Monday, May 31, 2010

薑皮煲水(2)

陪月員今日開始開工,
薑皮煲水可以成日都洗,
另外可以用薑加香茅黎洗都得!
都可以驅風~

好嘢!
日日都可以沖涼啦!!

薑皮煲水

係第五日,
阿媽終於都 '醒起' 有包薑皮, (都唔知係咪專登 '唔記得'!)
薑皮可以煲水俾我沖涼!

薑皮係之前煲薑醋的時候批出黎的皮,
晒一晒乾保存至今.
然後就用一大煲水煲咗黎沖涼.
沖的時候唔可以加冷水,
只可以等水放涼.
洗頭都得, 但係一定要吹頭.
(以上資訊全由我阿媽提供.)

可以沖涼,
感覺超爽!!!
雖然只係得一煲水的份量,
仲要全部都係薑皮, (我連埋皮沖, 唔知其實可唔可以用個煲魚袋隔一隔呢??)
不過有得沖我都冇所謂啦,
但係如果洗頭就攪笑啲囉,
一頭都係皮,
我冇洗, 買咗支乾洗劑.

沖完舒服晒,
但係唔可以開冷氣住,
會入風.

啲薑好勁,
所有毛孔都擴張晒,
全身發滾!!
呢幾日的疲勞係全身的毛細孔走出黎!!!
勁個焗桑拿十倍!!
沖完淨係想瞓係度,
全身冇力超放鬆,
所以一定要臨瞓前至好沖,
之後好瞓都極點!

仲有冇多啲薑皮呀???
晚晚都有得沖就好啦....

Sunday, May 30, 2010

生仔4D3N::Day1::等生

好想寫低個過程,
不過真係有啲忙.

1. 急症室
上回提到見紅入院,
慢條斯理的坐的士去急症室,
坐的士其實係唯一方法,
唔通半夜叫醒我老豆車我咩.
上到去登記都 5:00am 啦.

因為要 7:00am 後至可以去婦產科,
半夜要去急症啦,
個登記人員問點解入院,
有冇見紅? -->有
有冇穿羊水? --> 應該冇
幾耐痛一次? 每次痛幾耐? --> 冇留意喎, 冇人同我講要數住喎! 唯有話約 5 分鐘 1 次啦.
當時得 1 個小孩同媽媽 & 兩個大叔,
所以好快就有人招呼我上病房啦.

2. 婦產科病房
去到婦產科病房,
星星要係出面等.
第一件事係磅重,
人生的高峰: 74.9kg.
希望呢世都唔會再創新高啦.
然後護士又問番同樣的問題,
答案都一樣啦.
之後俾咗個床位我都唔知做乜,
等咗一陣就推個 bb 心跳機, 個紀錄 bb 心跳同子宮收縮,
有個制要我按個 bb 幾時有腳撐撐,
要聽 30 分鐘,
但係又唔俾我出去同星星講仲要熄電話,
護士又比較惡,
星星一個人坐係出面又唔知我發生乜嘢事.
有一段時間 bb 心跳慢,
好大機會係我瞓得太側接受唔好.
30 分鐘護士話子宮收縮唔夠密, 未生得.
唯有等囉, 但又唔知等到幾時,
所以都叫咗星星返屋企先.

咁得番我一個人入咗大房都唔知做乜?
食咗個菠蘿包,
呢個包一路支持到我生完仔啦,
瓜瓜係咪應該改名做菠蘿瓜?
又冇人理,
瞓又唔係, 坐又唔係.
因為都久唔久痛吓.
7:00am 有個早餐: 碎肉粥加個包.
個個鐘頭醒吓直至 9:30am.
知道有護士周圍行.
我同佢講想要多個枕頭,
因為痛到個背脊想要啲乘托.
佢就搵另一個護士同我檢查.
又問我幾耐痛一次? 痛幾耐囉?
不過我冇錶又冇人叫我要睇住,
痛緊邊有留意喎...
anyway,
驗吓瓜瓜個頭位係邊度喎.
佢一驗就話我已經開到 2-3 度, (10 度就生得!)
可以入產房啦.
咁鬼易??
我就俾佢驗到眼淚都流埋出黎.
堅喊!
唔知係因為痛得太緊要定好快生得呢?
但係護士就好惡咁話喊咩呀喊, 快啲打俾你老公, 留番啲力生仔啦, 就黎生得啦仲喊!
well...
我都唔知點解喊,
啲眼淚自己流出黎架.

打俾星星叫佢返上黎,
點知冇人聽囉!!!
唯有打俾阿媽轉告,
但係阿媽又話接收唔好,
喊緊痛緊仲要講幾次! 嬲死!!

佢地就推咗我入產房...
待續...

瓜瓜@Home一天之後

五日之後,
最難過唔係成日要餵奶,
係唔可以沖涼洗頭,
個頭前所未有的乞兒,
個身直頭覺得發臭!

星星陪兒一天之後...
眼瞓死咗~

長期抗戰,
耍有好的心裡質素!

Saturday, May 29, 2010

Week 39::最後倒數

入院前寫的心聲.
--------------------------------------
星星成日都 '提醒' 我:
下個禮拜瓜瓜就出世啦.
你緊唔緊張呀?
怕唔怕痛死呀? 十級痛喎! 面容扭曲喎!
快啲出黎見老豆啦.
好似日日都催住我生仔咁!!
(不過其實日日都有好多人問同樣的問題...)

明明見步行步的我都少不免覺得有一絲的害怕.
痛就預咗架啦,
可以點吖??
唔好生囉.
但係都冇得返轉頭架啦.
我淨係想快啲生完, 快啲修身 :p:p:p
成隻豬咁實在好可怕.

最後呢個月除咗腳腫之外,
仲長期有啲鼻塞 / 耳塞的感覺,
唔知關唔關瓜瓜事呢?

腳腫係依家最大問題,
好彩夜晚星星會幫我按摩,
不過小腿真係好實!
星星一按落黎我就大叫大嚷, 眼淚水都出埋!
我成日問佢終於都虐待到我係咪好開心! (冇乜幾何!)
不過按摩都係好少少,
都係沖個涼用熱水淋吓好啲.

行得好慢的原因係個腳好難用力,
好難解釋,
但係個大脾同盆骨之間條筋真係好似冇咗彈性咁,
啲較位已經鬆晒.

因為都就黎出世,
瓜瓜已經跌咗落下面,
坐係度係唔可以拍埋兩隻腳,
個肚係完全頂住晒!

心血來潮.
咁耐以黎都冇度過個肚,
原來已經澎脹到 41" 啦!
但係個 pat pat 都係 41" 喎!

因為水腫的關係,
成個身的皮膚都好鬼滑.
會唔會一生完就全身變晒皺皮呢??
-----------------------------------------------
母親的懷孕過程 copy from Yahoo Blog
第39至40週 嬰兒面世了
你胎兒的進展:看到自己的孩子了孖胎嬰兒通常會在第37週出生,如果孕婦是第二次懷孕或連續多次生產的話,一般也會在預產期前分娩,很少在預產期後才分娩。

到了這個時候,你的胎兒隨時可以出世了! 當胎兒顯示它成熟的跡象時,醫生會嘗試利用超音波來估計胎兒的體重。 在最後兩個月,胎兒能在每一天增加28克(1安士)的重量? 它現在的重量大概介乎於2.5千克(5 1/2磅)至3.2千克(7磅)。你

身體的變化:在這個時候你相信已經急不及待要見你的BB了。肚子已經很重,每移動一步,都可能感到很吃力。

胎兒此時會變得沉靜下來,並壓向子宮頸的位置。假宮縮越來越明顯,而每一次都令你懷疑這是否真正的宮縮呢! 分娩的徵兆:這是分娩的先兆,但並不代表會立刻分娩。每個孕婦出現這些現象的時間都不一樣。 

要記著,只有百分之四的孕婦會在預產期日分娩。如果你是頭一次懷孕,就算有跡象分娩,或感到痛的話,除非羊水穿了,否則你還要等待12小時或以上才到達真正分娩的一刻。請不要慌忙失措,你可以選擇留在家中一段時間先進行洗澡,洗頭,或完成聯絡親友的名單才入院,這可能會令你感到舒服一點。

見紅─從分娩前數日至數星期前,你會發現有一些粉紅色或血紅色的黏液狀物體會從陰道流出來。這是因為子宮頸的栓塞已逐漸脫落,這表示子宮頸正在慢慢張開。

穿羊水─當包著羊水的黏膜瓦解後,你一是會感到有少許羊水浸出來,只要用一張衛生墊便可以吸收這些水份﹔或是一下子有大量的羊水像排尿般湧出來。

當穿羊水時你並不會感到痛楚或嗅到任何強烈的味道。每3個小時羊水便會補充一次,直至分娩為止,因此羊水可能會繼續流出來,要視乎你移動的幅度和胎兒頭部的位置而定。

當你的羊水穿破了,應該通知你的醫生,並且要立刻到醫院去。因為當羊水穿破後胎兒已不再處於一個密封的環境內,有受細菌感染的危險。

如果你發現有羊水呈啡色的,可能是類似胎糞的物質隨著羊水流出來,也需要告訴醫生。如果你擔心在公眾場所穿羊水的話,你可以保持站著或坐著的姿勢,因為胎兒的頭部能阻止羊水大量流出。

