Thursday, December 31, 2009

2009 年大事回顧

家人的事, 結婚的事, 生仔的事,
填充了大部分的時間.
有得有失咁啦.
總括都係開心的一年.

回顧一下上年的展望:
2009 工作的展望: 冇喎... 唔洗做算唔算? 如果一定要做, 咁留係度都好滿意, 不過又唔會大富大貴囉,
都夠買多兩件衫嘅. 都 ok 啦, 我咁懶 :p
-->
今年是私人事務比較繁忙的一年.
(工作反而比較清閒 :p --> 所以咪搵少咗錢囉!!)
雖然搵錢少咗, 不過滿足感大咗,
因為開始有回報,
以前的舊客都打番俾我,
重覆再做多一次生意, 感覺很好 :)
下年要休養要湊仔, 搵錢更加之少啦...

2009 學習的展望: 未唸, 冇時間唸, 認真讀幼兒教育類比較實用啩 :)
-->
今年沒有讀書,
自修夫婦關係同孕婦育兒知識,
真係要學幼兒教育啦.
邊學邊做啦.

2009 旅行的展望:
下年一定要去泰國同日本, 今年冇去. 長線旅行就要睇吓有冇錢啦.
-->
我最愛的旅遊項目,
今年好似少了一點,
好彩都去咗日本.
希望下年可以至少去一個全新的地方,
好似 VolTra 咁有啲意思.

2009 家庭的展望:
未唸清楚係咪一定要賣出, 可以做啲事前準備, 或者最後可能都賣唔出呢.
-->
唔覺意就嫁咗啦, 唔覺意又有咗,
來年身體健康就得啦.

祝大家新年快樂~

想買就買::托腹帶+多功能攬枕

個肚開始大,
要有啲乘托,
唔係條腰負荷都幾大,
出街想買個攬枕陪瞓,
唔洗朝朝起身腰骨痛!

途經孕婦專門店-媽媽世界,
唸住睇吓有乜需要,
又學咗啲新嘢~

見到托腹帶,
多口問吓小姐幾多個月開始要戴,
佢話三個月!
我已經四個幾月啦喎,
拿拿臨買番條先~

都有三款選擇,
我買咗第二排左邊那最簡單的款式 $219,
因為另外嗰兩隻個樣好裝假狗,
我唔鐘意個肚咁大,
而且遲啲夏天又熱.

另外仲有內衣褲啦,
胸圍的分別就係可以前面開啟方便餵人奶,
但係暫時都未有需要,
雖然持續增大中, 係普通內衣店買咪得囉.

個小姐不停叫我買內褲, 因為減價中, 而且保暖喎.
但係呢個高腰加大肚的設計,
成條<祖母的內褲>咁!!
我接受唔到自己變成咁囉....

下一步就買攬枕啦,
原本想去 Mothercare,
但係要 $690 喎...

再去 sogo 買咗個 Minimoto, $249

多功能攬枕-米色
Model No: YM1400K
品牌: Minimoto
專為嬰兒和媽媽設計的:
1.懷孕期間做放鬆運動或抱著而睡, 令孕婦的脊柱處於放鬆水平狀態
2.將多用枕環於腰間, 無論是母乳喂哺或奶瓶喂哺都能輕鬆完成
3.寶寶學習坐的輔助靠墊
顏色:米色

仲有下面個三角型, sogo 賣$79,
星星堅持呢個至托到個肚,
不過我又想對腳夾住個攬枕,
攬枕唔得咪再買呢個囉.

三角枕 - 米色
Model No: YM1401K
品牌: Minimoto
1.孕婦側睡時支撐腹部的重量, 保持正確的側?姿勢, 維持良好的血液?環
2.墊於腳下, 減輕下肢浮腫帶來的不適
顏色選擇: 米色

其實買咗之後有啲後悔 :p
因為上網買平幾十蚊,
樣樣都平少少加埋真係唔得了.
不過呢兩樣都趕住用, 算啦...

下次一定要先格價再購物!!!
pics from Motherworld, Mothercare and Bebedream

一年一度 BBQ

因為麥同學唔鐘意 BBQ,
呢件事情一年只能做一次,
BBQ 總係中秋節或者聖誕節不可或缺的節目~

我地都好悶,
BBQ 唔係坪洲就係南 Y 島.
今年再去坪洲,
小翠會給我們早作準備.

