Sunday, February 28, 2010

大肚相::Asgard Studio

去了會展的 bb 展,
零收穫,
今次的內容係教育用品比較多,
瓜瓜都未出世, 教育類唔啱佢.
結果只係俾咗錢影大肚相.

之前星星問我係咪放棄咗唔影大肚照, 因為我好耐都冇重提.
我話當然唔係, 只不過想頭髮留番長啲, 個肚再大啲先至影.
依家唔夠肥, 個肚唔夠大.

原本預想了的那一間,
星星打去問佢應該幾時影,
佢答你下個禮拜上黎影都得!
當時只不過係四個月左右, 影乜呢?
好似好得閒咁.

今次係展覽會嘅 Asgard Studio,
見佢影得都唔錯,
價錢又平,
就落咗訂啦.
$680 -
18 張 4R相連檔案
5R x2 或 8R x1
自備 4 個造型, 包一個化妝 set 頭
我要著比堅尼影相 :D
影一個半鐘左右.

星星話要遲啲至影,
因為佢依家個肚仲大過我個瓜瓜肚!
小姐話通常七, 八個月左右影,
我地預計四月尾左右去啦.

Asgard Studio
Room A, 1/F, Kimbry Court, Tsim Sha Tsui, Kowloon
影相地點係荔枝角.
Tel 2391-0182

吉之島 bb 展

去了康怡吉之島.
地方是比 Apita 的 bb 展大一點,
不過大部份都是消耗品,
bb 大多啲就啱,
例如尿片, 奶粉, 棉花, 洗衣液等等.
combi, pigeon 都只是 10% off,
其他的物品我都唔知價, 又未需要,
都冇留意.

唯一應該會買的係 Casablanca 的 bb 床上套裝,
HK$429, (網上最平見到 HK$460) 有十二件東東, 包括:
厚薄被芯及被袋 35 x 48"
枕頭及枕袋 11 x 16"
攬枕及攬枕套 11 x 16"
床笠 28 x 52"
床圍 (床頭) 18 x 20"
床圍 (欄杆) 兩件 10 x 38"

呢套係佢鐘意的 Classic Pooh.

我就鐘意 Sponge Bob, 個樣幾抵死!!

不過呢個款式比較燙膠,
都係買 Classic Pooh 架啦.

最後同媽媽一齊買,
都係覺得陳星鐘意嗰個比較沉色.
買咗呢個湖水綠 Classic Pooh,
加一套粉黃色 Sponge Bob 的床單加枕袋 (HK$103).
買套裝送 i-pillow 壓縮枕頭 19x29" 一個, 可以一歲左右用.


官網資料

Saturday, February 27, 2010

香港護士協會

上網見人地話 bb 用品係香港護士協會係最平,
當然要去格一格啦.
結果係, 大部份都平, 仲要平好多吓,
不過店面細, 唔係個個牌子都有.
好彩就係我目標的 chuchu 就有啦,
仲有好多濕濕星的東東囉,
將會大出血架啦~
不過combi 那個揹帶, 這裡只有 88 折, 其他網上店舖有 85 折啦.
係咁意寫幾樣要先要買的東東.

ChuChu 玻璃奶瓶8oz 附母乳奶咀 HK$100
購買原因: 鐘意佢個母乳奶咀.

• 奶瓶傾側,奶亦不會漏出
• 適合家中使用的耐熱玻璃製奶瓶
• 不易刮花,容易清洗
• 清潔感之高透明度
• 可煮沸、藥液消毒及微波爐消毒
• 附母乳育兒矽膠奶嘴

而孕婦需要的 佩儷準媽媽必備迷你套裝 HK$125.
購買原因: 入院走佬袋必備.

套裝包括:
1. 孕婦黏貼衛生巾 2 包 (共24片)
2. 高級網褲 4 條
3. 高級床墊 4 片
4. 護康瓶沖洗器 1 個

佩儷全扣式束腹帶 HK$190
購買原因: 產後促進子宮收縮, 收腹, 雙層設計容易調整.

- 具防蟎抗菌效果,用得更安心
- 備有2種Size, 以供選擇
- 束腹之鬆緊可任意調整。
- 雙層設計,加強腰部曲線雕琢,
- 促進子宮收縮。
- 給剛生產完的腹部良好的支撑
註:尺碼以產前腰圍計算--22-33吋(S/M), 33-42吋(L/XL)

香港護士協會
地址: 九龍佐敦白加士街25-27號慶雲商業大廈 - 親子天地(二樓)

裝修清單

每一日都要做很多資料搜集,
因為要全屋翻新,
十萬樣嘢要揀.
傢俬電器瓷磚潔具,
頭都大埋,
成日去駱克道囉!
好彩我地都鐘意搵資料, 比較內容同埋格價.

初步清單如下:
廚房:
電器部:
煮食爐
洗衣機
乾衣機
抽油煙機
抽氣扇
熱水爐
淨水器
飯煲
(好彩屋企有個雪櫃, 揀少一樣咁大把...)
裝修部:
水龍頭
鋅盤
煮食枱面
廚櫃門
牆磚
地磚
(好彩都有啲廚具... 但係都仲有好多濕碎嘢要買...)

洗手間:
電器部:
熱水爐
抽氣扇
暖燈
裝修部:
坐廁
水龍頭 / 花灑
洗水盤
洗水盤枱面
掛勾
櫃門
牆磚
地磚

廳:
電器部:
冷氣機

燈制面板
(好彩有吸塵機 / 抽濕機...)
裝修部:
地板
大門
梳化
電視櫃 (好彩有大電視...)
鞋櫃
飯枱 / 櫈
鋁窗
窗台石
窗簾

主人房:
電器部:
冷氣機

裝修部:
牆身油漆
衣櫃
鋁窗
窗簾
(好彩有張大床...仲有床鋪...)

瓜瓜房:
電器部:
冷氣機

裝修部:
牆身油漆
衣櫃
鋁窗
窗簾

睇到都頭痛!
雖然過多幾個月至裝修,
我地都決定咗唔少嘢.
好彩陳生本身鐘意三行工作,
佢負責裝修多過我,
(成日都叫佢轉行, 去到人地啲物料舖頭問長問短好鬼煩.)
我得閒跟進吓同睇 bb 物品就得啦.

Friday, February 26, 2010

健康院檢查 (2)

健康院檢查真係極頹又無聊...
用咗 1 個鐘,
50 分鐘係等待的時間.
最好係一入門口就俾個口罩你唔洗俾錢買.

