Saturday, July 31, 2010

燈燈燈燈::筒燈

廚房裝了假天花,
用筒燈照明比較合適.
星星叫我揀,
點揀啫?
筒燈個個一樣樣架啦...

筒燈, 人仔$42

雷士照明
【品 牌】NVC雷士照明
【型 号】 TDE735A
【类 别】 3.5寸横插防雾筒灯
【尺 寸】 外径:130mm, 开孔尺寸:110mm, 整体高度:75mm
【安装方式】 嵌入式
【材质/颜色】 高档锌合金/亮光拉丝银

購自青蘋果照明

Friday, July 30, 2010

燈燈燈燈::飯廳燈

總覺得飯廳是適合用吊燈,
耐何樓底不算高,
唔可以吊得太長又唔可以太大
得一個燈泡又太暗.
呢個唔係最滿意,
不過用住先啦.

飯廳燈, 人仔$175

【产品材质】烤漆金属
【产品颜色】白色
【额定功率】E27 40W×3 (赠送光源)
【额定电压】220V
【产品尺寸】Φ42cm 主体高27cm 总高:150cm

購自燈火天堂

Thursday, July 29, 2010

Paul Lafayet


食咗好耐架囉,
係麥同學結婚嗰日中途休息出去食嘅,
不過影咗係手機遲遲未上載.

買咗的食物都好得!!
係貴啲囉...
包裝都好靚架.

必食的法式焦糖燉蛋

焦糖燉蛋個碟同羹都好別緻

是但買幾隻 Macaron 試吓

Paul Lafayet
地址 : 尖沙咀河內道18號K11購物藝術館G23舖
電話 : 3586 9621/ 3586 9631

Wednesday, July 28, 2010

燈燈燈燈::鏡前燈

又一家很快捷的店,
第二日就到貨!

廁所鏡前燈我冇要求,
最緊要有一大塊鏡!
唔化妝都係咁話!!

鏡前燈, 人仔$98

【说 明】:灯罩为旋压纯铝制品, 底盘为铝材氧化雾银色
【尺 寸】:灯罩尺寸: 直径6.5cm高3.5cm
灯体尺寸:宽52cm高7cm

購自富美家

Tuesday, July 27, 2010

丼日本咖哩專門店

金鐘實在冇乜嘢好食.
呢間咖啡屋都係一般般,
幾個月至食一次,
好 '漏' 囉!
最憎間店好似回音谷,
人多店小好鬼嘈!

芝士豬扒咖哩飯

已經係太耐之前的事,
呢個什麼黑芝麻豬扒咖哩飯

丼日本咖哩專門店
地址 : 金鐘夏愨道16號遠東金融中心地下C3號舖
電話 : 2529 8322

嬰兒游泳池

阿哥話依家國內興玩呢個游泳池,
陪月都話BB可以做吓運動,
佢又有經驗同 BB 玩過呢個池,
所以我又買咗個啦.
點知個店主一路都冇寄黎,
過咗度氣又唔再買啦,
又覺得好阻地方囉.

我唸瓜瓜應該會玩得好開心啦,
呢排都好鐘意沖涼.
可能運動吓手腳,
唔洗淨係食同瞓 :P
係就係用多少少水囉...

淘寶有好多相似的泳池仔.

嬰兒遊泳池套裝
套装配置包括:
1、全透明彩绘水池一个 高73*直径70 (注水后尺寸)
2、支架管6根 不需要充气 顶部一圈是充气的
3、婴儿游泳脖圈一个(通用码,适合0-8个月的宝宝)
4、充气设备-气筒 一个
5、1.2米长排水管子一根
6、婴儿游泳抚触教学光盘一张
7、婴儿游泳水温卡一张
8、专用修补包一个
9、产品使用说明书、售后服务卡 一张

Monday, July 26, 2010

瓜瓜::2Months


1.
BB 真係大得好快,
依家隻瓜係出世嘅兩倍!
雖然日日見住,
都忍唔住突然間會覺得大咗好多!

2.
日日有新事,
瓜瓜每日都好似識多一點點,
我又了解佢多一點.

3.
星星成日問我想幾時返工,
其實都好矛盾,
好想見證瓜瓜的成長多一點,
但係有時又覺得全職媽媽好攰兼困身 :P
或者瓜瓜大啲先啦,
依家都係食同瞓的時間比較多.

4.
成日都好想抱吓,
但係又驚抱慣咗,
之但係大啲想抱佢都未必俾你抱,
結果都係成日抱住佢.

5.
睇番大肚的相,
都好難想像到當日成個腫到豬頭丙咁樣.
望吓個肚皮,
直頭覺得不可思議!
再回想餵人奶的一個月,
簡直天昏地暗!!

