Thursday, September 30, 2010

Refoderm活膚再生精華

咩事呢?
幸運星當旺嗎?
又得到唔洗錢的護膚品!
(仲要幾貴吓架麻...)
(上一次得到嘅仲未試因為搬屋的箱都仲未開晒!)
(但係我想做多兩單生意多啲囉...)

今次呢個好有誠意,
係要列印電郵去專門店攞,
小姐會主動打俾你約時間,
會根據你的皮膚俾番支啱你的配方.

上到去個 reception 小姐比較惡 :p
可能當時心情唔靚啩...
好在唔係佢招呼我 :p
daphne 好詳細的解釋來源, 用法,
咁樣實在令我放心好多!
俾咗支 Skin Care Tonic Strong 活膚再生精華,
仲即時示範一次按摩的方法,
好似真係即時見效咁!
毛孔細咗, 有光澤, 又白咗~
特別個鼻係即時潔淨咗.

根據佢的說法而我又希望真係得的效果:
1. 淨係用呢一個產品就得啦, 眼霜 / 精華素 / xxx 什麼都唔需要加, 係冬天再乾啲至需要加面霜. (生咗仔之後要用一支二支覺得好煩, 個仔又喊!)
2. 增加血液循環, 細胞更新, 收細毛孔, 可以去黑眼圈, 可以局部當 mask 用. (好重要, 我見人地寫好得架!!)
3. 膚色冇咁暗啞, 回復健康膚色, 而停用呢個產品之後, 呢個健康膚色係會跟住你嘅.
4. 收緊皮膚, 皺紋都變淺.
5. 效果好快, 一星期就見到不同!

小姐話早晚用,
一支可以用到兩星期,
所以我決定停用其他產品,
淨係呢個玩足兩星期!
好似做一個療程咁!

另外小姐仲俾咗幾塊特製壓縮化妝棉我試吓 (HK$60/盒),
話效果更好云云...
我就唸住用瓜瓜的思詩樂應該都有同樣效果! (真係幾好用! 又平!)

自己用咗兩次都好好喎,
夜晚用完第二朝皮膚都好精神,
黑眼圈都淺咗,
我仲特別敷眼同嘴架,
大家兩星期後望一望啦!
-----------------------------------------------
Refoderm 官網
Skin Care Tonic Strong 活膚再生精華
零售 HK$880, 會員價 HK$680 (兩個禮拜內都可以).
主要蘊含鼠尾草、山金車、大松蘿及金盞菊精華,能針對肌7大問題:細紋、皺紋、鬆弛、失去彈性、浮腫、乾燥及黑頭粉刺。另更有效舒緩各類敏感徵狀及肌肉緊張疼痛,釋放出壓力的根源,令肌膚神采再現。
適合膚質:暗啞、乾燥、成熟及容易發紅皮膚

集合百草精華,「先調理、後補給」,肌膚從此脫胎換骨
我們的肌膚往往會因為環境影響、生活質素及個人習慣等構成壓力與負擔,令淋巴阻塞,毒素積聚,最後導致皮膚質素下降。
Refoderm以自然療法(Naturopathic Medicine)為概念,以「先調理,後補給」,配合中、西草本療法,讓皮膚進行自我排毒程序,經調整後肌膚達至健康正常運作,從而補給所需養份,最後解決種種問題情況。
其中皇牌「草本美肌精華液Skin Care Tonic 」採用溫和高效活性複合物,包括150種有機植物元素及草本精華、優質精華油及維他命所提煉,是Refoderm成份中的焦點在所,純正無添加。而每種成份都以最佳的份量調配,適合不同性質的肌膚吸收其所須養份。

「單一」產品,擊退高達17種肌膚問題,效果卓越
Refoderm 「草本美肌精華液」乃品牌中的皇牌產品,內含150種活性草本成份、豐富的維他命B5及多種植物精華,其特別之處在於「單一」產品便能深入肌膚底層,提供多方面的護膚效能;由清潔毛孔、調整膚色、美白嫩膚、抗紋除皺、修飾輪廓等都能全面改善。另外,當中所含的活性成份更有效維持肌膚的天然酸性保護膜,締造出完美細緻的質感。

