Friday, April 30, 2010

壓力

無聊的看到這個,
唔覺意加埋都有 297 分!
高危~
呵呵~~~
------------------------------------------------
人生不如意事十常八九,當所受的壓力超過某一極限,無法忍受時,精神或心理上就會出現問題。
美國醫學家霍爾姆斯,就喜、怒、哀、樂、愛、惡、欲,列出一份評分表。
霍爾姆斯試為,如果在一年內,分數累積超二百分,就可能會有得病危險,評分方法如下:
配偶死亡 100
離婚 73
夫妻分居 65
遭拘禁 63
家庭成員死亡 63
受傷或疾病 53
結婚 50
解偏 47
再 45
退休 45
家庭成員患病 44
懷孕 40
性生活失調 39
家庭成員增加 39 --> 多咗個老公又多咗個仔
調換工作崗位 39
經濟狀況改變 38 --> 生咗仔放冇薪假
好友死亡 37
工作性質改變 36 --> 返工變湊仔婆
夫妻不和 35
中量借貸 31 --> 買咗樓做大債仔
職務與職稱改變 29
子女離家 29
司法糾紛 29
有突出成就 29
配偶開始工作或離職 26
配偶開始上學或轉業 26
生活性況改變 25
個人習慣改變 24 --> 外在因素改變我
與上級有矛盾 23
工作時間和條件改變 20 --> 半夜都要開工
搬遷 20
更換學校 20
改變娛樂 19 湊仔算唔算娛樂??
宗教活動改變 19
交際活動改變 19
小量備貸 18
睡眠習慣改變 17
家庭成員改變 15
飲食習慣改變 15
假期 13
聖誕節 12
打架 11

Thursday, April 29, 2010

Week35::我不是我


這樣長的日子裡面,
今個禮拜才第三次抽筋,
應該算幸運啦.
希望未來的日子唔會再發生啦,
好鬼痛架!
仲要瞓緊覺烏 sir sir 的時候,
叫都叫唔出聲.

做 facial 的時間,
小姐又話皮膚差咗,
個鼻好污糟,
兩邊面都有啲疣,
疣係過濾性病毒, 冇痛冇色,
有小小突起的點點囉,
但係又冇得救, 要去搵醫生電咗佢喎.

我真係想快啲生啦,
因為好肥好易攰好似廢人.
不過又想等多陣,
想瓜瓜係雙子座,
哈哈!

人地問我覺唔覺得好大犧牲,
又肥又樣衰, 又呢樣嗰樣.
我又冇咁唸喎.
1. 都係最後呢兩個月至變豬啫, 雖然真係好豬....
2. 食得行得瞓得, 冇戒口, 冇轉口味, 冇食唔落, 冇乜脚腫, 冇乜抽筋, 係瞓少咗少少, 但係都 ok.
3. 皮膚係差咗, 不過男的荷爾蒙同女的又點同呢? 都冇辦法啦, 六個月內會好番架麻?
4. ok 啦, 全部都冇得避免, 比較起其他人, 算好好架啦. 我都冇做過啲乜.
5. 但係應該唔會懷念佢係個肚裡面的日子, 我非常想佢快啲走出黎.

依家瓜瓜的活動幅度好大,
所以我的新玩意係打開個肚皮然後觀察他的動作,
個肚皮會變形, 好有趣架!
但係絕對唔舒服囉.

腳腫的情況嚴重咗,
個人更重更易攰,
雙手如果攞住嘢黎行好似平衡唔到唔到咁,
瓜瓜應該落咗去肚的下半部,
行樓梯比前輕鬆少少,
個肺多咗啲位,
不過胯下用力就困難咗.

搭地鐵有九成的時候係會有人讓座,
而因為體力的不濟, 腰又攰, 平衡力差.
我都老實唔客氣的坐下來.
不過人多時的電車就麻煩啲,
如果係車尾就坐低,
想落車就要穿越人群!

呢兩個禮拜個肚好似吹氣球咁,
好多衫都唔啱著,
得番幾件著得落,
又冇理由再買!
連條托腹帶都唔多夠長啦!!
鎖骨都蓋住咗啦...

都已經唔多認得自己啦,
這個郵筒是誰??
生咗之後瘦唔瘦得番架???

可能係唯一的好處:
可能因為塊面肥咗, 脂肪多咗,
呢幾個月每一日兩隻眼都有明顯的雙眼皮.

近一個月個腦成日都會出現些怪怪的幻想,
好似會突然間唸到撞車呀,
突然間瓜瓜 x 咗, 咁就白做咗九個月呀,
出街無端端個招牌會跌落黎,
少少杞人憂天咁,
會心悸同膽怯,
呢啲嘢好少發生係我呢個膽生毛身上,
係呢個時候就食多少少甜就會舒服啲啦.
-----------------------------------------------------
母親的懷孕過程 copy from Yahoo Blog
第35至36週
胎兒身上的小梨窩 你胎兒的進展: 胎兒身上開始有脂肪及梨窩 它現在約有2.5千克(5 1/2磅)的重量,有44至45厘米(18吋)的長度,是它胚胎時的一千倍左右。 它的中央神經系統仍在逐步成長當中,但它的肺部卻很強壯了,如果現在出生也足以應付。 雖然現在出生還未是時機,但胎兒有足夠條件在子宮以外而生存,而不需要任何輔助。

