Saturday, January 9, 2010

Week 19::一半啦~


一半啦, 一半啦!!!
咁快就一半啦~
成個過程最盡都係 40 個禮拜.

條腰變粗啦, (梗係啦! 重咗成 10 磅!!),
照鏡的時候真係頗傷心 :(
發大版米芝蓮,
仲有幾個月, 點算?

要確保個肚有動靜,
有時佢好耐唔郁,
真係會停咗手上的工作靜心留意一下.

Babyplus 真係一個搵笨實的設計,
每日聽兩次, 每次一個鐘,
但係部機呢 '噗噗' 聲, 其實幾嘈~
所以唔可以出街聽, 而且盡量係同一個時段聽.
咁就每日要早一個鐘起身, 然後又遲一個鐘頭瞓.
不過當 '噗噗' 的時間, 瓜瓜又真係 active 啲,
可能佢都嫌嘈!

我有好好的維持體重,
因為瓜瓜的四分之三的機會係肥人,
除非佢似我啦...
個樣都似我就好啦...
會唔會似佢? 會唔會外甥多似舅?
真令人擔心 :(

臨瞓前我鐘意將隻手放係個肚皮上面,
靜靜的感受它的移動,
雖然唔係佢係裡面打拳定係出腳,
雖然依家唔係太大動作,
不過都幾得意.

那些蛋已經食到好悶啦...
無論豬柳蛋漢堡, 餐蛋麵, 蒸蛋定係蕃茄炒蛋.
那個懷孕造型又係好鬼悶,
打底衫, 長衫, leggings, birkenstock!
雖然穿上高跟鞋還能夠健步如飛, 不過會攰囉 :p
-------------------------------------------------
母親的懷孕過程 copy from Yahoo Blog
第19至第20週
懷孕的旅程已走了一半! 你胎兒的進展:胎兒的身體已經是出生時的一半它現在約有25厘米(10吋)長,大概是出生時的一半長度。至於體重,已有340克(12安士)了。它的眼睛呈腫脹,眼簾仍是緊閉著。它的肌肉在不斷強化,能夠作較為複雜的活動,當他推向你的肚壁時,你甚至可以看到它的動作。 

它的跳動通常是連串而來的,之後又會平伏一段時間,然後又再來一連串的跳動。如果你靜靜地躺下來,胎兒會顯得很挑皮﹔反而當你在活躍的狀態下﹐你身體就像搖籃一樣安撫著胎兒使它安靜下來。胎兒的乳齒及恆齒會同時在顎骨內萌芽。

你身體上的變化:已完成一半你已經增加了的體重大約是約你整個懷孕期要增加體重的四分之一﹐特別是臀部和腹部的增長最為明顯。當子宮越來越大時,它會壓向你的肺部,並且令你的腹部越來越隆起來。

購物及遠行很多孕婦在未來10星期的狀態都會非常好﹐便是開始準備BB所需用品的好時機。如果等到肚子越來越大時,你會變得疲倦,沒有足夠的精力去逛街買東西了。胎兒到了這個時期是最穩定的,你甚至可以利用這段時間外遊也可以。正常的體重增加一般來說,整個懷孕期會帶給你25至35磅的增長,這是正常而且是提供胎兒成長所必須的增長。體重的增長步伐最好是漸進式的,不宜過緩或過急。在懷孕期間切勿減肥如果你的體重增加得太快,要請教你的醫生,他可能會要求你在飲食方面作適當的調整,但絕不會要求你減肥。你增加了的體重,大概是來自以下幾個部分︰ 25-30%來自胎兒的體重 15%來自胎盤和羊水 20-25%來自增加了的脂肪 20%來自增加了的血液 15%來自乳房及子宮的增長。

No comments:

Blog Widget by LinkWithin