行程就係先去鵝頸橋街市買食物,
再搭的士去碼頭上船.
以往就只是我們幾個女生,
拿咁多人的食物都幾痛苦,
然後我們的人數慢慢增加,
有男朋友, 然後係老公, (多咗啲苦力~)
再加上小朋友,
今日有成 12 個人!

燒烤今年冇乜特別攪笑事,
係個影相婆婆成日騷擾細路!
交換禮物的禮物都比較正常,
最唔吸引個二人的禮物就係佢地兩個係最後的時候互相交換,
作為尾四至抽獎的我, 好擔心!

返到中環成十一點,
好攰...

阿凡達 (IMAX 3D版)


預早成個幾星期買的票,
因為只想到最新最大的 iSQUARE IMAX 去睇,
唔睇 IMAX, 去細戲院都浪費金錢, 浪費這齣大製作, 更加不能睇 dvd 啦!
成 $160 一張票 (星期二 $130, 不過要上堂), 當然要揀個好位啦, 唯有等久一點囉.

不過 iSQUARE 的戲院分幾層,
入到去再上一層戲院的話個扶手梯只係單人濶度, 人多的時候排大隊, 起碼要早五分鐘入場,
小食部又只開放一個俾咁多間戲院, 要買嘢食又要早多五分鐘,
而且依家未有廣告, IMAX 又大, 行去個座位都要啲時間,
都係早啲入場比較好.

Avatar 有點點似高級版真人版卡通片,
那個森林, 天空之城, 動物都好有原創性,
很喜歡那些螢光的道路, 那個水母樣的種子, 那個似怕羞草的菇,
那棵特大的樹, 它被燒的時候真的很痛心.

最深刻的台詞係:
你擁有我最想的東西, 你就係我的敵人!
爭奪就是由此起.

不過睇兩個幾鐘的戲真係好攰,
3D 令到對眼好攰,
個立體眼鏡又重!
散場的時候我個鼻樑都 lup 了...

阿凡達 (IMAX 3D版) (IIA)
161 分鐘
導演: 占士金馬倫
演員: 薛歌妮韋花, 森禾霍頓
英語對白,中文字幕

12月17日上映 《阿凡達》(Avatar)IMAX® 3D版是《鐵達尼號》天價大導演占士金馬倫 (James Cameron) 籌備及製作14年的最新嘔心瀝血傑作,一直被受國際電影業界及億萬影迷高度注視,預料上映時將會破盡紀錄,經典定必再生。占士金馬倫透過一名頑強英雄的歷險和遭遇,率領大家進入變幻無盡新世界;片中主角為了拯救浩大文明國度,不惜展開連場激烈的光榮戰爭,一眾超乎想像新事物展現其眼前,成就了這段畢生難忘的神秘奇幻探險。
請欣賞IMAX®3D最立體、最疑幻似真之電影版本

《阿凡達》將會以IMAX® 3D版形式呈現觀眾眼前,巨幕上的立體非凡體驗別開生面,觀影革命無比震撼!IMAX® 3D立體技術才有神奇魔法,讓您與電影渾然一體,其效果比一般數碼3D電影更好,因為IMAX是目前世界上最好的影像系統,以IMAX® 3D影片及投影技術在巨型銀幕上呈現令人讚嘆的全彩立體影像,配合IMAX® 3D立體眼鏡令影像浮游在您的眼前,帶領您穿梭疑幻似真的占士金馬倫之阿凡達世界。

UA iSQUARE IMAX
尖沙咀彌敦道63號國際廣場7樓
Tel : 3516 8811

Wednesday, December 30, 2009

肚皮毛

記得以前上堂會問毛髮係身體之中似乎係最無用的一環,
究竟毛髮有乜嘢用?
美觀? 散熱或者保溫? 保護?

我估一定係保護作用.
本來我皮光肉滑架麻!
自從懷孕開始,
肚皮上就長出咗好多毛毛,
仲愈黎愈多...
依家成 1cm 長啦...
真係好肉酸!!!

咁落去我會唔會變毛孩架??

