Wednesday, June 30, 2010

抽油煙機::Electrolux EFC9563X

對於電器, 真係冇研究, 亦無興趣.
我膚淺的淨係外觀要型~
抽油煙機更深一層就係要易清洗, 雖然清潔唔係我負責.
星星會睇吓唔同的討論區人地的評語,
什麼吸力, 怎樣安裝, 排氣位點樣...

抽油煙機研究咗一段時間,
大部份被拒絕的原因都係因為太樣衰 :p
其次就係太貴或者吸力唔夠.
呢個就最啱心水啦.

Electrolux EFC9563X
只找到英文 spec.
Product Features:
- Extraction mode and recirculation mode
- Easy operation with electronic touch control
- 3 speed levels + intensive setting
- Auto off timer
- Filter cleaning indicator
- Aluminum cassette grease filter
- Extra low noise level
- Stainless steel cabinet
- Halogen lighting
- Safety cutout

Technical Data:
- Model Number: EFC9563X
- maximum extraction capacity: 1,230 m3/h
- total motor power: 220W
- halogen: 2 x 20W
- outlet diameter: 150 mm
- total connected load: 2.8 kW
- Appliance dimensions: 693-855 x 898 x 500 mm

購自灣仔亞細亞, HK$4386
Tel: 28384593

Tuesday, June 29, 2010

生仔4D3N::Day4

上回.

一早見醫生,
當然唔係個妹妹仔啦,
不過都係好後生架囉.
見我冇乜嘢,
佢問我想唔想出院,
嗰日星期六,
如果唔出就要等到星期一,
咁我寧願返屋企啦.
雖然都住得幾舒服,
冇謂浪費金錢啦.

咁就叫星星黎等辦手續,
出院前瓜瓜要打針,
如果住大房就要自己帶 BB 去打針房排隊,
私家呢就護士幫我做埋,
直接就俾錢出院啦.

出院前問定啲問題,
- 見到瓜瓜的指甲好長, 問要唔要剪?
護士話 BB 指甲好脆, 會自己甩, 唔需要剪, 剪到手指仲衰!
- 瓜瓜食過兩餐奶粉, 食乜嘢牌子? 加幾多?
人地成日話唔好轉奶粉, 不過護士話只不過係食咗兩餐奶粉, 所以返到屋企食邊隻都得啦. 開支奶 80ML 左右
食就食 40-50ML.

當然我都仲未行得,
就去借咗張輪椅返屋企,
可以借 1 個月.

瓜瓜有個小問題,
甲狀腺素偏高,
要 5 日後再驗多次,
可能係母體傳俾佢.
後期驗咗都冇問題.

另外就要自己約健康院幫瓜瓜檢查同打針啦.
----------------------------------------------------
生完仔個肚皮超鬆囉,
個肚臍洞仲好濶添...
子宮未收縮,
個肚腩好大囉.

全文完!
YEAH! 終於成個月至寫完....

生仔4D3N::Day3::私家病房

上回

轉咗之後房之後就變咗 16 號太太.
這家半私家房叫特別房,
只供香港人,
HK$2400/晚,
三張床.
特別之處:
1. 探病時間 0800-2100
2. 幾多人一齊探都得
3. 係電動床
4. 有電視睇
5. 有梳化/ 雪櫃/ 衣櫃
6. 一間房一個洗手間連浴室, 可以放私人物品
7. 超開揚景
8. 護士後生啲, 有禮啲
9. 食物好食啲, 仲要有選擇喎!
10. 有自己名的私家名牌
11. 可以著自己衫, BB 都係
可惜:
隔離床超多人黎探訪, 好嘈囉.
勁煩!
仲衰過住大房,
完成冇得休息!

半夜餵仔瓜瓜食極唔飽大聲喊,
我又唔郁得,
有個護士著到好似董太咁走黎好惡咁鬧瓜瓜仲攞走埋.....

待續: Day4

新居裝修篇

忙碌的生活一浪接一浪~
結婚, 生仔, 湊仔,
家吓輪到裝修新居.
好彩生仔之時都好行得,
一早將所需物品揀得七七八八.
不過因為遲遲未開始裝修,
四個月之後,
大部份的物品都加了價 :(

新居已經清拆晒舊的東東,
將會重新的建立我地喜歡的素材.
早兩日一口氣的買咗大部份的原材料~
大出血 :P

BB 嘢都未寫完,
又有一大堆裝修嘢想寫...
生仔住院最後嗰日都未寫 :P

VintageBohemianStyleGown

好 sweet sweet 小公主囉.
不過齋睇唔買,
一來件衫太瘦著唔落,
二來我似巫婆多過公主 :P




From Mod Chic Vintage, Toronto

Monday, June 28, 2010

時間唔夠用

唉....
時間實在唔夠用,
我有好多好多部落格起咗個頭都唔得閒完成囉.

湊仔真係忙過乜!
有時間都瞓吓先啦...

Saturday, June 26, 2010

家庭照::My Memory室內攝影套餐

好快就會同瓜瓜去影家庭照啦~
-------------------------------------
今日夠買: 二折My Memory室內攝影套餐 與家人/情人/寵物留下最美回憶 (原價$1,888, 現價$388)
可拍攝以下主題:個人形象 / 新派簡約家庭照 / 寵物+主人 /情侣合照,包括:室內拍攝2小時(拍攝60張以上)、1位專業攝影師及1位攝影助理、8” x 12” 韓式包框掛畫 1幅、2R相片6張及取回10張底片(包精修) (注:請自備拍攝服飾、道具以及化妝用品)

My Memory Wedding Production House
www.mymemory.com.hk
www.mymemory.com.hk/blog/
九龍太子廣東道1155號日昇廣場1303室
星期一至日下午 1:30 - 9:30
查詢電話:3422 3100

優惠條款
- 請先致電3422 3100預約
- 每人可使用最多一張夠買劵。
- 優惠不可兌換現金或與其他優惠同時使用。
- 使用期至2010年9月15日

info from: gobuya.com

有仔新生活::1Month


終於都一個月啦.

1.
我都好忍得吓,
涼沖咗 7 次左右,
頭只不過洗咗 3 次!
不遑宅女之名~

2.
睡眠長期不足,
唔好以為唔返工係咁瞓,
事實係每日分段睡眠 5 次,
每次 1 個鐘.

3.
唔計去健康院,
出街出過 3 次,
可以出街好開心.

4.
餵人奶真係好忙,
精神壓力又大....
快將我迫瘋 :P

5.
好在星星都幫到手,
都算係咁啦.
-------------------------------------------
1 week
恭喜!歡迎來到生命中挑戰最大的時刻:為人父母。現在,妳的小寶寶大部分時間都在睡覺,而且每二小時或三小時吃一次奶。請利用這相對比較安靜的前幾天好好休息一下,恢復體力。

寶寶天生有許多自動神經反射,可以幫助他們過渡到子宮以外的生活。觸一觸她的臉頰,注意看看她如何把頭朝向妳的手指,以及如何移動她的嘴,就好像在找奶頭一樣呢.這就是所謂的尋乳反射 (rooting reflex)。當奶頭放進她的嘴巴時,她也是天生就知道怎麼吮吸的。如果妳把食指放在她的手心,她會緊緊抓住。如果妳把她直直抱起來,她會移動她的腿,就好像在走路。這些自然反應大部分在出生幾周內就會消失,之後會變成有意識的行為 – 例如,大約在一歲生日時學懂走路。

2 weeks
一整周過去了,是不是好像過了一輩子呢?由於妳的世界縮小到只有睡眠和餵奶等這些重要的事,因此現在時間正以一種全新的方式進行呢。就像妳正在讓自己適應餵奶及較少的睡眠的日子,寶寶也正在讓自己適應他的新世界!他的睡眠很短,醒來就要吃奶,然後再次沉沉入睡。

他不能像大人一樣看東西,但在他生命裡頭幾周,確實可以從視覺上分辨物品了。寶寶最能聚焦在距離 8 到 15 英吋遠的東西上,當妳抱著他時,妳的臉也是在這個距離。研究顯示新生兒對人的臉有偏好,他們也最受鮮明或高對比顏色所吸引,這也就是為什麼許多新生兒的玩具都是黑白圖案的原因。

3 weeks
妳漸漸習慣新生寶寶的生活習慣與個性,他也漸漸知道妳是誰。超過他視野一二英呎以外的世界還是非常模糊,但是妳的臉卻漸漸變得熟悉了。他也可以透過妳的特殊氣味和妳的聲音來認出妳。

每個寶寶的性格都是獨一無二的。有些寶寶平靜溫馴,討人喜歡,有些寶寶對於溫度、聲音或燈光的變化比較敏感。經過這幾周,妳對於自己寶寶的偏好會比之前清楚,但大多數的媽媽還未能完完全全了解寶寶的需要與需求.因此,對於寶寶的反應和行徑會遇上摸不著頭腦的時侯.不必過份擔心,這是非常自然和普遍的情況,因為要完完全全了解寶寶,是需要時間的。

有件事情是在所有寶寶身上都找到的,就是他們會用哭聲來和妳溝通。有時在頭一個月裡,當寶寶安靜且警覺時,妳可能會注意到當寶寶看到妳或聽到妳走近時,他會發出小小的「哦」或「啊」。

4 weeks
妳的寶寶現在可能開始會注意移動的物體,而視線也會跟著走。妳可以試試鍛鍊寶寶這項新技能,例如拿一個玩具緩慢地晃過寶寶的面前,也可以在寶寶面前慢慢地來回地走,來一場小小的「凝視比賽」。妳可以觀察到寶寶的眼神如何與妳交會,並且跟隨著妳的動作。對於稍後會發展的手眼協調來說,這項技能是重要的基礎。