1. 磅重驗小便.
依家 62.4kg, 咁大個女都未試過咁重...
比起 3 個幾禮拜前多咗 1.9 kg,
27W 已經重咗 20 磅...
仲有漫漫長路...
姑娘話正常, ok.

2. 等叫名, 量血壓.
健康院的姑娘都比較溫柔,
- 問 bb 有冇郁?
都唔明點解要問? 唔郁死咗架啦喎?
成日唔郁又或是狂郁都一早睇咗醫生啦!
- 腳有冇腫?
咁都未算腫.
- 有冇特別事?
冇.
- 要唔要到診紙?
要囉, 醫生簽名架麻.
就係四個問題...
又打發我出去等.

3. 等叫名, 聽 bb 心跳.
佢聽, 望吓個錶,
約埋下次時間.

走得....
以後會檢查得愈黎愈密,
悶死人咩!
今次都叫陳生唔駛陪,
佢唔黎都得, 都冇特別,
係可以係個大堂睇吓啲 bb 常識 VCD 囉,
好鬼教育電視.

下一站,幸福

新年預告裡面的項目完成了大部份.
'Twenties Girls' -- Shopaholics series 好睇好多.. 呢部淨係得後面的 50 頁比較好一點.
'人生拍賣會(2)--褫魂奪愛' -- 呃錢.. 點解要分開兩部書?? 又係一般般囉.
'Angels and Demons' -- 繼續中, 不過真係睇得好慢...
'海派甜心' -- 很好, 個人比較鐘意呢類開心輕鬆攪笑懶浪漫的台劇.
'Material Girl' -- 睇開的網站搵唔到第二集! 慢慢黎囉, 橫掂仲播緊.

然後就嘗試開吓下一站,幸福.

睇咗半個鐘, 吸引唔到我 :p
首主題目聽到都知會催淚就冇心機.
最怕喊苦喊忽!
吳健豪成日做富家子, 未見特別,
安以軒眼睛很大但係空洞, 個人唔係咁喜好呢類有啲似趙薇的大眼公仔娘娘地的樣.
可能因為未出小小彬,
會試吓睇多少少睇吓會唔會令我有所期待啦.
(雖然睇完劇情預告都唔覺得好睇 :p)

Thursday, February 25, 2010

中醫覆診 (8)

因為有少少作感冒的病徵,
所以又去探一探中醫,
個 package 包埋架麻,
冇理由唔去架?
而且都真係頭重重, 喉嚨痛, 占寒占凍.

咁醫師就俾咗兩日的苦茶,
真係苦過 dee dee!

不過飲咗兩日都未清,
再見佢又俾多三日...
佢話咁個病就清啦喎.
隔兩日就可以煲番原本的湯.

醫師成日話要瞓多啲,
瞓得著至得架?
十一點瞓到七點都唔夠呀?
瞓唔得咁多喎.

另外中醫的助手小姐話覺得我仍然輕盈,
我話個肚好實淨,
佢話可能淨係個仔重.
小姐的經驗係產後一年後就可以著番以前的褲,
我得唔得呢??

BB 床::0/3 Baby Sabrina

雖然有朋友話有張全新的 bb 床俾瓜瓜,
但係佢嗰張係白色焗漆,
總覺得焗漆冇原木色咁好 :p
要瞓幾年架麻~
所以都係決定維持原判.
(但係都決定貪心要咗佢擺媽媽度.)

一早就決定係 Minimoto 同 0/3 Baby 兩個牌子中二選一,
之後比較喜歡 0/3 Baby 的床褥天然椰棕彈簧層, 而 Minimoto 係太空棉,
而且 0/3 Baby 的款式比較優雅, 木質(好似)比較靚,
就決定買 0/3 Baby Sabrina 啦 (原價 HK$2190, 購入價 HK$1664.4@Apita).

(其實我鐘意 Clara 多啲 :p 大張啲. 用耐啲.)

Apita Baby Fair 有 20% off.
-------------------------------------------
如何選擇合適的嬰兒床?在嬰兒用品清單內,你會發現挑選嬰兒床是最富挑戰性的。其實嬰兒床除了供睡覺之外,亦可訓練0-4歲兒童獨立睡眠的習慣。因此如何買一張安全,合適呎吋,床褥舒適的嬰兒床十分重要。

價錢篇:
經濟型($1,200以下):
價錢平因為生產商採用較平的材料(如:橡膠木)及簡單之設計,或不是全張使用實木製造,改用高壓板,將木料加上焗漆,去遮蓋較不美觀之木紋和木眼,而床身之重量會比中高價床身輕。床頭,床閘厚度比較薄。

實惠型($1,200-$3,000):
木材堅固和耐用,而越重木材是越貴的,當中有不同木材製造,例如:楓木(Oak)、櫸木(Beech)等均是高價木材。床頭,床閘厚度比較厚。美觀木紋和木眼之材料通常做原木色或淺木色的嬰兒床。設有上落閘,防咬膠邊

貴價型($3,000以上):
多數由歐洲進口,款式手工會多花巧,例如:圖案、雕花。上落閘開關採用單手調較,有櫃桶,可變作童床等等。可變童床款式大部份都採用不設上落閘設計,反而從床整體高度遷就父母彎腰抱起嬰兒之要求。

安全篇:
根據現時香港兒童產品安全條例,本港出售之嬰兒床必須符合以下其中一種嬰兒床安全標準。購買時可詢問店員,嬰兒床是依照那種安全標準製造,一般安全標準資料可在嬰兒床底板上找到。基本上英國,歐洲及國際標準內的要求是一樣及比較嚴格,相對美國標準要求有所不同。

英國,歐洲及國際標準對嬰兒床之要求,購買時可根據以下標準來檢查。
a 在未放床褥前,床低板安裝在最低位置時,底板與床欄邊距離不少於60cm
b 在未放床褥前,床低板安裝在最高位置時,底板與床欄邊距離不少於30cm
c 放床褥後,床低板安裝在最高位置時,床褥面與床欄邊距離不少於50cm
d 放床褥後,床低板安裝在最高位置時,床褥面與床欄邊距離不少於20cm
e 床柱之間距離少於6cm

選購篇:
購買或使用二手嬰兒床是否安全?
避免購買及使用二手嬰兒床,因舊嬰兒床未必符合現時之安全規格。二手嬰兒床很多時已遺失安裝零件及說明書,安裝起來,很不方便。因嬰兒床經不同兒童使用,家長未必看到一些隱藏之危機,例如: 床底板經常被孩童在上面彈跳,很難檢查結構及承托力是否安全繼續使用。