Floradix 鐵元草本補鐵液

護士知道星星有地中海貧血建議佢食啲鐵質補充劇.
簡介有幾個問題, 越多 '是' 的答案, 就表示鐵質水平低:
15-45 歲之間的女性? --> 是
懷孕或哺乳? --> 是
經常感到疲乏? --> 是
皮膚, 指甲蒼白?
頭髮開叉, 指甲易斷?
嘴唇附近常常乾裂? --> 是
喝很多茶或咖啡?
素食主義者? --> 是
手腳冰冷? --> 是

原來 '嘴唇附近常常乾裂' 都關鐵質事~
講到我都好似好需要咁!!
不過已經食緊孕婦維他命啦, 遲啲至算啦.


Salus Floradix 鐵元草本補鐵液
鐵質是構成血紅素的要素,紅血球擔負著全身氧氣的供輸及有效的循環。婦女由於月經、懷孕及哺乳期都會流失大量的鐵質。素食者由於不食紅肉,亦無法在植物中攝取維他命B12。Floradix主要含有易於人體吸收的植物二價鐵、豐富的維他命B群,以及助鐵吸收的維他命C。

妊娠紋膏

講座的時間護士用咗唔少時間講妊娠紋同妊娠紋膏的抹擦方式,
女人都係貪靚,
除咗肚皮, 大脾, patpat,
仲要擦胸, 手臂...
即係全身都擦啦!!!
又瞓少五分鐘 :p
星星話買咗第時抽筋可以當按摩膏 :p:p:p
咁佢咁好人對我咁鬼好,
放學咪行吓卓悅囉.

原本想買出名的 Lierac - PHYTOLASTIL - Anti-stretch marks,

法國製, 黃色啫喱狀,
口碑最好,
但係星星話呢個牌子太似化妝品,
(咁人地真係有出護膚品同減肥用品架麻...)
而且卓悅的小姐一定會游說你買佢地自家代理的牌子.

小姐介紹咗 Palmer's Stretch Mark Cream,

呢支都好火紅~
但係一買要買兩支! (雖然仲送多支面霜.)
美國貨個樣又娘 :p

最後係買咗 Mamma Coccole Anti-Stretch Marks Cream,

因為見呢個牌子仲有一系列 baby care,
個小姐又話呢隻最好!
咁個包裝又靚啲 :p
意大利製, 白色膏狀,
有輕微桃味, 星星話係花味.
好快吸收, 咪當乾燥要用 body lotion 囉.
$298 成 300ml,
好大支!!

得唔得就過多幾個月至話你知啦.

準爸媽產前產後工作坊::Lesson1

其實一般醫院都有呢啲產前講座,
但係依家東區醫院就取消咗!
結果要自掏腰包俾錢出去上堂,
呢間係太子, 由註冊護士主講.

尋晚第一日上堂,
一班 15 對左右啦.
其他人個肚都好大,
我算好早去上堂架啦.
早啲知道, 早啲準備令我心理舒服好多,
我心急吖麻~

護士 Wendy 好詳細,
仲講到成 9:30!!
呢堂內容係:
- 懷孕期不適及護理 --> 呢個我冇乜事.
- 入院準備及程序 --> 屋企咁近醫院, 慢慢行都仲得!
- 作產的先兆及處理、 --> 睇得電視多, 我都知知地.
- 自然分娩的過程 --> 原本痛極都係一個鐘啫~
- 無痛分娩真的無痛嗎? --> 打支針係個背度好恐怖, 我一定唔做!
- 分娩的減痛方法--> 痛得滯咪吸笑氣囉, 如果我啱程序.
- 甚麼是臍帶血? --> 呢個真係要研究吓邊間好啲, 我會儲啦.
示範及練習部份:
- 走佬袋預備 --> 好多嘢囉, 不過屋企近, 唔記得都冇所謂啦.
- 清理大小便及換片程序 --> 佢有練習呀, 留俾佢做啦.

雖然內容好充實,
樣樣都重要,
不過我真係唔多鐘意上堂 :P
好彩佢都好留心, 而且好開心咁練習換片!
希望第時佢真係會幫多兩隻手去湊仔啦.

另外有個問卷調查,
睇吓你有冇遺傳病,
懷孕期間有癟不適,
咁 Wendy 會一對一對去了解,
然後對症下藥,
好似星星有地中海貧血,
佢即刻去攞咗兩支水溶性鐵質俾佢試,
仲解釋得好詳盡,
另文再講, 因為似乎我都有用.

全場最大的得著係星星話要買支肚紋膏俾我,
可能驚第時走咗樣我一定會成日鬧佢, 哈哈~~
不過我覺得個肚上面有個放射西瓜紋好有型!!
落咗堂就去咗卓悅買啦.
呢個都係另文再講.