胎兒的皮膚變得光滑了不少,在手肘,膝蓋的肌肉上出現小凹窩,而頸部及手腕出現皺摺。

它的脂肪還不斷增加,將為出生後的身軀起保護作用。 當一個嬰兒出生時,身體的脂肪約佔百分之十五,而其中百分之八十在皮膚之下,另外百分之二十在身體其它主要器官附近。

胎兒的骨骼正在不停加強,頭髮也在生長著,手指及腳趾甲的長度已足以抓傷自己。你身體的變化:由現在開始,你的身體正為著分娩而作好最後準備,你也開始每星期覆診一次了。 你的肚臍會隨著肚子不斷脹大而向外突出。

你的體重增加幅度將開始逐步減少,有些孕婦在懷孕最後幾週甚至會減少2至3磅。餵母乳用的胸圍如果你打算餵母乳,你需要購買兩至三個餵哺用的胸圍。 

除了乳房變得漲大外,你的上圍亦同時較從前胖,購買時需留意杯位及胸圍帶的尺寸是否適合。

一個良好的餵哺用的胸圍該有兩條闊身的肩帶使穿著的時候較舒適及在餵哺時提供足夠的承托力。一些較佳的設計是可以令你用單手來打開胸圍前幅來餵哺嬰兒,亦應有足夠的空間來讓你的手容易地打開而不需要壓向你的胸脯。

你最好購買一些可以調較的胸圍能夠同時適合你現在的及在分娩後的上圍變化。 胎兒進入盤骨位一般來說,臨分娩前約二至三星期前,胎兒的位置會向下移,先露出母體的部份(一般是頭部)會進入你的盤骨位置內。 如果是第二胎或以後的懷孕,胎兒會在較後時間才進入盤骨位置。 有趣的是,你會看見肚子向下墜。

你會感覺輕鬆得多了,因為胎兒不再壓向你的肺部和胃部,騰出多些空間來。

但相反地,你的膀胱、直腸及整個盤骨會受到較大的壓力。監察胎兒活動醫生會著你多留意胎兒的活動情況,這種方法看來雖然很簡單,但卻對了解最後幾週的懷孕期十分有幫助,尤其是當胎兒過了預產期仍未有分娩跡象時,胎兒的活動情況變得十分重要。 

如果胎兒的活動頻度減少至每12個小時內低於十次的話,你應該立即通知醫生,這可能是胎兒出現問題的一種訊號。聯絡名單是時候想想那些親友們你希望一旦分娩便立即通知他們有關的喜訊。入院時不要忘記攜帶此名單﹗

Tuesday, April 27, 2010

清胎毒與滑胎

真好!
明正言順日日都可以食糖水~
好多人都話食咗 BB 皮膚好啲喎,

不過阿媽話當年陀阿哥的時候都有日日芝麻糊,
佢啲皮膚又唔見得好好喎 :P:P:P
----------------------------------------------
什麼是胎毒?
從中醫的角度,胎毒的理解是指孕婦在懷孕期間過量食用辛辣及煎炸的食物,則有可能會將胎熱遺給嬰兒,而導致嬰兒濕疹。

孕婦若想清胎毒,可以懷孕後期因應需要服用以下湯水,但必須於後期8個月以後方可飲用。
腐竹雞蛋糖水
白蓮鬚糖水
芝麻糊糖水
Info from Mamastation
----------------------------------------------
白蓮鬚糖水 (助產及有助清胎毒)
飲用時間: 臨盆前一個月至十五天前飲用。白蓮鬚屬平性的食物, 無論涼、熱底的人都適合食用。一星期可飲用1至2次。如要清胎毒之效, 孕婦則在懷孕後六個月飲用此糖水才具清胎毒之效, 將近臨盆時飲用效果不大。

功效:
1)固澀 ~ 白蓮鬚乃蓮花的花蕊, 性平味甘, 有固澀(即止血)、補腎,、消熱毒之效, 而雞蛋則有蛋白質, 此糖水確有助防止生產時大量流血的作用。
2)補腎 ~ 由於孕婦需要養胎, 腎氣一定有損耗, 具補腎作用的白蓮鬚能使孕婦生產時有氣力, 生產過程會較順利。
3)解胎毒 ~ 所謂胎毒, 是指孕婦身體內因常吃油炸食物而產生的「血熱」, 令嬰兒出生後易生瘡、奶癬等皮膚病。孕婦在懷孕後六個月飲用此糖水才具清胎毒之效, 將近臨盆時飲用效果不大。

材料:
白蓮鬚…………..3元
雞蛋……………..2隻
冰糖…………......適量
水………………..6至7碗

製法:
凍水放入白蓮鬚及雞蛋(連蛋殼), 煲滾後以慢火煲45分鐘, 以冰糖調味即成。

芝麻糊糖水 (助產及滑利胎兒)
芝麻有潤腸通便、溫補的作用, 身體虛寒的孕婦, 通常都會有便秘的毛病, 胃口差, 大便雖軟, 卻無力排出, 而做成宿便。若生產時有宿便, 會阻礙直腸, 令孕婦難以將BB推出產道, 再加上孕婦腎氣哀弱, 生產更加困難。