初生的頭兩個月,妳的寶寶也會學把頭抬起,並且穩住一段短時間。從這一點可以看出,寶寶的肌肉已經越來越強壯了。 (有些寶寶能在頭一兩周內就學會抬起頭,但大多數則稍微遲一點才能做到)。

當寶寶醒著的時候,讓他趴著玩耍,這可幫助他鍛鍊頸部的肌肉。尤其在現階段,寶寶會長時間維持仰睡的姿勢;但這一點格外重要:務必記得隨時妥善地支撐住寶寶的頭與頸部。

info from Johnson's Baby

Friday, June 25, 2010

產後食療

雖然已經過咗一個月,
不過仍然在進補中,
每日還是食食食.
這段時間調理身體很重要啦.
這個網頁的菜單很詳細!
----------------------------------------------------------
產後休養期注意
媽咪們生產後,是身體組織一個大規模的新陳代謝、重整既時期,所以越早開始調補就越好,
如能好好把握調理,進補得宜,是可以令身體復原得更好更健康。故最好調理至四十朝,如有心補身調理是可以補至一百朝的。

【一】休養期《平補、排惡露》適合產後頭五天
注意:剛生完後體質較虛弱,腸胃亦均須休息,故餸菜以清淡自然平補調理為主,暫不可進補。
《一》早餐 紅糖粥 / 桂圓粥 / 五更飯(以於清晨時份吃最能吸收及補氣)
《二》湯品 清燉桂圓烏雞 / 桂圓蓮子木耳湯 / 木瓜花生湯 / 花膠椰肉燉雞
《三》餸類 南瓜炒肉絲 / 梅菜清蒸鱸魚 / 蓮藕花生炆雞柳
《四》飯類 黑豆飯 / 麻油薑茸炒飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 炒米茶 (可配以桂圓、杞子或去核紅棗同煲,但紅棗數量暫不可太多粒)
《七》甜品 紅糖蓮子百合糖水 / 紅糖桂圓紅豆沙 / 雪耳燉木瓜

【二】休養期《平補、去瘀血、防風寒》適合產後第六天至十天
注意:腸胃將慢慢適應,但餸菜最好仍以清淡為主,只能清補,尚未能大補。
本休養期主力去清瘀血,強身抗風寒。
《一》早餐 紅糖粥 / 桂圓蓮子粥 / 五更飯 / 花膠紅米粥
《二》湯品 淮山杞子桂圓燉花膠 / 蓮子合桃煲瘦肉 / 南棗桂圓燉烏雞
《三》餸類 金針黑木耳蒸桂花魚 / 栗子紅腰豆炆蓮藕 / 冬菇瑤柱蒸雞
《四》飯類 麻油薑茸炒飯 / 陳皮紅棗蒸雞焗飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 益母草紅糖水 / 桂圓南棗薑汁茶 / 沙參黑豆南棗茶
《七》甜品 芝麻糊 / 花生紅棗糖水 / 杞子桂圓紅糖煲鵪鶉蛋

【三】進補期《溫補、補血潤腸胃》適合產後第十一天至十五天
注意:可以開始以白糖、冰糖來代替紅糖。
此進補期開始溫補,以幫助消化及排便机能的恢復,但不宜太燥。
《一》早餐 桂圓蓮子粥 / 五更飯 / 花膠紅米粥
《二》湯品 黑豆合桃煲瘦肉 / 蓮藕章魚紅豆湯 / 黨參桂圓燉豬展
《三》餸類 金針雲耳蒸雞 / 陳皮紅豆炆鯇魚 / 桂圓肉煎蛋
《四》飯類 麻油薑茸炒飯 / 菠菜蕃茄雞粒炒飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 紅棗黨參桂圓茶 / 桂圓南棗薑汁茶 / 南北杏木瓜水
《七》甜品 薑汁芝麻花生湯丸 / 杞子紅棗煲雞蛋 / 淮山雪耳糖水
《八》水果 木瓜、提子、龍眼、西梅、桃類
備註:
1) 十二朝拜祖先:準備雞酒及豬腳薑,須拜過祖先後才可派比人
2) 古老儀式:十二朝剃胎髮,意旨“去穢氣”

【四】進補期《溫補、壯腰補腎》適合產後第十六天至二十天
注意:此進補期以溫補,主力補腦固腰腎。
《一》早餐 南瓜肉絲通粉 / 花膠紅米粥 / 瑤柱花生魚片粥
《二》湯品 紅棗桂圓蓮藕湯 / 木耳豬潤紅棗湯 / 蓮子百合南棗煲豬展
《三》餸類 花生炆豬手 / 栗子紅腰豆炆雞柳 / 麻油雞酒 / 豬腳薑
《四》飯類 麻油薑茸炒飯 / 菠菜蕃茄雞粒炒飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 黨參蓮子合桃茶 / 桂圓南棗薑汁茶 / 紅棗杞子茶
《七》甜品 合桃芝麻糊 / 杞子紅棗煲雞蛋 / 薑汁桂圓蕃薯糖水
《八》水果 木瓜、提子、龍眼、西梅、桃類

【五】大補期《養血、大補元氣》適合產後第二十一天至二十五天
注意:大補期可慢慢開始大補強身、行補氣血。
《一》早餐 薑片南瓜粥 / 冬菇紅棗魚片粥 / 紅棗桂圓雞粥
《二》湯品 黨參紅棗桂圓燉雞 / 菠菜豬潤湯 / 淮山杞子紅棗燉烏雞
《三》餸類 淮山猴頭菇炆豬展 / 黨參紅棗杞子蒸桂花魚 / 百合牛肉炒蜜豆 / 豬腳薑
《四》飯類 麻油薑茸蛋炒飯 / 冬菇雲耳蒸雞焗飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 薑汁木瓜水 / 沙參紅棗杞子茶
《七》甜品 薑汁花生湯丸 / 陳皮桂圓栗子糖水 / 蓮子百合紅豆沙
《八》水果 木瓜、提子、龍眼、西梅、桃類、荔枝、榴槤

【六】大補期《養血、大補元氣》適合產後第二十六天至三十天
注意:大補期可慢慢開始大補強身、行補氣血。
《一》早餐 薑片南瓜粥 / 花生紅棗肉粥 / 蠔鼓豬潤粥
《二》湯品 薑片紅棗牛肉湯 / 杞子椰肉燉雞 / 猴頭菇花膠煲豬展
《三》餸類 冬菇栗子炆雞柳 / 黨參杞子蒸排骨 / 麻油雞酒 / 豬腳薑
《四》飯類 麻油薑茸蛋炒飯 / 冬菇雲耳蒸雞焗飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 黨參紅棗桂圓茶 / 沙參紅棗杞子茶 / 紅棗合桃茶
《七》甜品 南北杏冰糖雪耳燉木瓜 / 薑汁芝麻花生湯丸 / 杞子紅棗桂圓煲鵪鶉蛋
《八》水果 木瓜、提子、龍眼、西梅、桃類、荔枝、榴槤
備註:
1) 準備彌月用品:紅粉、雞蛋、碌柚葉
2) 三十朝滿月:須用碌柚葉沖涼後(即洗酥)才可拜祖先,而拜祖先食物有雞酒、豬腳薑及
紅雞蛋

【七】滋補期《養血補氣》適合產後第三十一天至三十五天
注意:經過大補期的行補氣血後,滋補期的作用就是潤燥養血
《一》早餐 桂圓蓮子粥 / 南瓜粥 / 瑤柱花膠粥
《二》湯品 黨參紅棗桂圓燉烏雞 / 淮山杞子椰肉燉花膠 / 木瓜花生魚尾湯
《三》餸類 冬菇肉絲蒸鱸魚 / 金針雲耳蒸雞 / 百合牛肉炒蜜豆
《四》飯類 麻油薑茸蛋炒飯 / 冬菇雞粒炒飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 黨參蓮子合桃茶 / 沙參紅棗杞子茶 / 桂圓杞子茶
《七》甜品 南北杏冰糖雪耳燉木瓜 / 薑汁芝麻花生湯丸 / 冰糖沙參玉竹煲鵪鶉蛋
《八》水果 木瓜、提子、龍眼、西梅、桃類、哈蜜瓜、車厘子