嬰兒床能否進出廳與房是考慮因素嗎?
很多時家長選擇時會先考慮床的呎吋是否可以進出房門,方便將嬰兒床放在客廳使用。其實應讓嬰兒在晚間使用嬰兒床,白天時可放在或可睡在搖椅、嬰兒車或遊戲欄內。使嬰兒能學習分別日間和夜晚。

什麼尺寸之嬰兒床才可適用至 3,4 歲?
雖然香港住宅地方很難放置大尺寸之嬰兒床,但為了幼兒可以由初生用至3、4歲,而不需更換嬰兒床,床之內圍度最少有60cm,少於此度之嬰兒床,嬰兒睡至6個月開始懂轉身歲便覺太窄不願繼續使用。此亦解釋為何有些父母投訢嬰兒床用不上1年便不用的問題。長度最理想有100cm或以上。正如成人單人床標準是100cm x 200cm,如床過短或太窄,我們都覺不舒適。

如何分別質素好的嬰兒床?
檢查上落閘,在店內嘗試調節上落閘,確保上落暢順及寧靜。安全標準規定上落閘必先用手提升才可將上落閘開關制開啟。有些單手控制上落閘款式多數是先將閘提起,然後再用腳由外壓向床閘底部將床閘降低。
檢查結構及手工,最簡單的方法是在店舖搖搖整張床,看看是否穩固。檢查底板安裝用的零件是否用鏍絲修緊。有些是用懸掛式床底板,但比較起來使用鏍絲安裝的床板會比較穩固。

使用上小小心得: 如何讓嬰兒訓練獨立睡嬰兒床、用得時間最長?
兒科醫生經常提醒家長 , 要注意嬰兒睡覺時的安全事項,包括勿與家人同床 睡覺,以免成年人肢體意外壓著嬰兒。免將嬰兒放在大人床與父母同睡,此方法一方面容易引起意外,另方面會使嬰兒不喜歡自己睡嬰兒床,習慣要求父母或褓姆陪伴才可睡覺。
如希望可放在自已睡房,方便照顧嬰兒。 但地方不夠,可考慮在初生至3個月時使用搖床,摺床或平躺式嬰兒車放在自己房間,3個月之後可以嘗試將嬰兒放回嬰兒房間之嬰兒床,讓嬰兒訓練自已睡嬰兒床,初生嬰兒很快養成習慣,不須成人陪伴。這樣就可以讓嬰兒床使用3至4年時間了。

Info from 0/3 Baby

Wednesday, February 24, 2010

吻所有女孩

亦舒在 '吻所有女孩' 中說
“大文,我们需要你公平客观的意见。”
她们手中捧着厚厚的婚纱样板书。大文大吃一惊,连忙摆手“我不懂这些。”
但是伊们坚持,“大文你只需说好看或难看即行,我们相信你眼光。”
“谁要结婚?”
“咏红及可琪,一先一后,五月及九月。”
她们掀开图片,用手指给大文看,大文具实回答:“丑,丑,最丑,俗,很俗,恶俗,太夸张,象一座银幕。”
大家讶异,“什么,大文,你一袭都不喜欢?”
大文批评:“大部分都光着膀子,有些似衬裙,睡袍,都结婚了,还那么暴露。”
大家笑得打跌,“大文,再给些意见。”
“为什么在礼服上花费?”
众女生“呜”地一声,“大文不明白。”
大文说:“婚礼不是婚姻,结了婚新生活才刚刚开始。”
有人轻轻说:“大文,女孩子一生只有一次。”她声音有点凄婉,“在家,父母是小职员,兄弟姐妹众多,什么都需忍让,在外,成绩普通,找到一份平凡工作已算大幸,婚礼是一生唯一做主角的一天,希望风光一些。”
大文不再出声。
过一会他说:“这件不错。”读出说明:“香蒂宜花边与山东丝礼服,售价五千美元。”
“不贵不贵,一点都不贵,准新娘请即刻电邮询问。”
大文不想扫她们的兴,其实,照统计,在北美,每三对夫妇,有一对离婚,当然,她们都属于那白头偕老的两对。

日日也是新生活,
新的同屋主,
新的習慣,
新的家人,
新的組合.
很多事情要適應.

到現在還是好端端的,
也是種福氣吧.
(還是他太好脾氣?)
(願主祝福你, 哇哈哈~~~)

揹帶::Combi Magical Compact

他說在瓜瓜九個月內的時候,
出街還是會抱著他的, 還不用 bb 車.
所以買咗一個比較多用途的揹帶.
是上堂時姑娘介紹的,
可以橫抱, 前向直抱, 面對面直抱, 後揹, 四個方式, 見.

很奇怪, Combi 自家網頁還沒有更新,
官網這個是舊款式 HK$790,
我想買的是新版 HK$890 (購入價 HK$718.7@Apita), 顏色又靚啲,
多增加了可拆洗的頭部支撐布套(橫紋處),
頭部透氣孔設計(橫抱時),
寬幅的V型肩帶設計.


Combi 的款式比較多細心多用途兼款式新穎,
很多網舖都有 15% off.
今次 Apita Baby Fair 都唔例外,
1 號用 Apita 多 5% off.

Tuesday, February 23, 2010

Copy::寶寶會繼承父母哪些外貌

新生寶寶降臨,少不了親朋好友的祝賀,也少不了對寶寶長得像父親或者像母親等進行一番點評。從遺傳學的角度來講,父母會把自己的哪些“優點”傳給自己的孩子呢?

一、絕對遺傳
膚色︰讓人別無選擇。它總是遵循父母“中和”色的自然法則。比如,父母皮膚較黑,絕不會有白嫩肌膚的子女;若一方白、一方黑,那麼,在胚胎時“平均”後大部分會給子女一個不白不黑的“中性”膚色,但也有更偏向一方的情況發生。
--> 咁一定係中國黃種人啦.

下顎︰是不容“商量”的顯性遺傳,“像”得讓你無可奈何.比如即使父母任何一方有突出的大下巴,子女們常毫無例外地長著酷似的下巴,“像”得有些離奇。
--> 好彩... 大家都有個尖下巴, 佢肥得黎個下巴都仲係尖.

雙眼皮︰也屬“絕對”性遺傳。 有趣的是,父親的雙眼皮,大多數會留給子女們,有些兒童出生時是單眼皮,到長大後又“補”上像他父親那樣的雙眼皮。另外,大眼楮、大耳垂、高鼻梁、長睫毛,都是五官遺傳時從父母那里最能得到的特征性遺傳。
--> 父親的雙眼皮,大多數會留給子女們 --> ok 呀, 我唔鐘意我對大細超 :p

二、有半數以上概率
身高︰只有30%的主動權握在你的手里,因為決定身高的因素35%來自父親,35%來自母親。假若父母雙方個頭不高,那只剩30%的後天身高因素,也決定了你力求長個的嘗試不會有明顯效果。
--> 唔使咁高啦, 咁高用黎 '浪' 衫呀?