但當你在晚間躺下來時,羊水便會很容易大量流出來。 

到懷孕最後幾個星期時,最好在床褥下放置一張防水膠墊來阻隔突然流出的羊水浸入床褥內,因為乾了的羊水帶有魚腥味,並且很難除掉。 陣痛 ─早期的陣痛跟假宮縮非常相似。

但真正的陣痛會令你的背部赤痛而並非假宮縮時的肚子疼痛。

如果你轉換位置也不能停止這種感覺,並且會越加強烈和頻密的話,這便可能是真正的陣痛,你最好記下一小時內的陣痛次數以及其維持的長度。如果每一次的陣痛都較前一次長而頻密的話,那麼這便是真正的陣痛了。

如果陣痛長達 40秒或以上,而兩次陣痛相隔只有5分鐘或以下的話,即使陣痛沒有明顯的規律,你也應該立即通知醫生或入院了。 孩子出世了一個剛出生足月的嬰兒大約有3.4千克(7 1/2磅)重而身長約有51厘米(20吋)。

男嬰平均會比女嬰較大碼。但個別嬰兒可以有很大的差異。無論他是大碼還是細碼,不要期望他的樣子很好看。他/她全身可能呈現微藍色的或者帶有污點的。 全身好像塗上了一層芝士狀的胎脂及黏著血跡,頭型有點怪怪的,這是因為他在經過產道出生時曾被迫壓過所致。

出咗院


返咗屋企啦.
瓜瓜 5 月 26 日出咗世啦,
3.070 kg (~6.7磅.)

呢四日三夜之旅好忙,
慢慢寫.

Wednesday, May 26, 2010

Asgard::攞相

上次揀相的時候話兩個禮拜後有相攞.
星期一打去,
佢話應該星期五會有, 話到時到咗打俾我.
結果當然又係冇電話啦.
星期日會去尖沙咀,
打電話問一問有冇得攞又話有囉.
搵個人做客服好難咩??

其實上到去佢地的招呼係好好架囉.
晒上黎個十二張都有執過,
雖然同仍講咗唔需要,
手臂位都係修飾咗少少啦.

兄弟們睇咗之後,
話有張好似大軍閥的狄娜!
應該呢世人都唔會再拍呢個著少衫的相 :P

總括黎講都有 80 分+.
到 8 月的 BB 展,
星星話要去再俾錢影吓瓜瓜喎.

順道一提,
Asgard 係百利 1/f 都有小店做婚禮的生意,
而幫我化妝的 Sum Wong 亦同層有另一小店,
星星又即刻覺得間公司又可信賴不少.

見紅::我入院啦

4.00am
好似 m 痛的感覺整醒咗我,
一移動好似 m 到咁覺得下面有啲水狀流出黎,
去廁所望一望係血.
成件事情都好似 m 到囉.

同星星講沖完涼可以入院啦.
佢話: 益你啦, 唔使悶啦.
yeah! 休息咗兩日就生啦,
舒服晒.

沖個涼洗個頭,
都唔知幾時再可以掂水啦...

到我沖完涼,
星星問: 我可唔可以都沖埋涼到出門口呀?
吓?? 依家我生仔喎,
你之後返屋企慢慢沖啦...

我去醫院啦,
唔好打俾我!

有冇人探病帶 pizza 架呢??

有水...

11:00PM
瞓係度無拿拿有一大滴水係下面流出黎...
(我知道唔係失禁啦!)
(瞓係度都有水喎!)
(好鬼大滴架喎!)
會唔會係穿羊水呢?
我冇經驗喎.
然後專登等咗半個鐘,
睇吓仲有冇滲多啲水啦,
又唔覺喎.
亦都冇見紅啦.
之後開始有少少緊張,
可能因為真係生得, 可能因為緊張, 瓜瓜都不停的郁,
而且個胯部感覺真係怪怪地,
瞓唔著啦.

覺得可能或者有機會生得之後,
我個腦唸到幾樣嘢.

1.
約咗阿媽聽日晏晝食 pizza-hut 個新 pizza,
咁我食唔食到呢?

2.
瓜瓜係咪真係叫嗰個名呢?
生咗之後要係咁意俾個名醫院認人,
唔係寫陳瓜瓜呀?

3.
會唔會好痛呢?
有幾痛?
會痛幾耐?

4.
再唔瞓如果真係生仔都冇力啦.

5.
唔該大家聽朝唔好打俾我,
咁夜仲唔瞓聽朝要瞓晏啲.
返屋企等消息啦.

Tuesday, May 25, 2010

預產期

到咗預產期 5 月 23 日,
由朝早 9 點玩到夜晚 12 點!
真係痴咗線 :P
(可能由頭到尾都唔覺得係呢日啦.)

人地係咪會等生仔我唔知,
不過真係冇乜人會係預產期當日生仔,
而且唔覺個肚有乜新進展.

一如平時的星期日,
先同屋企人飲茶,
之後去咗一轉天水圍+流浮山+深水埗.
下午再去尖沙咀觀禮+飲宴.
有冇人好似我咁一日出街出到黑架呢?

唯一的代價係對腳真係好鬼腫囉!

電話

亦舒係'畫皮' 話:
电话最奇怪,铃一声响,人人争着去听,是因为寂寞

依家最最最憎電話嚮!
可能我戰勝咗寂寞.

1.
放緊假, 瞓緊覺,
嘈醒咗之後又瞓唔返.
最抵死係如果唔係自然醒我會頭痛.

2.
最怕人係咁長嚮,
一個又一個電話咁接住打黎直到你聽為止!
喂, 我唔係差你錢呀?

3.
手提電話其實某程度上太方便,
佢嚮我又覺得騷擾咗寧靜的生活,
唔聽又好似冇禮貌,
一放假就就唔知聽好唔聽好.

4.
近來最怕係收到大家的關心,
第一句就問: 生得未? 生咗啦? 咁幾時呀?
好似問緊我你死得未一樣.
一日收好幾個,
連續收咗兩個禮拜,
答案就好似見工一樣: 你返屋企等消息啦.

5.
SMS 係偉大的發明,
至少可以選擇覆唔覆.

Monday, May 24, 2010

催生是什麼?

每一日都有好多人問我生得未,
不過真係冇乜跡象,
所以都好大機會催生,
咁催生係乜呢?

其實我信私家醫生 6 月 3 日的預產期,
所以根本就未夠鐘!
雖然政府就緊張啲,
星期五覆咗診都未必叫你即刻入院啦.
---------------------------------------------------
催生的3大時機
很多孕媽咪對「催生」有下意識的恐懼感,但也有媽咪迫不及待地希望產科醫師在預產期尚未到時就先催生,到底催生的最佳時機為何?媽咪對催生又有何種疑慮?其實,催生的目的是希望讓胎兒順利娩出,只要擁有正確觀念、正當使用,可說非常安全。

文/鍾碧芳;採訪諮詢/新店慈濟醫院台北分院婦產科主治醫師楊濬光

新店慈濟醫院台北分院婦產科主治醫師楊濬光解釋,有些人會把「引產」跟「催生」兩個名詞相互比較,把引產定義為「沒產兆的情況下給予催生藥」,催生則為有產兆後給予催生藥,增強子宮收縮」。不過,他認為,兩者之間其實沒有很大的差別,基本上的意義都是一樣,只是說法有所不同,在他看來,二者都是為了讓胎兒能順利娩出,因此不須有特別的恐懼或疑慮。

仍有部分孕媽咪對「催生」有著莫大的心理恐懼,擔心風險較高、甚至覺得「催生比較痛」。楊濬光醫師以臨床經驗說明,只要擁有正確的催生觀念,信任專科醫師的判斷,就相當安全。的確,有些孕媽咪明明已經到了必須催生的時候,但卻不願醫師催生,甚至寧願選擇剖腹生產來降低風險,但其實,現在醫學進步,只要時機成熟,催生可說是相當安全的。

催生3大時機
楊濬光醫師說,孕媽咪對催生有著兩極化的看法,有些人相當排斥,認為不符合自然原則,且又有可能面臨風險;但也有部分的媽媽,因為孩子的出生時間點可能落在過年期間,或者是必須更換學年的尷尬期(如預產期在8月底9月初),甚至可能因為不喜歡某些星座而有催生的意願。但他提醒,催生雖然安全無虞,但仍建議須選擇適當的時機,也就是所謂的「瓜熟蒂落」期,否則,如果未到預產期前太早催生,就會出現即使催生藥開的很強,催生效果仍舊不好,還是必須等待的窘境,這也表示時機尚未成熟。

至於在醫學上的催生時機,是繼續懷孕可能對母體或胎兒造成不良影響時,為了顧及母體與胎兒的安全,且準媽咪又有自然生產的意願時,就可以考慮施行催生。楊濬光醫師歸納出3個在醫學上需要催生的時機:

過期妊娠
預產期如果過了太久,胎盤功能退化,會使得子宮的環境不適合胎兒生長,因此建議採取催生,不過楊濬光醫師解釋,並不是過了預產期就必須催生,「預產期跟保存期限的觀念不同」,臨床上很多孕媽媽誤以為,過了預產期,胎兒就過期了?他說,其實預產期也有可能因為算法不同而出現前後差異,只要是在適當的範圍內都算安全,不過,如果超過預產期太久(胎盤退化期約為42週後),胎兒在體內就出現解胎便、羊水也會變少、胎盤功能退化等問題,使得缺氧的情況變得嚴重,因此需要催生讓胎兒早點出來。他建議,如果過了預產期7~10天左右,就應該考慮催生。

Dr. memo
如何知道胎盤功能是否正常?
楊濬光醫師提醒,胎盤功能不正常是非常嚴重的問題,一旦開始出現退化,就會讓羊水變少,胎兒發生缺氧、窘迫、排胎便,甚至胎死腹中的情況。至於該如何了解胎盤的功能是否正常,他建議孕媽咪應該要多多注意胎動變化,產科醫師也會採用胎兒生長評估來檢測胎兒的生長、胎心音的變化及臍帶血管的阻力高低來判斷胎盤是否出現異常。

早期破水
楊濬光醫師指出,只要是足月破水,但卻未出現陣痛等現象時,就要考慮接受催生;這是由於破水時間過久,可能出現子宮內感染的狀況,因此必須藉由催生,讓媽媽更快進入產程,降低感染。

母體或胎兒有狀況
由妊娠所引發的孕婦合併症,如妊娠高血壓、妊娠毒血症(子癇前症)等,楊濬光醫師說,尤其是子癇前症,更需要讓胎兒儘快出來,否則會危害到母體或胎兒本身的健康。此外,若是出現「胎兒生長遲緩」合併有胎兒生長不全時,因胎兒在體內生長吸收不良,或長的很慢,此時若胎盤功能又差時,產科醫師也會建議乾脆把寶寶生出來後再慢慢養,否則一旦延遲到胎盤功能無法負荷胎兒成長所需時,就會造成更大的傷害。

媽咪對催生的疑惑
楊濬光醫師說,在以前因為醫療不發達,採用的人工破水方式老舊,容易致生感染,所以老一輩的人都覺得催生不安全,其實,現在催生跟自然引發一樣安全,但仍舊有許多孕媽媽生產時醫師所做的催生會出現疑惑,他認為,只要正確使用就能減少併發症的出現。

疑惑1 催生很痛?
催生會不會比較痛?楊濬光醫師說,疼痛是需要比較的,很多人都說催生比自然產痛,但真正問起來,這些人卻沒有試過加以比較。由於催產素、前列腺素等,在人體原本就有,學理上應該不會比較痛;不過,如果催生藥物使用的劑量調的過快,就有可能會出現明顯痛感。但疼痛是可以適應的,以自然產來說,或許因為產程的時間拉長,相對來說痛感是持續的,但催生卻是縮短產程,因此感覺上較痛

疑惑2 有人不適合催生嗎?
楊濬光醫師說,大部分人都能施行催生,除非有對藥物過敏者才不建議使用。此外,有氣喘病史的媽媽,也不宜使用某些含前列腺素的藥物催生。至於是否有不適合的對象,基本上只要能承受自然生的媽媽或寶寶,都可以進行催生。

疑惑3 催生後的剖腹機率高?
有研究指出,經過催生的媽媽比自然生產的媽媽,最後剖腹產的機率略高,但這是因為需要催生的媽媽,原本的狀況就多,楊濬光醫師認為,尤其在待產過程中,如果待產的時間過長,可能出現的狀況也多,因此會有這樣的研究數據出現。

疑惑4 催生後多久會生?
如果孕媽媽在還沒到預產期時就準備催生,通常催生後仍需要一段較長的時間待產,楊濬光醫師說,也有些人在催生後,過了5天才生,若在催生後,藥物效果慢,產程變化不大,或孕媽媽也沒有痛感出現時,醫師就會視情況動刀,以維持母體與胎兒的健康。

Dr. memo
催生的方法
催生的方式最主要是讓子宮產生收縮,但也有些藥物是幫助子宮頸軟化,或者使用機械式催生的方式讓子宮頸擴張。楊濬光醫師說,催生方式通常包括人工破水、藥物催生及機械式擴張,最常使用的方式則為藥物催生,亦即使用可令子宮收縮的催產素,或者讓子宮頸變軟的前列腺素等;他說,日本醫界也常使用海草棒(laminaria)來讓子宮頸擴張,但台灣的使用情況較少。

info from 媽媽寶寶

產假的第一天

悶死人!!!!
比坐監好少少,
至少可以出一下街,
但係去得邊呢?
冇嘢買冇嘢需要行黎行去撐住個肚其實唔係咁過癮囉.

瞓同食之外, 仲有乜嘢做呢??
都只不過係第一日,
我都已經想死啦.

新堡餐廳

去演藝睇表演,
唔去太遠,
係附近食.
原本想食泰國菜,
但係唔知乜嘢原因堂食冇開,
只做外賣一邊,
飯後買咗人人讚好的炸蝦片,
真係唔錯!
下次一定要坐低食!

結果選了舊式港式西餐廳,
仲用緊紅白格仔枱布.

羅宋湯比較酸,亦冇乜菜.
蒜蓉包到飲晒個湯至黎, 冇影相啦,
就係一塊味道蒜蓉包啦.

焗美國大生蠔 HK$35
個蠔好似手板咁大,
芝士煙肉焗,
好香架.

三文魚扒餐 HK$88
不過真係好細舊,
味道就十分 ok.
星星食完都唔飽!
有碟燒汁, 薯菜,
有薯仔, 青瓜, 翠玉瓜, 紅白蘿蔔,

銀雪魚拼唔記得XX魚! HK$88
銀雪魚係煎嘅, 煎完仲好滑,
而另一塊魚係炸嘅,
炸完都冇油膩, 亦唔會乾巴巴,
好好食喎!

餐飲熱檸水同熱檸茶.

HK$223,
可以再食.

新堡餐廳
地址 : 灣仔軒尼詩道113號地下
電話 : 2529 3938
類別 : 西餐廳

Sunday, May 23, 2010

濾水壺::Brita

屋企水質一路偏黃, (含有大量礦物質! 都唔知點解? 所以水喉都換過新架啦.)
以前會去阿媽度打水,
但係生咗仔之後坐月需要用多好多水,
所以都係買個濾水壺用住先.

Brita 見到大型百貨公司都有得賣,
好唔好用暫時唔知,
資料搜集我冇負責.
純粹想講係永安見到個壺 3.5L 加 3 個濾沁要 HK$616,
依家係教協買只不過係 HK$436!
平一大截!!

我應唔應該轉行教書呢??


ALUNA 愛奴娜型
‧Aluna XL: 大容量,適用於家庭及辦公室
‧時尚圓弧造型,指弧型易握式把手
‧加力式水喉,出水順暢又準確
‧連體式壺嘴蓋
‧可放入洗碗機清洗(壺蓋除外)

本款具備電子式濾芯更換顯示器的功能
Cool 容量2.4公升 / XL 容量3.5公升

info from Brita 官網

猛鬼街

Freddy 是其中一齣陪住成長的恐怖片,
有點集體回憶啦.
不過回憶是美好的.
定係我已經身經百戰呢?

可能入場前太興奮想搵番以前的感覺,
都唔驚嘅...
印象中的 Freddy 外貌可怕好多架喎,
依家好似靚仔咗咁多呢?

都唔知幾時至可以再入戲院睇戲啦.

猛鬼街 (IIB)
95 分鐘
導演: 森美比亞
演員: 姬蒂嘉絲迪, 卡爾加拿
英語對白,中文字幕

5月20日上映 Freddy Krueger回歸銀幕,復刻當代恐怖片經典《猛鬼街》。 一群住在郊區的青年有著同一個夢魘:他們都在夢中被一個嚴重毀容的殺手 - Freddy Krueger追殺。只要他們不入睡,他們就有能力互相保護…但只要他們一睡著,他們便無處可逃。 今次穿上Freddy招牌的軟呢帽、紅綠間條衛衣和四刀手套的是奧斯卡提名男星積奇艾爾賀利(《隔牆有心人》、《保衛奇俠》)。

Saturday, May 22, 2010

Fisher-Price 開倉

是成個禮拜前的事.
嗰日難得的攞到頭條日報,
見到渴望多時的 Fisher-Price 開倉廣告,
係公司附近,
一定要上去望一望啦!
(開倉開到 6 月 6 日.)

我唔介意小朋友玩玩具,
從玩耍中學習,
係小朋友的樂趣,
可以同一齊玩就更加促進親子關係,
但係會介意件玩具係咪益智同埋安全.
Fisher-Price 係益智玩具中的名牌,
價錢唔平,
開倉一年一次, 慳得就慳啦.