Refoderm所有產品全無添加成份,而且經過醫學臨床測試,絕不會刺激皮膚,更可針對性地解決常見的敏感性肌膚問題和有效舒緩肌肉疼痛,乃一般護膚產品功能上難以媲美。

「草本美肌精華液Skin Care Tonic」的傳奇功效:
- 集合潔淨、促進及穩定血液循環及淋巴循環的多效能優質精華液
- 絕不含香料、防腐劑、乳化劑、荷爾蒙、二氧化鈦或染色素等物質
- 每次使用,能為肌膚深層清潔、淨化及鞏固皮膚結構,增加肌膚彈性
- 具高效柔化、舒緩及修復皮膚的功能,為皮膚帶來所需要的養份及水份
- 能去除潔面後殘留於皮膚毛孔的老化角質、油脂及污垢,使肌膚得到如磨砂護理後的潔淨柔滑。
- 絕不會除去皮膚的天然保護油脂
- 長期持續使用後,刺激新皮膚細胞生長,能平衡皮膚中的油脂線分泌,大大減少油光滿面及毛孔粗大等皮膚問題
- 配合深層的護理療程,可完全改善丘疹、發炎、黑頭粉刺、紅腫及色斑等各種皮膚問題

抹出顏色,高度揭示肌膚問題所在
Refoderm的「草本美肌精華液」的與眾不同之處在於併合「七式法」,帶走污染物;完成整個過程後,會發現化妝棉上會呈現不同的顏色,這是由於「草本美肌精華液」能滲入肌膚底層,即時將污垢抽走,並揭示肌膚問題所在。
黃色 = 毛孔阻塞及油份偏高
啡黃色 = 皮膚積存污垢
灰藍色 = 壓力及循環阻塞
啡細色 = 肌肉疲勞及疼痛

Wednesday, September 29, 2010

瓜瓜::4Months


4 個月啦,
返工都接近兩個月,
仍然一事無成 :p

57.8kg,
進度良好,
我覺得條腰開始番黎啦,
不過舊褲都仲未著到.
著衫有啲不修篇幅,
因為要抱仔, 唔可以著易皺的料,
要舒服, 唔可以太窄,
有時真係衰到自己都頂自己唔順!

有時都會想唸吓生多個,
但係一唸到吹氣球,
再唸坐月,
就想打退堂鼓啦.

瓜瓜 6.45kg,
會笑,
會依依吖吖,
會抓東西,
會轉身,
樣樣正常,
健康就好.
--------------------------------------------
3 months 1 week
準備好滾動吧! 從現在到寶寶六個月大之間,他將學習如何反身及翻滾。喜歡伸懶腰並讓背拱起來的活潑寶寶可能比喜歡躺著與享受周遭視覺樂趣的鬆軟寶寶更早學會反身及翻滾呢。

這兩種類型的寶寶都可能會練習從他們肚子的一邊扭到另一邊,準備好做翻滾移動了。因此給寶寶充分的「地板時間」 – 躺在地板上 (或地板或地上的毯子上) 伸展以及和妳玩的機會,會是個好主意呢。如果他一整天都坐在自己的汽車座椅、搖床椅或背帶裡,他就沒辦法練習了。妳可能會看到寶寶開始「迷你的伏地挺身」,然後踢自己的背呢。最後他將可以再翻到仰臥呢。

用毯子或枕頭撐住他的話,也可能可以坐直。如果他可以短暫這樣做而不會向前倒或立刻倒向旁邊,請利用各種方法讓他欣賞因為在嬰兒車裡坐直或與妳一起坐在沙發上所帶來的新視野。(千萬不可讓寶寶沒人看著,即使一個看起來很穩固的嬰兒椅都可能倒塌。)

3 months 2 weeks
寶寶的咕咕聲與咯咯聲可能越來越強,但現在他只是能發出一些子音,結結巴巴發出 p 與 b 及 m 與 l 的聲音,這就是第一個「媽媽」(ma ma) 與「大大」(da da) 音的由來。首先,她並沒有將這些音與任何特殊的意義聯想在一起 (雖然妳會這麼想),其實那只是她最容易發出的音。(有趣的事實:「媽媽」與「大大」及其變化的音在各種語言當中都是常見的第一個字呢。)但妳對於她的這些字的回應可鼓勵她重複這些字。

