Friday, March 19, 2010

健康院檢查 (3)::返醫院跟進

因為私家話胎水少,
所以今次檢查比較緊張,
同事話佢之前都試過,
仲要入院添,
佢話政府對呢樣嘢都比較緊張.
如果唔駛入院,
都希望醫生寫張醫生紙俾我休息幾日啦, :P:P:P

一如以往的流程,
磅重, 驗小便, 量血壓.
今日冇糖尿.

見姑娘, 老問題問 bb 有冇郁, 腳有冇腫.
2 日重咗 0.8kg! 可能尋晚食得太多, (5 個人係泰豐廔食咗 10+個餸...)
64.8kg, 比起 3 個禮拜前重咗 2.4kg,
姑娘話 ok.
俾咗私家張醫生紙姑娘,
佢話俾醫生睇吓點做.

到聽心跳就俾醫生做啦,
佢話 bb 心跳好好,
又用尺度個肚,
係打直由個心口度落去, 唔係度圓週,
又話好正常.

關於胎水少, 醫師話其實唔駛驚,
因為胎水補充得好快, 可能上次咁啱少啲.
咁就再約下個星期五返東區再照超聲波,
我地有啲擔心問呢個禮拜點算?
醫生話: 冇嘢可以做, 唔通 30 週就開刀攞個 bb 出黎咩? 去到醫院都係照多次, 咪觀察住囉.
我問駛唔駛多啲休息, 仍又話唔駛.
(即時覺得醫生好唔 friendly...)

冇醫生紙俾我休息啦 :(:(:(
又睇吓下個禮拜點囉.

No comments:

Blog Widget by LinkWithin