都好,
上個堂俾多啲資訊佢,
對我都有啲著數~
---------------------------------------------
準爸媽產前產後工作坊
2009年12月29,逢星期二,7:00–9:00pm
課程編號: 01-2091229-79
學費: $ 980 (夫婦二人)
康妍專業護理有限公司
九龍彌敦道761號 太子 ~ 藍馬之城 15樓
Tel: 3516 1190

[ 課程特色 ]
小班教學形式: 示範及實習並重,着重夫婦互動交流
全方位星級導師: 註冊護士、註冊藥劑師童回春女士
最新最全面內容: 全港首創全實習技巧工作坊,清理大小便及換片程序、沐浴、初生嬰兒穿衣技巧、不同的
正確抱BB姿勢、人工餵哺及用品消毒程序、使用包被、使用背帶等全以示範及練習模式教授
目的: 以小組互動、實習示範方式為準父母提供產前後必備的最新健康護理知識,以作生產前的心理準備;並教授初生嬰兒照顧技巧、培養嬰兒潛能及溝通技巧,讓您成為100分的父母。
教學方式: 講座、示範、實習、小組討論

[產前、生產準備及初生嬰兒照顧篇1]
懷孕期不適及護理、入院準備及程序、作產的先兆及處理、自然分娩的過程、無痛分娩真的無痛嗎?、分娩的減痛方法、甚麼是臍帶血?
示範及練習部份: 走佬袋預備、清理大小便及換片程序
主講: 註冊護士

[產後護理及初生嬰兒照顧篇2]
潮媽坐月護理、傷口護理、產後檢查、坐月飲食宜忌
示範及練習部份: 人工餵哺及用品消毒程序、掃風方法
主講: 註冊護士

[產後護理及初生嬰兒照顧篇3]
BB皮膚護理、面部及臍帶護理、體温測量、購買BB用品注意事項
示範及練習部份:沐浴技巧、初生嬰兒穿衣技巧、面部清潔技巧、臍帶清潔及護理
主講: 註冊護士

[懷孕期營養及嬰兒醫護常識篇]
懷孕期及授乳期健康飲食與營養、嬰兒的營養、嬰兒常見小毛病及疾病處理、
最新嬰兒防疫及藥物資訊
主講: 註冊藥劑師

[初生嬰兒照顧篇 4 及 愛「子」有法篇
嬰兒成長里程碑、愛「子」有法方程式
示範及練習部份:正確抱BB姿勢、如何使用包被令BB增加安全感、如何使用背帶
主講: 註冊護士

Tuesday, December 29, 2009

Copy::哺餵母乳的媽咪,也有可能懷孕!

對於懷孕的事宜,
我們都是新手,
常常會討論一些白痴的問題.
這天的討論是: 餵母乳的期間生唔到仔?
我說: 一定生到啦, 土著都係咁大住個肚餵母乳. 而且母乳同懷孕係兩個 system, 冇影響啦~
星星說: 餵母乳的時間唔會排卵, 所以唔會懷孕, 而且生理基能負荷唔到!

結果係一人啱一半.
餵母乳能抑制排卵, 但係都有機會懷孕.
-------------------------------------------------
採訪╱張玉櫻

許多產後媽咪以為「餵母乳能抑制排卵,就能自然避孕」!因此在產後多沒有搭配其他避孕措施,結果才生完沒多久就「又有了」!因此本文要提醒爸媽們,「哺乳期不代表安全期」,一定要做好避孕措施,以免在沒有計畫的情況下又懷了下一胎!

滿意婦產科診所院長吳柏瑜醫師表示,剛生完小孩是很辛苦的,媽咪的子宮及身體都需要一段時間來復原!萬一沒有做好避孕措施就馬上又懷孕,理論上兩胎太接近,流產的機率比較高!另外,如果是剖腹生產的話,第二胎太接近,容易因子宮傷口癒合未完全而破裂!
然而很多媽咪都有一個錯誤觀念,以為餵母乳就能避孕,結果造成很快就又懷孕的狀況。所以在產後如何成功避孕是相當重要的課題!