飲用時間: 懷孕頭三個月若有作小產現象, 不宜食用。往後可一星期一次。產前一至兩天應吃一碗, 有助排清宿便。

功效:
1)補腎黑髮 ~ 由於芝麻有滑利胎兒的作用, 促令產婦更易生產。芝麻更有補腎、黑髮的作用, 嬰兒要靠母體的血液養胎。所以, 吃芝麻可令嬰兒的頭髮濃黑。由於芝麻有滑胎的作用, 懷孕三個月, 有作小產的情況不建意食用。
2)高纖 ~ 芝麻纖維高, 確有肋孕婦排便; 另外, 芝麻糊有豐富的維他命E和礦物質, 每碗(240毫升)有10克醣份

清涼低脂易順產
營養師:胎兒發育基本完成,應避免進食過量,以免有糖尿及高血壓等併發症。宜多食蔬菜、水果、豆類等食物,及保持鈣質、鐵質攝取量。
港大教授:為防水腫或血壓上升,宜少食鹽、海味乾貨、罐頭等食物。
註冊中醫師:產前宜涼,產後宜補。可食涼性食物如瓜果、腐竹、豆漿,令生產更順暢,亦可煲三至四次清涼糖水,清除胎毒。

Info from Yahoo 知識+

Monday, April 26, 2010

前四後六

理論上, 今日開始可以放產假.
實際上, 我繼續返工,
坐係公司過日晨好過係屋企眼光光唔知做乜.
有做嘢架,
不過好慢同好懶囉 :p

幾時開始放假好呢?
前一後九就最理想啦~

Sunday, April 25, 2010

大肚攝影::Asgard

終於都影啦,
其實算遲咗影,
依家肥過豬頭!
早一個月影塊面就靚啲,
但係個肚就細啲, 個形就圓啲,
依家有啲水滴形.
咁我係想留住最肥一刻,
所以都 ok.

可以影四套衫.
有啲之前預備咗都已經唔啱著啦 :p:p:p
唸住用攝影公司配備的長紗,
三點式橙紅色泳衣加橙色沙灘裙 (第一次影三點式 :p)
一件米色大肚衫 (即係淘寶嗰件.)
一件白色 / 一件紅色貼身背心 (即係阿玲係 topshop 買嗰兩件.)
陳星星配合我都要著白色背心底衫, 赤裸上身 + 短褲.
我地都係第一次著咁少衫影相!!
露咁多肉都好難公諸於世 :P

原本約咗三點鐘,
應該早十五分鐘上去化妝,
不過食飯早咗, 兩點半就到啦.
咁冇人就可以早啲開始.
先化咗個淡妝,
有打鼻影, 冇假眼睫毛, 冇打腮影,
所以仍然圓碌碌.

成件事情有四個人招呼我地,
兩個小姐幫我化妝換衫, 化妝師 Sum Wong,
另外兩位男士, 一個攝影師 Jacky, 一個打燈!
好有誠意!
我俾幾百蚊咋喎!!
玩足兩個鐘~

好明顯係由最多布的開始.
米色大肚衫 + leggings,
星星係白 tee + 牛仔褲.
studio 出面有平台,
有個小花園的佈置.
當暖身啦.
有衫始終唔係咁見到肚形.

下一步就係貼身背心.
我同星星都係白色背心.
情侶裝 :p
攝影師話可以玩黑白喎.

之後就戲肉啦.
用塊長紗包住就做個 tube top + leggings,
留條長尾做到好似頭紗咁飄紗.
單人相比較多.
之後仲勁爆,
用另一塊長紗包做迷你裙.
再影咗張好似冇著衫的相!!

最後就著三點式橙紅色泳衣加橙色沙灘裙,
星星赤裸上身 + 短褲.
不過就係咁意影咗幾張就收檔啦,
因為都有啲攰同冇乜嘢好影啦.

唔算影得好多 pose,
而係佢公司網頁所見到嘅我地都有影~
但係一個 pose 閒閒地影十幾張,
特別係飄紗呀, 難度的藝術大肚 pose,
影到靚至收貨,
我真係覺得好似 america's next top model 囉!

影相過程非常滿意!!
星星仲話第時瓜瓜的 BB 相都返黎影添.

不過唯一就係服務怪怪,
係荔枝角影完相,
問攝影師幾時有相睇,
佢嘅答案係叫我打電話去尖沙咀辦公室再約時間.
呢個唔係佢地幫我安排架咩??

Saturday, April 24, 2010

中醫覆診 (n)

中途已經睇多咗幾次中醫,
不過冇乜特別就冇寫啦.
呢個係今日的對話:

醫: 平時鐘意食乜嘢多呀?
我: 麥當勞, 雪糕, 珍珠奶茶, 許留山.
醫: 食得密唔密吖?
我: 一個禮拜兩次左右啦.
醫: 唔好食醃製品, 要食新鮮嘅嘢.
我: 要食蛋吖麻!
醫: 咁你有冇食吖?
我: 豬柳蛋漢堡裡面咪有蛋囉!
醫: 係喎有蛋喎, 但係豬柳都係醃製喎. 咁你有冇食家鄉雞?
我: 尋日至食完!
醫: 都唔好食啦, 咁唔好呀, 第時你就就知道啦.
我: 咁好難架喎...

要戒口不如俾條命你啦...

Friday, April 23, 2010

孕婦按摩::纖與美

上次買孕婦內衣的時候滿一千元送的按摩.
出面街一般按摩店唔敢去,
呢間主打孕婦按摩就試一試啦.
同時個姐姐的銷售能力好強!
服務都唔錯.

