Tuesday, March 23, 2010

抑鬱

由於已經唔再接新的生意,
成日都坐係公司打吓電話上吓網,
星星話依家係罰上網,
因為明明冇嘢做又要坐係個電腦面前,
唯一可以做嘅就係上網...

好在我都算鐘意上網,
而且依家又有啲嘢要買就周圍搵吓有乜好嘢.
自己的衫又唔得住,
大肚衫唔著得幾耐, 瘦的衫又唔知幾時著得落.
瓜瓜的日用品買得七七八八,
bb 大得快, 衫仔又唔買得咁多.
屋企裝修電器又決定得咁上下,
唯有連啲細節都研究埋.
最新就睇吓調味瓶同垃圾桶!!!

好彩都真係有嘢要買,
希望可以睇到成個月啦.

一到收工啲電就用晒,
陳星星說我常常一副悶悶不樂的樣子, 瓜瓜出世的時候會唔會抑鬱架!
星: 你不如食多兩粒朱古力, 甚至乎食兩粒 fing 頭啦.
我: (大笑!!) 你竟然叫我食 fing 頭!! 哇哈哈! 購物時腎上腺素咪上升囉, 點會抑鬱!
星: 咁你快啲去買嘢啦.
我: 已經日日去睇購物網站啦.
星: 鐘意就買啦, 兩萬就兩萬, 三萬就三萬啦..
我: 哇! 咁豪氣! (買咗會唔會秋後算帳架...??)
星: 一陣瓜瓜一生出黎就抑鬱咁點攪呀!
我: (一生出黎就鐘意買嘢咪仲難攪....) 洗晒啲錢我仲抑鬱呀.

No comments:

Blog Widget by LinkWithin