Tuesday, August 31, 2010

油漆::立邦

星星原本想要牆紙!
我話依家唔興! 而且牆紙脫落好肉酸!
星星話油漆立邦最好,
我只係需要好白好光猛就得啦.

最後揀咗每個地方有少少唔同色
主人房用 OL8531 Pink Champagne, 帶粉紅.
瓜瓜房用 OL8758 Undercurrent Flow 帶橙.
廳用 OL8760 Mother of Pearl others 帶黃.
天花用全白 OL1101 White ceiling.

冇加 feature wall, 怕第時唔鐘意,
而且屋細嘢多, 冇謂眼花.

Monday, August 30, 2010

窗簾::彩紗簾

好耐冇買窗簾,
新出咗啲好有趣又實用的款式,
星星唔鐘意一般窗簾一大塊布封塵,
我鐘意好光的屋,
羅馬簾拉上全光, 拉落又全間, 無中間.
我地揀咗隻叫彩紗簾.
一個捲筒兩層布,
橫條布半透明.
輕盈啲簡約啲,
而且的鐘意佢可以時光時暗.
不過價錢俾一般窗簾貴啲,


youtube 仲有用法說明!


購自旺角花園街時尚布藝,
店員 wilson 好好人.

Sunday, August 29, 2010

我係包租婆!

正式榮升包租婆~ 呵呵~
估唔到咁快就租得出!
半日就攪掂啦.

作為包租婆,
當然想收多啲租啦,
但係租客本身都好重要,
最怕職業租客.

第一個黎睇樓的係一對夫婦,
老公做工程養一家四口,
賣咗樓搵屋租,
兩個樣都好斯文,
我對佢地好有好感!
佢地一睇就好鐘意仲即刻講價.
不過佢地俾唔到我地心目中的價錢.
星星話租俾人都係睇錢, 好人冇用喎.
咁又係嘅...

第二個呢, 係後生的情侶兩對.
話就話係一對租, 另一對朋友幫手睇吓,
但係我聽到佢地不停問間細房可唔可以放雙人床!
(實得架, 放到床但閂唔到門囉!)
太後生我都怕怕地.
驚攪到間屋烏煙瘴氣 :p

第三家就一家三口+工人,
囡囡 9 歲都 ok 啦.
兩公婆職業都穩定,
又係賣咗樓再租地方.
而且有工人,
間屋的保養應該都好啲啦.
乜都唔洗我整又唔多講價!

就係咁,
個經紀用咗唔洗兩個鐘就做咗我地生意啦.
下個月就要搬屋啦,
但係新屋都仲未裝修完囉.

Saturday, August 28, 2010

Oasis Spa::仲夏.和風御酒淨肌之旅


有優惠體驗價的信件,
HK$368 享受Oasis Spa「仲夏.和風御酒淨肌之旅」乙次 (原價 HK$2,900).
還在想要不要去...
及後看到別人部落格寫的體驗好像不錯,
湊仔又湊到好鬼攰!
都係時候抖一抖~
3 小時又 facial 又按摩喎, 好抵!

早兩日前預約,
早一日有電話到再確認.
一去到就由電話確認的Karen招呼,
填完資料就有另一位 Joey 帶我入房.
可能因為新店仲有工程??
係走廊見到好幾個男人搬運 / 行來行去囉!

間房好大,
張床已經大過一般的店,
然後仲有衣櫃, 洗手盤, 梳妝台, 大大張座椅!
仲要放儀器呢!

小姐話通常係先 facial 後按摩,
所以我做 facial 先.
不過真的有關係嗎?
佢都完全冇介紹過個流程係點??

「金水晶水潤光采」的面部療程
先聞香薰,
但係我好憎, 好想叫佢攞走 :p
之後用浸咗清酒加甘油做的 paper mask 去角質,
再加一個 bio mask 用微電流,
一大餅面膜放係面上面, 有少少重.
繼而做針清, 都有啲痛,
亦都唔夠我係 borghese 做開的細心,
不過做完塊面就真係一點紅都冇啦.
修眉就感覺有啲求其.
然後再做機,
有個好似打摏的棒棒一路 '導入' 塊面,
不過部機的風扇好嘈,
而且導入的時候枝棒 '吱吱' 的高頻十個擾民,
好頭痛 :p
最後再做多個軟膜,
休息一陣.
做咗 3 個 mask,
好乾淨!

下一步就係同一個地點做「香薰淋巴纖身按摩」.
先用熱海鹽做背部按摩,
呢個就一般啦,
好似泰式用個藥包印吓印吓,
都唔知印乜...
之後按摩就好鬼死舒服!!
個姐姐手指好有力囉!
80 分鐘後段都仲係好得~
(但係我唔知姐姐叫乜嘢名...)
雖然只係 80分鐘,
但係我覺得按咗好耐,
按完之後真係全身都安落晒,
仲好似 firm 咗 :p

最後按摩師問我係咪係房度換衫,
我反問佢有冇地方沖涼囉?
成身油喎??
唔通冇唸住俾我沖涼?
沖涼房裡面的用品同 facial 一樣都係用全線 H2O 產品, 正!
不過又到我沖完涼吹晒頭至同我講更衣室係有 sauna 架囉!
而且有個貴妃椅區可以休息添!
激死...