開始時, 小姐 Annie 介紹吓佢地的服務,
如果係送的療程, 就只係送孕期舒緩護理其中一項服務, 每項原價 HK$200-300.
1. 肩頸疲勞
2. 舒緩靜脈曲張
3. 腰酸背痛
4. 手臂鬆弛肥胖
5. 腿部腫脹及抽筋
6. 面部皮膚粗糙,妊娠斑
當然小姐唔會放過機會, 叫係做多呢樣嗰樣,
呢個就咁樣, 嗰個又對嗰度好,
亦都有一啲誇張性的事實,
好彩我對於資訊一啲都唔輸蝕,
同埋已經到懷孕後期,
如果唔係真係俾佢嚇親!
好硬銷!
自問唔識拒絕人的朋友千祈唔好去!

然後又另一個據了解係賣孕婦裝的店所派出的小姐,
做個個人諮詢,
睇吓你的身體有乜問題,
咁孕婦有問題都可以問.
佢話我手腳都有啲水腫啦,
(都 35 週, 少少水腫都好正常啦??)
乳線有啲塞囉.
(佢按的時候有少少痛嘅, 可能係塞啩.)
佢又話唔好著短襪, 血液循環唔好喎,
應該著船襪.
唔好食濕的食物, 個 b 易啲有濕疹喎.
例如蒜, 洋蔥, 芒果, 菠蘿等等.
(我個個禮拜都食, 第時話你知有冇濕瓜!)
對腳要墊高, 不過唔需要用枕頭咁高,
因為血液唔需要太快的回到心臟, (我唔係好明...)
anyway, 用毛巾薄薄地就 ok 喎,
但係我又慣咗墊高啲.
又話餵人奶最好係 100 日, (??? 冇睇過咁寫喎...)
唔好餵 6 個月, 5 個月或者 7 個月都得,
因為 6 個月係啲免疫力轉變喎. (冇聽過囉...)

講完一輪,
白老鼠性格的我就選擇豪一次!
一次過試晒佢!
全身按摩 HK$600 (原價 HK$700, 有單減 HK$100)
約兩小時二十分鐘
通乳線 HK$480 (呢個 package 價, 單次 HK$580)
約三十分鐘

全身按摩已經包晒之前講的肩頸疲勞, 舒緩靜脈曲張, 腰酸背痛, 手臂鬆弛肥胖, 腿部腫脹及抽筋.
孕婦按摩係打側瞓係度按嘅,
俾個三角枕你墊住個肚. (但係我覺得屋企用緊嗰隻條狀的攬枕舒服啲.)
按的時候主要用拳頭的指頭或者全個手掌,
唔可以按淋巴或者穴位,
用維他命 E 油.
而且孕婦瞓係度太耐會唔舒服,
所以同時有兩個人同我按, 好忙!
一個肩頸腰背, 一個按腳.
(之後仲有另一個按胸!!)
按摩好舒服,
手勢力度都好好.
按完手腳都會敷熱模,
小姐話可以從皮膚排出毒素, 減少水腫.
頸同腰都敷啫喱袋, 增加血液循環.

按完的結果係成身都鬆晒!
手腳的腫都去了,
由手臂到手指, 大腿到小腿都即時瘦了!

到通乳線的部份,
點解會做呢?
九成出於好奇 :p
而且我見有啲媽媽係討論區講會塞, 嚴重有乳線炎, 嚴重嘅仲要做手術添!
咁如果試一次知道方法,
第時都可以自己按吓.

做的時候感覺有啲似通淋巴, (即係都係痛都抽筋!!)
個小姐話係遂條乳線去通, (但係自己睇唔到條乳線喎...)
就外而內的推.
推某幾條會痛就推多幾吓,
相信痛嘅就塞塞地囉,
因為有啲係完全唔痛嘅,
但係都有啲痛都嗌救命!
小姐(當然)話推一次唔得架,
至少都要請五至十次,
有媽媽臨生的時候一個禮拜去兩三次添.
推完之後仲有個胸膜添.

結果係:
個胸冇咁硬, 係鬆咗,
形狀就 firm 咗,
腋下的黑色素淡咗.
呢啲都係小姐之前講過的功效.
真係得架!
不過比較貴,
仲考慮緊俾唔俾呢個錢,
或者生咗再唸.

做完之後...
又去返 sales 房,
係咁 sell sell sell...
我有一份堅持啦!
一定要唸幾日先啦.
我: 我返屋企同老公商量吓先.
佢: 咁你舒服吖麻.
我: 咁佢俾錢嘅.
佢: 係咪驚近排的報導美容公司走佬呀?
我: 都唔關事嘅.
佢: 我地公司歷史好悠久架... blablablablabla....
我: 咁好少錢啫... 至少返屋企照吓鏡睇吓效果先啦.
佢: 照鏡可以去洗手間吖..
我: (我已經反白眼...)
佢: 其實我想幫你留住個優惠, 或者你落住訂先啦. 落一千蚊, 咁如果唔想 join, 咪當 facial 做咗佢囉.
我: (當我傻架... 落咗訂邊有得走?? 仲俾你煩多次!) 唔啦, 我返去唸吓先啦.
佢: 其實舒唔舒服吖, 對自己好啲囉.
我: 咁大條數都係要唸一唸.
其實仲講咗好耐,
不過唔記得咁多啦,
總之佢好勤力囉.