不過其實最需要最想買的都已經買咗啦....
仲見到蝕咗添, 激死!
Fisher-Price 踢踢腳小鋼琴 --> 開倉價 HK$250, 好在我買平咗少少...
Fisher-Price 熱帶雨林動物音樂 --> 開倉價 HK$300, 呢個就蝕大本啦!
基本上所有大大件的玩具都好抵買囉,
有啲都有半價架.
有啲款式出面都冇得賣啦,
過氣到官網都冇資料架啦,
但係益智玩具又有乜所謂呢?
另外好多都係 6 個月起至識玩,
所以都唔買得咁多.
同場仲有 cars / hot wheels / 少量 thomas.
下年啦,
應該可以買多啲.

星星都傻架,
佢話如果瓜瓜自己識黎揀就好啦!
有排都未得啦!
而且一個小朋友自己識揀就買晒所有玩具啦!!

一場黎到,
點都買番兩件吖!

一個係放床邊嘅鏡, 開倉價 HK$80
(床邊玩具都買咗三大件!! 不過我有兩張床~)
有一大塊鏡, 有得自己轉轉轉發出聲音, 有咬牙玩具.

另一個就係搖鈴套圈,
街價最平 HK$84, 開倉價 HK$50.
因為我覺得小朋友都應該有一套套圈小玩意,
雖然都要一段時間之後至玩得.
-這個可愛的套圈共有5個環,大小容易讓寶寶去把玩堆疊
-其中的4個套環還是手搖鈴,每個套環有不同的搖鈴音高
-最上一層的套環附著一個可愛會旋轉的小鴨
-教導寶寶認識顏色、大小、同時訓練手眼協調

同場加映:
Fisher-Price 可攜式兩用安撫躺椅 --> 開倉價 HK$480
是同事的剩餘物資啦 :)
原本呢個款式暫時都未係我的購物清單入面,
不過唔使錢貪心的我都攞咗返屋企 :D

多謝~
歡迎多多益善~

產品詳情:
-由新生兒椅開始,把椅背調校成比校平坦的角度
-可輕易調校椅背角度,令寶寶舒適安座玩耍或睡覺
-可愛的小動物刺激寶寶拍打
-座椅旁的小雀兒,可給寶寶玩耍,亦可拆下來玩
-輕柔穩定的震動裝置,可安撫寶寶的情緒
-當寶寶長大可變成一張小童座椅及搖椅
-可輕易摺疊,可輕鬆地拿到其他地方
-備有三點式安全帶
-乘坐孩童最大重量:40磅

Friday, May 21, 2010

醫院檢查::信邊個?

都係一般的檢查,
冇乜特別,
唯一係食完午餐就即刻上去,
我又重咗好多, 74.9kg...

最後一次睇私家的時候驗咗分泌物,
結果有輕微的菌,
不過好少事,
呢個菌係會係早期懷孕的時候可能引致小產,
依家就冇問題啦.
開咗隻抗生素食足 5 日.
今次去醫院就俾番報告同啲藥個醫生睇.

點知個醫生話隻抗生素係醫唔到嗰隻菌嘅!!!
雖然隻抗生素對孕婦係安全.
佢就根據報告隻菌而開過另一隻抗生素囉!
究竟邊個醫生啱呢?

醫生話見紅/穿水/痛得密就自行入院.
如果唔係就一星期後做檢查,
因為到時已經過咗預產期,
到時再決定需唔需要催生啦.

即係最多,
一個禮拜左右,
就由一個地獄跳到另一個地獄啦.

Thursday, May 20, 2010

March-in::Canon in D

如果唔係麥同學忘記咗要搵 Canon in D,
都忘記咗當日我地都搵咗好耐,
不過係星星的工作,
因為佢對首歌有要求!
係人都知呢首歌有唔同的版本,
佢話又要有氣勢, 有呢樣嗰樣. (我都唔記得啦...)

幫我地做攝錄的店都提供咗一隻,
不過係極其簡單的版本.
最後呢...
走咗上網買!
USD 2.99,
少少錢滿足咗佢的願望,
超化算!

不過記得當日 march-in 的時候我地行得好快,
大家有冇留意到首歌呢??

鋼琴音樂 from PianoReImagined

裝修公司

我地仲未開始裝修,
但係就搵咗好幾間公司報價.

A 公司我唔鐘意,
因為覺得佢度尺都度錯,
叫佢做嘅嘢好似寫低咗但係結果畫圖的時候唔見到囉.

B 公司佢有顧慮,
因為個判頭成日都好忙,
仍嫌人地報價慢.
而且人地做慣貴嘢,
手工係好,
但係真係貴.

C 公司佢冇信心得黎又唔平喎.

然後又搵多間 D 公司,
睇多間都冇壞啦.

Wednesday, May 19, 2010

婆婆的第一份禮物

自從上次整咗慈善大象之後,
好得閒的阿婆就著手做一個俾瓜瓜作為第一件禮物.

原本係呢個,
不過俾阿哥搶先攞咗作公事用.

然後又再做第三個.

可能之後仲有第四個,
因為公公話佢都要一個藍色嘅囉.

再係咁整落去遲啲可以開舗啦.

星座冰室

有事過尖沙咀,
想食個 light lunch.
選擇亦係 3 個, 蕃茄麵, 牛丸麵同埋韓國菜.

星座冰室係中學時代去得比較多,
都好耐冇食啦,
而且個地點隱蔽得黎都幾恐怖 :p
主打蕃茄湯底.

完全睇唔出有乜嘢的相片,
一碗係蕃茄撈蛋餐肉一丁,
另一碗就蕃茄牛肉撈蛋一丁,
撈蛋之後的蕃茄湯好似忌廉汁 :)
所以一瞬間就好飽~
味道好屋企 :p

紅豆冰 + 凍檸茶,
紅豆冰好花奶,
紅豆大大粒剛剛唸, 唔係太硬亦唔係沙,
一般啦.
凍檸茶叫咗少甜都仲好甜囉.

不過都係中環的勝香園好食好多.

星座冰室
地址 : 尖沙咀金巴利道16-20號香檳大廈地庫36號舖
電話 : 2724 4408
類別 : 港式、茶餐廳/冰室

Tuesday, May 18, 2010

60sVintageGown

眼前一亮!
胸前同手袖的喱士都好靚,
但係我更鐘意背部的長紗, 好型~
如果平平地我就會買番黎玩吓囉,
依家 US$299 太貴啦...





from VivaLaVintageShoppe

腸粉皇

唸住都到咗克街,
試埋附近的腸粉.
HK$7 一份, 有 4 條.
都有啲期望架!
食評唔錯之餘, 我又鐘意食腸粉~

街邊小食店,
係冇位坐架.

食第一啖的時候已經好嬲!!
因為個腸粉係凍架囉!!
唔係微暖, 直情係凍!!!
有冇攪錯????
腸粉點能夠凍食?

好彩腸粉本質好,
凍咗都冇硬.
相信新鮮熱烘烘的時候應該不錯,
但係我唔會再俾機會佢囉.

腸粉都係合益泰最好.

腸粉皇
地址 : 灣仔克街7-11號

Monday, May 17, 2010

改名小幫手

呢個禮拜真係為瓜瓜個名努力咗少少,
至少有一兩個心水的字 / 組合.
中同英都有兩手準備.

粵語審音配詞字庫 --> 可以用韻母 / 音節 / 部首 / 筆畫去搵字, 仲有少少字面的解釋, 好好用, 不過當然字庫唔齊啦.
想齊就買本字典啦.

唸到個字之後,
就做啲八婆嘢啦.
睇吓個名好唔好, 同個八字夾唔夾, (呢個要生咗至知啦.)
雖然唔會盡信,
但係都唔想太差.
優子姓名學 --> 分析思想同行為
y28 --> 要入埋生日
網絡中國 --> 好詳細

華星冰室

有點事要到灣仔辦,
屋企又冇飯食,
揀咗較新的懷舊冰室, 自助餐, 意大利菜.
華星冰室勝出.

食物近似澳洲牛奶公司.
佢叫咗個常餐($28),
牛肉通粉, 通粉唔錯, 佢話牛肉都好好.
火腿炒蛋, 炒蛋係主打, 滑不過冇乜蛋汁.
熱奶茶, 茶味香濃.


我想試多樣, 叫咗咖央西多, (HK$18)
一上枱見到金黃色的西多非常香口囉,
好吸引!!
食落去麵包都好軟熟,
蛋漿又香,
不過咖央比較少,
唔夠椰香囉.

埋單 HK$48.
都好食,
又唔洗迫,
但係澳洲牛奶公司係好啲囉.

華星冰室
地址 : 灣仔克街6號廣生行大廈地下B1號舖
電話 : 2666 7766
類別 : 港式、茶餐廳/冰室

Sunday, May 16, 2010

矽膠奶樽::PrinceLionheart

因為上次個不銹鋼奶樽有輕微缺憾,
而 BPA free 又唔係我地杯茶.
咁又研究吓其他物料,
星星鐘意矽膠.
矽膠的特性唔多講啦.
最大的特色係樽身可以按扁.
心儀 Prince Lionheart,
不過香港冇得賣!!
仲唸緊點樣轉移番香港,
希望到需要買的時候香港已經有代理啦,
咁就慳番啲郵費 :p
有 4oz 同 8oz 兩種.