整個療程做足 3 個鐘,
絕不欺場!
仲要唔停手咁做咗好多嘢!
最後飲杯花茶,
好嘆世界呀~

出到黎當然要再同 sales 姐姐吹兩句啦.
小姐冇硬銷,
我都有問按摩價錢,
有 10+ 種按摩選擇, ~60-80 分鐘,
12 次 ~$6000-7000 (突然唔記得咗幾錢...)
但係要 6 個月內用完.
25 次 ~$13000
但係要 9 個月內用完.
呢有咁富貴可以做得咁密...
不過佢話佢地成日做推廣,
壹週刊 / 新假期等都有,
四季推出不同的主題,
而且下次可以再以推廣價試其他款式囉!
唔會話只限新客戶!

不如下次我地一班人一齊去啦!

Oasis Spa 尖沙咀旗艦店
地址:尖沙咀海港城港威大廈1座10樓1002, 8-12室
查詢及預約:2956 0988
營業時間:星期一至日10:00-22:00

Friday, August 27, 2010

無聊幾句

1.
呢排戒嚴,
有好幾個初稿都開始咗兩句而未收筆,
希望星期六可以寫多啲.

2.
婚又結完,
仔又生咗,
裝修都今個清場啦,
之後應該都冇咁勤力日日有得寫.

3.
生活非常定時,
瓜瓜食飯有時, 瞓覺有時,
正常運作唔嘔奶都非常舒服.
不過我係 fb fashion world 努力中,
又瞓得多, 8 小時冇走雞~
日日都好似好充實咁!

Thursday, August 26, 2010

瓜瓜::3Months


瓜瓜真係知道我返工架,
突然間,
一踏入八月佢就戒夜奶啦.
夜晚 ~9:30 最後一場,
佢一瞓就到第二朝 ~5:30!

返工有冇好掛住瓜瓜?
可能之前困得太耐,
反而覺得多咗一點自由,
慢慢調較番以前的步伐,
唯一分別係夜晚少咗出街,
但係星期六日又一定要出街囉.

瓜瓜本身就冇乜特別,
大舊咗啲,
對眼精靈一啲,
聽人講嘢又叻一啲.
係咁衣衣吖吖冇乜特別啦.
食手可以好準確的一移就放入口囉.

在轉第二階段的奶粉,
又回復係咁嘔的階段...
----------------------------------------------
2 months 1 week
現在妳的寶寶 2 個月大了,他正在學習控制他的身體和情緒,當他高興時,他會變得越來越好相處。他會聆聽新的和不同的聲音;他會東張西望地找有趣的東西來看;他會很專注地(雖然很短暫) 集中在任何抓住他的注意力的東西上。最明顯的是他真的很喜歡看他的手,把它們擰在一起,然後塞在嘴裡。

咕咕聲是他表達快樂的方法,也是練習他的聲帶的方法。現在妳可以和妳寶寶「對話」了,當他發出咯咯聲或咕咕聲時,請說一些東西或同樣發出咕咕聲回應他,然後等他「回應」妳。現在「交談」其實是寶寶學習說話的開始!

2 months 2 weeks
妳的寶寶一天一天茁壯成長,現在她趴著的時候,可能會抬起頭、胸和肩膀了。當她這樣「起飛」時,寶寶看起來可會很可愛呢。如果她長得特別強壯,當她趴著的時候,可能可以用手臂把自己撐起來呢。

當寶寶趴著的時候,請拿一個玩具在她面前,稍稍逗弄她一下,幫助她練習這個技巧。雖然她無法碰到它或向前移動,她還是會想把自己抬起來看的。寶寶至少到 6 個月大才真正懂爬,但這些預爬的動作正好幫她鍛鍊肌肉,好讓她長得更強壯。在她真正會爬之前,她可以稍微移動一下,以及滾動。記住,給寶寶機會讓她可以像這樣趴著是很重要的。不妨當她心情愉快的時侯,把她從嬰兒床抱出,伏在地上或軟椅上,多作這個規律的「遊戲」吧。

2 months 3 weeks
妳的寶寶是一個優秀的聽眾呢。他能認出妳的聲音,而且在聽到妳的問候時,他會用笑來表達他的高興。妳可能注意到寶寶聽到新的聲音時,好像變得不友善 – 而且只有在他可以分辨出聲音來自何處之後,他才會再開始踢腿或移動手臂。

他對於使用五官來認識他的世界也感到很興奮。其實,妳可以看出他是多麼努力地吸收他每天接收到的新訊息。如果有什麼事情吸引住他的注意力,請注意他會多麼努力地全神貫注,以及凝視。他正在許多層面上吸收新事物呢。

