Thursday, April 15, 2010

Week 33::其實我係有名有姓架


大肚婆同肥仔一樣,
已經沒有名字啦.
就是叫 '大肚婆' 囉.

都仲可以行吓街,
不過三個鐘頭係極限,
個子宮好似好墜咁,
兩邊的胯位又好攰.

我覺得我一定能夠餵到夜奶,
因為一早瞓嗰晚就早醒,
一係就想去洗手間,
再唔係就半夜餓醒!
一醒咗就起碼一個鐘至瞓得番!!

頸紋突然間變得又深又粗.
好醜怪.
連手板都厚了,
兩隻前手臂的血管異常膨脹.

成日見到啲大肚婆打圈咁按摩個肚,
我依家都要,
因為瓜瓜成日係裡面游水啦, 打拳啦, 跳飛機啦.
用手捽係佢係心理上係舒服啲嘅.
醫生都係咁教.

以前唔明大肚婆點解行得咁慢好似企鵝咁呢?
依家明啦,
因為根本對腳已不能大幅度誇前,
大大步咁行係唔得嘅,
兩腳每次步行少於 45 度,
唔知係個肚頂住, 條筋扯住定點啦,
總之就打唔開對腳啦.

夜晚係唔可以打平咁瞓,
因為條腰骨會俾瓜瓜 '澤' 住,
好似想斷咁.
一係向左, 一係向右,
睡眠質素?
我都唔記得咗啦...
因為比較攰,
每晚都有三, 四個小時的深度睡眠,
但係好多嘢令到你會醒.

如果個肚都分東南西北半球,
以前我覺得南北半的圓度都差唔多,
依家呢,
就變得橢圓形,
瓜瓜開始跌咗落南半球.
而尖形同圓形的肚,
醫生話係冇關係嘅,
因為 BB 係肚裡面係不停咁郁,
根本係有時會圓啲, 有時會尖啲.

呢個禮拜大得好快,
連去咗 7 日旅行的媽咪都話突然間大咗好多.
好多同事都特登行埋黎同我講你終於都似大肚啦,
塊面開始圓圓地啦,
好彩佢地之後都加一句: 但係手手腳腳都仲係咁幼!
個心都舒服啲.

懶惰的我已經放棄咗抹塗妊娠紋膏,
淨係用 A 膏沖涼,
都好得吖, 冇脫皮啦.

一如以往的口味,
同以前一樣的個個禮拜都有許留山, 珍珠奶茶, 雪糕, 芒果,
呢個月開始仲有食榴槤添~
呵呵~~~

老闆問我幾時開始放假, 我話下個月中.
放幾耐? 唔會多過半年囉.
半年都好耐架啦...
其實我都唔知, 生咗至講啦.
----------------------------------------
母親的懷孕過程 copy from Yahoo Blog
第33至34週 胎兒已經準備就緒了
你胎兒的進展: 胎兒準備就緒
胎頭約有2千克(4 1/2磅)重,有42厘米(16 1/2吋)長。它已經為出生而作好準備的姿勢。 雖然在子宮內可供它移動的空間很少,你仍然可以分辨出它的頭,手,腳,因為它經常向著你的肚皮「拳打腳踢」衝擊過來。

胎兒能眨眼和分辨光暗。 這種能力使它可以決定自己晝夜的不同活動。 它的頭髮已長出來了,在出生時大約會有1至3厘米(1/2 至1吋)長,顏色可能是黑色,棕色或是捲曲的,要視乎它身上帶有的基因而定。

你身體的變化:初乳的分泌在懷孕後期或在性活動的刺激之下,你的乳房會開始漏出乳汁。 它的顏色是微黃,是帶有豐富抗體的初乳,而真正的乳汁通常在分娩後數天才會分泌出來。

無論你是否有初乳的分泌,你都無需介懷,但你要保持乳頭清潔,以免乾了的乳汁阻礙了乳腺的正常分泌。 你可以採用乳墊來防止乳汁沾污衣服。餵哺母乳如果你計劃餵母乳的話,到了這個時候,你應該索取更多有關母乳餵哺的資料。

無論你以母乳餵哺多久,餵母乳能帶給嬰兒終生的益處這個說法是受到廣泛認同的。 其實在晚間餵哺母乳較預備奶粉更方便,而且令你和嬰兒更加親密。

餵母乳並不是一件容易的事,你必須有恆心﹐並多接觸能成功餵母乳的媽媽以及母乳餵哺的團體等或接受其他醫護人員的意見和指導。(參考第35至36週關於如何選購餵哺母乳專用的胸圍)平坦或凹陷的乳頭如果做一些事前的準備工夫,即使乳頭平坦或凹陷的婦女也可以餵母乳。

大約在懷孕第七個月左右,你可以用你的手指輕輕地拉一下或扭捏一下乳頭幫助乳頭凸起。你也可以配戴一個「乳頭成形罩」幫助乳頭成形,增加日後成功用母乳餵哺孩子的機會。

產假如果你是職業女性,你或許會考慮是否需要轉為兼職以便日後照料幼兒。 如果你打算繼續工作的話,你需知會你的僱主有關你放產假的計劃。

分娩後的支援請不要介意尋求分娩後的協助,尤其在分娩後的第一個月,你是最疲倦和最忙碌的,如果有些人能夠在這個時候幫你一把是最好不過的了。 此外,過來人的意見和提點也非常有用。 所以,你應該決定如何安排家人,朋友,醫護人員或僱用傭人在坐月時協助你的工作。

No comments:

Blog Widget by LinkWithin