肥胖︰會使子女們有53%的機會成為大胖子,如果父母有一方肥胖,孩子肥胖的概率便下降到40%。這說明,胖與不胖,大約有一半可以由人為因素決定,因此,父母完全可以通過合理飲食、充分運動使子女體態勻稱。
--> 呢個最擔心. 都係做多啲運動啦.

禿頭︰造物主似乎偏袒女性,讓禿頭只傳給男子。比如,父親是禿頭,遺傳給兒子的概率則有50%,就連母親的父親,也會將自己禿頭的25%的概率留給外孫們。這種傳男不傳女的性別遺傳傾向,讓男士們無可奈何。
--> 問題唔大, 星星好多頭髮. 我老豆後生的時候都好多頭髮架.

青春痘︰這個讓少男少女耿耿于懷的容顏癥,居然也與遺傳有關。因為父母雙方若患過青春痘,子女們的患病率將比無家庭史者高出20倍。
--> 我皮膚 ok 架, 星星都 ok.

Info from JJ

Monday, February 22, 2010

Copy::美權威:臍帶血非救命靈丹

公說公有理,
我都唔知臍帶血有冇用,
不過, 我準備係東區醫院生,
佢地冇提供幫忙收集臍帶血的服務,
所以放棄咗啦.
-------------------------------------------------
美權威:臍帶血非救命靈丹

【綜合外電報道】臍帶血幹細胞療法概念出現後,被宣傳成能治療多種惡疾,不少父母為求替子女買個健康保險,毫不吝嗇金錢為初生嬰孩儲存臍帶血。但美國一名權威幹細胞科學家質疑臍帶血的功效被誇大,更忠告為人父母者勿將臍帶血當作子女救命靈丹,以免浪費金錢。
法新社報道,美國加州史丹福大學幹細胞生物學和再生醫學研究所主管韋斯曼*(Irving Weissman)前日表示,臍帶含有的造血幹細胞數量,只夠為一個年幼兒童維持造血能力,它們也可衍生出間質細胞(Mesenchymal cells),這種玻璃纖維狀的細胞只有十分有限的能力製造傷疤、骨骼及脂肪組織,並非如一些人所言能製造大腦、血液、心臟細胞及骨骼肌(skeletal muscle)。

韋斯曼批評,美國有些診所開辦臍帶血庫業務,每次收取高達三十九萬至一百一十七萬港元,但往往無作用。

港設六間臍帶血庫
香港大學血液及腫瘤科講座教授梁憲孫指出,臍帶血只能應用於治療血癌或其他血科遺傳病,而且幾乎全部個案均是移植其他人的臍帶血,現時技術未能利用臍帶血幹細胞製造腦部或心臟。

臍帶血庫業界指,臍帶血含豐富且並未完全分化的幹細胞,有助治療血液疾病、癌症及多種慢性疾病,且排斥性低。現時本港有六間臍帶血庫,五間為私營,一間由紅十字會營運。

* 韋斯曼—幹細胞研究先驅韋斯曼被譽為幹細胞研究先驅,是第一名在動物及人類身上識別出幹細胞的科學家,並率先在老鼠身上抽取出造血幹細胞。他其後又識別出人類的造血幹細胞,為研究及治療多種癌症帶來新方向。他帶領研究員研究出一套程序,將人體組織移植至免疫系統被削弱的老鼠身上,助科學界研究移植至生物身上的人體幹細胞及組織,藉此深入研究白血病等多種疾病,尋找治療方法。

太陽報 2010/2/22

Apita Baby Fair

見到 Apita Baby Fair,
直到 3 月 2 號,
折扣都唔錯.
今晚至少要買床, 揹帶, 一些用品.
(咁耐以黎都係買咗少少衣物咋.)

這是從其他網頁抄下來的, (忘記了出處...)
好多嘢買囉,
一個小朋友要買好多嘢...

**新增:: 3 月1 號用 Apita 大新咭有再 95 折.

1 寶寶的衣物用品
包巾 2~3 條
全棉短身和尚袍 5~6 件
全棉長身和尚袍 3~4 件
兩用連身衣 3~4 件
口水肩 / 圍兜 6~8 條
外出服 3~4 套
帽子 1~2 頂
腳套 / 襪子 2~4 雙
手套 3~4 雙

2 寶寶的哺乳用品
大奶瓶 6 支
小奶瓶 3 支
奶瓶奶嘴 6 個 (三個月更換一次。)
奶瓶消毒煲 1 個
奶瓶奶嘴刷 1 副
奶瓶夾 1 個
奶粉攜帶盒 1 個
溫奶器 1 個
安撫奶嘴連鍊 1~2 個 (三個月更換一次, 避免奶嘴掉落。)
餵奶枕 1 個
奶瓶清潔液 1 支(可入口, 及用於餐具和玩具等)

3 寶寶的母乳用品
全棉母乳用胸圍 數個
即棄乳墊 1 盒
吸奶器 1 個
37g 羊脂膏 1 支
儲奶袋 / 樽

4 寶寶的家居用品
睡袋 1 個
嬰兒床 1 張
嬰兒床圍 1 套
床笠 2 件
床墊 1 個
涼席 1 個
蚊帳 1 個
防濕尿墊 (媽咪臨盆前3個月也需要) 最 少 2 張
嬰兒側睡枕
床頭音樂鈴連燈 1 個

5 寶寶的外出用品
手推車 1 台
手推車用安全夾風扇 1 個
手推車用雨蓬 1 個
手推車用蚊帳 1 個
手推車用竹碳席
多功能揹帶 1 個
汽車安全座椅 1 張
多功能媽媽袋 1~2 個

6 寶寶的清潔保養用品
浴盆 1 個
水溫計 1 個
防滑墊 1 個
浴盆用浴網 1 個
日本全棉紗布澡巾 6 條
日本抗菌全棉紗布手帕 6 條
嬰兒洗髮及沐浴乳 1 瓶
嬰兒爽身粉液 1 罐
嬰兒潤膚乳 1 瓶
嬰兒指甲剪 / 鋤 1 套
大浴巾 1~2 條
小毛巾 6~8 條
嬰兒用洗衣液 / 粉 1 支 / 盒

7 寶寶的其它用品
體温計 1 支
耳温槍 1 支
冷熱敷袋 1 個
降熱貼 1 盒
防晒液 1 支
防蚊露 / 膏 1 支
嬰兒棉花棒 1~2 盒
凡士林 1 盒

Sunday, February 21, 2010

西班牙蛋餅+烚白菜仔


早兩日的晚飯:
白菜仔 HK$14.8
無核青提 HK$15.2
奧運牌煙肉 HK$27.9
洋蔥一個 HK$4
薯仔一個 HK$4.9
TOTAL: HK$66.8
仲有屋企四隻蛋, 米, 薑.
一啲都唔便宜.