現在有更多東西可以迷住妳的寶寶了:新玩具的對比色、天花板風扇的運轉或沙沙做響的樹葉、水流的聲音,以及廚房水槽裡鍋子的嘩啦嘩啦聲。

2 months 4 weeks
妳的寶寶已變得很靈活,而且對自己的手已經有意識了,她正像福爾摩斯一樣偵查著它們呢。她會把雙手翻來翻去,好從各個角度看她的手指。她會打開又合上她的拳頭,看著每隻手指上上下下移動。幾乎就好像她把她的手當成玩具一樣呢。要幫助妳的寶寶開發她那發展中的眼–手協調性,請在她的手剛好碰不到的地方掛一個玩具,讓她可以去抓它。

妳的寶寶也會把一隻手指頭或整個手放進她的嘴巴,這是她學習有關她的手的另一個方法 – 感覺它的肌理、它有多大,以及它嚐起來像什麼。手很方便用來探索這個方法,因為它就在寶寶的面前,而且永遠不會不見了。

但最後妳會發現,她會把她身邊的各種東西都放進她的嘴巴裡,藉此來發現這些東西。對寶寶來說,這是她收集世界的新資訊很重要的方法 (而對妳來說,這時候要開始注意硬塞的風險,避免寶寶隨意放細小危險的東西到嘴巴裡)。

info from Johnson's Baby

Wednesday, August 25, 2010

買買買

有男朋友之後,
shopping 可以睇埋男裝部.
結咗婚之後,
shopping 可以睇埋家庭用品部.
生仔之後,
shopping 可以睇埋童裝部.

真忙!
成家百貨公司行晒,
行街可以間間舗都入!

Tuesday, August 24, 2010

調味架::Asvel


終於都買咗啦!
揀咗好耐好耐好耐好耐好耐好耐!!!!
因為我地都好 Q 麻煩 :p
意見多多.

要能單手開蓋,
個蓋不能太輕,
要完全蓋緊,
唔要玻璃, 因為太重, 又怕打爛,
塑膠不能太薄,
不要五顏六色,
唔可以太細,
想要一套連架,
個架最好係不锈鋼.

呢個係 Citys' Super 見到,
(HK$319, Citys' Super 咭有 9 折.)
一睇就知係佢啦!
(最後都係買番啲 basic 嘢囉...)
買完之後見到淘寶都有,
不過放食物我就唔敢博啦.
貴啲就貴啲啦.
(雖然都係 made in china :p)
其實同牌子有個圓形的款式比較靚仔, (但係我搵唔到相囉.)
不過呢個可以橫放直放又好似實用啲就買呢個啦.
而且呢個係大牌子,
第時唔覺意整爛咗個,
都可以單獨買得番.


產品名稱 : ASVEL Forma系列三格調味盒
產品材質:外殼為不鏽鋼材質,調味盒為Polypropylene (P.P)
產品形狀:長方形
產品規格:730ML*3 300W*155D*105H
建議用途:適合長期存放食鹽、白糖、澱粉、味精及辣椒粉,咖喱粉、茴香、花椒、豆豉等各種調味品。使用壽命:30年國際標準:符合美國、歐洲國家標準
產品質量:日本知名塑膠生產商ASVEL株式會社榮譽出品。材質優良,無毒無味,對食物無任何污染、盒身柔韌度、產品表面耐磨度、符合國際安全及衛生標準。
使用安全:設計合理,安全性能佳。使用性能:適合長時間存放調味料,保證調味料不變質。
整合空間:儲藏空間能夠得到充分利用,可節省40%以上的空間。
使用方便:易于存放、密封儲存、取用自如、便于清洗

Monday, August 23, 2010

洗衣機::西門子WM08E361HK

想買個容量大少少, 好少少, 個樣靚少少.
只不過係百老匯見到西門子的前置式洗衣機個樣唔錯,
乾衣機都買部 6kg,
所以唸住洗衣機都買 6kg, 800 轉又 ok,
好冇用就唔知!
價錢合理就廢事唸啦.
早啲決定, 早啲格價 :p

點知到我地買的時候,
款式已經變咗 7kg,
6kg 仲有得賣,
但係星星話冇理由買舊款喎.
是但啦,
都係差唔多的東東.

WM08E361HK
> 洗衣量: 7KG
> 轉速(轉/分鐘) : 400~800轉
> 尺寸: 847(H) x 600(W) x 555(D) (mm)
> 尺寸: 33.4(H) x 23.6(W) x 21.9(D) (吋)
> 洗水溫度由冷水至90℃
> 15項洗衣程序
> 特別洗衣程式: 15分鐘超快洗, 混合衣物, 羊毛/絲質,預洗
> 額外洗衣功能: 暫停/混放衣物功能, 防皺易熨, 高水量清洗
> aquaSpa全方位滲透
> 向心門
> 輕觸式按鈕
> 多功能顯示: LED
> 剩餘時間顯示
> 預校完成時間: 1-24小時
> 洗衣進程顯示: LED
> 快思邏輯感應系統
> 超感平衡系統
> 漸進式脫水防皺系統
> 防敏感泡沫感應系統
> 自動修正系統
> 磁石門鎖
> 程序完成響號
> eco節能球閥
> 兒童安全鎖
> 180。開門角度
> 氣壓式拉力避震
> A級洗衣效果
> A+級能源效益

購自教協, HK$4120
仲要咁啱西門子做緊推廣, 送 HK$100 禮卷~

Sunday, August 22, 2010

燈燈燈燈::主人房燈

全屋的燈都定啦,
唯一係主人房.
始終都係鐘意之前睇中的 Visdanfo,
不過搵極所有的店都冇貨,
有一間店不斷話下個禮拜有,
但係等極都冇!