Product Info:
Made of pure medical grade silicone, Prince Lionheart’s bottles and nipples provide a safe, hypoallergenic way to feed Baby. Most bottles with venting holes allow air into bottles as baby drinks. Prince Lionheart‘s SILICONE bottle collapses as air is released giving baby a bubble-free bottle feeding, reducing the likelihood of colic reflux and spit-up.

Saturday, May 15, 2010

奶樽::GreentoGrow

依家隻隻奶樽都講 BPA free,
我膚淺,
既然大家都 BPA free,
我揀個靚嘅!
鐘意Green to Grow~
鐘意個公仔好得意 :p
(另外都有玻璃造, 不過唔靚.)




有 5oz 同 10 oz,
瘦仔版 (綠色) 同肥仔版 (藍色).
覺得瘦仔版啱我手型多啲,
不過做瘦仔定肥仔應該取決於 bb 的口型 :)
香港得 Three Sixty 同網上店 beebeeworks 有售.
價錢當然比其他日本牌子貴少少啦 (from HK$85-HK$105).

醫院檢查(n)

到了最後這個月,
每個禮拜都要返醫院去見一見醫生,
當然都係等的時候較多啦.

最大的分別係呢幾次都有個實習醫生攞我個肚去做練習,
多個好明顯唔熟手的人摸我個肚唔係咁舒服啦.
但係醫生真係好勁,
摸兩摸就能夠同你講: 你個 bb 個頭已經係下面啦!
係點摸架呢??
定係有 X 光眼???

次次都至少要等一個鐘,
今日等咗個半鐘添呀!
然後望個醫生都冇十分鐘 :(

唯一高興的事係呢個禮拜只係重咗 0.4KG, 依家 73.7KG.
個心都舒服啲啲...

Friday, May 14, 2010

自製相簿

由於 scrapblog 唔係太滿意,
而大肚照又冇加錢做相簿,
咁又搵吓新地方試吓新嘢.

Tiny Prints from 美國
有啲似 scrapblog,
不過就佢有 editor 幫你做埋.
封面選擇多, Photo Cover, Bonded Leather, Padded Leather, Silk, Genuine Leather...
21cm x 30cm 20頁 相片封面, ~HK$311
35cm x 28cm 20頁 相片封面, ~HK$466
運費要報價.
暫時比較鐘意呢間.

DC Fever from 香港
30cm x 30cm memoALBUM
HK$629 - (20頁硬殼封面)
40cm x 30cm memoALBUM
HK$899 - (20頁硬殼封面)
呢間個樣好似唔錯, 呢個價錢係厚硬的內頁,
但係一啲都唔便宜...
普通薄紙的 memoBOOK 就 HK$404 / HK$593.

Hypo from 台灣
只得 12cm x 12cm, 36頁,
~HK$133 運費~HK$22
太細本啦,
晒旅遊照就 ok 囉.
可能第時自己影的瓜瓜照可以試吓呢間.

Blurb
25cm x 20cm 20-40頁 premium paper, imagewrap ~HK$289
33cm x 28cm 20-40頁 premium paper, imagewrap ~HK$520
30cm x 30cm, 20-40頁 premium paper, imagewrap ~HK$577
運費 ~HK$90
相板好似印書咁, 好多文字...
不過質素望落去唔錯.

好感動 from 台灣
A4 21cm x 30cm 平裝 24 頁 ~HK$270
A4 21cm x 30cm 精裝 48 頁 ~HK$590
A5 15cm x 21cm 平裝 24 頁 ~HK$197
A5 15cm x 21cm 精裝 48 頁 ~HK$418
運費 ~HK$45
較特別係可以橫式或者直式.
不過又唔係平,
用番 scrapblog 好過,
起碼多啲嘢玩.

Keywork Shop from 香港
A4 硬皮 21cm x 30cm 20頁 HK$160
A3 硬皮 42cm x 30cm 20頁 HK$380
訂購不需先付款,
可加錢做 A3或更大的無縫跨頁, 排版, 揀厚薄紙, 加膜.
已含運費, 如果一定要本港做,
呢間都好似 ok.

Star Photo from 香港
大小選擇多, 可以做得好大, 20"x14", 封面可以揀雜誌面, 水晶面, UV 另計.
以 A4 21cm x 30cm 計, 雜誌面$740, 水晶面$860, 得 10 版.
包埋排板同執相.
好港式的相簿囉.

Photobook from 台灣
最大 28cm x 28 cm
不過感覺好平實,
唔得精緻.

PhotoBookAsia from 香港
A4 21cm x 30cm 24頁布面 HK$330+HK$60封面照
香港免郵費.
超簡陋的網頁,
完全唔知用乜嘢紙, 有冇 coating?

GreenPrint from 香港
http://greenprint.cc/shopgp/shop/gp-html/product.html
282mmx215mm 28頁 66張相 HK$170;
200mmx250mm 26頁 86張相 HK$170;
230mmx230mm 22頁 69張相 HK$300;
另一個超簡陋的網頁
資料比上一個詳盡少少,
但係樣板欠奉, 冇乜信心.

同場加映 - Blog Book:
部落格都可以印成書 ,
20 頁 softcover US$14.95, Hardcover US$24.95.
Extra pages are US$0.35.

風筒之死

一如之前幾年的早上,
洗完頭攞個風筒出黎吹頭.
開著個風筒再放上頭上面吹.

今朝開著咗都未放到上頭頂,
佢就係我右耳旁邊發出 'POP' 的巨響!
然後佢就死掉啦,
搖兩嘢, 裡面有啲零件脫落啦.
跟住再發出屍臭!

呢個風筒係搬出黎一個人住至買,
我仲記得係三越結業時的貨尾!
三年左右啫!
死得不明不白....

好彩死時淨係得把聲嚇一嚇,
著火都唔知點算!

我的家鄉


法國五月的節目.
四月尾才買的票,
就黎生得都仲買飛,
因為只係睇 1 個小時,
唔係坐太耐,
冇問題啦.

道具就只是竹,
夾雜著舞蹈, 雜技, 雜耍, 戲劇, 歌曲.
覺得可能貧窮的地方就冇太多的娛樂,
一支支的竹就可以演變成咁多的玩意!
內容豐富,
不過一到反映風土人情的戲劇, 歌曲的時候就悶悶地啦.

雖然雜技部都係平時見慣見熟的走鋼線, 空中飛人, 拋吓嘢咁,
但係時間的配合加上團員的互信,
加上燈效就好有趣啦.

都可以一看架.
-----------------------------------------------
我的家鄉
與竹共舞……
2009年,三位法籍越南裔藝術家為巴黎布藍堤博物館(Quai Branly Museum)創作了一齣新馬戲藝術表演《我的家鄉》,透過一些令人嘆為觀止的雜技表演向觀眾展示越南的文化。

我的家鄉
「此夢幻表演融合了舞蹈、雜技及雜耍來呈現越南農村生活。」 ELLE (巴黎)

三位法籍越南裔藝術家Nhat Ly Nguyen、Lan Maurice Nguyen及 Le Tuan Anh於2009年為巴黎布藍堤博物館(Quai Branly Museum)創作了《我的家鄉》,這節目透過雜技、平衡木和雜耍表演向觀眾展示了越南文化。

廿位年輕的越南馬戲表演者和樂手在舞台上向觀眾展現其家園,佈景設計重現了越南農村的傳統氣氛。竹桿為表演的核心要素,它有如我們兒時玩的竹籤遊戲,從短到長的排置於舞台上,作為演出者進行扭曲、跳躍、平衡或雜耍等表演動作的主要工具。由五位樂手組成的越南傳統樂團將會伴隨故事的敘述和演出。

表演者無間斷的動作以及一系列場景完美無縫地交接,上演一幕又一幕的農村生活:祭祀儀式、日常工作、傳統遊戲和慶祝活動。受傳統藝術及當代新馬戲技藝啟發,《我的家鄉》是一場由年輕藝術家、馬戲藝人和樂手組成的表演,即場講述了藝術家根在越南之故事,包保觀眾前所未見……

創辦人
Nhat Ly和Lan Nguyen為兩位法籍越南裔藝術家。在法國生活和工作之後,此表演的作曲家及統籌者Nhat Ly Nguyen移居河內,在越南發展馬戲和表演藝術。藝術總監Lan Maurice Nguyen曾經為著名的「羽毛馬戲團」工作。他現於法國尚貝里的馬戲學校Arc-en-Cirque擔任管理的工作。舞台導演是雜耍藝人Le Tuan Anh,他現時分別在法國、德國和越南居住。

演出時間: 約1小時
New Circus
節目查詢: 2823 4920
日期: 5月12-13日 晚上8時正
地點: 香港演藝學院歌劇院

Thursday, May 13, 2010

最近在看::敗犬女王+穿 Kenzo 的女人

在看 '敗犬女王',

對, 是很久的片子啦,
不過一路都唔多喜歡阮經天,
所以沒有特別的要看啦.
但呢期成日上網唔知做乜就睇吓啦.
結果係: 相當有共鳴.
有很多的情節都讓我哭了.
楊謹華都愈睇愈靚.
(今日經過 VCD 店, 有齣叫做熟女慾望日記, 又名 夢想結婚的女人/淑女日記 的舊片, 好似都 OK 咁.)