【八】滋補期《益脾、滋陰潤肺》適合產後第三十六天至四十天
注意:經過大補期的行補氣血後,滋補期的作用就是潤燥養血
《一》早餐 可以回復平時以各款三文治、麵包、麥皮、粟米片等作早餐
《二》湯品 沙參玉竹燉烏雞 / 淮山杞子椰肉燉花膠 / 木瓜紅棗鯇魚尾湯
《三》餸類 桂圓肉煎蛋 / 鮮茄南瓜燴豬扒 / 香菇青椒雞粒扒豆腐
《四》飯類 薑醋飯 或 白米飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 南北杏木瓜水 / 沙參桂圓茶
《七》甜品 南北杏冰糖雪耳燉木瓜 / 蜜棗桂圓燉木瓜 / 沙參蜜棗煲雞蛋
《八》水果 木瓜、提子、龍眼、西梅、桃類、哈蜜瓜、車厘子
… … … … … … … … … … … …
坐月飲食及注意事項
1.此坐月飲食表以一共四十朝為期,共分休養期、進補期、大補期及滋補期。
2.餸菜均以少鹽、紅糖(或白糖)、麻油、適量黑糯米酒等來調味,以烚、蒸及炆煮來烹調,不宜太味濃及油膩。而湯品以隔水清燉及煲來烹調。
3.肉類以瘦肉、少肥油豬展肉、魚肉、雞柳肉或雞胸肉為主,而原雞隻或冰鮮雞食用前必須先去皮、去肥膏、去頭尾及去清內臟(烏雞則不須去皮)
4.飯類可以糯米、紅米、糙米來代替白米;另亦可進食通粉、米粉、面線等。
5.燉品湯水在日間進食較易吸收,而養生甜品則在夜間進食效果會更好。
6.飲品主要以代茶為主較好,能較易被腸胃吸收有關調理身子的功效。而水份、熱奶或熱豆漿亦都可以飲,勿一次過飲太多避免腸胃下垂,以適可而止為佳。
7.產後一星期不太適宜進食水果,如真的想吃的話,可選擇木瓜、提子。
8.各湯水甜品等可自行加入燕窩、雪蛤膏、沙參、淮山、玉竹、花膠等滋陰潤燥的材料。
9.而當歸、鹿茸、人參、鹿尾羓等呢類補品均須過四十朝後進食會較好,開刀媽咪則再延遲至產後二個月進食較佳。而進食次數亦不宜太密,一個月吃一至兩次就足夠了。
10.坐月期間最好以少吃多餐,一日五至六餐最適宜。
11.十二朝前最緊要清淡,餸菜可配以黑木耳(白背黑木耳功效最好,而普通木耳尚都可以)同煮,能幫助排清惡露,但不可過量。
12.煮食時須注意均衡營養的吸收,最好能做到青、紅、黃、白、黑之五色蔬果均俱全。
… … … … … … … … … … … …

開刀生產的媽咪須額外注意:—
1. 最好過二十朝後才開始進補,慢慢增加行血壯血食物的數量,例如:紅棗、薑、黨參、薑醋等。
2. 薑茸炒飯最好過二十朝後才開始進食
3. 大補期內既牛肉全以豬肉替代
4. 十二朝前可以清燉雞湯來補身,可以陳皮代替薑片;另不應飲用生魚湯,以免肉芽增生。
… … … … … … … … … … … …

餵人奶媽咪注意:—
1. 不想飲食魚類來增奶量,可另外選擇木瓜、花生或通草來配章魚、蓮藕來煲湯。
2. 亦都可以食雞酒,最好安排在餵完BB後才進食,但亦須要留意BB的反應,如面紅紅、面出粒粒、大便有沒有困難等,則須相隔三至四小時後才再餵哺。
3. 食得太鹹會容易回奶,亦會令媽咪水腫難消。
… … … … … … … … … … … …

因每位媽咪體質不同,如食了某類湯飲食物後:—
1. 發覺惡露回流、流量增多或變回鮮紅色,則可能導致行血,便要留意了,須暫停食用某類食物,待過後才再烹煮飲用。
2. 出現失眠、生飛滋、喉嚨痛、口乾等,則可能過燥,須改為進食較滋潤的湯飲食品了。
… … … … … … … … … … … …

每位媽咪飲食物後注意
因每位媽咪體質不同,如食了某類湯飲食物後
1. 發覺惡露回流、流量增多或變回鮮紅色,則可能導致行血,便要留意了,須暫停食用某類食物,待過後才再烹煮飲用。
2. 出現失眠、生飛滋、喉嚨痛、口乾等,則可能過燥,須改為進食較滋潤的湯飲食品了。
3.媽咪們生產後,是身體組織一個大規模的新3陳代謝、重整既時期,所以越早開始調補就越好,如能好好把握調理,進補得宜,是可以令身體復原得更好更健康。故最好調理至四十朝,如有心補身調理是可以補至一百朝的。
… … … … … … … … … … … …

餵人奶媽咪注意
1. 不想飲食魚類來增奶量,可另外選擇木瓜、花生或通草來配章魚、蓮藕來煲湯。
2. 亦都可以食雞酒,最好安排在餵完BB後才進食,但亦須要留意BB的反應,如面紅紅、面出粒粒、大便有沒有困難等,則須相隔三至四小時後才再餵哺。
3. 食得太鹹會容易回奶,亦會令媽咪水腫難消。
… … … … … … … … … … … …

開刀生產的媽咪須額外注意
1. 最好過二十朝後才開始進補,慢慢增加行血壯血食物的數量,例如:紅棗、薑、黨參、薑醋等。
2. 薑茸炒飯最好過二十朝後才開始進食
3. 大補期內既牛肉全以豬肉替代
4. 十二朝前可以清燉雞湯來補身,可以陳皮代替薑片;另不應飲用生魚湯,以免肉芽增生。

info from: 肥媽老友記 肥媽私房菜

Thursday, June 24, 2010

瓜瓜滿月停人奶

瓜瓜今日滿月,
我決定停止餵人奶.
這是個艱難但輕鬆的決定,
明知人奶有益,
唔係我唔想繼續,
不過知易行難.

1.
瓜瓜愈黎愈大食,
就算泵出黎餵都好快肚餓.
2.
瓜瓜鐘頭分段進食,
一餐分三次,
一餐食兩個鐘!
3.
泵奶都好花時間,
至少一個鐘頭,
仲未計之後要清洗泵奶的器材.
最慘係泵出黎唔夠飽好似好可憐.
4.
一個人又要餵又要泵的話完全冇得休息,
陪月員唔會長期陪住我.
5.
餵人奶的 BB 係比較黏身,
瓜瓜都開始有呢個徵狀,
一起身唔食都要人抱.
6.
我都要深層休息準備返工/ 搬屋啦.

瓜瓜食埋雪櫃裡面的冰奶就要食奶粉啦.

Tuesday, June 22, 2010

購物::Mothercare

書到用時方恨少,
bb 用品就用到方恨少啦,
咪又去買囉.

今次簡單啲,
Mothercare 一站式購物~
新的銅鑼灣利園店擴張了,
店員亦比尖沙咀那間專業.

主要係想買奶樽,
因為瓜瓜變大食啦,
要加奶粉至飽啦.
Tommee Tippee 嗰個流得太快,
個奶咀又軟,
次次都食到一身都係.
Mothercare 出品平靚正,
呢個仲有防風設計,
啱晒多風的瓜,
係洗的時候煩啲囉.
Mothercare Anti-Colic Bottle 260ml - 2pk - 原價HK$89, 減價HK$55
product details
- Wide-neck bottle with slow flow teat specially designed to help reduce colic and wind in newborn babies

要買個溫度計守門口,
肛探其實最好,
不過我地都驚驚地,
耳探應該簡單得黎準啲.
Mothercare digital ear thermometer 原價HK$539, VIP HK$55
product details
- Gentle and easy to use
- Fever alert feature indicates when baby has a fever
- Includes holder and 20 hygienic disposable probe covers

之前用 Chu Chu 屁股仔保護泡沫,
一支用得兩個禮拜,
而且泡泡太濕.
阿玲幫我係澳洲買的 Avado Baby Nappy Lotion 懷疑過期,
用咗幾日個 patpat 紅晒...
不過呢個 Cream 狀又太杰.
又再試新嘢,
暫時都幾好,
係擰蓋煩啲囉,
唔能夠單手開關.
Natural Softie - Organic nappy balm - 100ml 原價HK$85, 減價HK$59.5
product details
- Formulated with organic calendula and anti-irritant canola to help soothe and protect
- Dermatologically tested
- Hypo-allergenic

BB 指甲好脆會自己斷,
不過都長得好快,
所以都買個指甲剪以備不時之需,
會安全過用指甲鉗.
Baby nail scissors 原價HK$25, VIP HK$22.5
product details
- Shaped and sized for tiny finger and toe nails
- Rounded ends for safety

瓜瓜大了一點,
新生兒的尿片好像有點小,
用咗 3 包之後,
可以買小碼了.
當然又到卓悅啦.
Moony 小碼冇貨,
試吓據聞更滑,
價錢差唔多的 Merries,
小碼 - HK$128 - 82片

Saturday, June 19, 2010

生仔4D3N::Day3::疑似半身不遂

Day2

半夜起身餵奶,
行得好辛苦,
用唔到力,
舉步維艱,
特別係第一步起步,
停成分鐘都攞唔起隻腳,
然後全程都要扶住黎行.
護士見我咁慘,
俾咗兩粒止痛藥.
返到床邊要瞓落床都要少 3 分鐘.

2 個鐘頭後再餵奶,
護士見我仲係行唔到,
即時覺得冇理由喎.
佢叫我行兩步俾佢睇,
話好可能要見物理治療師.
叫我聽朝同醫生講.
我都唔知乜事,
瞓醒至算啦.
不過要行番床/ 瞓落床都係一件難事.

事情係兩邊胯位用唔到力,
一路行一路痛.
開頭以為關個傷口事,
又有食止痛藥.

第二朝又見到妹妹仔醫生,
護士同佢講我行唔到.
叫我同醫生講邊度有問題.
醫生都唔知點算?
個護士提佢: 應該係 '實-石-say-tion pain'. (我唔識的專業名詞啦)
醫生: 乜嘢黎架??
(唔係吓話?? 你係咪真係醫生黎架??)
護士好緊張的叫我同醫生講我覺得邊度有問題.
咁我咪話個胯發唔到力囉.
個醫生仲係呆吓呆吓.
護士 '建議' 佢建議我見物理治療師.

病況係坐咗落床就發唔到力將對腳放上床,
要用手抽住褲腳攞對腳,
對腳上咗床又痛到唔能夠將背脊放落床.
起身亦然.
如果坐低呢,
就用手扶嘢借力至起到身,
然後又再起步艱難啦.
總之就要轉姿勢就死啦.

