Friday, January 8, 2010

新髮型

短頭髮長得好快,
一個月左右就要修吓,
但係聖誕太忙, 一路都冇時間,
卒之到咗自己都頂自己唔順的時間!

之前的髮型師太貴,
而且對得太耐冇乜新意.
所以想是但求其的搵間新的髮型屋.
亦都因為嫁咗可以亂剪,
無論乜嘢樣佢都要話靚 :p
況且短髮好快長,
唔鐘意都係一個月的時間啫.

話說上個禮拜去睇一間網上的嬰兒用品店係銅鑼灣的上樓舖.
一部電梯好多人架麻,
見到其中一個樓層開門的時間嗰間髮型屋個裝修好似幾靚,
咁就決定濛查查的走上去試吓啦,
上到去的時候至發現原來係日本人開的店,
髮型師都是能操廣東話的日本人.
都好耐冇試過打開本日本髮型書然後叫佢剪同一個款.

結果呢,
剪咗個自中三以來都未剪過的髮型,
好似後生咗十年咁, 好可怕!!

不過佢全程用個 '狗啞剪' 幫我剪頭髮,
覺得好似細個阿媽幫我剪頭髮咁囉.
雖然價錢同質素都接受,
但係未必會再去啦.

返到屋企望望吓....
好似三歲時剪的髮型囉....

2 comments:

Anonymous said...

有無相睇下呀??
BABY

芷蔚 said...

冇喎... 咁多日都冇影過相除咗公司嗰張, 不過唔知會放係邊. 如果放咗上網話你知啦 :D

Blog Widget by LinkWithin