經年的等待也試過,
姐弟戀我試過,
跟年紀長的男生一起都試過.
到了三十好幾, 對於婚姻的期盼亦嘗過.

故事一路播放,
前事歷歷在目.

另一半突然消失了.
是我的過錯嗎?
我做過了什麼?
還是因為我少做了些什麼?

那種等待的煎熬,
一個人的孤單同寂寞,
夜晚流流長唔知做乜好.

等待後發現世界已經不同了,
你以為桃花依舊,
原本大家都成長啦.

突然又回來了,
我有必要一定要等你嗎?
愛情好脆弱,
人來人往,
機會唔等人.
但係冇等仍然單身的你好似係我錯咁.

年紀大處事較深思熟慮,
年輕人較橫衝直撞.
各有各好,
視乎當時的心態.

等同於婚姻,
到了某一個階段就會想結婚生仔,
係你想結婚的時候遇到另一個也是想結婚的人,
才叫遇到對的人.

一個人打發時間的最佳方法係自我增值,
活得比你好從來都係最佳的生存方式.
-----------------------------------------------------

文字書在看 '穿 Kenzo 的女人',

是總監的推介.
好像是 70 年代的王迪詩,
香港中女群的男歡女愛.
也是一個自以為是 / 自視過高的女人的故事.
不過這也是我們的寫照,
你揀人, 人揀你,
總有點似曾相識的劇情.
最衰係本書又厚又重囉.

Week 37::就係腫囉


終於都覺得有啲怕熱啦.
身體長期發熱,
所以又開始飲番戒咗好耐的凍飲 :P
(我的新歡係芋頭鮮奶加珍珠, 得歇腳亭有得賣咋! 仲要少甜少冰~)
但係同時手手腳腳的血液又唔多循環,
手指同腳指常常都硬硬的,
要成日都按摩啦.
另外面部 T 字位成日出油,
出街一陣就油光滿面啦.

一起身的時候成條西環浮屍咁, (點解一定係西環呢??)
全個人都腫都不得之了!!!
望到塊鏡都想走呀~
對腳都腫到腳板底都變平啦,
一踩落對 birkenstock 度真係迫爆!
隻右腳仲全日持續腫脹,
長期處於豬蹄狀態,
有時仲腫到覺得痺痺地.
一定要出動按摩員,
自己真係攪唔掂.

瓜瓜的反應好大,
一郁又郁好耐,
特別係依家經常性的踏到我膀胱,
好慘囉...
但係有時佢太耐唔郁又有啲驚...

個肚成日都頂住大脾,
坐係度都要打開對腳,
張枱太矮摺住個人又唔舒服.

行路慢到俾人叫龜仙人,
我都好想行快啲,
但係真係郁唔到.

仍然返工,
因為想之後放長啲假.
仲想返多一個禮拜.
-----------------------------------------------
母親的懷孕過程 copy from Yahoo Blog
第37至38週 胎兒準備好了
你胎兒的進展:胎兒準備進入我們的世界了孖胎嬰兒通常會在第37週出生,如果孕婦是第二次懷孕或連續多次生產的話,一般也會在預產期前分娩,很少在預產期後才分娩。 到了這個時候,你的胎兒隨時可以出世了! 

當胎兒顯示它成熟的跡象時,醫生會嘗試利用超音波來估計胎兒的體重。 在最後兩個月,胎兒能在每一天增加28克(1安士)的重量? 它現在的重量大概介乎於2.5千克(5 1/2磅)至3.2千克(7磅)。

胎兒的胸脯及肚子會較以前脹大,因為肺部的氣囊已準備好出世後吸收空氣。 

肝臟正積極地製造紅血球。 胎兒正慢慢脫下脂肪的保護層,但在它出生時,你仍然可以在嬰兒的肩膊及身體皺摺的地方看到一點點胎毛的痕跡。 

胎兒的骨骼在此時已經強化了很多,但仍然具有相當的彈性,使它能夠在出生時通過產道。 

現在,它的頭骨由五塊顱骨組成,顱骨之間有兩個膜覆蓋軟處稱為凶門。一般要待嬰兒出生後18-24個月後凶門才完全封閉。其他 350條骨骼會在嬰兒出生後的兩年內慢慢強化起來。(成年人有206條骨骼)你身體的變化:你會感到十分疲倦,身型腫脹及不適的感覺,對分娩和嬰兒的來臨感到憂慮。 如果你還未開始放產假,這是個最適當的時候了。

當胎兒降至盤骨位置時,你體內的器官所承受的壓力會減低,但同時膀胱位置的受壓將會增加。 假宮縮的情況變得更強烈,陰道的分泌在此時或在分娩前會漸漸增加。

為入院作好準備如果還未準備入院的用品,那麼你應該到你將會分娩的產房裡視察一下,了解清楚入院的手續和程序,若尚有任何問題,請盡量提出。

要先計劃如何抵達醫院,乘搭甚麼交通工具和行車路線如何等,並要確定醫院入口的位置。 

你預先要把入院所需的用品放入袋中,最好先查詢醫院是否提供睡袍,嬰兒尿片等用品。 即使有些醫院會提供這些用品,但會逐項收取昂貴的價錢,因此你要考慮是否自備用品了。

媽媽用品:睡袍和/或晨褸─但要小心一旦衣服被沾污是很難清洗的,選擇醫院提供的衣服可能較為方便如果打算餵哺母乳,則預備一件開胸的睡袍,二至三個餵哺用的胸圍,及乳墊等產婦衛生巾─要預備最有吸收力的那一種。 

除了傳統的網褲,你大可以使用一些大碼男裝的即棄紙內褲,免除清洗污穢衣物的煩惱個人清潔用品和化妝品─一切令你感到舒適和清潔用品毛巾─通常醫院內十分缺乏毛巾的供應,最好自備一至兩條一些讀物,可提供音樂﹑遊戲的物品或其他可以令你分散注意力的東西 照相機、錄影機輔幣和電話咭小吃─可讓你的伴侶在你分娩時候消磨時間,在你分娩後也可以進食小吃來輕鬆一下 出院時的衣服 嬰兒用品: 紙尿片 , 小毛巾﹑棉花球 ,適合初生嬰兒用的汽車坐椅 出院時穿的衣服 , 透氣的綿質毛毯.

Wednesday, May 12, 2010

生隆餅家


由細到大都鐘意食光酥餅,
不過光酥餅一大餅通常都食到周圍都係.
光酥粒就唔同啦,
一啖一個,
呢度仲要日日新鮮出爐 2 次添~

雞仔餅好惹味,
又唔會太硬,
攪到我一開咗不停口不停口不停口咁食!!!
(呢件事情好少有, 食雞仔餅會牙較軟~)
係我食過最好的雞仔餅!

另外仲試過白糖糕跟黃糖糕,
最重要是沒酸味!
白糖較甜, 黃糖比較濃香.
都好好架~

生隆餅家
地址 : 深水埗北河街68號
電話 : 2360-1359

Tuesday, May 11, 2010

生仔後必做的十件事

1. 減肥! 唔駛講啦, 快快快, 減肥!
2. 染髮, 唔想再見到啲白髮. 仲要留番長啲頭髮.
3. 扒係度瞓, 身體向下.
4. 不停的跳跳跳跳跳!!!!!
5. 著高踭鞋. 以前唔喜愛架, 但係著咗咁耐平底鞋, 高踭鞋令我覺得冇咁媽媽.
6. 擁抱. 跟別人保持距離很久了.
7. 拱橋呀, 摺埋個人掂腳趾呀, 左右伸展呀, 總之腰部運動啦, 好似冇咗腰好耐咁.
8. 揼骨 + 腳底按摩, 本來唔係太大的興趣, 但係好耐冇得做的感覺唔太好.
9. 去旅行! 好想去旅行呀.....
10. 我唔會話想食啲乜嘢, 因為成個懷孕過程都冇戒過口~ (連星星都問我有乜想食! 係咪要乜有乜先??)
(反而依家要唸吓想食乜, 下個月冇得出街食架啦...)

Monday, May 10, 2010

麵創坊

因為蔡瀾介紹過又咁啱去開附近而走去試嘅.
是間光猛而陳設簡單的小店.

麵食加 HK$20 就多個小食同飲品.
醉雞翼 + 日本芝麻豆腐
豆腐個汁好食啲.
雞翼就一般啦.

蝦球湯麵 (HK$48 + HK$20)
喇沙湯底, 鴛鴦麵線 (即係米粉+河粉)
蝦球爽口兼大隻,
但係個喇沙湯就唔得啦,
得個辣字! 又唔香又唔椰!
我 ok 食得辣, 食到一半到頂唔住啦.
(瓜瓜都辣到不停翻騰!!)

本地新鮮坑腩拼魚片頭撈幼麵配峇拉醬 (HK$68 + HK$20)
撈麵的份量真的好少囉!!
只有一個細小的幼麵餅啩,
三啖都食得完啦!!
峇拉醬唔識形容, ok 囉, 鹹鹹地但係又唔會覺得好香囉.
魚片頭夠彈牙,
坑腩都有一小碗,
餸就唔少囉.