西班牙蛋餅 -- 食譜

基本上係可以煙肉炒蛋, 洋蔥炒蛋或者薯仔炒蛋,
又或者煙肉炒薯仔, 煙肉炒洋蔥,
依家將佢地煎埋一碟! 所以好豐富.
煎的時候係蛋餅,
不過太大餅上唔到碟,
結果都好似炒蛋咁.
佢話呢隻煙肉唔得唔夠香. (好彩佢揀架啫.)

烚白菜仔

仲簡單, 水滾放落去就得,
驚白菜仔寒涼, 放咗三片薑~

飯後仲有爽口清甜的無核青提, 超滿足!

Saturday, February 20, 2010

派利是

很快就到了初七,
但其實我的利是只係派到初三,
都唔知應該派俾邊個?

堂小弟小妹啦, 十兄弟啦, 幾個未結婚的朋友仔啦,
同埋屋企樓下嗰幾個成日見的管理員囉.

都廢事攞利是出街啦.

爛屋

我想呢個世界好少好似我地買一間自住樓買得咁求其.
當日實在只係睇咗三分鐘一出一入,
完全沒有留過一下心.
不過或者係咁, 傻人有傻福啦. (希望 :p)

當時的感覺係:
嘩! 間屋咁殘, 住十年都冇裝修架?
啲傢俬放到九唔搭八, 點睇呀?
高層都還算開揚.

今日驗樓,
發覺間屋更殘!
十年前上手業主搬入去之前有冇裝修架?
廚房洗手間可以舊模式得咁緊要???

山景兼對住人地天台

四正的廳
睇吓啲牆紙! 好可怕 :p
用黎打 wii 就迫啲囉.



主人房
至少放咗雙人床還有位放衣櫃.

瓜瓜房
小朋友一定夠, 仲可以俾我放個衣櫃,
hehe... 衣櫃真係好緊要 :p:p:p

廚房好大,
乾衣機洗衣機雪櫃雜物全部都放晒入去.

洗手間
比印象中大啲, 不過都係細 :p

Friday, February 19, 2010

蔥油餅 / 西班牙煎蛋餅 / 醉雞翼

一齊住要唸今晚食乜餸,
尋晚好懶淨係煲咗個蝦干粥 :p

未來又點呢?
我懶, 上網搵吓食譜,
寄個電郵俾陳生,
佢自己揀.
放工就去買餸.

今晚食西班牙煎蛋餅,
即係煙肉薯仔煎蛋,
正! 十個易!
加碟菜就得啦.

麥同學, 益你.
我揀得出黎嘅都好易,
好難會煮得難食,
你得閒都試吓啦.
--------------------------------------------
蔥油餅
材料:
麵粉  300g
鹽   10g
油   30g
熱開水 100ml
開水  50ml
蔥花  40g

做法:
先以熱開水把麵粉混合攪拌成雪花狀,加入開水,搓成粉糰,麵糰鬆弛30分鐘,用麵粉棍由中間向外搌成圓形;
再在麵皮上塗油、灑鹽及蔥花,將麵皮像捲蛋一樣捲起來,將蔥油卷打圈圍成餅狀,再以麵粉棍壓成圓餅;
最後以慢火將麵餅兩面煎金黃,即成。
info from 3StepCooking!
---------------------------------------------------
西班牙煎蛋餅
材料:
新薯   2隻
雞蛋   3隻
洋蔥   1/2個
快達芝士 100g
青豆   1湯匙
煙肉   3條
芫荽碎  1湯匙

調味:
鹽   少許 
忌廉  少許
黑椒碎 少許

做法:
洋蔥切絲,新薯去皮切粒浸鹽水,快達芝士切粒,煙肉切成6份,雞蛋打散,備用;
薯仔粒下油鑊煎香,炒香洋蔥,放入蛋液內,把快達芝士細粒及青豆一同放入蛋液內,加鹽及黑椒碎調味,備用;
以中火燒熱平底易潔鑊加少許油,以米字形排放煙肉於鑊內,煎至金黃,轉小火灑少許芫荽,加入已調味之蛋液慢火煎;加蓋將材料燜焗成蛋餅,約5分鐘,將蛋餅反轉再煎另一面約5分鐘至金黃,即成。
info from 3StepCooking!
-------------------------------------------
醉雞翼
材料:
冰鮮雞中翼(可於超市購買,通常1.5-2lb)
李錦記醉雞汁一支
紹興酒少許
魚露適量
糖少許
冰塊一盤,這次再加上桂花甜酒更有陣陣桂花香.

做法:
先把雞翼完全解凍,再加開水煮30分鐘(中火),加三湯匙鹽巴,
確定雞翼完熟熟透,就立隔去水份移至那盤大冰水,
大約浸20分鐘,確定雞翼內心完全冰凍.
這是一瓶醉雞汁,無需煮熱加上適量砂糖、魚露、紹興酒(隋口味可自己加多點份量)
把冰凍雞翼抹去水份,再浸雞汁1小時,覺得味道適合便成,
要不再可浸多點時間.
完成後可放雪櫃,味嚐限期約1週.
如款待客人會於上桌加進桂花酒.
這是一道美味小吃,自己做也簡單容易.

*雞汁可盛起放雪櫃,下次再用.
通常可翻用多兩次。
info from 追蹤聶秀康

Copy::睡公主睡王子

好鬼得意!!
-----------------------------------------------------
初生寶寶皮膚白滑,是人見人愛的可人兒,美國內布拉斯加州有父母便趁這些小粉糰全身柔軟,帶他們到影樓大擺甫士拍照。咦,為甚麼照片都是見樣不見眼?因為寶寶們出生僅 5至 10天,每天都會長時間酣睡,是名副其實的睡公主和睡王子。
英國《每日郵報》
from 蘋果日報 19/2/2010

「我很會擺甫士,雙手托腮便會咧嘴而笑。」設計對白

「我不是包紗布啊,是攝影師用白毛冷裹身,將我扮成小葫蘆。」設計對白

「我們在午睡,請勿打擾。」設計對白

「白色吊床很舒服呢,但要我露手又露腳,還是睡覺為上。」設計對白

「一看便知我們是 Twins。」設計對白

藍雨

冷天時總想起 '灰灰的天 空空的街',
落雨時總想起 '冷冷雨 Wo... '
然後覺得個人真係更灰 :p

今日真係冷得要命,
完全唔想出街,
手指頭又變了紫色,
前手臂同小腿都彊硬了.

