Thursday, March 4, 2010

醫院覆診 (4)::葡萄糖葡萄糖耐量性試驗

尋晚係第二次瞓到半夜隻腳抽筋,
上次左邊, 今次右邊.
好彩今次隔離有個人, 叫就得啦,
至少有人幫你板吓隻腳,
瞓到半夜的意志力係好難自己板直隻抽筋腳.
不過抽完筋的腳瓜係會痛到成日都唔好嘅,
要得閒再按摩吓.

晨早 8.30am 去到醫院驗「妊娠糖尿病」.
尋晚 12.00 後已經唔可以食嘢, 水都只係可以飲少少.
成個過程有 20 個孕婦,
我有偷偷比較吓人地個肚,
有啲都仲係好瘦架!
我中間啦, 唔係最肥, 都唔係最瘦.

一開始跟到場先後抽一小支血,
然後飲一杯葡萄糖水,
冇人地網上寫得咁杰咁難飲啦,
咪一杯甜甜地的暖水囉.
護士話有啲人飲完會嘔,
如果嘔咗就要再約時間再黎過!
我幾擔心呀~ 擔心過真係有病 :p
(又要早起身, 又要等兩個鐘咁鬼悶!!)
好彩都冇事!

然後就悶啦...
要等兩個鐘!
咁會播段影片資訊, 入院要帶的東東,
最厲害係有假人模擬生仔的過程... 我睇到呢個冇血版都有啲陰影 :p
個男人入咗產房血淋淋一定嚇鬼死 :p:p
好似陳星都鐘意睇恐怖片啫 :o

兩個鐘頭後再依次序抽多支血,
有問題就會今晚或者聽朝收到電話,
咁就要再返黎見營養師啦~

今日最大的得著係得到兩本免費的懷孕雜誌 :)
我鐘意上網架麻~ 呢類雜誌一本都冇買過,
可以睇吓有乜好嘢!
------------------------------------------------------------------
「妊娠糖尿病」與「葡萄糖耐量性試驗」簡介:
東元醫院婦產科主任 盧凡
■ 定義:凡是在懷孕期間發現的糖尿病稱之為「妊娠糖尿病」。
■ 發生率:1-3%
■ 發生原因:
原來即有糖尿病
妊娠本身的「促糖尿病生成性」
人類胎盤激乳素會對抗胰島素的作用。
胎盤的胰島素分解素有分解胰島素的作用。
懷孕時所分泌的大量女性賀爾蒙,黃體素與腎上腺皮質素會加強體內對胰島素的抵抗力,導致血糖上昇。
■ 一般孕婦建議於24-28週接受檢查,具下列因子者應提早檢查:
前胎糖尿病病史
家族有糖尿病病史
曾產下嬰兒體重超過4000公克
曾產下死胎或先天畸形嬰兒
反覆性流產病史
肥胖
持續性陰道念珠球菌感染
尿糖
羊水過多或預估胎兒體重過重
■ 妊娠糖尿病對母親的影響:
糖尿病酮酸血症或高血糖高滲性非酮酸性糖尿病昏迷。
妊娠糖尿病的孕婦在十年內約有50%變成糖尿病。
■ 妊娠糖尿病對嬰兒與新生兒的影響:
低血糖
巨嬰症
呼吸窘迫症候群
電解質不平衡:如低血鈣與低血鎂。
黃疸
生產傷害
胎死腹中
腦性麻痺的比率增加
痙攣發作的比率增加
■ 什麼是「葡萄糖耐量性試驗」?
這是一種「篩檢」與「診斷」妊娠性糖尿病的方法。
所謂「五十公克口服葡萄糖耐量性試驗」是屬於「篩檢」的方法,也就是在懷孕第二十四到二十八週時,口服五十公克葡萄糖,然後抽血檢測一小時後的血漿血糖值。若血漿血糖值超過140mg%,便表示陽性反應,此時應即接受「一百公克口服葡萄糖耐量性試驗」,以確定是否有妊娠糖尿病。 。約有百分之十八的孕婦會在篩檢時呈現陽性反應。
所謂「一百公克口服葡萄糖耐量性試」,就是先抽取檢測空腹血漿血糖,然後口服一百公克的葡萄糖,分別檢測服用糖水後一小時、二小時及三小時的血漿血糖值。標準判定值分別為空腹血糖低於105mg%,一小時血糖低於190mg%,二小時血糖低於165mg%,三小時血糖低於145mg%。若任兩項血漿血糖值高於標準,則表示罹患「妊娠糖尿病」。
約有百分之三的孕婦會罹患「妊娠糖尿病」,此時應開始接受飲食控制,必要時接受胰島素注射,嚴格控制血糖,以確保母體與胎兒健康,避免併發症。

Info from 婦產科諮詢服務網

2 comments:

iRis said...

同事話用個枕墊高少少對腳會好d wor

芷蔚 said...

我已經有個枕頭墊住對鞋黎瞓 :(
可能瞓瞓吓走咗位 :p

Blog Widget by LinkWithin