘢想寫,
不過真係有啲忙,
有先後次序啦.

大佬,
今日報紙都未睇呀!

Saturday, October 16, 2010

秋.星期六.中環

冷清

發新芽

係度番咗 n 年工, 從來冇入過呢個公園

季季都有轉的花, 你有冇留意? 一片黃

一片紅

又拆又建

以前最高 vs 今日最高, 咁之後呢?

你的婚紗照以立法局為背景嗎? 你有冇投過票??

HSBC, 仲係大笨象嗎?

電話亭, 依家個個有手提電話, 你又幾耐冇入過去?

婚紗相背景係 prada 定 LV?

中環大部份的大廈都用天橋連接住, 由娛樂行到 IFC 都唔需要行地面, 你識唔識行?

周圍到見到的指標, 係咪真係有人睇?

天黑黑

中環正中心最有型又未拆的大廈: pedder building, 你有冇留意過?

星期六, 馬路上面人都唔多個, 超冷清.

漫漫長路, 行死人咩!

Friday, October 15, 2010

Thursday, October 14, 2010

router

星: 我想死先囉, 因為唔使幫你料理身後事!
我: 吓? 我都想喎, 安排白事好鬼煩囉. 不過我好簡單啫, 如果真係有地府, 是但燒啲嘢俾我得啦, 人有我有啦, 有車有樓有啲錢洗吓囉.
星: 仲有一定燒個 router 俾你上網吖麻!
我: 係呀係呀, 仲要遊戲機呀唔該~

Wednesday, October 13, 2010

Tuesday, October 12, 2010

紅棗圓肉杞子茶


陪月姨姨之前日日都煲俾我飲,
飲完面色都好啲.
超簡單,
紅棗, 圓肉, 杞子,
全部份量隨意. (我最鐘意就係隨意~)
係咁意煲一陣就得啦,
再懶啲用熱水焗都得!
今次預咗俾阿玲,
麥同學, 下次使唔使預埋你??

專登去無印良品買咗個 $85 的水壺,
點解又買?
因為呢個壺係可以打橫放入雪櫃架囉!
呢排個個禮拜都行無印,
次次都有啲家庭用品搬返屋企.

Monday, October 11, 2010

旬刀


無聊的星星對於刀好有興趣,
成日話屋企應該要有套靚刀招呼朋友?
我實在唔明白!
唔通有朋友黎探訪就攞把刀出黎劈友??
最靚的刀係大馬士革刀喎.
關於刀刀刀刀的事情講講講咗 N 次.

由於太煩的關係,
我就叫佢自己揀番把做生日禮物啦.
最後佢揀咗 '旬刀',
當然佢有一大輪介紹而我已經唔記得晒...
(其實已經係半年前的事...)

Sogo 套裝: 生果刀加中式刀 HK$2100
買完佢每次切生果都好開心.
不過中式刀就一路收埋冇用過直至搬屋後,
第一次用就係... 拍蒜頭同切菜頭!
係唔係大材小用呢??

Sunday, October 10, 2010

Rack::Pulpo

買咗排我覺得好靚的掛勾,
好鐘意啲物件有名有姓,
好似好型咁 :p
平時都幫屋企啲嘢改無聊名架~

Julian AppeliusPulpo 設計的 Drop XL.
香港係 loveramics 有得賣.
不過都斷貨啦,
我買的橙色係最後的 1/2,
另一個係 display.
原價 HK$979, 依家八折, HK$783.2.
平過外國好多呀!

想再買 Drop L 係房門後面掛衫.

Drop XS 係廚房都唔錯,
不過唔想轉鑽啲磚,
依家都係用無痕吸盤.

下面呢啲唔同設計師架,
不過都好得意.
Sibylle Pfeiffer 的 Razor

Sibylle Pfeiffer 的 Two (仲有 One 架)

Peter&Beverly 的 Bundy

Studio Taschide 的 Bob

Sibylle Pfeiffer 的 Andy

All from Pulpo
仲想買個得意掛勾俾阿瓜,
Adam+Harborth 的 Serenteti,
犀牛, 長頸鹿, 大笨象都好有趣啦!
但係就要睇下寄黎香港幾多錢啦.


Saturday, October 9, 2010

我愛我家

新的家是我們共同創造的.
大至梳化, 小至一個茶羹,
每一樣嘢都左搵右搵上網搵世界各地咁搵.
有冇人好似我地兩公婆咁成日上網搵嘢買?
有冇志同道合呢?

每次發掘到一件新物件都好高興~
因為我同星星都好多要求,
而件東西又唔急住用,
我地會慢慢睇,
唔一定係名牌, 唔一定要貴,
但一定要啱用合要求.
那怕一個玻璃墊, 一個唔用膠貼的掛勾仔,
都好用心機的慢慢搵,
睇啱至買.

最新得到的東東係星星訂購來自世界各地的工具, (丹麥的工具箱, 日本的螺絲批, 西班牙的鉗... 佢未買完唔寫住.)
英國訂的 cushion 套,
阿哥係日本幫我買個鐘,
同研究緊美國買的牆勾.

好想近近地飛一轉北京 798 買吓擺設,
又或者泰國翟度翟睇吓碗碟,
如果去日本睇埋瓜瓜的東東就更好啦!
(太長的航程唔啱我,近近地 ok 架啦.)

Friday, October 8, 2010

早睡早起

由細到大都係早睡早起,
眼皮感覺到日光就會自動波起身,
好少可以瞓過朝早九點 :(

以前讀書的時候,
可以凌晨五點鐘微弱晨光的時間起身溫書做功課,
但係個天一黑就冇晒動力,
下午四點左右就唔做嘢.

寧願早啲起身都唔好要我夜瞓.
好在瓜瓜似我啫...

Thursday, October 7, 2010

醬燒豬仔骨+牛蒡茶

同事教整醬燒豬仔骨,
一比一的份量,
一罐 zero, 一支普通裝的茄汁,
放過夜.
之後包錫紙放入焗爐 40 分鐘整熟,
之後換咗張出晒油的錫紙再焗 20 分鐘焗乾同整燶個面.

我地買唔到豬仔骨又想試吓整.

放入光波爐, 250度, 15 分鐘整熟換錫紕+10 分鐘整燶+10 分鐘反轉整燶

完成的骨!
不過茄汁太少,
個味就冇問題,
但係冇啲醬囉.

又一餐~

同場加映: 牛蒡茶
牛蒡呢期好興,
強身健體嗰批,
屋企常備.
Blog Widget by LinkWithin