現在,寶寶也知道如何利用他的聲音來引起妳的注意,持續和寶寶對話是最重要的。當她伊伊呀呀發出一串 聲音時,請模仿這些聲音回應她。在跟她說話時叫她的名字,也可唱歌給她聽。當爸爸媽媽輕輕唱歌給寶寶聽時,寶寶都很喜歡同時被親熱地撫抱呢。

3 months 3 weeks
現在妳的寶寶從一個觀察周遭世界的被動觀察者成長成為一個主動的參與者了。她的頸部肌肉變得更強壯,而她的頭部控制也穩定得多。眼睛與手的協調性也改善了。請注意她如何對著掛在頭上的浮動玩具眨眼,以及她如何研究嬰兒床裡的玩具,並一邊自己玩呢。

現在她會盡她所能地轉動她的頭去看看在她後面東西。請讓她坐在有彈性的椅子裡、汽車座椅裡或妳的腿上,激發她四處看看的能力。

這個年紀有些寶寶甚至想試著「站起來」呢。如果當妳的寶寶被安全地抱在妳的腿上,卻好像很想站起來時,表示她的腿部肌肉可能已經結實到可以嘗試這新的感覺了,至少是短暫的呢。不要擔心她會因為這樣而變弓形腿或傷害她的腿。

妳如何養出一個知道自己被愛的孩子
以具體的方式表現妳的感情:

表露妳的愛。請給妳的寶寶擁抱與親吻,抱抱他,摟摟他。寶寶不需要很多花俏的玩具,但他確實需要慈愛的爸爸媽媽的注意與關愛。

跟寶寶說話。妳那令他安心的聲音會變成寶寶熟悉的感覺,以及每當妳每次的出現讓他建立安全感和認知。

回應他的需求。聽起來好像很基本,但這是讓孩子擁有安全感的基本原則。當寶寶哭的時候,請試著了解他需要什麼。換尿片?小睡一下?有時寶寶就是不停地哭,特別是就寢的時候。然而在其他時間,快速地回應,會讓他覺得更有安全感,因為妳在注意他。

觸摸妳的寶寶。肌膚的接觸是很令人欣慰且放鬆的。有些寶寶很喜歡嬰兒按摩。

3 months 4 weeks
妳的寶寶喜歡伸手摸任何他可以抓到的人或東西。因為協調性越來越高,他已經可以伸手去拿或拾起讓他感興趣的東西了。妳可以幫他練習抓取的技巧,方法是在他的小床與遊戲圍欄掛上迷人的玩具,特別是會發出嘎吱嘎吱或咯咯聲的玩具。花點時間在活動墊上或做地板體操也有相同效果。每次他抓到一件物品,他就學到如何讓手運用得更好。經常換玩具以保持他的興趣,給他繼續下去的新資訊。

請將玩具放在他的手附近,幫助他練習 – 如果他有興趣,他會去抓它。一旦他開始了,就再次拿起玩具,放在離他的手稍微遠一點的地方,讓他必須伸手去拿。當他躺著時,妳也可以在離他抓得到的幾英吋遠的地方放一個玩具,這樣會鼓勵他伸展、扭動或爬去抓他的玩具。

info from Johnson's Baby

Tuesday, September 28, 2010

往事如煙::手袋篇

手袋用到殘都冇丟架!

地圖袋, HK$1700 (超勁! 咁多年前賣幾錢都仲記得!!)
中六的時候最興,
仲要係半圓形喎!
但係其實半圓好難放書囉...

Gucci tote bag, 當年只需 HK$2200
讀 U 的時候日日用,
用咗兩年,
媽媽話呢個袋最抵!

Celine, HK$2400
呢個讀 master 的時候用,
好鐘意呢個黃色,
又夠大個,
裝參考書可以放好多囉.

仲有我幾個唔記得影相添...
特別係那兩個日本版的 paul smith!
待續.