6.
要知有冇嫁錯郎,
生個仔你就知啦.
有個仔多好多好多問題,
又好多好多嘢做囉!
星星很好,
他負責的工作很多: 幫瓜洗澡, 換片, 餵奶, 洗奶樽都係佢的工作範圍內.
我? 幫瓜洗面洗口, 洗衫, 洗紗巾, 餵奶, 分奶粉, 換片, 都好忙架.

7.
覺得生活太清閒咩?
生個仔你兩公婆都忙到乜嘢咁!

8.
一路都想買樣嘢送俾自己當做獎勵咁辛苦,
但係睇極都唔啱,
唯有續個貴 Facial 當獎咗啦...
星星會唔會 sponsor 一份呢??
-----------------------------------------
5 weeks
你的嬰兒正在了解他有手、手指、腳和腳趾。 直到現在,他還未知道她的手腳是她的身體的一部分,也不知道他可以用它們抓取任何她喜歡的東西。

你的小寶貝也開始說得比較多了。 當然不是說話,但是她咯咯聲和呼嚕聲增加了,這是她語言能力發展的開始。 她最喜愛的聲音是人的聲音,尤其是妳和妳另一半的聲音,抓住對你寶寶交談的每個機會。 她會特別留意高頻率的聲音, 你要注意從低頻率的聲音開始到高音調。 在每一種文化下,每一對父母都會很自然地用這種像唱歌一樣的方式對他們的嬰兒說話, 它被稱為" 兒語" 。

6 weeks
你的嬰兒會對著你微笑了嗎?如果不,他即將會。

在6 周大時,大約一半的嬰兒能認出他們的父母, 而大多數的嬰兒會高興地歡迎媽媽或者爸爸,並且是興奮地笑咯咯的。這" 微笑"就是嬰兒發展社交能力的第一個跡象。更不用說,這更的寶寶在情感滿足上的一個里程碑。

此外,你的嬰兒也能斜視,噘起他的唇,抬起他的眉毛,並且張大他的眼睛。這些特殊習慣是無意識的 - 當他斜視時,並不是因為他正深入的思考。 你的嬰兒一直在密切觀察你的行為,並且他正試著跟你一樣做出不同的面部表達模式, 透過這項練習,他正步步學習溝通的能力,幫助他在這個世界上與他人相處。

7 weeks
寶寶的移動現正漸漸地變得更平順,更協調了。天生的反射性動作已經逐漸消失。你將發現到寶寶現在能主動抓住物件- 如毛巾、湯匙和媽媽的小手指。在鬆開之前,寶寶會抓住物件一段時間,並隨意搖動。

寶寶現在能穩定地抬起他的頭,他會更清楚看見並理解他的手指和手是附在身體上,她可能也會認為握在手中的物件是手的擴展部分。你可以鼓勵他做手部的練習,以幫助確認他的手是可以自由活動的。 不要總是讓他們裹在被褥內或替雙手長期帶上小手套,拿有多種形狀且不大不小的東西和玩具給他握在手中。當他仰臥時,吊些玩具懸掛在搖籃或小床上,這會讓她覺得很有趣。

info from Johnson's Baby

Copy::港孕婦赴深圳突早產

好在冇早產...
預產期前兩個禮拜我都有去深圳!
唔覺意係內地生仔真係冇香港出世紙架!
---------------------------------------------------------
港孕婦赴深圳突早產
2010年07月26日 蘋果日報
【本報訊】懷有雙胞胎的港婦何太,預產期是今年 9月 12日,本月 3日,她挺着七個多月的身孕到深圳探望母親時,兩個小生命卻搶閘在深圳出生。「內地人個個搶住到香港生仔,我兩公婆都係香港人,估唔到竟然會響深圳生 BB。」何太昨向記者說:「呢次錯誤嘅行程,令我後悔終身。」


「累兩女冇香港出世紙」
五年前取得單程證來港與丈夫團聚的何太( 34歲),在港從事地產經紀;懷有雙胞胎的她,本月 3日休產假時到深圳探訪母親,打算與母親住幾天就回港待產。
本月 8日清晨 5時許,她突然胎動,當乘坐的士趕去羅湖口岸等待開關返港時就破了羊水,遂轉到深圳第一人民醫院。兩名女兒分別於當日 5時 47分及 55分出生。
「香港生 BB每日只畀 100蚊床位費,但喺深圳我就已經使咗 6萬幾蚊人民幣。」何太昨在深圳向記者說:「如果唔返深圳,我兩個女就唔使響深圳出世;自己累咗兩個女冇香港出世紙。」她最煩惱的是為女兒辦理來港手續,並向港府及深圳市政府求助。據悉,何太只要提供夫婦居港證明,最快可於六個月內辦理女兒來港的證件。

Sunday, July 25, 2010

客椅::IkeaUrban

呢張係我覺得幾靚又幾好坐的宜家傢俬櫈,
兩個色都靚,
不過唔駛依家決定,
記錄在案先.
(而且星星話唔知收藏係邊...)


