Tuesday, February 9, 2010

澳門::Zaia


一入場已經同你講唔可以開電話, 唔可以攝影, 錄影,
所以表演都記係心中.

好難避免唔同長隆比較,
一個中式人山人海, 極其熱鬧,
一個國際化, 浪漫超現實的夢幻感覺.
各有各好, 兩種不同的氣氛.
不過 Zaia 讓人回味一點,
馬戲團就是要令人有如置身仙境的幻象當中啦.

早咗十分鐘入場,
演員已經出黎同觀眾互動.
最愛改良版空中飛人同男女二人軟骨功.
空中飛人個機關好得意,
慢版軟骨功好靚, 女的腰力, 男的臂力, 好厲害!
外國的馬戲最大的不同是是安全意識好高,
所以成日見到 '威吔'!
現場樂隊加唔知唱乜的洋文溫柔女聲,
不過超黑的環境加上高音 '啦~~~啦~~~啦~~~' 有時實在好眼瞓.

表演只有半滿,
我坐的位置係中間偏側,
場地唔太大, 呢個都係一個好位.
5:00pm 的場次,
$188 真的抵到爛!
如果真的四月就要離開澳門, 真可惜.

另外推介佢個甜爆谷 HK$40, 好貴架, 正常份量咋,
係白色, 唔似香港的黃色,
不過好香甜架啦.

No comments:

Blog Widget by LinkWithin