凍黃綠相配檸水 + 咖啡
黃綠相即係檸檬同青檸,
青檸得嗰一小片??
同一般檸水會有分別咩?
咖啡我冇飲, 但係佢話唔掂,
不過放上枱的時候都冇咖啡香!

食個完全唔飽的午餐用咗 HK$158,
好貴囉...

麵創坊
地址 : 鰂魚涌基利路7號太吉樓地下2號舖
電話 : 3486 8525
類別 : 港式、粉麵/米線

相機::Olympus E-PL1

為咗影瓜瓜,
我地決定買部勁過傻瓜機的可換鏡式數碼相機.
經過 iris 的推介,
佢俾咗兩個選擇: Panasonic DMC-GF1COlympus PEN E-P1.
結果 Panasonic DMC-GF1C 20mm f1.7定焦鏡套裝勝出.
原因好簡單, 因為佢輕 50g, 仲有內置閃光燈 (雖然影 BB 係唔需要閃光燈.) :p
雖然陳星話佢個樣唔夠 pro...
早幾個月已經睇咗,
但係相機呢啲跌價快,
我地唸住最後期至買.

然後中途又出咗個新的 Olympus E-PL1,
輕啲又平啲,
不過比較完都係覺得 GF1 影 BB 好啲,
因為個快門快啲,
都唔差嗰少少錢啦.

唸住去旺角的百老匯係比較平少少,
點知去到旺角的店員哥哥又好好牙力,
問完啲嘢之後又發現 E-PL1 又實在啲,
佢話多咗的快門用黎影跑馬!
瓜瓜應該快唔過馬啩??
另外主要有防手震同自動除塵功能,
星星一影相就有好嚴重的柏金遜!
結果又轉呔...
決定買 E-PL1 14-42mm KIT (HK$5390) 啦.
可惜百老匯所有顏色都冇現貨,
要等到 20 號,萬一瓜瓜早咗出世咪冇得用??
雖然我真係好想同呢個哥哥買!!
佢好 pro! 又 nice!

唯有再去其他的店格價兼睇吓有冇現貨.
間間都買 HK$5490 除咗豐澤同百老匯一樣 HK$5390.
禮品都一式一樣, 相機袋呀, 腳架仔呀, 保護貼, 8GB 咭, 電池, 氣泵...
不過豐澤用渣打咭有 3.x% 現金回贈, 變相平咗 ~HK$160.
多口再問句有乜嘢百事禮品送?
個哥哥話送晒啦, 不過送番張 HK$50 屈臣氏禮卷. (仲好過百事啦!)
另外又可以儲 '易賞錢' 積分同參加世博抽獎.
係咪好似抵多好呢?????
(但係呢個豐澤哥哥就零誠意! 如果百老匯有貨, 我唔會同佢買囉!)
不過只係得黑色,
其實我地比較想買銀色嘅...
銀色一樣要等月尾,
算啦~ 黑色咪平實啲囉, 都 OK 啦.
----------------------------------------------------------

Olympus E-PL1 規格表
攝像元件
影像感應器: DSLR高速LIVE MOS影像感應器
有效像素: 1,230萬像素
記錄媒體
記錄媒體類型: SD 存儲卡(SDHC相容)推薦 Class 6 進行影片拍攝
記錄格式: DCF, DPOF相容 / Exif, PRINT Image Matching III
檔格式: RAW(12 bit無損壓縮),JPEG,JPEG+RAW
記錄影像尺寸: [RAW] 4032 x3024像素[JPEG] 4032 x 3024像素– 640 x 480像素
影片記錄格式: AVI Motion JPEG(30 fps)
影片模式: HD: 1280 x 720 畫面比例16:9 SD: 640 x 480 畫面比例4:3 (VGA)
最大記錄時間: HD: 7分鐘 SD: 約14分鐘(以最大2GB容量計算)
鏡頭接環
鏡頭介面: Micro 4/3
對焦
自動對焦系統: Imager AF(當使用了不相容於Image AF的鏡頭時,它作為AF輔助對焦。)
對焦模式: 單次自動對焦 (S-AF) / 連續自動對焦 (C-AF) / 手動對焦 (MF) / 自動+手動對焦(S-AF + MF)/連續自動對焦+智能焦點追蹤(CAF+TR)
對焦點: 11區多重AF
對焦點選擇: 11區 (自動/單區) / 25區 (自動配合Face Detection) / 891區 (自動配合放大功能)
自動對焦鎖定: 單次自動對焦模式下在快門按鈕的第一個位置處鎖定
手動輔助對焦: 當旋轉對焦環時即時取景畫面被放大(S-AF+MF或MF模式)
快門
快門速度: 60 – 1/2000秒,Bulb快門:可達到30分鐘(時間可選,預設值:8分鐘),(1/3、1/2或1 EV步可選)
自拍計時器: 操作時間:12秒,2秒(可取消)
低震動模式: 1/8-30秒可選
連續拍攝速度 約3張/秒
連續拍攝時的最大可記錄畫面: RAW模式:最多10幅。JPEG模式:依賴於壓縮率和像素(LN模式:使用 Toshiba Super High Speed Type“Class 6”4 GB卡)
測光
系統(TTL影像感測器測光): (1)數碼ESP測光(324區域測光)(2)中央重點平均測光(3)重點測光(4)高光位點測光(5)暗位點測光
範圍: EV 0 – 18(常溫下,50mm f2,ISO 100)
曝光
曝光模式: (1)iAuto自動(2)P:程式AE(可進行程序變換)(3)A:光圈先決AE (4)S:快門先決AE(5)M:手動(6)場景選擇(7)藝術濾鏡
場景選擇: 人物肖像、完美人像、風景、記念攝影、運動、夜景、夜景+人像、兒童、高光調、低光調、數碼防震模式、微距、自然微距、燭光、夕陽、文件、全景、煙花、海灘和雪景
ISO感光度: 自動 ISO 200 – 3200 (可自訂,預設值200-800)/手動 ISO 100 – 3200,以1/3或1 EV步模式,影片ISO200 – 1600
曝光補償: +3 EV(1/3、1/2或1 EV可選)
自動曝光鎖定: 可用
曝光包圍: 3幅,1 EV可選
曝光參考調節: +1 EV範圍可選
白平衡
系統: DSLR高速LIVE MOS感應系統
預設: 8種設置(3000K – 7500K)燈光(3000K),螢光燈1(4000K),螢光燈2(4500K),螢光燈3(6600K),日光(5300K),閃光燈(5500K),陰天(6000K),陰影(7500K)
白平衡補償: 在每個A-B / G-M軸上為+7級(在自動白平衡/預設置白平衡模式下)
自訂白平衡: (2000K – 14000K)下可記錄1種設定
一觸式白平衡: 可記錄1種設定
白平衡包圍: 在每個A-B / G-M軸上,3幅、2/4/6步可選
色彩模式
色彩矩陣: sRGB、Adobe RGB
模式: i-Enhance、鮮豔、自然、柔和、人像、黑白、自定
調節參數: 對比度、銳利度及飽和度水平在 i-Enhance、鮮明、自然、柔和和人像模式下為5級, 灰階層次水平在單式模式下為4級
濾鏡效果: 對單色可採用黃色、橙色、紅色或綠色濾鏡
片色調: 對單色可採用褐色、藍色、紫色或綠色色調
灰度層次: 4種水平(自動、亮色調、普通、暗色調)
閃燈
相容的外部閃光燈 FL-50R、FL-36R、FL-50、FL-20、FL-14
外部閃光燈閃光模式: TTL自動、自動、手動、FP-TTL-AUTO、FP-MANUAL、紅眼減輕、紅眼減輕慢同步、第1簾慢同步、第2簾慢同步、補光、手動(1/4、1/16、1/64)、關閉
同步速度: 1/160秒或更低
閃光強度控制: 最大+3 EV,0.3、0.5或1 EV步可選
閃光包圍: 3幅,0.3、0.5、0.7或1 EV步可選
顯示屏
產品類型: HyperCrystal液晶顯示屏
尺寸: 2.7英寸
像素總數: 約230,000點
播放視野: 100%
亮度控制: 15級
色溫控制: 15級
其他藝術濾鏡: ART Filter 模式 濃化色調效果、柔焦、照片懷舊顆粒效果、針孔相機效果、DIORAMA模型及柔和懷舊
多重曝光: 畫面數目 2幅
功能: 自動增益、即時取景、已記錄畫面上的曝光
多重裁度: 縱橫比: 4:3 / 3:2 / 16:9 / 6:6 / 處理: RAW: 縱橫比被記錄為Exif資料。JPEG: JPEG影像根據縱橫比加以記錄。
水平儀: 檢測 沒有 / 顯示 沒有
聲音: 收音器/揚聲器 提供 / 提供(靜音、音量控制)
播放: 播放模式: 單幅、資訊顯示、索引(4/9/16/25/49/100幅)、日曆、放大(2 – 14x)、影片(連聲音、快進/快退/暫停)、幻燈片放映(連背景音樂/背景音樂+聲音/聲音均可使用)/ 資訊顯示: 亮度顯示意圖(獨立亮度/RGB可用)、高光/暗影預警、自動對焦框、拍攝資訊、關閉
選項主頁: 語言 32種語言可選,包括英語、韓語、簡體中文、繁體中文
模式設置: 我的模式 可儲存2種設定
影像編輯: 刪除功能 單幅影像、所有影像、選定影像(保護功能)/ RAW畫面編輯 RAW加工 / JPEG編輯 灰階層次自動、單色、咖啡色、紅眼修正、飽和度、調整大小(1280x960, 640x480, 320x240)、裁剪、縱橫比、完美人像
畫面合成: 最多3幅
列印: 列印功能 列印預約(DPOF)、直接列印(PictBridge相容)
輸入/輸出: PC介面 USB 2.0高速 (MTP 模式可用) / TV介面 HDMI-OUT(HD/立體聲)、VIDEO-OUT(SD/單聲道) / USB/視頻連接器 專用多連接器(視頻:NTSC/PAL可選) / HDMI連接器 Mini HDMI type-C (1080 i/720p/576p/480p)
配件連接: 熱靴、多媒體接點
電源要求: 電池 BLS-1鋰離子電池 / 睡眠模式: 可用(1、3、5、10分鐘或關閉)/ 可記錄影像數(50%閃光) 約為300幅(在CIPA測試標準下使用BLS-1和Toshiba Class 6 SDHC 4GB存儲卡)
尺寸/重量: 尺寸 114.6 mm (W) x 72.2 mm (H) x 41.5 mm (D)(不包括突起部分) / 重量 約296克(僅機身)
操作環境: 溫度 0 – 40oC(操作)/ -20 – 60oC(存儲) /濕度 30 – 90%(操作)/ 10 – 90%(存儲)