然後呢半日因為用唔到力返上床,
我就一路都坐係櫈度,
要去洗手間的話要按鈴搵個阿姐攞張輪椅推我去.
自己行兩步係唔得嘅,
腳板不能離地 Z 形推吓推吓咁行.
要餵仔就有護士推瓜瓜出黎俾我.

而同時瓜瓜又食極唔飽,
推出黎俾我好多次!
次次都好似喪屍出場,
雙手亂抓, 個頭又四圍搵.
大食喪屍瓜正式登場.

一般生仔都係住三日兩夜,
但係我要見物理治療師冇得走, 要住多日.
而且由於行動不便,
自己都照顧唔到自己,
試圖轉半私家的特別房,
淨係香港人至住得, (HK$2400/晚, 三人同房)
要睇吓有冇位,
有位就叫星星返黎交按金,
結果等到 ~1630 至轉到.

物理治療師話因為荷爾蒙影響,
生仔的時候比較用力,
勒帶鬆咗所以痛,
教咗我移動的方法配合呼吸,
自己練習吓就得啦.
不過唔知幾時至康復,
因人而異.
(結果我都用咗成個禮拜...)

Continues... 私家病房

Friday, June 18, 2010

Copy::全球首家兒童酒店

瓜瓜大啲就可以同佢去啦~
好似好好玩咁 :D
-----------------------------------------
暑假童好 全球首家兒童酒店

眨眼間來到6月,小朋友同大人兩頭忙 – 孩子要考試、大人要睇世界杯,兩件大事完結後就到暑假,大家不妨趁著未開波,計劃今個暑假同小朋友去個旅行。一家大細今年可以考慮去台灣墾丁,入住全球首間專為兒童而設的酒店YOHO Kids Hotel,給小朋友一個難忘暑假。

安達旅運推出一個3日2夜套票行程,乘坐港龍航空到美麗的國境之南 – 墾丁,並入住專為兒童而設的YOHO兒童旅館。酒店充滿童話色彩,所有設施都設有兒童尺碼,而且牆上都繪有童話故事的插畫,最大特色是以34個故事串連68個主題房,整家酒店猶如一本巨型童話書。

此外,酒店內亦設有多功能閱讀區、彩繪教室、體能適應區以及小朋友最愛的電玩區等,能夠讓小朋友寓旅遊於學習,而且全酒店裝有類似GPS衛星定位系統的手錶感應器,唔驚小朋友玩得太忘形而走失。

info from: Esdlife

Thursday, June 17, 2010

74.9kg-->61.9kg

生咗瓜瓜咁耐都冇上過磅,
尋日去阿媽度食飯,
食飽至見到個磅...
算啦, 照上.
都仲有 61.9kg!!

輕咗 13kg.
瓜瓜出世有 3kg,
咁假設胎水有 5kg,
我呢三個禮拜又減咗 5kg.

比起未有瓜瓜之前的 52kg,
仲有 10kg 喎.
要幾耐至減得番呢?
腰肥背厚咁,
唉.....
用多三個月黎減得唔得呢??

Wednesday, June 16, 2010

有仔新生活::3Weeks


由於瓜瓜開始大食,
我又有啲體力透支想瞓,
所以瓜瓜開始要補給奶粉而我又要開始做啲儲備.
睇佢著的衫仔,
佢高咗唔少啦.

開支奶粉俾瓜瓜,
佢可以嘭嘭聲的食 120ml.
我第一次試用個奶泵,
做番 120ml,
用咗兩個鐘!
(不過試多幾次就好好多啦, 時間用少啲, 泵奶都多啲.)

如果我係瓜瓜, 點會同你慢慢埋身食兩個鐘,
俾你食得快過個泵一倍,
都一個鐘啦.
攰死人咩...
醫生話 bb 食一次人奶好似跑咗個步咁,
每次食完瓜瓜都抖晒大氣,
要休息好一陣子,
睇見佢都辛苦.
泵出黎成支食,
大家都舒服~

今日我地仲嘗試帶瓜瓜出街,
睇吓可以出幾耐,
會唔會帶漏嘢,
結果非常成功,
玩咗三個鐘,
仲飲咗個茶添~
其實大部份時間瓜瓜都係瞓,
最開心係我~
終於可以離開監獄一陣子,
呵呵~~

Monday, June 14, 2010

回奶食品

陪月員 3 號整咗個豬潤俾我食之後,
媽媽好緊張問我有冇食??
原來豬潤係會回奶... 點解作為陪月會九唔搭八的整啲咁嘢呢?
好彩我係唔食啫,
如果食咗咪喊得一句句!
唯有自己都小心啲,
留意吓乜嘢唔好擺入口.

1 - 坊間流傳梅菜、淡豆豉、山楂、乳鴿等食品,有回奶作用。
2 - 辛辣、刺激性或過敏性的食品,例如豬肝、豆豉及乳鴿等會有回奶作用,媽媽應避免進食。
麥乳精,麥乳精是以麥芽作為原料生產的,含有麥芽糖和麥芽酚,而麥芽對回奶十分有效,會影響乳汁的分泌。
3 - 麥芽,性甘,平。歸脾、胃經。功能行氣消食,健脾開胃,退乳消脹。 麥芽有分生麥芽和炒麥芽,一般體壯、乳多的媽媽回乳時可單用生麥芽60─120克;而體弱、乳少者用量需稍少些,或選用炒麥芽,每日一劑,水煎服,一日二次。 買麥芽時要留意,不要買錯沒有長出芽的大麥或是我們常喝的麥芽,喝了這些,不但不能退奶,還可以增加乳汁,所以買時要多加注意。
4- 麦芽、蒲公英、花椒、大料、味精、豆角、茶叶、山楂、韭菜、马兰头、豆鼓、茴香、桔子、人参、老母鸡、动物肝脏(猪肝)、鸽子、牛肉、冬菇、螃蟹
醋、苦瓜、柚子、巧克力、麦片、香椿、茄子、西洋参、香蕉、糊的大蒜、麦乳精,烧烤食品,太咸太辣食品。

Info from 1, 2, 3, 4.

Saturday, June 12, 2010

生仔後必做十件事::現實篇

1. 減肥! 唔駛講啦, 快快快, 減肥!
-->
暫時都冇可能啦,
餵人奶每一日都需要好多能量去支撐.
食多咗就有.
不過餵奶都瘦得好快,
因為你冇得瞓~

2. 染髮, 唔想再見到啲白髮. 仲要留番長啲頭髮.
-->
邊有時間??
有時間都瞓吓啦.

3. 扒係度瞓, 身體向下.
-->
呢個得.
放個枕頭係肚下面仲可能幫助子宮收縮.

4. 不停的跳跳跳跳跳!!!!!
-->
唔跳得, 會子宮下垂.

5. 著高踭鞋. 以前唔喜愛架, 但係著咗咁耐平底鞋, 高踭鞋令我覺得冇咁媽媽.
-->
腳腫未消晒,
未著得落.
已經睇中咗對新的 Ferragamo,
等我獎勵吓自己,
星星會唔會資助吓我呢?

6. 擁抱. 跟別人保持距離很久了.
-->
呢個得.

7. 拱橋呀, 摺埋個人掂腳趾呀, 左右伸展呀, 總之腰部運動啦, 好似冇咗腰好耐咁.
-->
慢慢做都可以.

8. 揼骨 + 腳底按摩, 本來唔係太大的興趣, 但係好耐冇得做的感覺唔太好.
-->
都未可以出街,
揼乜鬼吖...

9. 去旅行! 好想去旅行呀.....
-->
一日餵仔,
一日都唔知幾時先可以行開多兩呎.

10. 我唔會話想食啲乜嘢, 因為成個懷孕過程都冇戒過口~
-->
但係依家要戒囉,
清過清水灣...

Friday, June 11, 2010

餵人奶(5)

又請咗個新陪月員,
呢個就真係頭頭是道咁.
做咗七,八年,
希望返工的時候真係做得好啦.

佢話做咗咁耐,
我係第一個過咗兩個禮拜仍然堅持 24 小時每一次都捧住個仔唔揼出黎而且完全唔加奶粉嘅.
冇理由架??
得我一個咁戇居??

係屋企就緊係唔會想揼出黎啦,
直接食營養價值高啲,
餵人奶都係想有益啫,
揼出黎營養會慢慢流失.
一係唔做,
做就冇理由做啲唔做啲.

坦白講我成日都好想摏瓜瓜,
長期好似饑民咁,
冇得食就鬼殺咁嘈,
食一陣就瞓著覺,
但係見到佢食飽好滿足的個衰樣,
又覺得一切都係值得嘅.

我同瓜瓜講得最多就係:
駛唔駛喊得咁淒涼呀? 有冇咁肚餓呀? 3 年冇食飯呀?
你係食至好, 一陣我抱起你食兩啖唔食我就打鑊你!

餵人奶(4)

餵人奶是苦行僧的鍛鍊:
1. 耐性
坐成個鐘之餘仲要留意瓜瓜有冇繼續食.

2. 手力
持續增重的瓜瓜, 一日捧 10 次, 每次 1 個鐘, 餵奶+掃風,
我好快有老鼠仔.

3. 隨時隨地都瞓得著
瓜瓜唔瞓我冇得瞓,
佢瞓著我都拿拿臨準備被舖.

4. 體能
長期抗戰,
長期都好攰.

5. 意志
成日都好氣餒,
瓜瓜又未識講,
都唔知佢做乜.
又唔知點解成日都喊,
成日都好似食極唔飽.
好磨人.

可惜,
我樣樣半桶水.