Product Information
Key features
Stackable; saves space when not in use.
Hole in the seat drains water off; can be used outdoors as well.

Designer:
C Öjerstam/M Elebäck
Product dimensions
Width: 20 1/2 "
Depth: 20 1/8 "
Height: 31 7/8 "
Seat width: 17 3/4 "
Seat depth: 15 3/4 "
Seat height: 17 3/4 "

Width: 52 cm
Depth: 51 cm
Height: 81 cm
Seat width: 45 cm
Seat depth: 40 cm
Seat height: 45 cm

This product requires assembly
Environmental
The material in this product MAY BE recyclable. Please check the recycling rules in your community and if recycling facilities exist in your area.
Good to know

Care instructions
Wipe clean regulary with a detergent for plastic.
Wipe clean with a dry cloth.

Product description & measurements
Chair: Reinforced polypropylene
Feet: Synthetic rubber

Package measurements, weight & article number(s)
(1 package(s) in total)

Saturday, July 24, 2010

燈燈燈燈::瓜房燈+廁所燈

新居的燈都購自淘寶,
比香港便宜一半!
不過款式太多睇到眼都盲,
兼要用唔少時間,
好在我放假啫,
揀好咗就電郵俾星星商議,
都玩咗兩個禮拜!

同埋都要多謝嫂嫂幫我先跟每家店主用旺旺聯絡,
確定有貨再落單.
問清楚如何運送, 運費多少等等.
有啲店主唔肯送香港,
有啲寄內地又免郵費,
佢又要係深圳收貨再運落黎.
所以我依家淘寶又活躍咗~

瓜房燈::雲樣兩頭玻璃吸頂燈, 人仔$120

【产品尺寸】:直径350*280MM高
【灯具材质】:高级电镀铬色五金+玻璃灯罩。 
【灯头光源】:E27灯泡, 60W*2

廁所燈::三頭米粒吸頂燈, 人仔$165

『尺寸规格』 Φ450×H110 mm
『光 源』220V(G9)40W x 3(赠送光源)
『产品材质』 奶白玻璃+铝材

原箱包裝,
開咗實物同相片一模一樣!

清雅燈飾, 共 15kg, 郵費人仔 $80, 這家店主很好, 寄香港 2 日就到貨了, 包裝很好. 可惜都有個燈罩裂了, 給他寄張照片, 很快的給我補一個!

Friday, July 23, 2010

半夜

經常性!!
係半夜三更,
淨係開個廚房燈昏昏暗暗,
默默餵緊奶的時候,
覺得有道氣係隔離,
打橫望一望...
星星無端端靜英英的行出黎企係望住我!!
撞鬼咩...

最經典的係有一次我係廚房收拾緊啲奶樽,
之後想去洗手間,
一打開門,
廁所裡面企咗個人!!!!
佢又無聲無息的走出黎...
行出黎無聲, (屋企明明地板鬆脫!)
開燈又無聲, (應該有'拍'一聲!)
關個又冇聲!!! 敞門有路軌聲!)

遲早俾佢嚇死!

Thursday, July 22, 2010

熱水爐::西門子

新屋的屋苑係用電熱水爐. (我用開煤氣.)
星星話要個熱啲 watt 數勁啲, 因為我怕冷,
另外要求細啲慳位啲.
結果選擇唔多,
西門子比較好少少.
不過仍然唔鐘意那一忽藍色的設計.

一個放洗手間,

因為洗手間同廚房比較遠,
另一個小型的放廚房,
洗碗都唔怕凍, 亦都易於去油污.