Monday, September 27, 2010

5分鐘小腹復活操

做咗幾日,
感覺幾好,
又做得舒服,
臨瞓前 5 分鐘.
------------------------------------------
一種非常神奇又有速效的收小腹運動,大家一起來做!
而雖然說是「運動」,但基本上只需躺著5分鐘就可以了,根本動也不需要動!
實行之前讓我們先看看小腹凸出的成因。小腹位置本來是靠腹肌的收緊和盆骨的向前頂來維持人體天然曲線,可是隨著年齡和懶惰度增加,腹肌鬆弛之餘、眾個內臟也因變重而下墜,壓著腹肌和令盆骨變形,最終令小腹凸出。
準備好快速收腹沒?首先去拿一條綁頭髮的橡筋,然後找個舒服的地方面朝天躺平,用橡筋把左右兩邊的腳趾公綁在一起,在腰下墊一個咕o臣或坐墊,最後雙手往頭頂方向伸直放平,令整個人呈一字型,就是如此而已,這樣輕輕鬆鬆躺個5分鐘後,再去量度小腹圍,一般減個3至6cm也沒有難度。每天持續做的話,小腹可望一天一天地消失。
幾乎沒有付出過勞動,卻有這種效果?其實這只不過是像槓桿般的力學關係:用橡筋綁住兩邊腳趾公,強制平時向兩邊呈八字的雙腳向內靠攏,強逼大腿肌肉用力,透過肌肉連動關係,喚醒懶洋洋已久的腹肌也一併緊張起來。
而高舉於頭頂的雙手,同時在另一頭向腹肌施壓,增加腹肌的運動力度。在腰部下面墊高,可以矯正移了位的盆骨和肉臟,讓收縮回來的腹肌「歸位」,從而慢慢減低小腹的「高度」。
透過一連串靜態動作的槓桿效應,輕鬆自在滴汗不流就能能復活腹肌,長期做可以漸漸矯正線條,即使是臨出席宴會時才發現裙子被小腹頂著穿不上,亦可以拿來作急救之用。
info from Yahoo Health

肉骨茶+白灼生菜+日式豆腐+羅漢果水


以後希望星期日 / 公眾假期都可以煮個飯,
都是簡單餸.

肉骨茶係湯包,
買排骨跟指導就得啦.
(仲可以蒜頭同胡椒粉, 鹽都唔需要加).
為星星而設,
我都唔多食嘅~
呢個湯包接近香港人口味,
冇咁深色, 冇咁藥材.
我買開同牌子的喇沙湯用黎煮粉都好好味架.
白灼生菜同日式豆腐都唔洗講啦.

肉骨茶包仲有個豉油可以點肉,
我地加咗辣椒絲,
用黎點菜都得~

另外下午的時候煲咗羅漢果水,
羅漢果破開同水一齊煲 20 分鐘.

(依家用個公仔麵煲加 3 個羅漢果, 剛好濃的一壺.)
阿蘇介紹架麻,
濃又可以加水加冰,
超簡單又有益.
(仲專登買多個玻璃瓶 HK$45.9, 購自 Apita)

Sunday, September 26, 2010

菜膽班塊+日式豆腐


新屋煮的第一餐飯~
個廚房真係好大!
中秋節翌日的事.

原本想整豆豉鯪魚油墨菜,
但係星星話罐頭可以擺吓喎.
行吉之島的時候,
佢見到人地超市個菜膽班塊好得喎,
HK$26 滿飯盒!
好抵食吓,
不過我地早返屋企,
所以要煮番熱.

日式豆腐買百福的盒裝豆腐 (HK$11/2盒),
只要切片再加日式芝麻汁.
呢個餸係我至愛,
個汁好好味~
今次買嘅係綠色粗粒裝,
個樽寫住大大個 '金' 字.

往事如煙::眼鏡篇

精美的眼睛盒係眼鏡店 n 週年送的禮物,
係咪好似好 pro 呢?
呢個放舊眼鏡,
仲有一個放太陽眼鏡.
因為近視一路加淨,
一至兩年就要換鏡片啦.

smash!
當年買眼鏡唔係高登就眼鏡88架啦,
好少話去啲小店買.

當年勁興的 Giorgio Armani 橢圓形鏡框

當年冇漸變色鏡片,
亦少有clip on 的太陽眼鏡鏡片,
一定要另買一幅有度數的太陽鏡
當OQ年好興戴太陽鏡啦.
Cityboy 的產物.