餵人奶(3)

好厭悶的生活.
餵奶-- 掃風-- 眼仔碌碌-- 嘔奶-- 喊
餵奶-- 掃風-- 瞓覺-- 喊
一玩又玩兩個鐘,
瞓又瞓得嗰一陣.

唔想餵奶啦.
又冇得瞓,
又冇得做其他嘢.

唯一的安慰係見到瓜瓜食飽個舒服樣.
但係其他的時候都好痛苦...唉...

Wednesday, June 9, 2010

生仔4D3N::Day2::瓜瓜不停食食食

Day 1

7:30 食早餐, 一碗粥一小個包.
食之無味, 好眼瞓啦...
但係又需要好多體力,
迫自己食咗佢囉.

食完早餐又要餵仔.
然後就有妹妹仔醫生巡房.
望吓個傷口冇乜嘢啦,
問我有冇覺得有啲乜嘢?
我話對腳好似唔係自己嘅咁, 好似植物人咁.
佢笑一笑就冇理我啦.
係咪以為我講笑呢?

跟住的一日就係不停的排隊餵仔,
餵完仔就到我就不停食,
一餵完仔就餓死人,
好彩媽媽準備咗好多嘢俾我食.
食飽咗就可以瞓一小陣,
直至下一次護士嗌 62 號太太.

好攰又好忙,
成日餵仔,
就算探期都餵緊仔.

Continues..... Day 3

陪月員 3 號

其實經過咗 2 個禮拜,
基本上所有嘢我都可以自己做,
除咗買餸煮飯同幫瓜瓜沖涼,
但係我都唔想阿媽太辛苦,
再請過另外一個陪月員.

見工都知佢新手,
剛剛加入呢間公司,
不過佢話平時有做開朋友介紹,
其實都唔係太鐘意,
不過唸住只係需要有個幫手幫輕吓,
咁就算啦.

第一日返工,
手腳好慢.
換片唔識開咗條新片先.
有便便問我洗定抹, 我話先抹後洗, 佢唸住用一般面紙唔識用濕紙巾.
個人行開咗攞水又鬆開條片, 瓜瓜一郁就周圍都係啦,
洗 patpat 洗濕件衫,
出入廁所 洗 patpat 過程又係冇遮冇掩打出個咕咕, 又係一小便就大檸樂.
沖涼沖係個廳中間, 周圍都濕晒, 攞走個盤之後第一件事唔係拖地, 同佢講完之後即拖但係個地都拖唔乾.
瓜瓜洗濕咗個頭但係佢又冇舖定毛巾亦都冇熄冷氣.
沖涼水倒落個廁所度, 成個廁所濕晒.
我坐係廳度, 佢係廚房, 瓜瓜係床喊咗好一段日子變得大聲佢至出黎睇.
沖完涼瞓埋至記起未洗臍帶, 又除開人地件衫.
放咗瓜瓜落床又唔幫人蓋被, 我開咗冷氣啦.

每個程序都睇唔過眼,
點算?
又炒呀?
--------------------------------------
煮飯佢就有心啲,
會問吓我老公食唔食,
我食幾多碗飯, 要硬定軟,
但係尋晚明明同佢講我勁偏食,
佢話整豬肉,
結果佢以為我會食整咗我唔食的豬潤...
--------------------------------------
我搵到佢嘅好處啦.
就係佢好靜, 唔會迫我講嘢.
都好.

走佬袋必需品清單

東區醫院指引的全部用品:
必須物品:
產科紀錄咭
夫及孕婦身份証

日常用品:
洗漱用品 --> 個人需要
暖水壺/水杯 --> 個人需要
胸圍兩個(以備後用) --> 都係個人需要啦.
拖鞋 --> 一定要啦, 著同除都方便.
網褲 X4 --> 人地話可以洗番再著, 但係係醫院點洗? 而且都好平啫. 佩儷比較好用, 彈性高啲, 之後係醫院再買 Hanmann, 條橡筋超緊囉, 一啲都唔舒服.
產婦專用衛生巾三包 --> 吊帶型係產前用, 我就一包十塊都用唔晒.
(請勿用黏貼型) --> 黏貼型係產後用, 帶一包去醫院得啦. 結果我用咗兩包, 用量視乎惡露, 後期用一般衛生巾都得.
藍紙墊 20張(2包) --> 2 包係醫院都用晒, 張睡床要用, 生緊仔的時候張生仔床都用, 仲換得好密. 呢個就真係買多咗都唔怕, 之後 BB 換片都有用.
大毛巾(沐浴用)--> 用廚房紙比較好, 我冇帶大毛巾.

嬰兒用品:
初生嬰兒紙尿片 --> 約帶 30 條啦, 至少夠三日兩夜用.
包嬰兒之毛巾 2 條 --> 1 條都夠啦, 因為醫院同 BB 著好幾件衫, 包被都係裝飾用多 :P
紙面巾 2 盒 --> 我冇準備, 亦唔需要, 都未有奶嘔.
棉花 1 包 (抹臀用) --> 1 盒 BB 濕紙巾就 OK.
初生嬰兒羊毛內衣 2 件 --> 我準備咗 1 件, 不過都冇著過, 如果住私家房就可以著自己衫.
出院時的衣服及包被 --> 咪出院嗰日至攞去囉, 一般都住三日兩夜.
--> 加個餵奶枕都得, 醫院個枕頭好鬼重.

Tuesday, June 8, 2010

餵人奶(2)

今日健康院檢查,
瓜瓜一個星期由 2.9kg 增至 3.34kg,
平均一日重 63g!!
一般係 20g 咋...
真得人驚~
好在醫生話人奶 bb 早期係重得快啲.
而且黃疸都清得快啲,
今日驗咗清晒啦.

瓜瓜好簡單,
食飽就瞓,
食唔飽就追住食.
可惜依家就時飽時唔飽,
因為谷奶好辛苦,
所以我都好矛盾.

醫生建議如果 bb 成日一路食一路瞓,
咁就除減佢啲衫等佢冇咁舒服,
外國人直頭除晒 bb 的衫,
咁又會食耐啲啦.

如果谷奶好辛苦,
清減一啲前奶,
一餐食一邊,
咁 bb 食多啲後奶就會飽啲,
而且 bb 的胃只有佢個拳頭咁大,
俾啲前奶霸咗個位,
好快就餓啦.
如果奶量持續增加,
就可以兩餐都食一邊,
總之就食多啲後奶等 bb 飽肚啲啦.

瓜瓜飽啲,
瞓得耐啲.
我就舒服啲~
瞓都瞓得安落啲~

Monday, June 7, 2010

突然覺得自己好幸福

親人朋友唔需要多,
愛我就好.

總是有著大大小小的道理原則,
身邊的人都願意聽著我,
大家都好愛我啦 :D

謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~謝謝~~~

生仔4D3N::Day1::62號太太

上回.

轉咗去病房之後,
係唔落得床,
直至另行通知.

有架推車仔有個小姐問你要唔要止痛藥.
當然要啦,
麻醉藥過咗會痛就太遲啦,
食咗至算啦.

等咗一陣,
有個阿姐黎幫我落床,
帶我去洗水間教我沖下半身,
因為要用清水洗傷口.
所以其實第一日我已經濕水啦.
仲話一日要洗 6-8 次.
(呢個時候你需要廚房用的紙巾黎抹乾水, 好過帶條毛巾, 因為毛巾就咁掠係床邊一日都唔會乾.)

沖完身就夠鐘餵奶啦.
因為住大房,
護士一早問定你係唸住餵奶粉定人奶,
餵人奶呢,
一夠鐘就會叫你攞埋個枕頭入育嬰房.
好似監犯咁,
叫你的床位編號.
我係 62 號太太.

浩浩蕩蕩的十幾人走入房.
抱 BB 前先洗手.
然後要檢查尿片睇吓有冇需要更換,
第一次換片就遇著大便, 真濕滯...
(尿片同濕紙巾, 盒裝紙巾都係自己帶黎, 餵人奶的 BB 一日要換 9-10 條片架.)
(驚 BB 會凍, 又或者想容易認得自己的 BB, 包被都要帶一塊.)
要攞起 BB 對腳,
好鬼驚, 軟淋淋咁.
護士係咁意講一講點做,
之後就天才波啦,
由第一刻開始就知道你係要靠自己.

下一步仲驚, 要餵奶啦...
抱起佢都手震震,
驚唔識做又驚瓜冇得食,
瓜一路食又一路瞓,
瞓咗又唔知點叫醒佢??

如果堅持要餵人奶,
一定要一定要之前準備充足,
睇多啲資料,
如果你只係聽醫院的護士的說話加埋佢地的態度,
你好快就會放棄.
因為一來佢地的說法不一,
二來佢地的說話內容係鼓勵你, 但係語氣就好悔氣囉,
要成功餵到人奶要有好好的心理質素,
係盡全力, 得就得, 唔得都冇辦法.
同場有好多媽媽,
大部份都係新手.
一開始係辛苦啲,
一定要坐足 45-60 分鐘,
BB 瞓咗都要整醒佢繼續,
有啲媽媽 15 分鐘見到 BB 瞓咗放低 BB 番床就走,
有啲自己半夜眼瞓又走,
咁樣好難成功.

頭一個星期的餵奶非人生活請看舊文.

夜晚發現每次番上床有啲問題,
對腳用唔到力,
坐係床邊我唔能夠將對腳放番上張床,
要用雙手攞起條褲管逐隻腳抬起,
好似人地植物人咁.
不過移動小腳又冇問題,
關唔關傷口 / 縫針事呢??