總括而言係所有的事情都有效,
療程服務都好好,
價錢其實合理.
不過我都就黎生囉,
而且平時冇洗開呢個錢,
所以唸吓先啦.
--------------------------------------------------
俾多少少資料,
孕期按摩的好處~
經過我親自測試, 都好啱嘅.
all from 官網.

孕期舒緩按摩
頸肩疲勞、腿部腫脹及抽筋、手臂鬆弛肥胖、胸部護理、腰酸背痛、舒緩靜脈曲張、面部皮膚粗糙,妊娠斑。配合柔白熱敷體模,我們是首間利用熱敷原理,舒緩孕媽咪的疲累。疲倦的原因有二:第一是肚皮負荷過重,拉緊肌肉,肩腰背尤其繃緊,第二是由於排毒負荷重了,循環系統相對差了,濕毒困在身體內,所以利用熱敷舒緩肌肉緊張,排出下半身的水腫,體內毒素少了,人自然輕鬆舒暢,而且按摩完成後,熱敷可以令人鬆弛入睡,不似一般淨按摩,完成後要立即起床,相對來說,熱敷的效用與按摩有著同等重要的效用。

古法起風
在中醫角度來看,懷孕需大量血液供胎兒成長,形成其他部份器官血液供應不足,例如胃部呆滯,關節疼痛,都是因為血虛所引致,血虛生風,容易頭暈,頭痛,四肢尤其是腿部到了晚上容易抽筋。所以孕媽咪如接受舒緩按摩仍未能解決不適,便需要進行古法起風療程了。

通乳腺
為哺母乳作準備及保護胸形,舒緩漲痛感覺。

預防妊娠紋
腹,胸和臀部擴張使皮下彈性纖維斷裂形成妊娠紋,要預早強化結締組織,避免做成難以復原的斷紋。

色素沈澱
循環減慢令頸項,腋下,乳頭,胯下,臀部色素加深,日常勤加護理,做個亮麗白滑靚媽咪。

皮膚痕癢
孕媽咪體質易有濕氣鬱結,濕疹非內困就是誘發,內困易遺傳給胎兒,外發令孕媽咪難受。 參考療理古法,安全有效地舒緩濕疹帶來的不適。

纖與美
預約服務專線:2730 8902 (成日都冇人聽架 :p)
九龍區
九龍尖沙咀彌敦道184號地庫全層
Fax: 2730 8932 (尖沙咀警署對面)
香港區
香港銅鑼灣渣甸街50號渣甸中心15樓全層
Fax: 2577 0932 (銅鑼灣港鐵路站渣甸坊F出口)

Thursday, April 22, 2010

紙花球::Desicra

好環保.
紙製的花球 / 手花 / 襟花.







All from Desicra

飲宴過後...

尋晚去飲,
都唔係太夜,
最後 11.00pm 返到屋企.
但係...
未開席已經想走,
09.00pm 開始眼瞓,
10.00pm 完全冇電,

結果係...
個頭 '發' 吓 '發' 吓,
腰背痛得如坐針氈,
對腳腫過豬蹄!

到第二日都仲係攰到想死...

Wednesday, April 21, 2010

紙的藝術::Concarta

有心機的話,
剪紙都已經好有特色.





Concarta, LA

午夜怪談

一如平時,
早瞓 (9.30pm!!!) 嗰日半夜 (2.00am!!!) 就會醒.
咁我走出廳食個餅上個網就返入房啦.
由於陳生係瞓出面,
所以我出出入入都會經過佢.

我返入房之後,
陳生發出怪聲...
佢指住個窗台上面窗縫滲入那小小的光線話: &*(@#^*@%$^* (我都聽唔到佢講乜??)
我: 咩話?
星: (繼續指住) ^&&()&*)*
我: 講乜乸嘢呀???
星: (繼續指住, 口齒不清的說) 你話係菜心定芥蘭?
我: 咩呀?? 冇嘢呀??
星: 菜心定芥蘭?
我: 半夜三更問乜嘢菜心定芥蘭呀? 痴咗線呀??
星轉個身冇理我啦.
咁我都冇理佢再瞓過.

第二朝起身,
我問佢記唔記得尋晚問我問題?
好在... 佢記得有講嘢但係唔記憶內容.
星: 可能發夢的時候食緊嘢喎.
我: 邊有人咁為食架? 發夢都掛住食!
星: 我都係食菜啫, 又唔係鮑參翅肚!
我: 鬼知你係咪已經叫到一枱都係仲要加碟菜呀!

夜媽媽, 問啲咁無厘頭的問題,
好彩我唔驚啫!

Tuesday, April 20, 2010

新娘飾物::LittleWhiteDresser

雖然已經唔關我事,
不過睇吓都賞心悅目~




All from Little White Dresser

產後抑鬱

總覺得會產後抑鬱 :p
(定係我已經產前抑鬱呢???)

本來已經唔鐘意成個月留係屋企發霉,
冇得沖涼又唔得洗頭已經夠樣衰.
仲要個仔又喊啦, (一日坐底喊幾次架啦.)
有個陪月係屋企行黎行去,
星星又放假,
阿爸阿媽得閒又走落黎,
佢阿媽家姐又走黎坐下.
大廈出面又維修.
唸到都頭痛 :p
(有人幫手又煩, 冇又煩!)