-------------------------------------------------
西門子 DE1821415
產品介紹
- 功率: 18kW
- 出水量-38℃(公升/分鐘): 18kW - 9.9
- 出水量-60℃(公升/分鐘): 18kW - 5.4
電源規格:
- 18kW - 3相(PE)-400V/28.1A
- 18kW - 3相(PE)-380V/26.7A
- 建議電源線橫切面積(mm2): 18kW - 4
- 超薄纖巧設計
- 快思邏輯全電子控制
- 直接即熱元件
- 溫度調節: 30-60℃
- "e"點節能水溫設定
- CLICKFIX plus易嵌式安裝系統
- 最低啟動流量(公升/分鐘): 2.6
- IP25防水標準
- 德國製造
- W236 H472 D99 (mm)

西門子 DH06101
產品介紹
- 出水量: (38°C) 每分鐘3.0公升
- 電壓: 220V
- 功率: 6.0kW
- 可安裝於鋅盤底
- 嘖洒控制器, 確保熱水源源不絕
- 纖巧設計, 經濟有效之熱水爐
- 低水壓開關低至每分鐘2.3公升
- 最高水溫達50°C, 避免燙傷或水垢積聚
- 堅固外殼, 並備有精巧的管道裝置
- 電源開啟指示燈
- 高壓式, 可接駁各款水喉
- 比中央系統型號更節省用水及電力
- 外型尺寸: 23.5H x 14.4W x 10.0D (厘米) / 9.3H x 5.7W x 3.9D (吋)

DE1821415, 購自教協, HK$3604 (咁啱教協做推廣, 送 HK$100 禮卷!)
DH06101, 購自 Ecox, HK$1080

Wednesday, July 21, 2010

林貝兒XOvs雪印思敏兒

原本唸住餵人奶係唔需要奶粉,
但係呢個唸法係錯架!
因為頭嗰幾日未上奶,
BB 係未必飽嘅,
而且瓜瓜大大吓都食得唔少,
人奶佢好快就餓,
好彩我一早都有預備奶粉.

一罐係韓國林貝兒,
之前唔洗錢攞嘅.
仲有日本雪印思敏兒兩罐,
就係入 BB 會送嘅.

初時瓜瓜早上就食人奶,
晚上就食奶粉,
因為食奶粉飽啲,
大家都可以瞓多啲.
同時有食人奶,
都冇話腸胃適唔適應,
奶粉兩隻都試吓比較吓.

結果我覺得林貝兒好啲.

1.
啲奶粉易溶啲,
唔會一舊舊.
唔需要好熱的水去溶,
咁就唔怕太熱整親BB.
出街都方便啲.

2.
味道有少少雲尼拿香,
唔會太油太甜.

3.
便便好好,
陪月員話即係隻奶粉近似人奶,
唔會太熱氣.

4.
食雪印的時間,
便便臭過大人肚痾!!
不過好處就係你一定會即刻同佢換片!!

5.
唯一唔好處係始終係新牌子,
好少地方有得賣,
好在可以去藥房訂貨,
兩日就有貨啦.

Tuesday, July 20, 2010

洗手盆::Keramag

洗手盆唔可以太淺唔可以太細,
刷牙的時候會整到周圍都係.
唔鐘意枱面盤,
因為又要抹上又要抹下!
唔鐘意枱底盤,
好似公廁!! :P

新屋的洗手間仲細過我依家用緊嗰個,
唔可以裝個大洗手盤 :(
睇過最 '行' 的 TOTO, American Standard, Roca...
冇一個特別鐘意.
次次睇之次都揀個另一款.

直到最後買廚房龍頭的時候,
見到 Keramag,
好幾個都好喜歡喎!
係唔知舖完磚之後個位夠唔夠大啫!
卒之揀個大大個連枱面板都唔洗加的洗手盤 Era Wash basin, 128870~

好似咁樣整個櫃就得啦.

購自灣仔 Pacific Bath, HK$3210
Tel: 25980728

Monday, July 19, 2010

乾衣機::TGC RJD600

乾衣機都唸住用煤氣乾衣.
據聞啲衫會軟熟啲同冇咁易縮水.
TGC 得兩個選擇, 6 公斤或者 4 公斤,
4 公斤真係太少啦,
一個人就差唔多,
多咗個小朋友多咗好多嘢洗,
淨係嘔奶嘔落我件衫度都洗死我!

TGC RJD600

整體尺寸 高 x 闊 x 深 (毫米 / 吋) 661 x 650 x 530 / 26 x 26 x 21
最高乾衣容量 公斤 6
電腦乾衣程序選擇 5
自選乾衣程序選擇時間 分鐘 5 - 80
用氣量 兆焦耳/小時(千瓦) 最高:16.7(4.6), 最低:6.7(1.9)
重量 千克(磅) 32 (71)
電源供應 交流電220伏特 (50赫)
顏色及物料 白色
特點
1. 智能濕度感應,乾衣效果完美柔順
2. 特大乾衣鼓,一機乾衣最高可達6公斤
3. 輕觸式控制板,方便易用
4. 電子時計,可顯示剩餘乾衣時間
附註
1. 規格如有更改,恕不另行通知
2. 免費包零件保養3年
3. 免息分期10個月
4. 免費標準安裝
5. 免費送貨服務
6. 若選擇加裝排濕喉套件需另收費
7. 另備有適用於RJD600的乾鞋架可供選購
8. 煤氣乾衣機適合安裝於廚房、露台或工作間
9. 乾衣機頂應預留150毫米空間以方便安裝排濕喉

Sunday, July 18, 2010

特大芒果


呢期去街市都見到呢款超大隻的芒果!
呢隻要 HK$23!
啖啖肉, 好甜,
不過唔夠香~
但係就食得好開心,
好滿足~
仲好飽添...