好彩個客改期睇樓,
如果唔係... 真係冷得我滕滕震....呀...



張學友 - 藍雨
曲:Hideaki Tokunaga
詞:林振強

灰灰的天 空空的街 千串細雨點
用斜紋交織出一張冷冷面
微涼的風中 街中一把遭棄置的破傘
像說怎麼過這一天
曾很喜歡 陰陰天 因愛上看雨點
在微涼風中灑向你 輕吻你面
然而今天 空空的街中 飄飄雨內
沒有你 陰的天 極討厭
冷冷雨 Wo...
沒焦點因找不到你
冷冷雨低泣彷彿要等你經過
我說冷雨求求停吧 別追憶泡影一個
忘掉雨裡過去有愛侶走過
曾很喜歡 陰陰天 因愛上看雨點
在微涼風中灑向你 輕吻你面
然而今天 空空的街中 飄飄雨內
沒有你 陰的天 極討厭
冷冷雨 Wo...
沒焦點因找不到你
冷冷雨低泣彷彿要等你經過
我說冷雨求求停吧 別追憶泡影一個
忘掉雨裡過去有愛侶走過
冷冷雨 Wo... 沒焦點因找不到你
冷冷雨低泣彷彿要等你經過
我說冷雨求求停吧 別追憶泡影一個
忘掉雨裡過去有愛侶走過
雨點不清楚 你已拋低我
仍共疾風東奔西走的找你
彷彿不知不再會有結果
你永不清楚 你那天經過
留下萬千追憶一生封鎖我
今天可否會想起我

Week 25::氣喘


瓜瓜開始郁動多咗, 動作大咗.
個肚又更大而個人又重咗, 出街工作開始好攰, 要休息多一點.
行樓梯特別攰,
依家就算係行返工由地鐵站行到上地面行咗幾年嗰兩層樓梯都喘氣囉,
仲有幾個月, 點頂?

愈黎愈肥,
我覺得自己似個小露寶,
影相後塊面成塊西樵大餅咁大!

有時都會轉登著一啲修飾身形的衫,
令人唔覺得大肚,
不過結果呢,
啲人又唔讓座, 又橫衝直撞,
實在危險,
都係唯有認命啦.

口味從來沒有改變,
喜歡的仍然喜歡,
不吃的仍然不吃.
但胃口超好,
可以不停站不停站不停站咁食!

speed 5 的 babyplus 變得好像 bom-cha-cha,
瓜瓜第時學社交舞會唔會叻啲?
-------------------------------------------
母親的懷孕過程 copy from Yahoo Blog
第25至26週 一個小小的智者
你胎兒的進展:胎兒像一個很有智慧的老頭子胎兒的皮膚有點瘡白而且有縐摺,還有一層白色的胎脂包裹著。 
它現在約有650克(1.5磅)的體重,35厘米(14吋)的身長﹐看起來更像一個有智慧的老人家。
它的頭部和四肢的發展已達致應有的比例。雖然胎兒已佔據了差不多整個子宮,但仍然能夠在裏面活動。你會感覺到胎兒的動作比以前更加強烈,尤其是當他轉動身體,向你的肚皮揮拳或踢腳時,這種感覺更加明顯清晰。
它的眼簾開始打開,亦有了味蕾及其他觸覺。 你身體上的變化:心口灼熱、便秘和痔瘡懷孕初期開始,為了令胎兒能在你進食的食物中吸取營養,你的消化系統會變得緩慢下來。如果你在懷孕初期沒有便秘的問題,那麼在懷孕後期便很可能出現。
你也有可能患上痔瘡,主要是由於胎兒頭部的壓迫﹐造成你肛門週圍的靜脈腫脹而形成痔瘡﹐遇上便秘時再用力排便使痔瘡更加嚴重。你必須吃大量的水果、蔬菜、粗纖維的食物,以及大量的流質,尤其是白開水;經常做運動亦可以幫助消化。
隨著胎兒的長大,你的肚子及消化食道開始感到壓迫。加上妊娠期間由於荷爾蒙的變化使胃的入口處瓣膜鬆弛﹐使胃酸逆流到食道而引起胃灼痛。你可以將每天正常三餐分為六小餐,每餐之間平均相隔一段時間。在每餐之後再飲一點牛奶,可幫助中和胃酸。
妊娠紋和皮膚色素的轉變你會發覺肚皮,臀部和大腿位置都長出了妊娠紋。它的顏色是由淺至深紫色不等,但通常在產後會變為一條條銀色。你的乳頭和乳葷部份也會變得深色,並且在肚皮中間開始有一條黑色的線伸延至肚皮下面。這些紋在分娩後會消失,但皮膚色素往往在分娩後也不可完全變回原來的顏色。
避免體重的增長過快能減低妊娠紋的嚴重程度。不要妄想塗上藥膏可以防止這些紋的出現,即使你用最昂貴的防紋膏也沒有什麼大用。
眼睛變得敏感由於眼睛內的水份增加,你的眼球會稍微變型。如果你配戴隱型眼鏡的話,你會感到不適,最好避免在懷孕期間使用。有些婦女甚至在懷孕期間患上遠視或近視。如果發現有任何變化,請諮詢你的眼科醫生。最好待分娩後才服用任何治療藥物。如果視力出現嚴重問題,有可能跟妊娠毒血症有關。(參考第23至 24週)

Thursday, February 18, 2010

天氣很冷, 手都發麻了.

農曆新年都已經過去, 天氣這麼冷幹麼??

我是購物狂

奶奶對星姐姐說: 乜你依家啲衫成個大肚婆咁架.
(星姐姐穿著鬆身娃娃衫.)
星姐姐: 依家興呀. 芷蔚一向都著呢啲衫. 佢依家穿返啲舊衫都得啦, 唔使買新.
我: 都有嘅, 會唔啱著架麻.
奶奶對我說: 你唔鐘意買嘢架呵?
我: (點答呢? 好尷尬囉...) 呀....
星: 咩呀, 佢不知幾鐘意買嘢.
我: (唔出聲, 只能夠做動作..) hehe...
奶奶: 咁你唔係成日買啫? 我依家都買少咗好多嘢.
我: hehe...
星: 點會唔係成日買, 佢日日買添呀, 唔買嘢嗰日好似俾蟻咬咁呀.
我: (唯有扮俾蟻咬..) hehe...
星姐姐: 咁依家係買 bb 嘢, 都買少啲俾自己啦?
我: (繼續扮俾蟻咬..) hehe...
星: 咩呀, 買完俾 bb 就覺得應該都要買返啲俾自己呀.
我: (想點呀? 停唔停到??) hehe...