好怕屋企好多人,
然後有好多聲音.
出街唔怕嘈,
但係屋企就想要靜.

人地黎探我個仔,
又要堆起個笑容唔可以黑面.
唔可以匿埋,
唔可以走咗去,
坐係度硬食,
唔想講嘢又迫住要俾反應.
(仲未計要食啲補品但係我唔鐘意食嘅嘢!!!)

淨係唸吓都抑鬱啦.
又唔可以阻止人地好意黎探你個仔,
最怕意見多多,
唔好同我講以前湊仔點點點,
要咁咁咁教.
年代都唔同!

最好係你地抱咗個仔去阿媽度,
你地慢慢研究似阿媽定似阿爸?
個頭好大定腳瓜好粗?
我自己一個係間屋度,
唔好迫我招呼大家就好.

一唸到呢度,
真係連仔都唔想生呀.
如果唔生仔就唔會有人理我,
最怕噓寒問暖, 最怕問東問西,
由得我自生自滅得架啦.

依家最擔心唔係生仔痛唔痛,
係生咗個仔之後嘅人來人往.
-------------------------------------------------
坐月規條令婦易產後抑鬱 專家籲親友:勿將關心變壓力
蘋果日報 25/4/2005

【 本 報 訊 】 剛 生 完 小 寶 寶 的 女 士 要 留 在 家 中 「 坐 月 」 調 理 身 體 , 食 薑 醋 、 飲 雞 酒 、 吃 羊 肉 以 祛 風 和 補 氣 , 並 且 不 可 洗 澡 等 ; 有 學 者 指 , 這 些 傳 統 規 條 均 屬 剛 為 人 母 的 壓 力 來 源 , 呼 籲 產 婦 的 親 友 尊 重 她 們 的 意 願 , 不 要 將 關 心 變 成 壓 力 。

本 港 約 有 百 分 之 十 一 至 十 九 點 八 的 產 婦 患 有 產 後 抑 鬱 , 比 例 較 歐 美 及 日 本 為 高 , 若 產 婦 自 覺 的 壓 力 愈 大 , 患 上 產 後 抑 鬱 的 機 會 便 愈 高 。

香 港 大 學 醫 學 院 護 理 學 系 訪 問 了 二 十 名 年 齡 介 乎 十 八 至 四 十 五 歲 本 地 華 人 產 婦 , 今 年 三 月 發 表 的 結 果 顯 示 , 「 坐 月 」 未 必 一 定 可 以 幫 助 她 們 , 相 反 更 可 能 成 為 她 們 最 大 的 壓 力 來 源 之 一 。

意 見 多 多   無 所 適 從
「 傳 統 上 女 性 嫁 人 之 後 就 成 為 丈 夫 家 人 , 坐 月 期 間 或 者 會 去 奶 奶 屋 企 住 … … 現 代 社 會 女 性 好 少 話 咁 耐 唔 出 街 , 所 以 會 覺 得 好 辛 苦 , 無 晒 私 隱 , 好 似 坐 監 咁 , 有 壓 迫 感 。 」 港 大 醫 學 院 護 理 學 系 助 理 教 授 梁 淑 琴 稱 , 坐 月 的 婦 女 因 為 生 活 空 間 受 局 限 、 對 傳 統 禁 忌 及 親 友 的 建 議 無 所 適 從 以 及 不 適 應 母 親 的 角 色 而 感 到 困 擾 。

梁 淑 琴 解 釋 , 現 代 人 的 居 住 環 境 狹 小 , 加 上 要 適 應 產 後 生 理 變 化 及 照 顧 初 生 嬰 兒 , 若 親 友 來 訪 頻 繁 , 意 見 多 多 , 會 對 產 後 女 性 做 成 無 形 壓 力 ; 若 在 家 姑 家 中 坐 月 , 面 對 壓 力 更 大 , 「 有 長 輩 會 半 夜 五 點 煮 好 飯 畀 個 孕 婦 食 , 呢 一 般 現 代 人 都 好 難 跟 從 。 」

她 又 稱 , 傳 統 要 求 產 後 女 性 不 可 沾 水 、 不 可 吹 風 、 要 吃 補 品 等 , 但 盲 目 遵 從 只 會 令 她 們 身 體 不 適 。

親 友 幫 忙   剝 奪 接 觸
梁 淑 琴 強 調 , 男 女 雙 方 家 長 容 易 就 照 顧 孫 兒 的 方 法 出 現 衝 突 , 如 吃 補 品 、 應 用 布 片 或 紙 尿 褲 等 瑣 事 , 均 可 成 為 導 火 線 , 「 佢 會 提 出 好 多 睇 法 , 例 如 自 己 點 湊 仔 呀 , 個 個 掃 風 都 唔 同 喎 , 如 果 同 阿 媽 意 見 唔 同 都 重 可 以 講 , 但 如 果 同 奶 奶 唔 同 , 只 可 以 屈 響 心 。 」 親 友 的 過 份 幫 忙 , 也 會 剝 奪 母 親 接 觸 嬰 兒 的 機 會 , 「 令 佢 覺 得 個 BB 好 似 係 奶 奶 、 大 姑 奶 咁 , 自 己 抱 個 BB 喊 得 重 犀 利 , 覺 得 自 己 唔 係 稱 職 媽 咪 。 」

她 建 議 產 婦 可 與 母 親 及 家 姑 一 起 參 與 育 嬰 講 座 , 學 習 照 顧 嬰 兒 , 為 孕 婦 選 擇 熟 悉 及 舒 適 的 環 境 「 坐 月 」 , 並 好 好 安 排 親 友 探 訪 的 時 間 , 有 疑 難 可 向 醫 護 人 員 提 出 。

-------------------------------------------------
懷孕、生產可能是女性一生中最重要的事情。孕育新生命,感覺著胎兒的成長及出生是最興奮不過的。但為何有些婦女會出現產後抑鬱呢?