煮食爐::TGC TNJB72-C

煮食爐好簡單,
去煤氣公司行個轉就得啦.
個樣又型, 款式又多,
仲可以分期!
(不過我都係鐘意簽咭儲分, 但係要一次過俾.)
其他牌子都冇咁靚~

揀呢隻因為火力特強同埋獨立爐芯火,
爐芯火很重要啦,
依家用緊嗰個冇,
煮少少嘢的時候好唔方便!
而且陶瓷玻璃面又型仔~

超勁火嵌入式平面爐 TGC TNJB72-C

產品特色
牌子 TGC
型號 TNJB72-C
名稱 超勁火嵌入式平面爐
系列 超勁火爐頭
整體尺寸 高 x 闊 x 深 (毫米 / 吋)
高度至爐面 (至櫥櫃面) 78(65)* x 738 x 439 / 3.1(2.6)* x 29.1 x 17.3
開孔尺寸 闊 x 深 (毫米 / 吋) 703 x 403 / 27.7 x 15.9
爐頭數量 2
用氣量 最高/最低 - 兆焦耳/小時(千瓦) 左爐頭 20.9 (5.8) - 1.1 (0.3) 右爐頭 20.9 (5.8) - 1.1 (0.3)
重量 千克(磅) 15 (33)
電源供應 1.5 伏特"C"型乾電池X1
顏色及物料 黑色陶瓷玻璃 + 銀色鋁合金框架
特點
1. 特強「超勁火」爐頭
2. 雙環爐頭兼獨立細芯火
3. 堅固爐頭及爐架設計
4. 日本陶瓷玻璃加上易潔塗層
附註
1. 規格如有更改,恕不另行通知
2. 免費包零件保養3年
3. 免息分期10個月
4. 免費標準安裝
5. 免費送貨服務

Saturday, July 17, 2010

產後檢查::60.3kg-->59.5kg

相隔兩個禮拜都瘦唔到 1kg,
點算??

產後檢查同產前差唔多,
都係磅重驗小便見醫生.
唯一分別係見護士俾佢問長問短,
指導避孕方法同自我乳房檢查,
仲俾咗 18 個避孕套俾我囉!
唔覺唔覺係健康院都用咗成個鐘頭!

Friday, July 16, 2010

請陪月小心得

今日係陪月員工作的最後一天,
要快點完成封嘉許信俾佢做 reference letter!

經過上一次的失敗,
有啲嘢一定要問清楚.
其實淨係面試嗰十幾分鐘,
你點知佢事實係咪講就天下無敵!
頭嗰一兩日都要觀察住,
有問題一定要問清楚,
大家溝通好.

到了陪月員 4 號,
終於知道點樣比較好.

1. 上班時間
大部份請陪月員的媽媽都係新手,
乜都唔識樣樣慢慢黎,
又或者分身乏術的媽媽,
照顧到個仔又煮唔到飯,
更遑論休息.
朝九晚五的模式實在應付唔到需求,
一定要彈性上班時間.
用晒啲嘢至走人.

2. 煮食
當然口味好重要,
不過呢個要返咗工至知.
少鹽少油就唔洗講啦,
應該要識坐月的媽媽食乜可以補身,
餵人奶/順產/開刀的媽媽有啲乜唔食得.
一日會煮幾多餐?
另外湯水, 飲品.
邊個買餸? 幾時結算?
有冇條理?
當然仲要記得極偏食的我有啲乜嘢唔食!

3. 潔淨
陪月員最主要照顧小朋友啦.
換片沖涼換衫洗口洗面洗頭飲奶掃風,
洗衫掠衫洗奶樽,
缺一不可!
唔係話有潔癖就得,
最緊要係佢可唔可以用一套你覺得適合你家居環境的方法睇住你個仔!

4. 愛心
好多人當陪月員係打份工, 機械式工作.
但係你睇得出佢係真心鐘意小朋友,
有耐性有愛心.