當年的尊貴視力係明星店,
不過佢嘅款式同其他連鎖店好唔同.
之後一路都係呢度買啦.
Alain Mikli, Made in France.
呢個藍色呢個形,
當年都好少見.
呢個亦係我的至愛.

想搵番同之前個型差唔多,
不過轉個色.
Junko Shimada Made in Japan

呢個同之前差唔多色,
但係就變咗粗邊囉.
l.a. eyeworks Made in Italy
Katherine Hamlett
Katherine Hamlett,
呢幅唔記得係幾時買啦.

仲有各款懷舊太陽眼鏡,
購自炮台山小店.

Saturday, September 25, 2010

往事如煙::舞蹈篇

讀書時代參加舞蹈比賽,
完成後有冇得獎都有紀念品攞走.
年年唔同架,
不過唔知點解得番兩樣.

Friday, September 24, 2010

一家三口::竹地板


星星提我冇講個地板,
這個可是第一樣決定的東西.
(但係裝修完我又最後一樣講囉.)
決定咗之後我地就去灣仔某代理睇板,
選擇最淺色的物料,
冇辦法啦, 我鐘意光猛啦.
但係佢地報價 HK$68/尺
好貴囉...
然後星星搵吓其他公司,
都要 HK$42/尺,
都仲係貴架, 不過好似都平咗唔少,
都決定做架啦.
之後再叫師傅去報價,
點知只需 HK$38/尺,
即時覺得超平~
做咗出黎都好滿意啦.

Thursday, September 23, 2010

睇家庭照::MyMemory

一個禮拜就有相睇啦.
睇相之前先介紹加錢的東西.
1. $2000 攞晒全部 / 60+ 的已執檔案, 或者 $3500 攞晒全部 / 60+ 的精修檔案
2. 做大相架, 好似係 $500 (定 $800?) 就有 10" x 30" (好似仲有其他尺吋?) 的韓式相架
好似仲有兩樣嘢,
都唔記得啦,
完全冇心機聽~
因為一早已經決定唔加錢.

睇相呢...
已經執咗同剪裁咗.
(一向覺得唔靚 / 影得唔好的相至要執 :p)
我地影咗 93 張相.
因為後期瓜瓜瞓咗得個瞓樣兼冇換衫,
變咗張張相差唔幾.
亦都由於日日都有同瓜瓜影相,
變咗有好多都覺得可以自己影囉...
結果都揀啲覺得執得特別啲嘅相,
得別係三個人一齊影嗰啲.
基本上我係買手工,
我懶,
平時影咗放上網的相都冇執.

最後佢問可唔可以俾佢地做 demo,
我一口就拒絕啦,
我地低調架麻 :p
完全冇問有乜著數,
兼且唔係影得好好啫.

好就好在小姐俾我地靜靜地睇相,
完全冇 sell 過架,
結果我地又全身而退~
攞埋隻 CD 就走啦.

下一步就係電郵佢地啲相想點執,
(其實都唔知仲有乜嘢要執??)
一個月後同埋個相架一齊攞走.

Wednesday, September 22, 2010

往事如煙::公仔篇

細個的時候有好多好多公仔,
不過好多經過搬屋 / 大裝修都已經丟掉,
留下的都是我最有紀念性的.
不過今次搬屋決定同佢地永別啦,
腦裡面有回憶就可以啦.
每件東西背後都有一個故事.

呢個 donald duck 女友,
係咪叫 daisy 呢?
我記得係 sogo 買,
記得個嘴巴裡面原本有隻膠魚,
記得係唔知幾多次 100 分換來的禮物.
記得當年都好似要 ~HK$400

呢隻 cares bear 的來歷就忘記啦,
不過星星都買咗隻俾瓜瓜.

心形 patpat

歷史最悠久的大兔,
跟咗我 n 咁多年.

樹熊係阿哥去澳洲讀書,
第一次返黎的時候買的手信,
同時得到人生第一支香水: issey miyaki 一大支,
都冇乜用過.

小小 snoopy,
係大學畢業同班同學一人一隻.

小波鞋,
都留咗好多年啦.

Tuesday, September 21, 2010

影家庭照::MyMemory

早一日有人打黎 reconfirm,
當天早上個攝影師又打黎提我帶四至五件衫幫瓜瓜換, 另一條白色毛巾.
地點係太子,
都唔難搵,
係金都後面嘅街.
去到都等咗好一陣子,
因為上手影完要清場喎.