嬲嬲地揀個第二個!
呢個雖然麻麻地,
不過平平地用住先啦,
遲啲見到個好嘢就換咗佢!

宝贝描述:
【材质】亚克力
【颜色】透明/粉红橘如图示
【规格】直径38CM、吊高120CM(可伸缩) 重量:5公斤
【功率】配送E14-3X40W光源、超高性价比
【用途】书房卧室餐厅吊灯用处,适合于安装各种需要照明的环境中。

人仔168, 購自空間藝術家居裝飾直銷店

Saturday, August 21, 2010

MMM鞋+Milo袋

日日都落雨...
買咗新鞋都未著過!
好期待晴天呀~

平實而濶身的鞋頭

大幅承托的鞋踭

雙色的鞋身

Bape Kids emook Milo袋真身, 都黃得好有趣啦~

Jam Your Own Clock

我已經成為 ubuyibuy 的粉絲.
(so does gobuya, funshare!)
有時啲優惠都唔錯,
今次就係 art jam.
其實想去好耐,
不過大部份都係夜晚,
而且畫完一大幅畫之後點呢??

今次呢個就合我意啦,
加支針就變個鐘,
細張啲又實際啲!
約咗下個月頭的星期六 :D

我藝術天份就麻麻地,
要開始唸吓題材先!
---------------------------------------------------------
以$98參加由Jameration舉辦的Jam Your Own Clock(三小時/ 原價$250)
ART JAM 不在乎個人的藝術造詣,或是繪畫技巧,您只需把握源於內心的藝術精神,透過千變萬化的色彩與畫筆,表現真我。Jameration以柔和優美的旋律,不同風格的葡萄酒,營造出獨一無二的藝術空間。在不受拘束和限制的空間下,揮灑內心所想,釋放源源不絕的創造力,將心靈的桎梏打開,抒發內心的壓力與抑壓情感。在今次的推廣活動-Jam Your Own Clock (JYOC)中,Jameration會為您提供畫布 (30x30cm)、無限量供應的塑膠彩顏料、圍裙、時鐘、其他所需工具、小食及飲料,讓您能專心一意地創作出屬於您的時鐘。

ART JAM除了讓您釋放和了解自己的內心世界外,也能讓您更認識身邊的朋友。透過創作和分享,您可以與良朋知己或新朋友一起分享JYOC帶來的快樂新體驗!

細則
優惠券由2010年8月21日至2010年11月20日內有效
本優惠卷恕無法兌換現金及找零,不得與其他優惠合併使用
必須致電Jameration(28366480)預約
地址及地圖
九龍荔枝角長順街十五號利來中心十一樓 B室

Friday, August 20, 2010

幾句

1.
很喜歡今季的低浪褲,
剪裁好的可以完全蓋住生仔後的巨躉同粗脾 :p

2.
除了大腳,
三圍都有所增長,
升 cup 了又怎樣?
負擔大腰骨痛賤肉橫生.
最緊要係覺得肥咗而唔係大咗!

3.
頭髮幾時至長番?
好憎 gel 頭吹頭.

4.
非常繁忙,
一至五返工,
星期六要帶瓜瓜俾奶奶見吓.
星期日又同我屋企飲茶.
想約朋友?
一個禮拜最多一次.

Bape Kids 2010 autumn emook


從不是 Bape 的粉絲,
咁多年都只係減價的時候買過一件超低調冇公仔童裝灰色毛巾料衛衣.
(生咗仔之後都應該唔啱著架啦...)

Bape Kids 2010 autumn collection emook 送 Milo 親子袋,
有個媽媽奶粉袋+小孩斜揹袋,
1800yen~
個 print 都好得意啦.

冇特別格價,
係 7-11 買 HK$240.
即時換咗個 Paddington Bear 囉~
質地唔錯, 仲好輕好靚仔架!
(依家攞住個 shocking pick Coach 夠大, 間格好但係有啲重囉...)

Thursday, August 19, 2010

櫃::80Home

真係估我唔到!
最後個電視櫃竟然係購自淘寶!!!