基本上為咗令媽媽有足份的休息,
陪月員應該在有需要的時候主動幫助,
井井有條令媽媽將脆弱的初生嬰兒交拓在她手中,
同時指導新生媽媽育兒知識, 分享經驗,
令到陪月員工作完成之後都可以照料BB.

有時候

我有點懷念自由...
依家剪頭髮都要度期.
--------------------------------
有時候 - 梁詠琪

作曲:陳小霞 填詞:姚若龍 編曲:珒f源

開往山頂上的車子裡 播著讓人想哭的歌曲
好想換個電台轉來轉來 卻轉不開我難過的心
或釵]為你愛看夜景 說得話也閃爍帶著謎
不會傻的問誰搶去了你 以後要習慣留點安全距離

有時候交談變得空洞 沉默卻像溝通
當情人那麼沉重 當朋友反而輕鬆

有時候孤獨可以寂寞 也可以是自由

能安慰自己的人 比較容易快樂

Thursday, July 15, 2010

無聊幾句

1.
就黎返工啦,
要開始勤力啲,
好似已經兩年冇做過嘢咁,
自從決定結婚之後都冇做過嘢 :P

2.
原本想返工前去個旅行,
當然唔去得遠啦.
但係天氣太熱,
兼且暑假又貴,
都係遲啲搬屋一次過請多幾日啦.

3.
突然間係一年多的時間完成兩幾件人生大事,
結婚, 生仔, 搬屋.
我可以死得架啦.
都算死而無憾??
最好可以冇病唔覺意咁死咗去 :P

4.
明明知道新屋冇依家咁多位放衫,
已有的都唔夠地方放置,
仍然要出街買衫,
想點呢??

5.
果然係冇愛心一族,
零事業心的我,
未放完產假都已經想返工啦.

Tuesday, July 13, 2010

雲石::啞面灰木紋

窗台雲石 / 門口吸咀,
要白底,
又想有少少紋.
最終選了啞面灰木紋.
石店的姐姐話一定要塗防水油,
如果唔係好易有水漬.

Monday, July 12, 2010

宣明會舊書回收大行動


多謝網友 SZE 的提供.
宣明會舊書回收~
2010 年 7 月 5 日 - 2010 年 8 月 13 日~

收書詳情
2010年7月5日-8月13日
地點:JUSCO康怡店、荃灣店、黃埔店、屯門店及九龍灣店
收書種類:教科書、參考書、小說、消閒書籍及兒童圖書

賣書詳情
2010年8月5日-8月11日
時間:上午11時-晚上8時(8月5日下午1時開始)
地點:鑽石山荷里活廣場一樓明星廣場(鑽石山港鐵站C2出口)

2010年8月13日-8月19日
時間:上午11時-晚上8時
地點:將軍澳廣場一樓推廣場地A及B區(將軍澳港鐵站A1出口)

義賣價
兒童圖書/簡體字書/特價書籍HK$5一本
小說/消閒書HK$50三本
中學教科書HK$100三本

相關資訊:
宣明會誠邀全港市民在這個暑假,慷慨捐出及購買舊書,同享讀書樂趣。舊書義賣籌得的善款將用以重建陝西省宜君縣第二中學的教學樓,讓超過1,000名學生能在安全穩妥的環境中專心學習, 踏上知識之路。

由於飽歷多年風吹雨打,宜君縣第二中學的校舍已破舊不堪。於此就讀的小鵬就有一個願望:「我希望在一個沒有漏水、沒有破爛而明亮的教室中上課。」

殘破的校園影響小鵬專心求學,貧困的家境更令他的學習路上荊棘滿途。按此細閱小鵬的讀書夢

幫助陝西學生重建校園
請捐出及購買舊書支持「舊書回收義賣大行動」,或慷慨捐款為小鵬和同學興建新的教學樓,幫助他們實現讀書夢。你亦可成為「宣明中國之友」,每月捐款HK$100或以上,支持宣明會推行扶貧及發展工作,長遠幫助更多同胞脫貧自立。

相關網址:
宣明會

Sunday, July 11, 2010

圖書館捐書

屋企買買埋埋的書都唔少,
不過翻睇的機會都好低,
就咁就掉咗好似好浪費,
攞去斷斤秤咁賣咗又好似對唔住個作者.
唸唸吓睇吓可唔可以捐去公立圖書館.

打電話去圖書館熱線係留言信箱,
2 日後覆我.
原本好難捐書...
有 4 大類書籍唔收: 第 4 樣唔記得咗...)
1. 小說/ 兒童書籍
2. 圖書館已有的書籍
3. 過期的旅遊書/ 法律書籍

總之...
屋企的書都唔多啱啦.

