Wednesday, April 14, 2010

自家烏冬

呢期真係興烏冬,
連新翠呢啲屋苑商場都開咗間連鎖店.
想食茶餐廳點算呢??

有個金魚缸廚房,
感覺光猛潔淨.
好大張枱, 坐得幾舒服.

三人行叫咗十樣嘢 :P
一人一碗烏冬,
呢度嘅烏冬比較實淨,
咬都牙較都攰 :P
再加幾個小食.

太口渴叫咗杯芒果橙汁 HK$9

糖心蛋 (但係明明我係叫溫泉蛋...)
係雪凍咗嘅蛋.
唔掂.
燒玉子
都係凍架囉, 都唔係即整嘅.
普通貨式.

露筍沙律
上面係明太子,
略酸.
不過啲菜都算新鮮.

豬軟骨湯烏冬
一啖都冇食,
個樣都唔吸引.
碗好大, 湯得一半,
雖然其實裡面都好多烏冬.

蜆肉什菌忌廉烏冬
我揀咗個西式烏冬.
忌廉汁 OK,
都多料, 略嫌漏咗少少.

韓風海鮮湯烏冬
冇食, 個樣都唔吸引 :P

炸物呢就等十年.
食晒個烏冬都未到!
三催四請.

什錦天婦羅
個天婦羅皮係唔脆而且比較薄.
仲要好油...
唔係好得.

吉列廣島蠔
炸完的蠔都仲嫰,
不過都係油.

原本仲叫咗個鮮蝦雜菜餅,
但係實在等得太久!
接近成個鐘都唔到,
咁就算啦.

埋單 HK$270,
唔貴嘅,
不過又吸引唔到我再食囉.

自家烏冬
地址: 柴灣新翠商場地下

2 comments:

iRis said...

宜家想買碗粥都唔知去邊買...方圓10里都冇lor!

芷蔚 said...

唸咗幾日, 興華個商場好似仲有茶記有粥架??
另外電話機樓下面有間白粥好好味, 但係淨係開下午.

Blog Widget by LinkWithin