懷孕與生產除了是一件家庭喜事外,對孕婦而言也可能是一件帶來壓力的辛苦事。身形、樣子、情緒、賀爾蒙方面的改變及擔心BB健康等壓力,足以令孕婦產生緊張、焦慮、混亂、哀傷等Baby Blues症狀。一般來說,這些感覺都會很快消失,不足以影響家庭生活;但某些婦女的情況可能續漸惡化,演變成經常哭泣、脾氣暴燥、情緒大起大跌、失落等,這就是所謂的產後抑鬱(Postpartum Depression)。

產後抑鬱分三級
以病況來說,Baby Blues是最輕微及最常見的,通常在產後數小時至最多兩星期便消失,而且也不需接受特別的治療,只要身邊的家人朋友多點陪伴、關心、鼓勵便可。而產後抑鬱(Postpartum Depression)則可能在產後數天甚至一個月後才出現,其症狀包括煩燥、抑鬱、疲倦、頭痛、心悸、失眠、胃口欠佳或大增、難以集中精神、對嬰兒過份擔心或不理會、自卑、內疚、對各事物也提不起興趣等。如出現這情況,必須要接受治療,如心理輔導及藥物治療等;若處理不善,病情有可能持續一年以上,嚴重影響家庭生活。

更嚴重的產後抑鬱稱為Postpartum Psychosis,患者會出現幻覺(視覺及聽覺)、抽離現實及出現不尋常的行為。例如︰常聽到有人在叫她、看見一些不存在的事物、做一些平日不會做的行為等。若遇到這情況的話必須接受治理。如患者有傷害自己或他人的行為,更必須入院治療。

成因不明
產後抑鬱症的患者無分年齡、種族、經濟情況、生產次數,即使無論是否高齡產婦、富裕或貧窮、白人或黑人、第一胎或是第二胎,其得病機會均是一樣,即使流產的婦人也有可能出現產後抑鬱症。若於產前或孕前有出現抑鬱病史的婦女,得產後抑鬱的機會更高。

導致產後抑鬱的原因並不太明確,一般歸咎於賀爾蒙的變化,例如雌激素及黃體酮,這兩種賀爾蒙在生產後的24小時內會急劇下降,這個突變可令婦女出現抑鬱。此外,甲狀腺素也會在生產後迅速下降,也是導致抑鬱的其中一個原因。其它因素如︰產後睡眠欠佳、擔心自己不能照顧嬰兒、不能適應照顧嬰兒的生活模式、覺得四周的人只重視嬰兒而不重視自己等,都可能引致抑鬱。

治療方法
治療產後抑鬱症的方法包括心理輔導及藥物治療(如抗抑鬱藥)。當然,家人及伴侶的支持與關心是不可或缺的。產後抑鬱並非不治之症,但最好不要把患者獨自留在家中,並須讓患者好好休息。
info from she.com

Monday, April 19, 2010

焉知非福

上次決定咗嘅陪月員的手傷了.
仲介說會介紹另一個,
是原本那個的同班同學.
會唔會一樣咁好呢??

約咗直接去屋企見面,
因為佢會順便話我知有冇嘢需要補購.
結果都係好快決定咗新的陪月員.
(雖然都係上一個感覺好啲, 不過算啦.)
佢係基督徒, 應該有一定的愛心嘅.

同陪月員講坐月時嘅食譜.
我: 我非常偏食, 俾啲菜我得架啦.
陪月: 生咗仔要食啲補嘅嘢.
我: 所有補嘅食物我都唔多鐘意食 :p
陪月: 要食啲肉, 例如鮮奶燉雞.
我: 我都唔鐘意食肉...
陪月: 咁都有啲齋食譜嘅, 腐竹, 豆腐咁.
我: 啱架啦, 食齋就啱架啦.
陪月: 生仔之後食啖飯, 真係覺得特別好味.
我: 咁我想試吓, 咁大個女都從未覺得飯好味. 我都唔鐘意食飯.
星: 你俾個麥當當佢就最啱!
我: 係呀係呀!
陪月: 咁又唔得...

陪月都俾我激死 :p
下個月又多個人係屋企陪我,
好擔心 :p
其實我係屋企的時候真係鐘意一個人做獨孤精.

Sunday, April 18, 2010

布藝燈罩

對布藝的東西興趣不大,
總覺得非常封塵,
但係顏色布料的選擇就真係多好多.

from RE-SURFACE design




from PaaPuu



from myfinch



當然同場加映我愛的喱士版, from BIJOULUMIERES

朱古力蛋糕

光波爐都可以焗蛋糕,
為咗試吓個爐,
就去咗 City Super 求其買盒粉整一次先啦.