仲有,
捐之前要去康民署網頁搵份表格填咗先,
再跟手打個電話去你想捐書的圖書館問清楚你本書收唔收.

咁煩,
都係斷斤賣算啦.
香港果然係文化沙漠.

廚房磚::JPower

廚房磚我冇乜要求,
因為大部份地方都俾櫃遮住晒,
牆身只要白色光面就好,
簡簡單單的.
地磚就隨星星發揮,
深色易打理就行,
他總愛那些生锈/爛木/舊舊的感覺,
最後選了淺灰色水泥面,
還好...

這家店自稱是做OEM,
客人為外國廠商,
以這個質量,
價錢相對便宜極了.

購自灣仔 J Power,
Tel: 25960001

Saturday, July 10, 2010

出世紙

BB 出世之後 42 日內要攞出世紙,
一早已經上網預約咗,
如果同一日的 11:00 前去到人民入境事務處就可以一次過攞埋身份証, 回港証同特區護照.
(如果即日唔攞, 咁就要分開三次排期兼三次排隊啦!)
出世紙唔需要帶BB,
但係護照就要啦.
我地就帶瓜瓜一齊去啦~

09:30 去金鐘攞出世紙,
HK$140/張,
我地攞咗 3 張,
據聞報幼稚園會有用,
攞定先都冇壞嘅.

未去到金鐘瓜瓜已經開始肚餓地喊,
一去到政府合署就食.
30 分鐘左右攞咗出世紙.
又要去太古廣場的靚靚 BB 房換片.

下一站就去灣仔入境處,
但係原來總處係冇呢個即日換晒所有証件的服務!!!
得番 15 分鐘...
飛的去上環囉!
瓜瓜又嘈,
星星做証件,
瓜瓜飲奶.
身份証唔晒錢,
回港証HK$140,
特區護照 (32頁) HK$185.
瓜瓜食完又要換片,
都唔知可以係邊度換?
唯有係張櫈上面囉.
好彩有帶換片墊.

玩完一朝都 12:30 啦,
回港証即刻有得攞,
身份証同特區護照就遲啲返黎攞.

瓜瓜可以去旅行啦!
不過一定唔返國內,
俾人擄咗去賣咁點算??

Friday, July 9, 2010

餵人奶::回奶


因為每一日都飲魚湯兼且又好多補身飲品,
加上瞓多啲,
奶水都尚算充足.
第一次泵都有 120ml,
平時都有 150-200ml,
一日泵 4-6 次 (另埋身餵 4-6 次, 又或者先餵後泵),
每次一個鐘,
半夜都要喎...
同埋身餵仔差唔多.
但係個仔直接飲奶樽就快好多,
同樣 150ml, 20-30 分鐘就飲晒,
因為埋身食得太耐會攰會瞓,
而且瓜瓜大大吓唔夠飽餵得密,
大家都冇得瞓.
加上人奶冇奶粉咁飽肚,
瓜瓜食極唔飽.

今日最後一包冰奶都飲埋啦,
正式收工.
(結果食唔晒, 又食多兩日;P)
最後一篇關於人奶,
回奶唔係一朝一夕,
都係慢慢黎.

我試過食乳鴿, 淡豆豉水, 豬潤水.
淡豆豉水好似麵豉湯,
相對下最得都係豬潤水.

不過我唔食豬潤,
我個陪月好好,
幫我用先用酒劈味,
再用薑蔥煲,
不過都成個禮拜至有啲效果.
(呢個因人而異啦.)

冇谷奶舒服晒,
出街可以去得耐啲~

Thursday, July 8, 2010

往事如煙::1

陪月員還在幫手,
精神多一點,
開始執拾東西,
其實還不是丟掉大量物資.

一個人住就是這樣多身外物,
總覺得有地方放置物件,
然後慢慢的屯積下去.

唔覺唔覺,
原來留下了很多情書 :P
那些當年很甜蜜的誓詞,
今天看來都很可笑 :D

中學時代的計數機

會考用必須有這個 approved 的貼紙
仲用得!!

第一部 PALM, SONY 的 CLIE,
因為紫色好靚 :P

掛著是當年很喜歡的 '千與千尋' 電話繩

奶粉袋必備

一帶瓜瓜出街就要一大袋嘢,
好似變魔術咁,
有啲乜呢?

1. 奶粉
2. 奶樽
3. 水
4. 紗巾
5. 衫仔一套
6. 尿片
7. 隔尿墊
8. 乾/濕紙巾
9. 膠袋仔 (裝濕咗的紗巾/ 換咗的衫)

個袋仲重過個仔...

