Wednesday, February 10, 2010

澳門::十六浦索菲特酒店

到咗澳門先到酒店,
一路都冇留意地點,
只係知幾分鐘到手信街, 但係度度都有手信街喎.... 即係邊條?
原來係以前賊船的附近, 到我至愛的奶品店, 步行都唔駛 5 分鐘, 好方便.

到達先 check-in,
有四條人龍, 唔知排乜嘢, 冇指示.
咁排中間嗰條,
排到我的時候個小姐話佢做 check-out 唔做 check-in,
叫我去第一條再排過,
但係轉咗隊之後佢嗰條轉咗第二個人就做 check-in 囉, 激死我!!

我地訂咗兩間房,
佢話俾兩間係隔離的房間我地,
所以就其中一間會升級做 luxury (一般係 superior), 會有河景.
結果發現兩間房差唔多大, 河景又差唔多囉,
superior 仲多張貴妃椅添!

外觀有少少懷舊 feel 啦.

間房都幾算大, (呢間係 Luxury.)
不過要好似威尼斯人咁又房又廳住十個八個就冇可能囉,
正常二人房.
十四樓的房都算高層,
最高十八樓, 上面係商務樓層同酒樓.



mini-bar, 有 twiling 茶包.

洗手間都幾大架,
浴缸企缸都有, 浴缸邊有電視機.
浴室用品仲要係貴嘢 L'Occitane, 絕不欺場.


另一間 superior 房反而有金魚缸浴室.

窗外景.
乜嘢叫升級咗河景房?
我個窗望住右面嗰隻咪阿爸阿媽間房個窗囉!
個景咪一樣! 我個窗大少少同大玻璃囉.

官網: 十六浦索菲特酒店

2 comments:

LC said...

你好.雖然不認識你, 不過我也是在農曆新年那幾天到了澳門一遊, 住的是十六浦酒店,初時以為十六浦不行, 後來發現自己幸好是選了這一間, 如果選了威尼斯, 就一定後悔到死.

回香港之前去了一趟威尼斯逛, 感覺極差, 非常慶幸自己沒有選擇住威尼斯. 威尼斯給我的感覺是, 好像讓我去了廣州火車站, 到處是大陸人, 嗓門極大, 男女老幼都在大呼小叫, 隨處抽煙, 與四周的環境極不搭配. 本來肚子餓了想到美食廣場吃一點東西, 但是一看到萬頭鑽動的境象, 而且許多人只是佔位不是在吃, 我覺得實在太難為自己了, 所以本來我是搭八時半船回香港的, 也提早離開威尼斯搭七時的船走了.

還有, 澳門的食店這幾天都另外收附加費, 感覺是被坑的一樣!!!!

芷蔚 said...

LC, 你好~
威尼斯人我覺得適合一班人去, 房間夠大, 大夥兒嘻嘻哈哈有個客廳玩得開心啲.
十六浦其實比想像中好, 較新較靜, 地點適中, 價錢相對便宜, 行去大三巴都 OK, 早餐食物也不錯.
去旅行都係求開心啫 :D

Blog Widget by LinkWithin