先預熱 200 度 10 分鐘,
之後驚整得太耐,
10 分鐘 又睇一睇,
之後 5 分鐘又睇一睇, 中間都仲好淋...
其實都可以食嘅, 好似 chocolate 咁囉.

超懶套裝,
打開只係得一包粉.


標籤教只係需要加 1/2 杯滾水, (對, 只係加水.. hehe 係咪好懶呢....)
如果想整 brownie, 就加 3/4 杯滾水.

我係咁意加咗大半杯啦,
攪攪攪就得啦.
變咗朱古力漿.

倒落個容器度,
呢個咁型的蛋糕模係跟光波爐送嘅,
但係倒之前忘記咗擦牛油囉...
仲有個蓋, 蓋好咗放入光波爐.

從未曝光的光波爐.
焗蛋糕中.
個爐仲逗留係阿媽屋企.

第一個 10 分鐘之後,
仲係好軟身,
裡面都仲係朱古力漿.

完成啦,
有少少爆裂.

切開裡面,
唔係太鬆囉.
不過都絕對唔差.
最後十分鐘冇加蓋,
個蛋糕面烘得脆脆地好似 bbq 的棉花糖咁.
但係偏甜, 下次都唔會再買呢個牌子啦.

Saturday, April 17, 2010

菇菇手作::WanderingLydia

還記得我們的菇菇手作嗎?
別人的很精美, 仲有花盤添!
是一個盤景啦~



同場加映: 怪怪帽!




All from Wandering Lydia

醫院檢查(6)::一切如常

經過咗三個禮拜,
終於到期去醫院照超聲波,
真係好憎去醫院,
等到眼瞓.
唯一的好處係唔駛錢.

11.15am 的約會,
等照超聲波,
等見醫生,
每次用唔駛 5 分鐘,
但係就 1.00pm 至走得!

體重再上新高: 69.3kg.
比起冇瓜瓜之前重咗 16kg!!!
不過醫生係對比上次覆診的磅數,
佢話進展好好.

照超聲波呢...
A 醫生冇俾啲數字我,
但係我自己睇螢光幕呢,
依家 35W,
瓜瓜個頭係 37W+, 個身係 33W+,
體重 ~2.2kg,
胎水正常.

最後再見 B 醫生,
B 醫生話所有數字都正常, 冇問題.
再約兩個禮拜後覆診.

Friday, April 16, 2010

廚房用品::Lovely Lovely

好 girly 的廚房用品.
鐘意個 lace tray 同 ribbon glass.









All from Lovely Lovely via Oh joy!

嬰兒床吊鈴

育兒書介紹第一件有用的 '玩具'.
可以刺激眼部發展, bla bla bla...
然後網上的媽媽都說有呢個吊鈴放 bb 係床上有個焦點, 會安靜啲.

款式大同小異,
星星話選個有燈喎, 多樣嘢睇喎?!!
柔和音樂其實唔多需要,
星星要播莫扎實.

首選: 因為啲昆蟲好似得意啲 :p
Lamaze 動物音樂投射燈吊鈴 HK$423
產品詳情:
-可愛的月亮星星圖案會投射在本体布幕上
-4個不同顏色大按掣,可訓練寶寶自行拍按
-設有4首柔和樂曲
-玩具會發出柔和音樂令嬰兒容易入睡
-布玩具色彩柔和舒適,得意可愛
-可愛小動物隨音樂旋轉,有助寶寶視覺發展
-可以座枱或掛床
-附有遙控功能
-電池操作
from citybaby



Fisher-Price 熱帶雨林動物音樂吊鈴 HK$423
產品詳情:
-設有3首古典搖籃曲音樂和熱帶雨林的音效
-可愛熱帶雨林小動物隨音樂上下高低轉動
-柔軟的布料-布玩具色彩鮮豔奪目,得意可愛
-設有搖控及夜光功能
-遙控電源/音量控制鈕
-三種操作模式 : 夜光十轉動、音樂十轉動、夜光十音樂
-電池操作
from citybaby


Fisher-Price 動物音樂投射燈吊鈴 HK$423
產品詳情:
-可愛圖案會投射在天光板上
-設有六首柔和樂曲
-玩具會發出柔和音樂令嬰兒容易入睡
-布玩具色彩柔和舒適,得意可愛
-可愛小動物隨音樂旋轉,有助寶寶視覺發展
-可以座枱或掛床
-附有遙控功能
-電池操作
from citybaby


維尼小熊有好吸引,
而且公仔可拆下獨立耍玩, 好似 multi-function 啲...
不過好多嘢吊吓吊吓好鬼煩!
TOMY 維尼熊夜燈音樂吊鈴 HK$450
- 可愛pooh & friends毛公仔,
- 公仔可拆下獨立耍玩,
- 設有多首柔和樂曲及音效。
- 備有柔和夜燈
- 音樂及夜燈可獨立或同時使用。
- 電池操作。
from bibidada

TOMY 維尼熊音樂吊鈴 HK$369
- 可愛pooh & friends毛公仔,
- 設有多首柔和樂曲及音效。
- 電池操作
from bibidada

嫌貴...
有啲平的選擇.
MUSICAL MOBILE 電動音樂吊鈴(交通工具) HK$139
- 玩具隨音樂旋轉,有助寶寶視覺發展。
- 電池操作(1xAA)
from bibidada

Blog Widget by LinkWithin