Friday, January 1, 2010

幸運

我是一個典型游手好閒懶過蛇唔做家務的港女,
陳星星都係一個非常一般的港男,
而我地都咁都搵到另一半,
暫時上岸,
我會說這是運.

運氣 1 認識那一個她/他.
其實街上面有一半係男人,
適合的年齡層都有五分一啩!
街頭大把人, 你係咪個個都識?
以前讀書的時候搭地鐵都有人俾紙仔寫住電話號碼,
依家? 難啲囉.
放開心霏,
做唔成情侶都可以識多個朋友,
做人勤力啲,
有時間出多啲街, 上吓堂, 做吓運動,
暴露係社交生活之中,
機會率自然會提高啦.
簡單啲, 經朋友介紹一啲新朋友就更方便啦.
俾多啲機會唔同的人,
一個唔得, 咪試吓第二個囉.

運氣 2 見到那一個她/他.
好多人都眼大睇唔到, 更多的是生咗係額頭上面.
會唔會其實佢係身邊而不自知呢?
陳星星都係我兩米以內五年,
我真係一啲都唔知喎 :p

運氣 3 可以開始成為情侶
你識佢的時候已經各自有另一半,
年紀可以相差很遠, 你接受唔到世俗的眼光,
仲有經濟問題, 地位問題, 語言問題...
兩個人開始都好唔容易.

運氣 4 大家都刻苦耐勞
剛開始拍拖呢個階段最難, 最多問題,
若要人似你, 除非兩個你.
邊有人可能完全合你心意?
都係靠雙方努力去學習迎合另一半.
而且未必一擊即中,
有人一見鐘情, 初戀白頭到老,
有更多的人好似我咁兜兜轉轉,
試過好多次至能夠.
最緊要有勇氣, 唔好逃避,
無論受到幾多傷害, 都有勇氣再行一次.

運氣 5 有錢有時間結婚
有人用十年都捱唔到結婚的一天,
有人用一個月就可以決定終身.
結婚真係好廢神失時兼大洗.
-----------------------------------------------
我知道我幸運,
所以更加珍惜.
陳星星說我最大的煩惱就係每餐唔知道食乜嘢好.
這應該是一種讚美吧?

新一年,
希望幸運在你身邊~



楊千嬅 All About Love
曲:楊鎮邦/曾家瑋 
詞:林若寧 
編:雷頌德 
監:雷頌德

一出生 純潔得天真
醫院裡得母親送上初吻
明白愛是結合耐性與犧牲

一初戀 只顧愛得狠
捉得太緊然後強烈抖震
明白愛未似當初母親一個吻

話我知 每個愛人教我愛情學會麼
只可證實彼此傷心過
旁人著緊不停將感情傳授我
相戀的理論重要麼

話我知 抱過愛人吻過愛人有幾多
方可以換來朋友到賀
難道一百歲至會找到他愛我
(如若一百歲我會找到他已不錯)

婚姻的 紅線怎麼穿
焦急兩手會將線也拉斷
明白愛別要為了償還心願

一生中 兜了幾多圈
兜一輩子尋求幸福樂園
明白愛為了開心再不可以怨

如何如願 過去愛人每個愛人愛我麼
多少結實關係都摔破
如何認清生平的感情存在過
得到安慰又有幾多

話我知 抱過愛人吻過愛人有幾多
方可以換來朋友到賀
全部方法試過都不果
但母親的偏執會留給我
頑強地投入便沒有錯

1 comment:

卡臣 said...

祝妳一家三口平安健康

Blog Widget by LinkWithin