Monday, March 8, 2010

從裝修看分歧

我鐘意自己睇晒資料, 然後將精華報告佢聽.
佢鐘意分享所有資料, 有事冇事都講一大餐.
結果:
我覺得浪費時間, 各自搜集得到多一點資訊.
佢覺得分享的過程可以認識多啲唔同的事物.

我覺得俾錢人地做, 咁佢就負責解決問題.
佢鐘意樣樣每事問, 樣樣都想聽, 每個細節都要了解!
結果:
問一大輪我悶到抽筋,
之後佢堅持要做討論, 但係轉頭佢就唔記得重點,
閔到我死!! 又要問自己又唔記住!!!
或者你了解咪得囉, 各人都有啲專長啦.

我淨係有興趣接近 budget 的東西.
佢鐘意睇吓啲貴嘢, 自己幻想一下.
結果:
睇啲不切實際的東西, 嘥晒啲時間, (雖然我都冇嘢做 :P)
但係我悶吖麻... 我對三行冇興趣啦...
你自己幻想得架啦,
我個人比較實際兼有自知之名,
得就得, 唔得就唔得, 唔鐘意發夢!

如果讀大學的時候同佢一組做 group presentation,
我一定 drop 咗嗰科囉!!!

No comments:

Blog Widget by LinkWithin