Wednesday, February 17, 2010

不吐不快

最後通碟後, 陳生說即晚會過來.
不過我唔開心, 因為唔覺得呢啲係關心.
(要求真多!)

他說我想應該講, 唔講佢唔知.
照顧有 bb 的老婆, 要講架咩??
其實我亦唔係第一次講,
不過神女有心, 襄王無夢.
我就記得你的反應啦,
一時話張床唔夠大, 一時話要訂做西裝,
更多時係無反應.

點解?
因為陳生由頭到尾都唸住過咗復活節至黎!!
我說不如到我生仔嗰日你至黎啦!!
依家係咪要仔唔要乸先??

知唔知乜嘢叫大肚婆呀???
唉... 佢都係唔明架啦.
我死的時候搵個人打俾佢叫佢黎鞠個躬啦.

4 comments:

瑤姑 said...

最近先睇你個blog,你真係好勁,畀著我老公係咁,我真係剷佢上天花板。
點都好,記得時時刻刻要擺定個電話o係床頭,廁所,總之個電話時時跟身,沖涼都係咁話。
take care呀~

芷蔚 said...

瑤姑, 恭喜發財! 祝你事事如意, 身體健康!
多謝關心 :D
咁大個人, 成日剷佢就冇謂, 如果唔係依家真係真啲論盡, 屋企人又去咗旅行, 都仲可以忍多陣唔開佢波嘅.

BABY said...

真係辛苦了.........幫你駡醒佢!!!

芷蔚 said...

cath, 我唸佢見我太精靈所以冇唸住照顧我啩 :p

Blog Widget by LinkWithin