Continues..... Day 2

有仔新生活::2weeks

1.
BB 的喊聲真係有得分別.
係想食, 好想食, 太悶, 啱啱瞓醒.
依家瓜瓜伸個懶腰都知佢想點.

2.
有時覺得瓜瓜好細粒,
但係一想到佢原本就係咁大件生活係我個肚入面,
又覺得大得過份.

3.
生之前個肚有 41", patpat 都係 41"
生完返到屋企係第四日, 子宮仲未收縮, 肚 36", pat 41"
地獄式生活兩星期後腰 31" (可以叫腰啦.), pat 都仲係 40"

4.
每一日就係餵仔, 餵自己同埋瞓覺.
一心二用的時候可以上吓網.
精神啲就要做吓簡單家務.
不過醒的時候大部分都係食的時間,
一碟兩杯三碗咁.

早餐好啲, 因為自己決定,
我會買 (1) 一袋麵包,
食唔晒半夜肚餓都有得食.
另外中醫叫要燉 (2) 豬肉汁/ 雞汁, 一定要加薑.
飲品盡量唔好飲水, 飲 (3) 炒米茶, 可以加黑豆 / 果皮.
見瓜瓜唔多夠飽會煮一杯 (4) 通草鮮奶.
午餐就 (5) 白飯+菜+肉, 一般係西蘭花/菜心, 梅菜肉餅/黑木耳蒸雞.
下午茶就係 (6) 老火湯, 內容有乜我唔知啦.
陪月會再煲碗 (7) 紅棗水之類的東東.
晚飯 (8) 就近似午餐, 都係白飯+菜+肉.
依家過咗十二朝, 仲要隨時隨地食 (9) 豬腳薑, (10) 雞酒.

即係咁,
大部份時間都唔係肚餓但係要放入口,
呢樣又補, 嗰樣對你有益咁,
見到都唔想食啦.
長期都好飽.

零食? NO WAY.
依家仲食得清過以前.

5.
冇咗陪月最忙係我阿媽,
出出入入上上落落買東買西整呢樣嗰樣,
唔該晒~

6.
星星以前成日問我坐月會唔會出街,
依家的答案係忙到出唔到街,
而且體力都用晒落捧住隻瓜,
想我出街都難!

7.
仲有什麼滿月 / 拜祖先的事宜,
唔該都問吓瓜瓜啦,
佢食得飽咪可以出街囉,
唔係我霸住個瓜唔放,
不過我未接受到自己周街餵仔,
寧願出少次街啦.

Saturday, June 5, 2010

十二朝

轉個眼就十二朝啦.
時間過得超快.

聽日.
終於都可以洗頭啦!!!
YEAH~

大家想食豬腳薑的話,
歡迎自攜餐盒預約,
有專人招呼你.
(不過唔係我~)

Friday, June 4, 2010

生仔4D3N::Day1::瓜瓜出世啦

上回

3. 產房
入到產房之前護士會幫你將啲家當放入儲物櫃,
俾番條鎖匙你圈係手.
產房的接待處同時有幾位人地的老公著到好似董太咁全副武裝等待中.

下一步就推我入生仔房, (我唔知間房應唔應該叫手術室.)
一間房有兩個產婦位,
中間拉塊簾.

上咗床吊包葡萄糖水,
而且可以聞笑氣,
因為上腦都要幾秒的時候,
所以一開始覺得就黎會痛就要聞,
呢個要好啱時間,
如果聞得太遲,
上得腦黎都痛完啦.
聞咗就 wingwing 地,
分散咗注意力就唔痛囉~
但係覺得唔太痛又唔好聞啦喎,
太 wing 個人唔係咁舒服.
要用鼻索啲笑氣,
用口吸會嘔.

過咗一陣星星都入咗黎捉住我隻手.
同時我都拿住張舊抹手紙, (之前喊的時候用黎抹眼淚.)
有嘢揸手感覺有力啲安心啲.

我聞緊笑氣的時間個護士解釋呢樣嗰樣,
聽到但係唔多入腦.
一路愈黎愈痛.
佢仲問得要唔要住私家病房?
點解唔早啲問?
我痛緊都唔知你收費如何, 探期如何?
wingwing 地個腦都唸唔到嘢啦.
更加唔係唸住我仲有氣開口答呀?
不過我一聽到話探期係 0800-2100,
即時醒一醒搖手反對呢件事.
咁咪人來人往, 貼錢買難受!!

痛的感覺愈黎愈頻密,
一路吸住笑氣的我已經陷入半昏迷的狀態,
雙眼都開唔到,
迷到唔可以攞開個笑氣,
即時好明白啲癮君子!

淨係記得久唔久會有一下收縮令我特別痛,
咁就會醒一醒反白眼兼大嗌一聲長的: '呀~~~~~~'
同時下身會不自覺的想用力谷個仔出黎,
咁呢個時候護士就會講: 你唔好用力住呀, 你咁谷一陣你同 bb 都好辛苦架.
我都唔知一陣間會點,
但係成個過程都係不自覺冇心架囉, 自然反應黎架.
半昏迷 -- 呼叫 -- 護士出聲
呢個循環發生咗好多次,
聽到嗰聲淒厲的 '呀', 你應該即刻唔想生仔.
我都天旋地轉啦,
都唔知過咗幾多時間.
嗌咗好多次之後,
到咗 1130,
護士叫我自己試吓用力痾,
根據子宮收縮的那一下,
要好啱拍子, 唔係就浪費咗度力氣.
一鼓作氣的生出黎.

我唸係平時肺活量細,
谷住一啖氣星星就幫我慢慢數 1 至 10.
同時就下身用力.
一啖氣真係生唔到,
又要即時回氣再谷第二次,
星星又數囉.
谷得三次都攰死咗啦.
但係個死人星啲拍子錯晒!!!
時快時慢!!
10..9...8.7....6..5...4..3....2...1.
有時又跳咗個數目字!
10.9.8.7.5.3.2.1
咁點生呀??
我又冇氣鬧佢,
但係個心好嬲囉, 係咪玩嘢呀??

如是者都唔知重覆咗幾多次的嘗試.
直到 ~1345,
終於...
係終於瓜瓜就生咗落黎啦.
任務成功!
(仲有打止痛針 / 剪會陰 / 抽胎水 / 剪臍帶 / 清胎盤 / 縫針, 呢啲聽落恐怕血腥的詳細情形唔講啦.)

星星話瓜瓜一出世個 patpat 有好多胎糞.
護士清潔瓜瓜之後,
就問我係仔定女.
包住被之後就放低俾我,
俾我地影相.
話影一陣就教我餵奶,
生完仔要留係床上 3 個鐘.

點知...
都未影夠隔離床個媽媽就生得,
星星要離開產房,
所有護士都去咗隔離床幫手,
我呢... 就呆等咗兩個鐘囉...
仲要...
個人瞓係度郁唔到啦,
左手吊住葡萄糖唔攞得高啦,
右手又包住個量血壓布,
瓜瓜係我右臂彎下,
但係望住個天花望唔到我,
我又移佢唔到.
好無奈.....

等咗唔知幾耐,
見隔離攪掂,
我就大叫行黎行去的護士: 請問係咪有人教我餵奶??
佢地至醒覺忽略咗我,
就搵人轉番我落產後房.

待續...

上堂教的呼吸法冇乜用到,
吓吓呼那些攪笑嘢完全冇用過.
淨係痛就深呼吸不過那些停止用力的過程知道咗就真係有啲用.

由見紅到生仔都只不過係 10 個鐘,
真正痛都係最後 2.5 個鐘的事,
都算個天待我不薄啦.

有仔新生活

1.
最辛苦的第一個星期過去啦,
持續日日都係斷斷續續瞓得幾個鐘,
但係都唔係太攰,
仲 OK,
唔通唔理個仔咩?
隨住多咗奶,
瓜瓜食得飽就瞓耐啲,
咁我都可以休息多少少.

不過佢好快就俾咗第二個難題,
食--掃風--抱一陣落格--便便--肚餓
為一循環,
食需時 20-40 分鐘,
掃風+抱要 15 分鐘,
大便需時約 30 分鐘.
每次便完都要即刻再食 30 分鐘,
再掃風+抱 15 分鐘.
成晚都未停過到,
接住接住落,
攰到我傻咗.
試過連續 4 個循環,
2300 玩到 0400.

2.
係咪個個媽媽都覺得自己個仔好靚仔架呢??
我真心的覺得瓜瓜好靚仔噃 :P

3.
唔好打俾我, 我需要休息.
本身已經難入睡,
嘈醒咗又瞓唔番,
一日斷續的瞓得幾個鐘,
仲要不定時,
瓜瓜瞓, 我就有得瞓.
但係有機會都唔代表我瞓得著,
就算瞓得都係醒瞓嗰隻,
到瓜瓜醒咗就又要食.
心理壓力唔細,
一合上眼就見到自己整親瓜瓜.

夜晚星星瞓覺超嘈,
又一定要開冷氣, (對於依家的我黎講太凍啦.)
第二朝又要返工,
唔想騷擾佢,
我瞓梳化大家都可以瞓得好啲.

我的生活好似苦行憎.
瞓覺真係好奢侈,
電話除咗搵吓心理輔導都唔敢打多個.
上網 / 寫部落格 / 玩一陣 FB 已經係最大的心靈安慰.
要關心我留個言得啦,
多謝合作.

健康院檢查(1)

出院後就要自行安排到健康院為 BB 檢查,
第一次用約兩小時.

磅重,
見護士記低資料, 關於飲奶的時間, 大小便的情況,
之後見醫生睇黃疸,
最後見人奶護士單對單詳細指導.