星星話去宜家買,
但我唔鐘意宜家的大件傢俱,
一望就知宜家囉.
@home 又大部份都係焗漆,
歐化就太大件,
一般街舖都係大陸製.
既然係大陸製,
我自己上淘寶搵仲平啦!
估唔到啲款式好得架喎!
好鐘意伸缩的主意~

同一個款式有好多間店在賣,
相片都一樣,
但係星星睇真啲發現尺寸唔同,
不選最便宜的店因為覺得貴啲嘅質料應該好啲.
而且這家店在佛山,
運費相對便宜多啦.
加上用物流不用快遞,
買咁多樣嘢都係一個運費~

可伸缩折叠百变电视柜B622, 人仔455
【基材】:欧洲E1级标准环保颗粒板,抗弯强度高;
【饰面】:双饰面板,耐磨损、耐热、易擦洗
【颜色】:有白色、白枫木色、白橡木色、黑胡桃木色、黑橡木色可选
【产品尺寸】:宽1230~2340×高415×深415(mm)
【重量】:65kg



買咗兩個書架放窗邊,
一個打橫放, 一個打直放.
三層人仔235元, 四層人仔255元
时尚书架B080
【基材】:欧洲E1级标准环保颗粒板,抗弯强度高
【饰面】:三聚氰胺表面,耐磨损、耐热、易擦洗
【颜色】:有白色、白橡木色、黑橡木色、浅色胡桃可选
【产品尺寸】:宽606×高1032×深300(mm)--三层尺寸, 宽606×高1370×深300(mm)--四层尺寸, 宽606×高1708×深300(mm)--五层尺寸
【重量】:30kg


S型掛牆板買咗 2 件放係電視機頂啩??
人仔98.
S型挂墙板B033
【基材】:欧洲E1级标准环保颗粒板,抗弯强度高;
【饰面】:双饰面板表面,耐磨损、耐热、易擦洗
【颜色】:白橡木色、黑橡木色
【产品尺寸】:长800×高230×深200(mm);可选择多个组合
【重量】: 8kg/件

全部都揀咗白橡木色,
星星話成屋都白好悶好似醫院 :p
(我地梳化 / 門 / 天花 / 牆身 / 鞋櫃都係白...)
不過我就最鐘意啦~
白得黎有層次係好高架!

另外買滿 $1000 送書架一個,
不過沒得選顏色!
B086 时尚小书架 多用途装饰架 陈列架
【基材】:欧洲E1级标准环保颗粒板,抗弯强度高;
【饰面】:双饰面板表面,耐磨损、耐热、易擦洗
【颜色】:枫木色+金属支架
【产品尺寸】:宽635*深300*高1200(mm);
【重量】: 15kg

買咁多嘢都係人仔$1141,
再加物流送货$471, 到付.
平到震 :p
不過電視櫃白橡木色冇現貨,
訂製要等 7-10 天.

相片中的漢人居同我買嘢的 80Home 其實係同一間公司,
多啲保證,
貨品一樣不過貴多10%.
我地唸住又唔係乜嘢名牌,
都唔需要保證啦,
咪係平嗰間買囉.

Wednesday, August 18, 2010

又買嘢::海怡工貿

一返工我就有時間買嘢啦~
因為仲未修身,
唔敢買太多衫,
夠著就算啦.
但係就一路都好想買多兩對鞋.

一來對腳大咗, 半個碼左右啦,
二來以前啲鞋都好高,
抱仔始終比較危險.
可惜今年都係興涼鞋呀, 露趾鞋呀, 超高的厚底鞋咁,
返工我只愛密頭鞋,
一吋高就夠啦,
平底都可以.
不過平底到最後真係搵唔到我唔介意平平地係街邊買對 $80 嘅,
加個墊一樣舒服!
有踭鞋我就有要求啦,
返工第一件事就去行連卡佛, 西武同 IT,
不過今季冇乜 OL 款式,
對對都高到危危乎架囉.
退而求其次的 Le Saunda / Nine West / Staccato / Millie's,
甚至 Belle, Laforet, 利時....
不過佢地都少啲大腳的尺碼囉,
減極都要 $600+,
好唔值囉....
anyway,
都揀唔到.

唯有去海怡工貿的 outlet 行一轉啦.
由上面的 Marni / LC 開始,
之後 Armani / Moiselle / Joyce / Bluebell (Jimmy Choo / Moschino / Paul Smith) / Imaginex / Fairton,
都冇囉,
反而係 Joyce 買咗兩條比較正常的 Etro 呔俾陳星星, 原價 $1100/條, 減到 $310/條.
(呔真係愈來愈貴囉!! 吓吓都過千, 點買呀?? 減極都 $500+!! 傻咗咩.......)
之後攰攰地唸住行完 IT 就走人.

好彩啫....
最後去到 IT 都有收穫!
一見鐘情對 nude color 的 martin margiela,
型得黎低調, 矮矮地仲好舒服添!
然後小姐話另一對紫色有碼仲要全新~
深紫色好高貴後踭位係麂皮又好特別囉.....
咁結果就兩對買晒啦~ 嘩哈哈!!!
大出血...... :(
nude color HK$2398 (原價 $6850)
紫色 HK$2520 (原價 $7200)
但係小姐話買 2 件全單 9 折, 3 件 85 折, 4 件 8 折,
咁就搵咗全場減到最平的 APC, 仲要係背心!
一件 HK$120 (原價 $799), 另一件 HK$80 (原價 $399).
結果唔止呢個衫唔駛錢仲平多幾百蚊添呀~
(好師奶.....)
埋單 HK$4095.

