Thursday, April 1, 2010

Week 31::肥過猩猩媽媽 :(


最後 10 個禮拜,
時間過得真快.

個肚好似氣球咁吹脹,
個肚皮幾有彈性都冇用啦,
因為瓜瓜大得更快.

身體機動能力真係差,
行路慢過隻龜,
要平衡個肚,
根本就行唔得快,
而且向前行個太大步個大脾會俾個肚頂住,
都行唔得大步.

瞓覺打側瞓比較舒服,
大脾夾住個多功能攬枕平衡 (又要平衡...) 個人可以維持 90 度的瞓,
唔會 '澤' 住個肚.
(我好懷念扒係度瞓的日子... 好想扒係度...)

坐底起身唔係見頭暈,
係見腰痛,
痛到好似想斷咁.
坐底起身已經唔多能靠一己之力起身,
條腰骨好受力,
通常我會問陳生借隻手用吓.

黑色素沈澱,
腋下係重災區,
做咗激光脫毛都冇用啦...
黑到咁樣都係不能夠著背心嘅!
希望真係半年內會淡番啦.

但係同時親朋好友都話我的白頭髮多了很多,
好彩鐘意染髮,
唔緊要啦.

皮膚質素都愈來愈差啦.
好多油脂,
毛孔粗大,
起粒粒,
總之就唔得啦.

半夜通常都會起身,
唔係食嘢就去廁所,
之後又瞓唔到,
都唔知想點!

手痕痕試吓可唔可以戴得落放咗入首飾盒的結婚介子,
不過四個月, 已經戴唔落啦.

瓜瓜有毛有翼啦,
依家成日踢我 (又或者係一拳打落黎.),
踢個肚皮唔緊要,
有時踢到啲內藏,
週身唔舒服.
但係佢唔踢又驚佢有事!
你話死唔死!!

又或者宮縮,
宮縮係子宮收縮,
唔關佢事,
係我個子宮練習定生仔的程序,
收縮的時候有啲似胃抽筋,
乸住乸住咁, 好痛苦,
練習已經咁樣,
到真係生的時候咪痛到死???

以前成日覺得啲大肚婆成日打開個脾坐,
好冇儀態.
依家到自己啦...
因為對脾好難拍得埋,
更惶論想交叉腳坐!

個肚籮咁大,
仲可以自己剪到腳甲,
我覺得真係威喎!

從三十二週開始要劃一張格仔紙,
記錄低幾多點的時候有胎動,
但係張紙只可以係第十次劃交叉,
好蠢!
頭嗰九次唔洗劃, 唔好劃花張格仔紙!
要劃低下次俾醫生睇,
如果係朝九晚七之間胎動少過十次,
又要去睇醫生囉...
即係咁! 我做緊嘢專心中真係唔知道佢有冇郁架囉...

BabyPlus 都去到尾聲,
已經 level 10,
係咁 '揼揼揼' 真係好 x 嘈!
---------------------------------------------------
母親的懷孕過程 copy from Yahoo Blog
第31至32週 胎兒能做夢
你胎兒的進展: 能做夢的嬰兒 胎兒現在重約1.6千克(3 1/2磅),身長約有40.5厘米(16吋)。它雖然很瘦,但已經完全地發展成熟。 如果它在這時出生,它仍然要靠氧氣箱幫助呼吸。 它跟我們一樣,在睡覺時會做夢(雙眼會轉動),有時又會完全不做夢地睡著。

它懂得眨眼睛,但它的眼睛仍然是深藍色的。 大部份亞洲嬰兒在出生時,眼睛已經變了啡色,但有小部份卻仍然是深藍色的,要在出生後數個星期才會變回啡色。 你身體上的變化:胎兒的位置醫生可診斷出現時和出生時胎兒的位置。 如果胎兒的位置跟正常有異,分娩時可能會較為困難。

到第32週時,大部份胎兒的位置仍屬於「臀位」(臀部朝下) ﹐但漸漸胎兒的頭部會轉向下﹐而胎兒的面部會面向媽媽的背部。 但有些胎兒會面向媽媽的肚子﹐這樣嬰兒在出生時,由於胎兒的後腦會正正壓著媽媽的盆骨﹐造成媽媽的背痛更加厲害。大概會有百分之四的胎兒在第36週時臀部仍然向下,那麼醫生便會判斷你是否需要剖腹產子了。

剖腹產子除了因胎兒臀部向下外,前置胎盤(即胎盤在子宮的下部而非上部)﹑盤骨太小或有其他特別的原因,醫生也會建議你剖腹產子。 請放心,因為醫生通常不會輕率決定剖腹生產的。 如果你有疑問,請盡量向醫生提出問題,好讓自己了解整個情況。 

其實剖腹生產的安全性相當高,雖然這並不是你所希望或計劃的,但你要相信醫生的決定,往往是以產婦及胎兒的安全為最重要的考慮因素。 分娩計劃 至於分娩時所採用的方法﹐則視乎你所住國家或城市而各有不同情度的選擇。

這分娩計劃主要是為自己及陪伴你分娩的人定下一些原則:例如你希望哪些人在你分娩時陪伴左右﹔有哪些止痛的藥物你希望嘗試或決定不嘗試﹖

你是否準備餵母乳﹖在緊急的情況下,你的選擇次序是怎樣﹖ 這些都應與照顧你的人和醫護人員在事前需要討論的基本事項。 有些婦女認為不應該作太多硬性的決定或計劃,以免到頭來令自己失望。

No comments:

Blog Widget by LinkWithin