Saturday, February 6, 2010

Week 23::個肚真係開始大啦


肚皮的紅色開始慢慢退去,
不過還是很乾, 勁脫皮,
因為皮薄了補濕較差,
唯有勤一點擦吓個肚皮啦.
但係同時又發現大脾外側又開始有橫紋啦..
真係一疤未平, 一疤又起...

第一批有咗之後買的長衫開始退役啦,
個肚早兩日訂衫的時候度一度有 37",
仲大過陳星嗰個!

開始懷念條腰,
陳星仲問我要條腰黎做乜嘢?
我話你條腰唔見咗幾廿年, 你唔會明架啦.

個肚係咪明顯同件衫都好大關係,
有啲衫望落去真係大肚樣,
如果係肚腩樣搭地鐵就冇人讓座囉.

行斜路行樓梯的時候開始有點呼吸困難,
要慢慢行,
如果唔係之後就要回氣, 仲要回好耐 :p

雖然成日都周圍行,
但係隻腳都係開始有啲腫.

Babyplus 聽到第四階段, 主要係兩個聲的組合,
第一階段: AAAB, AAAB
第二階段: AAB, AAB
第三階段: AB, AB, AB
第四階段: AABB, AABB
我真心的覺得好嘈 :P
不過我覺得瓜瓜好似幾鐘意,
有聲的時候佢都好活躍吓.

有咗一定要繼續做 facial 啦,
特別如果係個仔,
啲荷爾蒙唔同,
塊面真係油脂多咗,
針清好需要啦.
生咗都要繼續,
塊面都咗腫啦!
我唔要似師奶~

厭倦咗黑色.
唔想再買黑色的衫,
見到都厭...

人多的時候隻手係會不期然的放係肚皮上面,
因為仲未適應突然吹脹咗的距離感同平衡感,
如果冇咗隻手, 好容易就會撞到啦.
----------------------------------------
母親的懷孕過程 copy from Yahoo Blog
第23至24週
胎兒能聽見聲音了! 你胎兒的進展:它具有敏銳的聽覺胎兒重約570克(1.25磅)及身長有33厘米(13吋)。此時的胎兒十分像它出生時的樣子,準是一個微型寶寶。如果在這時候出世,它具有生存的能力,但需要十分小心的照顧。它的眼簾不再是緊閉著,但卻有一層黏膜包裹著它的瞳孔。它的活動能力越來越強。有時它會咽下羊水,並且會打呃。

有時也會被外間一些尖銳的聲音或噪音所鼓動著而有所反應,例如吸塵機所發出的聲音或震憾的音響等等。 你身體上的變化:繼續作定期覆診雖然你會覺得每次覆診只是重複著一樣的程序,沒什麼特別,但請不要看輕它的重要性。不要錯過任何一次覆診機會向你的醫生報告大大小小你認為不妥的地方。那麼醫生便會根據你每次的報告,留意你發展的情況而判斷你是否有嚴重的問題。

到了妊娠的後期﹐醫生通常會注意你是否會出現以下兩個問題︰妊娠糖尿病與耐糖能力不足 你每次覆診也要進行尿液檢驗,主要是測試你的血糖水平。大約在24至28 週左右,醫生會提議你進行一項葡萄糖耐量測試(glucose–tolerance test)。

如果測試結果顯示你的血糖水平持續過高的話,那麼你可能患有糖尿病,又可能只是妊娠糖尿病(即只在妊娠期內有糖尿病,分娩後便會消失)﹐這情況大概會發生在2%的產婦身上。

子癇症或妊娠毒血症子癇症或妊娠毒血症(PET),妊娠血壓高(PIH/HDP)通常只在第三個階段出現。 大約會有百分之五至十的孕婦會患上此種病症,但病症的起源仍然不明。 如果你尿液中檢出有過高的蛋白質,那就是患上這些病症的其中一個病徵。

其他早期的徵狀包括高血壓,雙手、腳踝或雙腳等位置脹大,面部腫脹,或體重突然增加等。 後期的徵狀包括頭痛,視力有障礙,例如眼前常有閃光,或有嚴重的肚痛等。 如果沒有好好處理或治療的話,子癇症會引致胎兒過早分娩,媽媽全身腫脹,嚴重的可能會出現痙攣甚至昏迷。

最好的治療方法就是嚴謹的監察病情,臥床休養,需注射鎮靜劑及入院治理。 一般情況下,媽媽能在生產後六個星期左右回復健康。

No comments:

Blog Widget by LinkWithin