Sunday, December 6, 2009

爛片 x2

租了爛片兩套,
明知爛但係都冇唸到爛成咁!
怪談同埋機器俠.


一向冇睇有線的怪談,
覺得非常嘩眾取寵,
刻意營造氣氛,
但係一啲都唔恐怖.
齣戲係佢揀嘅,
佢都十萬個唔願意,
但係佢揀其他的戰爭/民初片/天水圍,
我寧願睇爛片.
主打係電視尺度以外的片段.


機器俠當時上映之前雷聲大,
說什麼中國人的機械人,
什麼長時間後期製作,
到上映的時候好似冇咗影咁.

先睇怪談,
專登關燈開大聲,
希望可以感受多一點的恐懼.
結果當然係失望啦,
個個故事都虎頭蛇尾,
最後尾都係不了了之.
三級片的原因係有部份非常血腥, 虐待家禽,
同埋最後有個全祼的陰陽人! (即係上面係女人, 下面係男人.)
係驚奇, 並非驚嚇.

機器俠節奏奇慢,
機械人的化妝好恐怖,
係好厚, 但係好多粒粒, 點解電腦唔執執佢呢?
機械人一出城市的第一件事係溝女?
故事左一忽右一忽,
有點變形金剛溝啲百變星君,
但係好悶,
全程都想瞓,
結果都係要分開兩次加啲快鏡至睇完.
只有十分鐘左右的變形金剛部份係值得睇.

講完.

2 comments:

Anonymous said...

大肚婆唔好睇恐怖片呀!

寄過嚟俾我睇吓先 :p

-bro

芷蔚 said...

唔好睇架, 唔好晒時間啦~

Blog Widget by LinkWithin