Wednesday, July 7, 2010

廚房面板::Staron

廚房面板最出名就 Corian 無縫石,
韓國三星都係差唔多的物料但平啲.
裝修師傅都話 OK.

因為遲遲未開始裝修,
四個月之後,
大部份的物品都加了價,
唯獨 Staron 可以同個店主講番舊價.
某幾隻顏色有特價,
多過 8 尺又平啲,
揀咗 PW818 白浪.

購自灣仔永明雲石,
Tel: 28023041

Tuesday, July 6, 2010

廚房水龍頭::Newform

廚房水龍頭都講咗好耐,
我想要可以拉出黎的龍頭,
用水的時候就方便啲,
但係唔要有彈弓圍住個龍頭因為清潔麻煩,
這樣的選擇已經好少.
星星就要個出水管係鵝頸型唔要直出,
加埋的選擇真係少之有少囉!
好彩最後都搵到...

Newform 出品, 意大利牌子,
買咗星星喜歡的 X-Light - 64115, HK$2680

雖然我較鐘意 Y-Con - 64215...,
不過呢個貴啲, HK$3000+

購自灣仔 Pacific Bath
Tel: 25980728

Sunday, July 4, 2010

係咁買係咁買

生咗仔之後每次出街都好多嘢買.
唔係就尿片,
唔係就濕紙巾,
又或者其他濕濕星!

全部都唔敢一次過買太多,
有啲又剛試用,
奶粉太阻地方,
尿片又驚 bb 大得快唔啱用,
濕紙巾又怕放得耐會乾,
但係又驚要用的時候冇,
唯有次次出街都買少少嘢返屋企啦....

廁所龍頭::Grohe

我用開 Grohe, 星星屬意 Hansgrohe,
最後我羸.

三件 Grohe Eurosmart 套裝,
面盆龍頭+浴缸龍頭+花灑頭,
德國零件, 泰國裝配,
特價 HK$1828.


轉五速的花灑 Relexa DreamSpray 加 HK$900,
雖然五速就冇乜用,
用開嗰個速度都好少轉架啦,
不過星星覺得條花灑柱靚啲喎....
就加咗啦.

購自灣仔合隆, HK$2728, 仲有 5 年保養, 花灑喉 1 年.
Tel: 28022275

Saturday, July 3, 2010

瓜瓜的別稱

可愛的時候: BB 瓜 / Baby 瓜, An瓜lababy
樣衰的時候: 瓜瓜丙 / 丙丙瓜, 瓜瓜豬 / 瓜瓜 the pig
大便完之後: 臭瓜

肚餓喊住想食的時間: 喪屍瓜
食緊博命啜個奶咀的時候: 餓鬼阿瓜
食到九成飽反白眼: 好迷/ 彌留
食飽晒瞓著: 死咗...

俾佢阿嫲知道我咁講佢個孫我真係死梗 :P

Friday, July 2, 2010

61.9kg-->60.3kg

兩個禮拜,
又瘦咗啲~
離目標又近一啲!
仲有 8kg!

呢個月食得仲清過以前,
冇乜鹽冇乜油, 冇甜品冇零食!
要維持幾耐呢...

我要瘦...

坐廁::TOTO CW874PB

坐廁的重點係分高咀, 低咀同自由咀,
唔同的大廈有分別啦,
係條渠咀啦.

其實到最後都係睇樣合眼緣.
我無乜所謂,
星星話一定要一件過,
佢有所謂所以佢揀.

TOTO CW874PB

購自万順昌, 原價HK$5540, 特價HK$??
Tel: 21868288

Thursday, July 1, 2010

廁所磚::Venis

對於廁所磚比較有要求,
做一次未來廿年都唔會再整,
一定要耐看,
而且質料要好,
我唔介意俾少少,
個廁所有幾大啫.
用咗最多時間去睇,
駱克道行咗好多好多次,
心水天天在變.

星星其實比較喜歡 PORCELANOSA,
但我說 VENIS 的設計較大體.
原來都是同一間公司.
一樣是來自西班牙的 PORCELANOSA.

廁所的牆 -- 我只要白色, 這個扮馬賽克珍珠色, 好廁所 :P
不過一大塊 1'x2', 清潔就易過真的馬賽克啦.
Nacare Blanco

廁所的地 -- 一路都偏愛有閃底的地磚, 原本用番自家用那個銀閃, 這個是較深灰的金閃, 又是他比較喜愛, 是但啦, 是深灰的是就可以. 張相實在睇唔到個效果.
Homogeneous

購自灣仔 Venis,
Tel: 25118220
Blog Widget by LinkWithin