屋企距離健康院唔使 5 分鐘,
已經好醒咁出門口前先餵奶,
檢查過程簡單快捷唔使等,
但係咁短的時間瓜瓜又肚餓啦.
健康院入面就有餵哺室可以餵奶,
好彩住得近,
如果唔係係中途要餵仔對於新手黎講都幾論盡!

Thursday, June 3, 2010

40 週大事回顧

終於都完成使命啦!
已經跳到另一個地獄~

1.
貫徹始終, 由頭亂食嘢都尾,
瓜瓜冇事冇幹,
證明戒口唔係必要~
不過第日有乜事我就答唔到源頭係邊,
因為食咗太多奇奇怪怪嘅嘢.

2.
一路都正常增重,
轉捩點係有次醫生話瓜瓜太小,
然後瘋狂暴食~
後期實在重得有啲多 :p
但係真係成日都覺得肚餓囉.

3.
成個過程其實都幾舒服,
或者係本身賤命一條,
冇一件事情令我覺得特別辛苦.

4.
覺得中醫的湯水係有幫助嘅,
一路以來身體都好好.

5.
懷孕三寶: 托腹帶 + 多功能攬枕 + Birkenstock
三樣都係早啲買早啲用都冇問題的東西.
托腹帶可以防止腰痛, 防止個肚太大下垂令你行得太辛苦,
除咗乘托另一個功能就係包緊, 咁皮膚都冇咁易鬆弛啦.
攬枕一大條就令瞓覺瞓得好少少囉,
會平衡得好啲,
而且生咗之後都用得,
裡面係啲好似雪豆的東東好舒服架.
Birkenstock呢因為係拖鞋模式,
腳腫都唔怕,
而且唔怕落雨唔銑腳又有個腳形兼鞋底夠乘托,
好適合大肚婆,
一對鞋日日著足 30 個禮拜, 超抵!
(開頭都仲可以著吓高跟鞋啦~)

6.
胎教機呢...
自己冇兩個小朋友比較,
更加冇理由比較其他人的小朋友.
但係仍然係覺得有用,
雖然真係好嘈,
但係明顯地開咗機之後,
瓜瓜係裡面真係會係咁郁,
但係日日要用兩個鐘的時間,
而且嘈得好交關 :p
(個個都話好似打摏!)
到咗最後 15 / 16 的程式直頭感覺 '現眼報',
嘈到去咗個半放棄的狀態.
我又唔想講推介囉.

7.
成個懷孕過程都盡量令自己做番平時的事.
一樣出街食飯睇戲,
冇特別的清毒帶口罩, (就算去醫院都唔想帶.)
做一個正常人輕鬆啲,
冇咁大壓力.
冇病冇痛, 唔需要特別緊張.
而且星星都唔覺得我係大肚婆,
大家都平常心,
所以從來都唔覺得自己特別皇后,
又或者從來都係公主啩.

8.
成日都會半夜就醒來,
盡量都唔想整醒星星,
自己走出去煮食上網.
令到大家都冇覺好瞓做乜呢?
大家都要返工.
一來不易再入睡,
二來無謂係張床度輾轉反側煩住晒,
自己照顧一下,
都唔太難啫.

Copy::赤貧媽媽終於富起來了

奶奶見人地新媽媽係赤貧媽媽,
一度問係咪要一早買定個奶泵.
我覺得事在人為,
心理上同生理中都要幫忙配合,
一早已經搵定輔助的食物,
你都唔想餓親個仔架??
不過依家都 ok.

抄人地嘅:
1. 每日一大兜魚湯(梳蘿魚,白飯魚, 九肚魚, 紅衫魚都可以)
2. 每餐食白飯, 早餐都食
3. 多食增奶食物, 如章魚.木瓜, 介食豆豉.乳鴿
4. 隔日飲通草豆漿
5. 隔日飲黑麥汁
6. 黑豆茶當水飲(citysuper有得賣)
7. 每朝食nonichai (Mrs chee度買, 有bk媽媽集體網上訂)
8. 每日食4-6粒1200 Lecithin. 有防塞功效, 賣supplement地方有得賣, 我食GNC牌
9. 每日泵奶後空肚時食4次Motherlove的More Milk Special Blend, 只有online 美國website 訂 (www.motherlove.com), 我through朋友訂, 但應該可以ship嚟HK.
10. 每日食 Domperidone 10mg, 四次每次2粒, 藥房有得賣, 可參考呢個 article: http://www.mybirthcare.com/domperidone.asp
11. 瞓多啲, 但本夜要起身泵奶
12. 每日泵起碼4次, 初頭要更密(每日8次)
13. 用medela hospital grade 泵(symphony), 每次泵完都要用手再清
14. 每日識魚油 (命力, Mumomega, Udo)

個list 好長, 但我覺得係值得, 所有都有用, 個人覺得9&10效果最顯著,喺我近期奶量標升的原因, 我喺參考外國website知道的 (但我知道10無 US FDA Approval). 而1, 7, 14就改善奶既 quality,我以前啲奶水汪汪, 宜家好creamy, 仲杰過牛奶!!
info from Baby-Kingdom Forum

More link:
10 道讓您乳汁豐沛的藥膳
MotherLove

陪月員 2 號

陪月員返咗三日,
用處係幫 BB 沖涼換片同煮飯俾我食.
當然重要的係佢的專業小偏方,
佢煮的食物都 OK 啦.

不過實在係囉唆,
唉! 最怕人碎碎念...
佢的職責就係咁,
要提醒你呢樣做得嗰樣唔做得.

不過我有更多的不滿,
佢成日講就話人地用烚奶煲好方便,
我堅持用不锈綱煲明火烚.
我媽媽鐘意用清水幫瓜瓜抹 patpat,
佢又係咁話人地用棉花咁咁咁,
(最慘係仲要發現佢抹得唔乾淨!)
仲話人地淨係著和尚袍唔著蛤蜊衣,
(因為唔洗穿腳!)
我想瓜瓜靚仔啲得唔得先?
樣樣都想方便佢,
明明你係陪月,
你幫我就要跟我嗰套.

屋企大廈維修 0900-1800 冇煤氣,
佢問我點幫 bb 沖涼,
我話用電水煲加凍水咪得囉.
仍堅持冇煤氣喎,
當聽我唔到.
而且如果佢有心幫我,
遲少少收工就有煤氣可以幫瓜瓜沖埋涼.

冇煤氣又不能明火煮食,
成日同我講唔好飲水,
要飲炒米茶,
但係冇火又炒唔到米,
有心就係屋企炒啲過黎囉,
晒你好多時間咩?
計番你工時囉.

我唔係要個工人,
但係要個方便,
星期日一定唔到, 因為要返教會.
叫佢早啲黎 0800-1600 又唔得,
夜啲走 1000-1800 又話自己屋企買唔到餸,
一定要返 0900-1700,
家吓方便佢定方便我?
餵奶我全程自己做佢都忙少樣啦.
一日淨係煮個一餸午飯煲個湯, 幫瓜瓜換片沖涼, (仲要咁啱呢幾日都冇煤氣佢又做少樣!)
夜晚嗰餐準備材料要我自己煮, (而且佢從來冇問過使唔使預埋我老公!)
得閒自己煮就唔使請你啦?
俾錢你黎幫我囉,
況且明明斷鐘計,
叫你返寫字樓呀?
因乜事唔可以改時間?

佢以為我真係無飯煮婦就乜都唔識,
煮餐飯做乜嘢要幾耐我心中有數,
成日係度扮忙,
同我講佢做咗呢樣嗰樣,
全部都係佢份內事.

完全唔覺得佢係度幫到手,
總之就非常不滿,
叫星星打去同個代理講要換人!

Wednesday, June 2, 2010

瓜瓜個臍帶甩咗啦~

產後運動

【產後運動】

1.以循序漸進由少至多,量力而為的方式持續進行。
2.有特殊情況或手術生產者宜先請教醫師後再執行。
3.產後腹肌鬆弛,做合宜的運動有益身材的恢復、促進子宮復舊,增進健康。
4.選擇適當的時機,勿在飯後或睡前實施做完後要有適當的休息。
5.每天實施前要先排空膀胱,選擇硬板床或地板,做完後要補充足夠的水份。

乳部運動:產後第三天開始。
*仰臥床上,雙臂向左右伸展至與肩部對齊,伸直平放。
*將兩手慢慢上舉合攏,再慢慢回復原位。
*如圖所示共做五次。

頸部運動:產後第七天開始。
*仰臥床上,全身放平,手腳伸直,手掌貼身邊。
*將頭昂起,盡量向前彎,使下頷貼近胸部,再復原,共做10次。
*做此動作時,不可牽動身體其他部份。

腿部運動:產後第十天可開始。但會陰縫補者須延至二週後才開始。
*平躺仰臥,手腳伸直。
*先將左右腳輪流向上舉起,膝部須逝直,腳尖伸直,各做五次。
*然後將雙腳一齊舉起。
*注意用腹肌操作,不要利用手力。
              
臀部運動:與腿部運動同。
*仰臥床上,手腳伸直,手掌貼身邊。
*將一腿舉起,使足部貼近臀部,大腿靠近腹部,再伸直放回床面,另腿作同樣動作。
*左右兩腿各做五次。

收縮陰道運動:產後半個月開始。
*仰臥床上,雙手伸直平貼床面,兩腳彎曲分散與肩同寬,腳跟後縮,將臀部抬離床面。
*兩膝合併同時收縮臀部肌肉。保持此姿勢1~2分鐘。

收縮子宮運動:產後半個月開始。
*兩膝分開與肩同寬,跪伏床上。
*胸與肩儘量貼近床面,腰部要逝直,臀部高舉,收縮肛門。
*每天由不到一分鐘開始,至保持此姿勢數分鐘。

腹部運動:產後半個月開始。
*仰臥床上,雙手交叉放在胸前,用腰腹力量使身體坐起,反覆數次。
*注意不可移動腳部,膝蓋彎曲。

Info From 準媽媽輔導班

Tuesday, June 1, 2010

薑皮煲水(3)

其實沖呢個涼唔係太過癮,
只在一時的興奮.
沖完涼之後唔可以嘆冷氣唔可以吹風,
直至身體回復正常溫度.