影相係有用閃光燈,
不過佢話係最弱嗰隻.
佈景呢,
都冇乜幾多個,
你可以話因為呢度唔係專影 bb,
更加冇 bb 造型提供.

有啲窗台位囉,
不過個 '窗台' 得 1' x 2',
佢叫我就咁放個仔'爬'係度 / 坐係度,
個窗仲要成半腰高!
我覺得好危險囉.
佢叫瓜瓜坐係個箱上面,
但係瓜要有嘢墊係至可以自己坐,
佢地冇呢方面的道具.
另外就用拉落黎嗰啲背景紙,
原本係白色架,
不過有大量黑色的腳印囉,
仲叫我地一齊瞓係上面!
包括瓜瓜, 不過瓜就先放毛巾係底!
實在唔掂囉.
我相信大部份的家長都接受唔到. (除咗我地 :p)

人地其實俾你影兩個鐘,
最後因為瓜瓜扭眼瞓喪喊,
都冇換晒啲衫.
只係玩咗一個鐘左右就完成.

全程都係影啲白底白衫的相,
我有預感結果係得到一批爆光的相!

唔會推介係度影室內,
無論係影 bb 定影結婚.
個場又細,
啲景又頹,
相片質素後話.

覺得應該係我幫瓜瓜影嗰啲仲靚囉....
不過叫做有人幫我地影一家三口,
睇怕都唔會加錢買相架啦.

Monday, September 20, 2010

一家三口::窗鏈


這個一定要介紹,
因為很適合有小朋友的家庭.

我們家的窗口位唔細,
景觀也不錯,
要安裝窗花實在係樣衰老土兼大剎風景.

星星打從睇樓一開始就說要換了那些窗,
改為一大片玻璃令景觀更開揚,
不過換一換要搭棚要洗好幾萬架...
然後行鋁窗店的時候發現這個窗鏈,
可以鎖住個窗唔開得大.
二話不說便決定了,
換一個窗同廁所廚房一樣都係長線投資嘅. (自我安慰中...)

星星問我要唔要學識鎖窗,
(其實就係用六角匙啫?!)
我話唔洗.
星: 可能你覺得熱, 要開大個窗呢?
我: 唔洗, 我唔會覺得熱.
星: 可能你想睇風景呢?
我: 唔會.
星: 如果你想跳落去的時候都要識開架?
我: .............. (笑到停唔到口...)

Sunday, September 19, 2010

搬屋2

一袋二袋紅白藍 - 係將會放床下底的衫

一箱二箱 - 相簿 / 書

呢堆係星星的大玩具, 瓜瓜的玩具同唔想放床下底而放棄的衫

唔知放邊的東東都寄存係瓜瓜房 :p

呢啲係星星的衣箱

一屋都係嘢!!!

- 丟 -
一箱二箱一袋二袋周圍都係,
見到都頭痛.
以前有另一間淨係放嘢,
依家星星唔俾我放嘢入瓜瓜房,
啲嘢多到唔知放邊.
唯有丟丟丟啦.
淨係丟咗嘅衫都可以日日唔同 look 的著足 365 日.
要將一房的衫放入一個三門的衣櫃,
實在 mission impossible.
(其實星星有叫我放係床下底, 莫非張床有龍床咁大?? 邊放得晒??)
不過佢地就算留係度都只係生活係冷宮之中,
著黎著去咪又係面嗰幾件!
不如俾佢地搵住好人家.
為咗悼念佢地,
我想今個月都唔買衫,
得唔得呢??

- 勤勞 -
淨係搬屋一事都知道星星係勤勞的大蜜蜂,
我係十級的懶蛇,
執個零鐘就要休息,
星星可以不停站的做足一日.
佢仲請咗兩日假去執屋添!
瓜瓜最好,
一搬入就瞓得啦.

- 大屋? -
正式入伙...
間屋好似大過以前好多囉.
由主人房行去廚房好似漫漫長路咁.
以前行兩步就到啦.

- 瞓覺 -
新屋真係好靜囉,
冇車聲架,
好唔慣.
床頭的位置又調轉咗,
星星由右邊去咗左邊,
感覺好古怪.