都冇時間行 bb 用品, 傢俬咁,
搬屋之後同星星再黎過!

相片後補.

Tuesday, August 17, 2010

時間太少

返工太忙,
係公司睇報紙 / 打機的時間都冇!
好多嘢想寫 blog 記下.
但又冇時間作文....

Monday, August 16, 2010

Eva地墊::好孩子童屋

終於都買了,
因為新居未睇啱餐枱,
(之前睇中的 muji 枱板太矮...)
所以決定將飯廳暫時用黎做瓜瓜的玩樂地點.
買定地墊,
其實呢間比較貴 (@人仔17),
又唔送香港,
封邊條又要另外收費 (@人仔1),
不過抵死又只得佢有紫色...

品牌:奇德尔地垫
规格:60*60*2.5cm
重量:0.9kg/片
材质:采用无毒无味无害的进口EVA材质
颜色:红、黄、紫、绿
产品介绍:
1、该款本品以其新颖、弹性、耐磨、轻便、防滑、防水、易清洗、高密度等优点,广泛使用于幼儿园,专业比赛场馆、各种训练场馆、体操馆、泳馆、游乐园等布设,是目前市场上质量最好的地垫
2、奇德儿EVA地垫全部采用无毒无味无害的进口EVA材质,经过特殊的热转压技术,色泽鲜艳、清洁方便、环保、安全,不仅适合儿童玩耍使用,也可作为家庭装饰地板之材料,特别是爬行期幼童的必备之物。
3、其优点是铺好后比较平整,和其它地垫不同的是,它正反两面都有防滑图案,厚度2.5CM,比普通会垫厚很多,可以防止BB坐不稳或没有站稳倒下来时摔伤;
4、此款地垫无乎没有异味,清洗一下可以直接使用,妈妈们可以大大放心,不用担心象其它劣质产品一样有异味伤害到宝宝。

購自好孩子童屋

Friday, August 13, 2010

幾句

1.
屋企裝修同結婚一樣,
洗錢好似倒水咁,
啲嘢一樣係買極都唔完!

2.
幾個月冇去中環,
置地對面的花旗銀行仍然有雷曼苦主.

3.
一如以往,
明明係想買鞋,
結果係買咗衫.

4.
最懷念上車有人讓座,
特別係放工人山人海的時間!

5.
冇想像中咁掛住高跟鞋,
著咗幾日腳都痛埋...
真係爛泥扶唔上壁!
但係我就真係掛住 birkenstock 啦.

6.
係街度聽到 BB 喊聲就想起瓜瓜啦.

7.
肚皮還是鬆璧的,
幾時至實番呢?

Thursday, August 12, 2010

兒童汽車安全座椅::CombiCoccoro

之前瓜瓜頸骨未夠硬,
就無謂買張櫈啦,
依家佢都開始有需要習慣自己坐啦.
最終選擇 Combi 汽車座椅 Coccoro,
慳位啲,
價錢又平啲,
顏色又靚啲,
我買咗橙色!

Combi 汽車座椅 Coccoro S UX (AC) Carseat
- 0月-4歲
- 18公斤以下嬰兒使用
- 體積: 闊420x長615x高550mm
- 有3固定點安全帶專用
功能:
- 配有dacco立體內墊
- 轉色顯示器插扣
- 超輕重量
- 安裝簡易
- 低座面設計
- 難燃物料
- 椅墊可拆下清洗

1. dacco型幼童保謢裝置
最理想的安全角度,於意外時能將衝擊力平均分散在靠背,令危險降低。

2. 穩定姿勢 "dacco" 坐墊
dacco 坐墊能有效地減低身體上的壓力,給予幼童最舒適的坐姿,令幼童乘坐更放鬆。

3. 超輕量小巧設計
在汽車後座亦能安裝上 2 台 Coccopro ,即使車內空間比較狹窄亦適合使用。重量只有 3.9kg ,使媽媽亦能輕鬆處理。
4. 簡易安裝
不論前向或後向安裝模式,都是簡易安裝,媽媽也能輕鬆安裝。
5. 低坐面設計
只有 9.6 厘米高的座椅高度,即使車箱內高度不足,安排幼童上下汽車亦比較容易。

6. 5 種圓餅色彩供選擇
5 種色彩繽粉的圓餅色系,打破沈悶的深色框框,必有一種適合你的喜好。

購自 bbcare, $1938
淘寶~$1188+ 運費$40 到深圳,
不過考慮到攞番黎好重同安全性/保養維修的問題, 都係香港買算啦.