唔買嘢, 人生有乜嘢意義?

Headpiece::Pomp&Ceremony

一塊塊粉紅色的布放咗上頭又幾靚喎,
心形好 sweet 啦.


仲有圓形的選擇.

All from Pomp & Ceremony, Canada

Wednesday, February 17, 2010

不吐不快

最後通碟後, 陳生說即晚會過來.
不過我唔開心, 因為唔覺得呢啲係關心.
(要求真多!)

他說我想應該講, 唔講佢唔知.
照顧有 bb 的老婆, 要講架咩??
其實我亦唔係第一次講,
不過神女有心, 襄王無夢.
我就記得你的反應啦,
一時話張床唔夠大, 一時話要訂做西裝,
更多時係無反應.

點解?
因為陳生由頭到尾都唸住過咗復活節至黎!!
我說不如到我生仔嗰日你至黎啦!!
依家係咪要仔唔要乸先??

知唔知乜嘢叫大肚婆呀???
唉... 佢都係唔明架啦.
我死的時候搵個人打俾佢叫佢黎鞠個躬啦.

抽筋

可能天氣太凍.
半夜小腿突然強勁抽筋,
抽到醒咗!!
動彈不得但係又扯住,
想撐又無能為力,
嗰下真係痛苦到想死,
又痛又眼瞓.
掙扎一輪,
倒頭再睡.
條小腿到依家仲係隱隱作痛.

最後三個幾月啦,
考驗愈來愈大,
但係都係冇人照顧我囉,
那個白痴的老公實在係我死咗佢都唔知呀! (咬牙切齒的說!)

今次真係最後通碟,
後果自負.

Tuesday, February 16, 2010

澳門::天幕@新濠天地

誤打誤撞的免費娛樂.
原本係因為船票有免費換新濠天地怡情碼賭錢,
然後船上又派到場可轉幸運輪有機會得免費住宿的機會.
貪心的我地唸住順路又有時間就去碰吓運氣啦.

夜晚的時候發現新濠天地原本係威尼斯人不遠處,
咁食完飯就去新濠天地行吓.
個的士司機懶神秘,
問我地去賭錢定睇嘢?
問佢有乜嘢睇?
佢又話你去睇吓咪知囉!

成個地方好大, 有三間酒店連埋一齊.
9.00PM 有4D動畫 '龍騰'.
好啱賭仔,
可以吸龍氣得到幸運喎.

全場企位

呢個係一開始的水幕,
之後的動畫都好精細,
但係普通相機得到鬼影~


全齣演出都冇對白,
之前冇留意佢兩個棟篤笑,
真係唔知想點~

當日就寫每小時演出一次,
十五分鐘的動畫,
唔使錢,
都 OK 啦.

Monday, February 15, 2010

婚禮全記錄

等咗三個月,
終於有得睇.
亦係最後一次到 forstarproduction.

今次得到一大本排咗版的 12" x 12" 相簿,
質素很好,
可能因為解像度高一點,
比起睇排版的檔案好多了!
(不過我仍然會印 scrapblog.)

還有三隻剪輯版的婚禮,
同兩隻全記錄.
尋晚睇咗剪輯版,
很好喎, 至少唔悶啦 :p

不過唔係好夠喉,
因為當日大部份時間我都在忙,
有很多事情都不知道.
例如: 接新娘, 換妝換衫的時候, 有時有唔知做緊啲乜咁.
相片真係記唔晒咁瑣碎.

全記錄有兩隻碟,
加埋起碼四個鐘,
不過兩個人一齊睇番真係好好笑, 好 sweet.
就好似睇緊台慶咁, 放假睇一次都 ok 嘅,
今日只夠時間睇一半, 有時間至繼續.

一日睇三齣戲

年初二, 兩個人,
都唔知做乜,
租咗兩隻碟.

晨早場開九點半睇 '意外'
開頭很緊湊,
後尾落雨收柴,
但係整體都係一齣好戲.

導演:鄭保瑞
主演:古天樂、任賢齊
簡介:
故事講述擅於策動暗殺佈局的神秘暗殺組織,每次狙殺目標也把行動策劃得像天災橫禍的意外,然而,組織主持人大腦 (古天樂 飾) 亦因殺人愈多,開始思緒混亂,不但對人性越來越不信任,更懷疑一名平凡的保險經紀–陳芳洲 (任賢齊 飾) 會對自己不利。大腦決定先下手為強,計謀連場觸目驚心之「意外」,卻意想不到爆發顛覆結局,誰是殺人者,誰是遇害人,真假勝負難分。

瞓個覺之後再睇 '証人',
張家輝攞咗六個影帝獎項,
但係一路都冇好大意慾要睇.
睇完又冇好大感受囉 :p

導演:林超賢
監制:利雅博 張康達 梁鳳英
故事大綱:
沙展唐飛(謝霆鋒飾)在追捕重犯張日東時發生了嚴重車禍,並誤殺了檢控官高敏(張靜初飾)的大女兒。三個月後當東於車禍後甦醒,敏隨即對他作出檢控。同時間,雙目瀕於失明的洪荊(張家輝飾)為求盡快賺取一筆金錢以照顧癱瘓的妻子,故接受綁架敏小女兒的工作,以使敏對東撤銷控罪。敏於面前這兩難局面時卻仍堅拒一直備受良心譴責的飛的協助,惟飛仍鍥而不捨的追查荊的行蹤,繼而揭發一宗車禍如何徹底改變了他們三人的命運。
片長:109 分鐘
級別:IIB

最後...
第三齣戲的主角就係自己,
睇番結婚當日的錄影全記錄.
另文再寫.

Sunday, February 14, 2010

花田囍事2010

故事一貫的無聊,
場景很簡陋,
不過服飾尚算華麗.
都有好幾個笑位,
angelababy 做得唔錯, 不過唔好唱歌, 好嚇人.

大年初一, 笑一笑啦 :D
恭喜恭喜!!

