Wednesday, April 7, 2010

婚後生活:: 5 個月

一齊住, 似一個家.
一齊返工, 一齊放工, 一齊食飯, 一齊瞓覺,
全曰至少 20 小時都係 6 尺範圍以內,
長遠黎計會點呢?
聽到都想嘔 :p
有時為咗感覺有啲空間,
會一個係廳, 一個係房,
橫掂都好少一齊睇電視, 大家睇嘅台都唔同,
網就全屋都上得.

搬咗入黎個世界的私人地方就多咗個人.
同兩個人同時由頭搬入一個新的地方唔同.
一個原本係我的地盤,
要劃分一部分領土俾佢.
地方好似細咗 :p
佢都冇歸屬感,
好彩遲啲會搬啫.

亦都好彩慣咗一個人住,
佢亦唔鐘意假手於人,
對於來勢凶凶的千百樣家務,
暫時都可以協調到.

我唔做家務只係因為我懶,
唔係代表我唔識,
佢成日當我家事白痴,
激死我!

兩個人的好處:
有很多已經唔多用, 唔多用, 唔想用但係又唔捨得掉的護膚品,
找到地方報銷了~

兩個人分擔家務事,
一人一啲, 唔限時, 唔一定要即刻做, 得閒咪做囉.
至少我唔鐘意做嗰啲佢都肯做.

壞處:
一些個人的習慣,
例如東西的擺位, 用途, 次序的先後,
兩個人唔係一齊長大,
習慣冇可能一樣.

No comments:

Blog Widget by LinkWithin