多謝十兄弟~
-------------------------------------
兒童在汽車上的安全實在重要,交通意外一旦發生,一張堅固兒童汽車座椅可保性命。
最新一期兒童汽車座椅測試報告指出一些適合不同體重兒童汽車安全椅,看似更經濟實惠,但缺點是難以正確扣緊不同體型兒童,測試表現不及體重較集中的座椅。

按歐洲 ECE R44/03 標準大致分 5 類汽車安全椅:
組別 0: 適合0-10 kg 嬰兒
組別 0+ : 適合 0-13 kg 嬰兒
組別 1: 適合 9-18 kg 兒童
組別 2 : 適合 15-25 kg 兒童
組別 3: 適用 22-36 kg 兒童
兒童汽車椅之設計可跨越兩至三個組別, 例如 : 組別 0+/1即適用 0-18 kg 兒童,組別 2/3 可適用 15-36 kg 兒童

歐洲安全標準 ECE R44/03
兒童汽車安全座椅在許多項目上規定非常嚴格,這個標準要求更多有關的撞擊試驗,增加頭部保護、提升安全帶系統安全性以及更嚴格有關於打開安全帶扣的多種規定。所有 Maxi-Cosi 的生產均超越這些嚴格的安全標準

歐洲消費者協會近期將 30多款,適用初生至 12歲的兒童汽車安全椅進行測試,其測驗結果在 06/2004 消費者雜誌 Consumentengids 全面報告,當中生產於荷蘭的Maxi-Cosi 汽車安全座椅在 0-13kg、9-18kg 及 15-36kg 組別被評為最安全。

消委會建議,家長為子女挑選汽車座椅時,體重是重要指標,年歲只作參考。用於13公斤以下嬰孩的後向安裝座椅,能有效減低正面撞擊時力度。

Info from 0/3 Baby

Wednesday, August 11, 2010

Tuesday, August 10, 2010

BB展2010

一早 9.50 到會場,
已經好多人,
排隊買飛的時候起碼有 100 人係我前面!
加咗 $5 買本優惠卷書仔,
都有唔少著數,
填個人資料得試用裝或買嘢平啲/有嘢送.

我地目標好明確~
要買多張床裖同床圍放係阿媽屋企,
bb 相+家庭相,
奶粉,
濕紙巾,
造相簿.

都係行行都行,
但係冇話晒時間站站停,
因為帶埋瓜瓜去,
奇蹟地佢又好乖瞓足全程,
明明夠鐘食奶都冇起身!
我地冇乜點睇嘢都行咗 3 個鐘!!!
只不過係 S 形行咗一轉同比較完返去原店俾錢...
仲要需要排隊攞禮品的店都冇去!

咁買咗啲乜呢?

1. 林貝兒奶粉
去到有隻新的 5 星級版本,
貴少少,
食開的有 54 種營養,
新的有 66種.
橫掂 3 個月都要轉 2 號仔,
所以就買多一罐舊裝 1 個仔,
另外 12 罐新裝 2 號仔,
足夠食多 3 個月啦!
真係平咗好多囉~
屈記 1 號仔賣 $235,
我去藥房訂 $190, (藥房冇現貨放係度, 始終冇乜人食呢隻新奶粉, 不過 2 日都有貨架啦, 隨訂隨有~)
expo 賣 $138 囉!!
新裝加咗價,
依家 12 罐都係 $1072 (即係 1 罐 $132, 劃一價, 1-4號同價.)
仲送咗條嬰兒床用蟲蟲玩具.

2. 床褥 c-max $240
唔想攞住周圍去,
送貨 +$30

3. 床圍 $330
呢個都減好多,
出面買要 ~$450,
但係冇現貨,
要遲啲去葵涌攞.
姆明6件嬰兒床上用品套裝
套裝包括以下:
*冷氣被 47x51"
*被芯 47x50"
*床笠 55x33"
*床圍 142x13"
*枕頭 13.5x9.5"
*枕袋 13.5x9.5"
備有粉藍色/黃色/粉紅色


4. bb 相+家庭相
星星其實想用番 Asgard,
但係我又見到 Page Studio,
瓜瓜可以影造型照,
唔駛自己再襯衫,
而且星星想順便影合府統請家庭照,
加多個人只係 $120.
package 的本身係 $880,
包 20 張相 (其中 3 張親子照),
bb 4 個造型照連衫,
影 1 個鐘 (如果 bb 唔喊, 影到 ~100-130 張相喎),
4 個家庭成員,
1 隻 CD.
一早問定要晒所有的檔案唔要大相都係 $3380.
(因為其他店都唔肯講定買晒幾多錢! 一定要續張計!)
暫定 12 月的時候去影~
最鐘意呢個樣!


5. 濕紙巾
Johnson's Baby 買幾包出街用,
價錢同藥房一樣,
紅色 $21/3包, 藍色 $18/3包.
不過就送 50ml 的沖涼液囉.
(後尾發現護協仲平, 紅色 $16/3包, 藍色 $5.5/1包.)

6. 造相簿
冇特別睇,
因為太忙,
之前想整一本都冇時間揀相同排板!

7. BB Monitor
呢個係場館見到啱用想買嘅,
不過未唸掂要淨係聲音定要埋影像,
而且關於叉電的問題又好似有啲煩,
睇多幾個牌子再算啦.

8. Car Seat
有一款 Recaro 0-4 歲 start i+,
荷花大減價 $3690, 原價 $5190,
好似減到好平,
但係都仲好貴 :p
如果買咗之後瓜瓜唔坐咁就真係貴啦!
所以都係睇定啲先算.

之後返到屋企又唸起仲有啲其他濕星嘢可以買囉...
e.g. 完全忘記咗的三角枕,
piyopiyo 獨立奶粉格, ($24.3@永安, $19@護協).
不過算啦~
都慳咗好多架啦!