Info from Olympus

Sunday, May 9, 2010

改名

改名好難,
姓陳就更難, 太普通 :p
仲要姓陳的人多, 所以好多組合都好似似曾相識.

仲有一個月,
我地都會做吓 brain storming:
雖然非常不設實際,
結果係不停的笑笑笑...

食物部:
陳醋
陳皮
陳腎
--> 星星話呢啲名應該係饑荒的時候改嘅.

詞語部:
陳設
陳述
陳情
--> 我鐘意 '陳述', 不過好無聊.

近似文字部:
陳日曰
陳北比
陳末未
陳不丕
--> 呢個部門係星星最鐘意嘅.

仲有好多都好無聊,
一時唔記得咁多,
下次再講.

瓜瓜,
有啲咁嘅父母我都 '鄧' 你慘...
不過唔駛擔心,
你個名一定好笑,
哇哈哈~~~

Saturday, May 8, 2010

尋晚發夢到依家都仲好記得.

話說我想出街換衫,
發現條褲好鬆, 係條大肚褲啦,
咁就去衣櫃度換番條以前正常的褲,
都係鬆啦,
照個鏡,
仲瘦過未有 bb 之前!
(睇吓我幾咁想瘦...)

然後突然醒覺個大肚唔見咗!
但係又唔記得自己曾經生過仔囉...
仲要走去問人個肚去咗邊??
咁就唔知邊個屋企人同我講你尋晚瞓覺的時候生咗啦!
(吓?? 瞓緊都生到?? 零知覺喎...)
有人就抱個 b 出黎, 係個女囉!
(係咪其實我想生女呢??)

咁我想攞個相機出黎同 bb 影相,
就發現仲未買相機囉!!!
(所以決定一陣間就要去買啦!)

之後我就帶 bb 出去見朋友,
bb 一出世已經好實淨,
頸骨都硬啦, 好勁呀!
(潛意識其實我好驚粉團 b, 大大個 b 無問題, 剛剛出世的感覺好脆弱 :p)

~ 完 ~

Friday, May 7, 2010

紅 A 膠盆

以防浸親 BB,
係唔會放佢入個浴缸度沖涼, (更何況我屋企冇浴缸!)
要買個膠盆另外倒盆水.
當然仲有好多名牌出啲有公仔, 有座位, 有出水孔等等的貴價浴盆,
但我都係實際啲, 要個普通厚膠盆就可以啦.
而且只係用幾個月, 買咁貴做乜??

實際的名牌第一時間想到紅 A,
不過亦都係實際類當中最貴,
雜貨店其他牌子約 HK$40+, 紅 A 要 HK$80+,
阿媽話紅 A 膠料厚,
一大盆水都唔會搖黎搖去!

因為浴盆比較大個阻地方!
所以留番最後至買,
亦都係最後的時間, 發現紅 A 都有得上網買架囉!
(有啲貨物仲要網上特別版!!)
上網買正貨有九折,
咁啱我要買的浴盆特價 - 半價添~
順便仲買多個小盆濕毛巾仔.

唯一係買滿 HK$300 至免費送貨,
依家買少少嘢就要自己去新蒲崗攞啦.
好彩... 老豆都成日去開附近啫~
唔係隧道費都要啦, 始終都係幾廿蚊貨仔.


No.1764
嬰兒浴盆 (38公升 / 8.35加侖)
原價: HKD$84
特價: HKD$42
尺寸
長 708 X 闊 435 X 高 234毫米
特性
-塑膠符合美國食品及藥物管理局FDA標準

No.1750
面盆 (3.4公升 / 0.75加侖)
原價: HKD$13
特價: HKD$6.5
尺寸
直徑 279 X 高 87 毫米
特性
-塑膠符合美國食品及藥物管理局FDA標準

All from 紅 A 官網

Thursday, May 6, 2010

私家檢查 (6)::大頭阿瓜


可能係瓜瓜出世前最後一次照超聲波.
160 磅的我,
足足重咗 40 磅!!

右腳很腫,
醫生說一回到家就要側臥,
坐下來也沒有用, 要瞓啦.
要打側的躺下來.
唉... 真豬!

根據預產期係 6 月 3 日, 瓜瓜就應該係 36 週.
(醫院的預產期係 5 月 23 日, 瓜瓜就應該係 37 週 4 天.)
BPD 頭骨橫徑: 9.37 cm --> 37 週 5 天 --> 相對都係頭偏大囉...
HC 頭圍: 33.1 cm --> 37 週
AC 腹圍: 30.9 cm --> 35 週 4 天
FL 大腿骨: 6.92 cm --> 34 週 4 天
HL: 5.64 cm --> 33 週 2 天
AFI 羊水指數: 正常
EFW 總體重: 2727 gm 56 percentile --> 已經 6 磅重啦!! 醫生話每個禮拜會加 300-400 gm 啦, 一個月後咪超級重???

頭很大呢...
圓周是正常的, 是額頭的濶度比較濶啦.
可能會難生呢...
快啲出世啦唔該...
唉...
咁大個人,
第一次唔想做女人啦!

成日覺得右邊肚大過左邊肚,
所以我問醫生右邊係頭定腳.
結果係頭已經係下面,
右邊的是腳啦.

另外仲做咗個檢查睇吓陰道有冇菌,
因為瓜瓜會經過呢個通度出世啦.
下個禮拜至有結果.

hehe...
最後呢...
睇完醫生,
我地去咗食久違了的迴轉壽司耶~~~

Scrapblog 製成品

懶人如我...
真係唔知平時做乜架囉 :p
一早已經收到,
一早已經發現有問題,
但係隔咗成個月先至跟進...

3 月 9 日 落的單,
好像是在 3 月 17 / 18 日左右收到相簿吧?!
點解會記得??
因為係 16 日的時候手痕登入網站睇吓,
佢無端端話我張單取消咗!!
咁當然拿拿臨寄個電郵去問清楚.
呢頭收到客服部 Maria 回覆話電腦攪錯,
嗰頭已經收到速遞的製成品啦.

因為不是用厚紙,
得到的是薄薄的一本書仔,
感覺怪怪,
不過有喜歡的排列圖案, 還是 ok 的.
最失敗係有某幾頁數的相片偏紅,
只是部份啦,
大家好似暴曬過後的燒豬 :p
又懶懶閒的沒有跟進.

到 4 月 7 日再電郵去投訴一下那個怪色的相片,
Maria 叫我影一影個嗰啲燒豬照佢睇,
如是者又過咗差唔多一個月...
終於係 5 月 1 日放假的時間我用手機係咁意影咗張低像數的相電郵俾佢.

Maria 都好快回覆,
除去時差, 基本上係即日覆,
佢免費俾我印多本兼免郵費!
仲叫我之後俾番個 order# 佢繼續幫我跟進~
呢啲咪服務囉!

但係十級懶的我仲未印囉 :p:p:p

Wednesday, May 5, 2010

蒸南瓜

這是星星某一天的晚餐.
是一個原隻的清蒸南瓜.
星星話要影低佢, 因為可一不可再,
係佢自己整嘅,
切啦, 清理裡面啲籽啦.

同個煲咁大~


不過蒸熟咗淋晒攞唔到出黎爛晒~
Blog Widget by LinkWithin