因為薑同香茅的作用係驅風兼且可以去水腫!
薑的辛辣會擴張毛孔.

沖完之後...
全身發滾,
所有毛孔都出汗!
一滴滴嗰隻.
維持 30 分鐘以上囉....
勁過桑拿!
去水腫一流~
沖一個薑涼起碼瘦 5 磅!

其實沖涼想乾淨,
依家係咁出汗好似冇沖過咁,
仲要再換多件衫添!
好似自己搵自己笨:P
好彩感覺瘦少少都舒服啲.

餵人奶

餵人奶係一件最最孤獨的事情,
過程只有你同 BB 知,
只係餵幾個月, BB 到大個都唔記得.
護士可以係姿勢上面幫你,
陪月煲兩個湯水俾你,
老公就心靈上的補給,
但係實質上,
半夜三更,
餵仔的咪得你一個.

星星話好偉大,
我覺得一係唔好生仔,
生仔就要負責任,
教同養都要做足.

講番餵人奶,
經過咗幾日,
都略知一二,
有啲真係親子活動,
係同瓜瓜的交流,
同兩個人的合作,
望個表情伸個懶腰就知佢想點,
詳細唔講啦,
如果有一日大家係餵奶上有問題問我的時候,
希望識答啦.

想講係呢幾日的歷情.
一早已經決志咗要餵人奶,
所以之前都去聽咗啲講座,
做足心理準備,
知道需要面對各樣的問題壓力,
知多啲個人都安心啲.
不過都只係紙上談兵,
要生咗瓜瓜出黎至係實戰,
個個小朋友的需要唔同,
而各個媽媽的體質都唔同,
能唔能夠成功,
真係好靠媽媽的堅持!
開頭的呢日真係非人生活.

Day 1
因為生完仔要留係產房張床度 3 個鐘.
咁影個相休息一陣之後,
護士就教我餵仔.
點知同時間隔離床位的媽媽生得, (一間產房有 2 張床.)
生咗好一陣子.
生到我都可以推番去病房啦.

返到病房再等咗好一陣子至有個護士黎教我餵奶.
乜唔係愈早開始愈好咩?
政府都唔係好支持餵人奶啫?
護士懶懶閒.
今日的指導係純粹練習,
都未上奶.
只係做多啲吸啜動作可以刺激媽媽生產奶水.
半夜都叫醒咗 3 次!!
一夠鐘就有護士叫喊幾多號幾多號夠鐘餵奶啦.

不過東區醫院的護士真係好唔專業!
第一日護士 A 話每一餐只可以食一邊乳房.
第二日人奶護士 B 話可以一餐兩邊都食, 唔係可能 BB 食唔飽. 左右左右咁食.
第三日又聽到護士 C 話千祈唔好兩邊食, 因為轉黎轉去 BB 會頭暈.
到第四日返咗屋企又有個人奶護士 D 打黎跟進, 同我講唔好再兩邊食, 因為奶有分前奶後奶, 前奶易食啲不過冇咁濃所以冇咁飽, 依家只可以食一邊, 等佢食到後奶就飽啲.
第五日見健康院醫生 E 就話人奶護士講得啱, 應該兩邊都食係正確, 因為其實仲係初期, 一定要兩邊都食至可以刺激多啲奶水生產, 奶都未夠, 前奶後奶都不分啦.
個個都唔同, 都唔知聽邊個講!!
好鬼 frustration!!!!!
最後當然係聽醫生講比較可信,
亦係第二日聽完人奶護士的說法一路做緊的事情.

Day 2
餵仔係每 3 個鐘頭一次,
每次約 1 小時.
中間得兩個小時 '休息',
呢段時間要食飯啦, 檢查啦, 親人探訪啦, 瞓覺啦.
完全非人生活.

餵仔嗰 1 小時呢,
要打醒十二分精神,
因為 BB 食食吓會瞓,
你要一路整醒佢,
一路調整佢的姿勢令佢食得到.
個仔出世已經 6 磅 12 安士,
捧咗足 1 個鐘,
雙手都斷啦.
仲要 1 日捧幾次,
好快就有老鼠仔架啦.

Day 3
繼續努力,
可惜瓜瓜食極都唔飽.
一餵 2 個鐘,
最多 3 個鐘, 2300-0200,
終於你都要屈服,
佢真係開大個喉嚨黎喊,
嘈住成村人.
唯有加少少奶粉.
唔係餐餐都加,
要視乎瓜瓜有冇變喪屍.
佢一餓就雙手亂抓,
個頭左搖右擺,
呼吸急速, 發出 '霞霞霞' 的聲音,
亦都好似張達明扮暴龍個樣,
瓜瓜會唔會係新一代形體大師呢??
係就係好得意,
不過都幾鬼淒涼.

Day 4
到出院的時候,
為咗方便餵奶,
有好幾樣嘢要買:
餵奶流量控制杯, 開胸睡衣, 魚油.
另外好彩我都有兩手準備,
貪心咗人地一罐免費奶粉先放係度,
不過就冇羹仔可以餵奶.
一出院即係叫星星去買個 Medela Softcup (可避免初生時奶瓶混淆現象和控制流量不會嗆著.)

據聞魚油可以令到啲奶杰啲, 食得飽啲,
又有 OMEGA 3,
就買咗 Udo DHA 奧米茄 3 6 9 混合油.

另外陪月教煲咗個通草加鮮奶,
一個鐘頭左右開始真係上奶,
個胸變得有重量.
個仔都食得飽啲.
但係都係唔夠,
仍然要加奶粉.
瓜瓜小便大便嚴重不足.

Day 5
健康院單對單指導,
因為真係有奶,
而且個護士又有心機,
今次真係完全明白啦.
餵起上黎都得心應手啲!
瓜瓜個樣都滿足啲!
但係瓜瓜仍然未有大便.
醫生話要有入至有出,
所以仍要繼續努力.

Day 6
半夜12:00 斷續 3 次, 維時 3.5 小時.
都係唔夠飽!
整醒星星開奶,
玩到 05:00!
成晚都冇得瞓.
唯一好彩係終於都有大便啦.

好彩星星都幫得手.
換片開奶粉的工作都分擔一下.

BB 最最最現實,
餓的時候就張大個口大大聲的喊,
點抱都唔收聲!
嘈到拆天!
食飽就瞓,
個口合到實一實,
個樣勁囂張,
左邊餵佢, 佢對眼就轉去右邊!

餵人奶的初期實在要超強勁的意志力,
仲有同睡眠講聲遲啲再見,
每日加埋瞓少過 4 個鐘,
好彩我一向同睡眠都唔係朋友.
過多一陣子多啲奶可以做儲備就輕鬆啲架啦.
-------------------------------------------------------------
通草鮮奶
通草 2 錢 --> 中藥房有得賣, 見圖.
加脫脂奶,
煲為 1 杯.
(陪月話過咗 12 朝至飲就冇用架啦.)

Udo DHA 奧米茄 3 6 9 混合油 (購自Citys' Super @HK$285.00)
適用於孕婦和兒童
是DHA(二十二碳六烯酸)極好的植物來源(來自海藻)
妊娠及哺乳時DHA的重要性
婦女在妊娠和哺乳期間攝取充足的DHA對促進孩子的健康是極為重要的。
正在發育的胎兒是無法產生足夠的DHA、必須從母體獲取這極之重要的營養素.整體來说、全世界的妊娠及哺乳的婦女每日攝取這種重要的油脂還沒有達到最理想的水平。
在妊娠及產後期間、增加DHA的補充能改善母親的情緒健康。
DHA與智力及視覺功能有極大關係、由於嬰兒在出生後四年是其腦部生長的主要時期、所以對DHA的需求極大。
DHA在嬰兒期之後的重要牲
DHA對兒童正在生長發育的腦部是非常重要,因此必須攝取足夠的份量。DHA對腦部、眼睛和心臟功能都是極重要的。

奧米加3和6理想的2:1比例
植物性來源的DHA/非魚油產品
有助心臟,眼睛健康
對學習障礙者有幫助
有助過度活躍及缺乏專注力之兒童
有助改善精神病患者
適合與嬰兒的食物或配方奶混合
未遭高温、光線及氧氣的破壞
新鮮壓榨且未經提煉
現在世界各地的政府部門都建議孕婦、哺乳母親及幼兒將進食某些魚類作為獲取奧米加3油脂的來源、但次數限制在每週一次,因為魚內積存了高濃度的污染物(如水銀等)

瓜瓜出世紀錄

出世的時候係 3.07 千克,
星星話係 6 磅 7.
佢負責計數,
我梗信佢啦.

咁尋日去健康院見到個對照表,
3.0 千克都 6 磅 10 安士啦,
咁瓜瓜有乜可能係 6 磅 7 呢?
我質疑星星.

佢唸咗一陣...
仲問 6 磅 7 解 6.7 磅吖麻?
我話 6 磅 7 係 6 磅 7 安士唔係 6.7 磅!!
等我仲話錯俾人地聽!!

瓜瓜係 6 磅 12 安士至真囉!!!
另外, 身高係 46 cm.
Blog Widget by LinkWithin