Saturday, September 18, 2010

金龍泰國菜

睇人地的部落格話不錯吃,
咁我又試吓啦.

生蝦, my favourite~
好少店有生蝦食,
呢度用草蝦, 比較細隻,
個汁偏辣.

午餐碟頭飯: 青咖哩雞飯
咖哩幾香

午餐: 炒金邊粉

燒肉炒椰菜苗
燒肉唔得, 椰菜苗有啲油 :P

冬蔭公
人地原本係滿一大碗的,
呢個得!

鹹檸七

太耐之前食啦,
價錢唔記得,
不過唔貴嘅,
可以再食但係又唔見得係人地食得咁好.

金龍泰國菜
地址 : 鰂魚涌祐民街30號地下
電話 : 3904 1930

Friday, September 17, 2010

榴槤::D24

購自美食節,
原個 D24,
HK$160.
好細個架咋!
大過個手球少少.

好彩個殼都好薄

榴槤肉都大大粒

好冇食呢??
嗯...
唔足夠令我買第二次囉.

Thursday, September 16, 2010

YoMama

呢期興乳酪,
食咗好幾間乳酪店,
Yo Mama 我覺得最好食.

乳酪有原味同綠茶,
我鐘意原味酸酸地,
星星覺得綠茶味比較好.
兩個都係實在, creamy,
唔似其他有些店的好水, 好似食冰咁.
特別係有好多怪味的店,
怪店的都唔似乳酪.

原味配芝麻,
綠茶配芒果.

小店都坐得好舒服,
不過有啲矮枱就怪怪地.

Yo Mama
地址 : 灣仔永豐街16號
電話 : 2865 5600

Wednesday, September 15, 2010

搬屋

- 病 -
感冒成個禮拜都未清已經傳染咗星星,
廢事連瓜瓜都病埋,
決定同星星一齊睇醫生,
然後攞張假紙執嘢, (橫掂原本都唸住攞事假.)
點知啲藥勁散,
食到我暈吓暈吓.

- 書 -
上次搬屋已經丟咗好多書,
然後坐月的時候又丟咗啲,
點解今日執嘢都仲有半個書櫃的書,
乜我有讀咁多書咩?

- 衫 -
比我想像中仲要多衫,
好多好多衫,
最大嗰隻紅白藍,
有十幾袋囉!
未計已經俾咗人嗰一大堆.

- 大肚 -
搬走的衫有八成都係唔啱著,
到依家都仲有58kg,
啲衫幾時至著得番??

- 收藏品 -
買下很多的 Tuxedoasm 精品,
幾年都冇掂過,
但係又唔捨得丟,
放到幾時?

- 日記 -
由小學寫到依家啦,
都寫咗好幾本啦.
決定丟棄啦,
結婚之後開展新的人生,
唔需要回首過去.

- 紀念冊 -
小學中學大學的我都有留起來,
不過今次搬屋決定放棄它們,
因為我再不需要別人來告訴我是什麼人.

- 小玩意 -
星星話可以留番俾瓜瓜玩,
不過實在太多啦,
邊玩得咁多?
特別係那些麥當當玩具,
好幾大袋囉...

- 書信 -
多年來收到的書信,
全都丟棄.
廢紙一大箱.

- 老公 -
嫁咗之後樣樣都依賴慣,
自己好似冇用咗好多咁.
不過都樂得舒舒服服 :P

身外物實在太多,
樣樣都要留念,
屋企邊有咁大?
應該係展望將來而唔係沈醉係回憶裡面.

係記得嘅,
冇實物係手都記得,
唔記得嘅,
日日望住都唔知所謂何事.

丟咗半間房的物資,
如果一早就丟棄所有的東東,
可能唔洗搬呢...
不過唔搬又唔會咁有興致的丟咁多嘢.

Tuesday, September 14, 2010

ArtJam::Jameration

第一次玩,
都唔知畫乜好.
係平, 不過地點偏遠,
食物場地一般,
適合比較認真的畫畫人,
我地柴娃娃就一般啦.
不過可以做個鐘都 ok 啦.
起碼有用啲先啦.

鄙人的劣作

星星的大作
Blog Widget by LinkWithin