Sunday, August 8, 2010

晚裝::PantorabyAndrea

張相就影得好靚啦~



All from PantorabyAndrea, New York

Friday, August 6, 2010

黑板::PlayingGrownUp

成日覺得屋企有個留言板好 warm 囉,
可以唔覺意咁寫兩隻字俾另一半.
不過我地日見夜見,
想講乜都講晒啦.



All from PlayingGrownUp

Thursday, August 5, 2010

最憎高跟鞋

都唔知係生完仔對腳大咗定太耐冇著尖頭鞋,
返咗幾日工對腳痛到痴咗線...

我想買鞋.

雪櫃::SiemensKG33NV43

其實我唔想買個新的,
不過星星話間屋租俾人都要有個雪櫃架,
仲要嫌用緊個雪櫃細!
算啦...
想買就買啦.

都係揀個靚仔架啦,
唔要門柄,
要銀色咁囉.
都係西門子好樣啲.

5,470.00 -1,310.00 Siemens KG33NV43 1700x600xD610
[功能]
- 雪櫃門數目 : 2 門
- 淨容量 (公升) : 252
- 急凍室容量(公升) : 66
- 冷藏室容量 (公升) : 186
- 能源標籤效益 : 1
- 冷凍系統 : 無霜系統
- 層架數目 : 3
- 層架物料 : 強化玻璃
- 特別用途 1 : 多層送風冷凍系統
- 特別用途 2 : 電子溫度控制
- 特別用途 3 : 肉類保鮮室
- 特別用途 4 : 蔬果保鮮室
- 特別用途 5 : 酒架
- 特別用途 6 : 製冰器
- 特別用途 7 : 雞蛋格
- 特別用途 8 : 活躍酵素除臭系統
- 特別用途 9 : 電子關門響鬧提示
- 特別用途 10 : LED電子顯示屏
- 環保雪種 : 有
- 機身呎吋: 闊 x 高 x 深 (毫米) : 600 x 1700 x 610
- 製造國家 : 土耳其

購自教協, HK$5470 (咁啱做推廣, 再送 HK$100 禮卷~)

Wednesday, August 4, 2010

I Love PaPaMaMa

我迫瓜瓜一定要愛爸爸媽媽!
雖然唔迫佢都會~
大PP褲!
不過呢個料比較熱,
冬天至著得啦.

購自 甜心小窩

親子裝就唸住去影樓的時候著,
都 OK 架.

實物照,
質料都幾滑架.

購自丹怡兒

Tuesday, August 3, 2010

燈燈燈燈::走廊燈

其實這個燈想放在飯廳,
不過只得一個燈泡,
唯有改放走廊啦.
買的時候要訂貨,
等咗 3 日.

走廊燈, 人仔$188

【材质】塑料顶盖 防水透光进口PP料
【规格】中号直径540mm 188元 吊线可自调高低
【功率】220V E27 40w x 1
【颜色】白色

購自距豪照明

Monday, August 2, 2010

環保vs媽媽

當了媽媽之後人都變得環保.
無論這個那個朋友 (不論熟定唔熟...) 跟我說: 俾啲二手bb用品好唔好? 介唔介意??
我一口應承, 絕不介意!
仲拿拿臨揸車去攞,
遠近不拘!

要知道 bb 用品都係好貴架!!
有啲又多一件唔多少一件唔少~
而且都係用一陣就唔啱用要買新嘅,
所以通常二手都仲係好新淨~
加上瓜瓜有 3 個地盤!
每樣嘢都買 3 份真係要了我的命!!!

尋日又得到好多東西循環再用,
網床, 比原本嗰部輕便的 bb 車, 學行車, 地墊, 衫仔....
依家我係環保份子囉!

(阿哥都加入咗,
佢都係朋友度攞咗部 uSurf 模擬衝浪器!,
星星話依家冇時間做 gym 都可以放係屋企減肥!
我玩咗一陣間都攰到傻!)

放完產假返工啦!

1.
好似初出茅廬咁,
之前一日熨定衫襯晒鞋執埋手袋!

2.
最驚再著高跟鞋,
會唔會 pk 呢?

3.
點都要扮勤力... 至少一個禮拜啦!

4.
唔係好習慣公司部電腦太慢!!!

5.
放假太長想返工,
返咗工又好想放假!!

6.
會唔會好掛住瓜瓜呢??

Sunday, August 1, 2010

燈燈燈燈::客廳燈

其實這個跟瓜瓜房的燈一樣,
不過變大咗做 6 頭,
很喜歡那個雲樣的玻璃罩.
這個運到時可是超大盒的!

6 頭雲朵吸頂燈, $408

【材质】玻璃
【颜色】奶白
【规格】整体尺寸600MM 高度25MM
【功率】220V 6*15W

購自歐萊蒂
Blog Widget by LinkWithin