花田囍事2010 (IIA)
92 分鐘
導演: 黃百鳴, 邱禮濤
演員: 吳君如, 古天樂, 黃百鳴, 鄭中基, 熊黛林, Angelababy
粵語對白,中英文字幕

2月11日上映 花田國公主遺珠(楊穎飾演)自幼被送到中原學習禮儀,與中原大將軍麥炳榮(鄭中基飾演) 互生情愫。惜回國途中遇上海盜,全軍覆沒遺珠亦告墮海失蹤。花田國破產富商黃百萬(黃百鳴飾)女兒黃鶯 (熊黛林飾演) 投河殉情,黃百萬傾盡僅餘的家財希望救回女兒,竟撈得喪失記憶且嚴重漏口的遺珠,黃百萬見遺珠楚楚可憐,決定讓她假冒黃鶯嫁進尚書府享福。可是尚書大人(林雪飾演) 的兒子吳上進(潘粵明飾演)卻悔婚,尚書大人只好賠錢了事,黃百萬見機不可失於是開天殺價,結果與尚書之妹吳溫柔(吳君如飾演)吵得臉紅耳熱,為人野蠻潑辣的吳溫柔為了讓二人知難而退,更要他們住柴房。大難不死的黃鶯竟被誤認為公主送入皇宮,自以為聰明絕頂的國王滄海(古天樂飾演)非但認不出眼前這個假公主,更聽從御醫太監小春子(夏春秋飾)的建議,決定為黃鶯比武招郡馬,為病重的太后(李香琴飾演)沖喜...

Saturday, February 13, 2010

紅封包

小時候很喜歡幫媽媽封利是,
今年輪到自己啦,
心情完全不一樣.

金錢真係萬惡 :p

張敬軒-軒動心弦演唱會2010


不好看,
很悶的流程,
唱著一些不熟悉的歌, 老歌,
但不是軒仔的歌,
安歌的時候還要一連唱幾首新年歌! 想點???
衣飾很娘, 讓我想起李龍基.
跳舞仍然有待磨練, 不要以為加多咗燈效就有跳得比較好.
悶得我在傳短訊.

座位本身很好, 在第 8 行, 很前,
謝謝林芍芍買票.
不過前面的那對情侶很煩,
男的不停影相, 仲要打直影 90 度撐起手睜!
女的呢, 就不停舉高那兩條非常嘈吵仲要唔啱拍子的捧捧!!
視線受阻!!
好想 '中' 佢個頭!

Friday, February 12, 2010

新年預告

家人初二旅行去,
留下我...
畢打自己人今晚大結局,
要準備定下個禮拜的節目,
除咗少量的拜年活動,
我已經唸定啦.

1. 書本類 -- 從來都係搭地鐵的時候睇書, 一日都至少有一個鐘頭睇書中.
睇咗一半的 'Twenties Girls', Sophie Kinsella (Shopaholic series 的作者),
不過不失, 比起 Shopaholic 差遠啦.

深雪出了新書 - '人生拍賣會(2)--褫魂奪愛', 今日要去買~
上一本無端端分做上下集,
到喉唔到肺!

'Angels and Demons' by Dan Brown
睇咗成個月,
英文好深 :p
所以睇得好慢,
只是看了三分之一...


2. 電視類 -- 唔鐘意台灣 / 外國一個禮拜至做一集, 等到頸都長, 寧願等多幾個月, 一次過一口氣睇晒佢.
(除非真係太無聊囉.)
想睇笑片, '下一站. 幸福', 應該會喊 :(
所以睇另一齣對手戲,
我喜愛的小豬羅志祥同楊丞琳的'海派甜心',
睇咗第一集, 幾好笑吖,
將楊丞琳個水母頭放咗係羅志祥度.

從別人的部落格看到介紹: 'Material Girl' (國內譯:天裁愛霓裳),
是改篇自 Imogen Edwards-Jones 的 'Fashion Babylon',
我是 Babylon 系列的粉絲啦~
(題外話: 新出了 Wedding Babylon, 快啲出平裝版啦~)
都係睇咗第一集, 還好,
女主角不漂亮 :p
不過衣飾都很亮麗,
至少賞心悅目啦.

3. 電影類
新年一定要睇白痴港產片啦,
首選 '花田喜事 2010'!
次選 '72家租客'.

似顏繪::Hoshinoko

一路都唔記得寫呢個網站,
係結婚當日登記處的大頭照,
沒有用一張真實的相片,
是從日本帶回來的卡通似顏繪.

其實呢間公司規模都唔細,
唔止有畫師現場即繪,
亦可以自己上載三至五張相上網,
佢就會畫番上黎.
而且唔同的畫師有唔同的風格,
總有一款啱心水 :)
Hoshinoko Production, Inc, Japan

Thursday, February 11, 2010

中醫覆診 (7)

都係冇乜特別,
今次問醫師教把喜脈.

成日以為係會有兩個脈象,
之後醫師話因為 bb 同媽媽係心連心,
所以其實係一個脈象, 係滑脈.
咁我問佢點分, 佢話係 -- 經驗!!
唉..

咁我自己就覺得個脈比起以前係跳快咗好多,
而且個跳動方式比較平復.

有興趣的下次見到我,
借隻手俾你地研究吓啦.

Wednesday, February 10, 2010

澳門::十六浦索菲特酒店

到咗澳門先到酒店,
一路都冇留意地點,
只係知幾分鐘到手信街, 但係度度都有手信街喎.... 即係邊條?
原來係以前賊船的附近, 到我至愛的奶品店, 步行都唔駛 5 分鐘, 好方便.

到達先 check-in,
有四條人龍, 唔知排乜嘢, 冇指示.
咁排中間嗰條,
排到我的時候個小姐話佢做 check-out 唔做 check-in,
叫我去第一條再排過,
但係轉咗隊之後佢嗰條轉咗第二個人就做 check-in 囉, 激死我!!

我地訂咗兩間房,
佢話俾兩間係隔離的房間我地,
所以就其中一間會升級做 luxury (一般係 superior), 會有河景.
結果發現兩間房差唔多大, 河景又差唔多囉,
superior 仲多張貴妃椅添!

外觀有少少懷舊 feel 啦.

間房都幾算大, (呢間係 Luxury.)
不過要好似威尼斯人咁又房又廳住十個八個就冇可能囉,
正常二人房.
十四樓的房都算高層,
最高十八樓, 上面係商務樓層同酒樓.



mini-bar, 有 twiling 茶包.

洗手間都幾大架,
浴缸企缸都有, 浴缸邊有電視機.
浴室用品仲要係貴嘢 L'Occitane, 絕不欺場.


另一間 superior 房反而有金魚缸浴室.

窗外景.
乜嘢叫升級咗河景房?
我個窗望住右面嗰隻咪阿爸阿媽間房個窗囉!
個景咪一樣! 我個窗大少少同大玻璃囉.

官網: 十六浦索菲特酒店
Blog Widget by LinkWithin