何時可以開始有性生活?
吳柏瑜醫師表示,性生活的恢復,在產後2星期就可以開始了!但因自然生產多少都會造成陰道、會陰受損,所以剛開始時要緩慢、放輕鬆,以免疼痛影響性致。若是剖腹產,性生活的恢復時程也差不多,因為2星期的時間,腹部的傷口、子宮的傷口應該都已癒合了。

哺餵母乳≠百分百避孕
很多人誤以為在哺乳期間,女性就完全不會懷孕!事實上,並非每個哺乳的女性都能達到不排卵的狀態。「完全哺乳」,產後6個月內的避孕效果約98%,與吃避孕藥的避孕效果相當。
而哺乳能降低懷孕機率的主要原因是,產後哺乳可以刺激腦下垂體分泌「泌乳激素」,它可以抑制下視丘分泌「促性腺激素釋出因子」的釋放,進而抑制腦下垂體前葉分泌「濾泡刺激激素」(FSH),所以抑制了卵巢的功能,造成不排卵而形成避孕的效果。但是哺乳的避孕效果在「完全哺乳」的媽咪才有效,且對於產後已經哺乳6個月以上的媽咪,還是要加上其他的避孕方法,才能達到避孕效果。

完全哺乳,產後6個月內的避孕效果達98%!
如果有餵母奶,而且嬰兒是吃全母乳,媽咪在產後6個月內幾乎不排卵,懷孕的機會大約只有2%,所以在餵奶期間的避孕效果算是不錯的。
所以,如果妳符合生完後6個月內、月經還沒來(有出血就不算)、完全餵食母乳這三個條件,就可利用「哺餵母乳」這種方式避孕。
所謂「完全哺乳」指的是每天至少2〜4小時餵一次,完全哺育母乳、不吃副食品,只要嬰兒開始吃副食品時,就要用其他方法避孕。
利用餵奶的機會順便避孕有不少好處,母乳不但易吸收,也能提供抗體保護寶寶,又能增進母子親情。
在這段自然避孕的期間,也能好好的考慮之後要用那一種避孕方式。

避孕藥應該等到不再餵母奶時再服用!
因為這些藥劑會讓乳汁減少,而且在產後2個月內,吃避孕藥又餵母奶的話,理論上可能影響嬰兒的成長。
沒有餵全奶的媽咪,因為產後避孕效果無法確保,若一定堅持要吃避孕藥,同時還想繼續餵奶一段時間,至少要等到產後3個月以上再開始服用,這樣對乳汁以及寶寶的影響比較小。
餵奶期間服用避孕藥應該是最後的避孕方式,應以其他避孕方式為優先考量。除此之外,服用避孕藥也要注意禁忌,特別是懷孕期間有妊娠引發的高血壓、糖尿病等問題,應該等到血壓、血糖恢復正常後再服用。

沒有餵母奶的媽咪,月經來之前就要開始避孕
剛生完小孩之後,沒有餵母奶的媽咪,月經大約6星期以內會來,排卵的時間平均約在產後45天,90%的人,月經會在3個月內恢復正常週期;不過有部份的產後媽咪,在真正月經來之前,會產生間歇性的少量出血。
正常月經來之前就要開始避孕!通常第一次月經來過以後,排卵才會正常,也就是說產後到第一次月經來之前,排卵的可能性比較低,但並非不可能,而且排卵的時間相當難預測,所以如果不想冒險的話,在第一次月經來之前就應該開始避孕。

避孕藥等產後3星期以上再服用
避孕藥是不錯的選擇,不過不適合馬上服用,因為合成的避孕藥可能會增加血栓的風險,要等到生產後3星期以上再服用比較好。或者也可選擇純黃體素的避孕藥製劑,這種藥就可以在產後接著服用,不過這種純黃體素的避孕藥,目前在台灣較不易取得,服用期間也較常造成不規則的出血,避孕的失敗率也比一般的避孕藥高一些。

懷孕間隔太密集,對媽咪及下一胎都不好
生育間隔太密集,會對母親及嬰兒的健康有不良的影響!也增加家庭生活負擔,因此不可不仔細評估。
一般而言,產後媽咪至少要經過4〜6週,身體才能恢復正常;想要再懷下一胎,至少要間隔3個月以上。如果懷孕間隔太過密集,容易出現以下問題:

◎對媽咪不好:
(1)媽咪才剛經歷過懷孕生產,猶如植物的養分剛被吸光,這時如果馬上懷孕,比較容易流產。
(2)如果是自然產,產道及韌帶受傷都還在復原中,如果又立即懷孕,日後可能引發尿失禁、子宮脫垂等問題,媽咪的體態也容易走樣。
(3)如果是剖腹產,第二胎太接近,容易因子宮傷口癒合未完全而破裂!
(4)容易造成產後出血,尤其若上一胎是急產,產後出血的機率更高。
(5)若有餵母乳,可能造成母乳分泌減少,也比較容易乳房疼痛;此外,寶寶吸母乳時會造成子宮收縮,會增加目前在懷的這胎的流產機會。
(6)照顧出生沒多久的小孩是很累人的,加上媽咪自己都還在復原期,若此時馬上懷下一胎,其辛苦程度可想而知!

◎對下一胎不好:
根據國外的研究指出,前一胎生產到下一胎懷孕之間,若相隔不到半年,相較於一般胎兒,則下一胎發生早產、低體重兒(少於2500公克)的機率會增加四成;若間隔在1年內,則寶寶早產、低體重的風險也會增加一成左右。

哺乳期的避孕建議
對於產後哺乳期的避孕方法,包括以下幾種:
◎ 保險套:是較容易使用且沒有副作用的,但要記得全程使用。
◎ 避孕藥:應該等到不再餵奶時再服用,以免經由母乳而影響嬰兒的成長。
◎ 避孕器:一般多在產後4〜6週回診時,由醫師裝置,但須注意,若本身有月經過多或會經痛的女性,則可能增加經血量、下腹疼痛的機會,就不適合使用避孕器。
◎ 子宮內投藥系統:
可於產後6〜8週裝置,將子宮內投藥系統放入子宮後,每天穩定透過半透膜釋出微量黃體素levonorgestrel(LNG)0.02毫克,能藉由抑制子宮內膜增生,來達到99.9%的避孕效果。
由於子宮內投藥系統中釋放的黃體素,直接釋放於子宮中,因此並不會影響乳汁分泌,也不會對嬰兒成長造成影響。除了避孕外,也有治療月經過多和經痛的困擾,一舉數得。

結語
新生寶寶的來臨,多讓爸媽備感忙碌,媽咪的身體也在復原階段,因此,適當的產後避孕計劃是有必要的!若以為哺餵母乳就能避孕、月經沒來就不會懷孕,就忽略了避孕,很有可能一不小心就「又有了」!因此,產後積極避孕很重要!

copy from 女人論壇

平安夜自助餐::TheBostonian

是平安夜的節目.
跟星星朋友們聚餐.
一向覺得平安夜食自助餐是一個浪費金錢的節目,
因為平時都可以食同樣的食物但係一半的價錢,
不過一班人食都好歡樂.

他的朋友揀選了尖沙咀的朗廷酒店,
semi-buffet 每位 $828 再加一, (好彩有折.)
頭盤係自助餐,
主菜同甜品就一人一份.
環境黑兼且係同佢的朋友食飯,
我唔好意思影相 :p

自助頭盤放食物的地方不大,
不過選擇都唔少.
生蠔, 魚生, 凍蝦, 凍蟹,
沙律, 冷盤, 鵝肝, 炸蟹餅,
焗蠔, 龍蝦魚子醬等...
樣樣都好新鮮, 味道也好.
麵包沾鴨肝醬係全頭盤中的最愛.

湯有雞清湯同酥皮龍蝦湯,
結果大家都要酥皮湯,
好濃的湯, 不過龍蝦味不是太突出.

未食主菜都已經九成飽啦..
主菜有聖誕食品火雞,
牛扒, 羊鞍, 兩款魚,
仲有幾款唔記得.
我的銀雪魚就好肥美鮮甜啦,
好彩細細碟, 伴碟薯蓉又麻麻地 :p
至仲有位食甜品.

有一個烤香蕉,
不過啲蕉係苦嘅 :p
有一款朱古力 cream burlee,
似布甸多啲.
我要麵包布甸, 應節吖麻~
呢個最好食, 不過真係好飽,
食兩啖都頂唔住啦.

開咗幾枝紅白酒, 礦泉水, 橙汁,
仲有聖誕老人派禮物,
滿載而歸~~
好豐富的晚上!

The Bostonian Restaurant
地址 : 尖沙咀北京道8號香港朗廷酒店低層大堂
電話 : 2375 1133
類別 : 美國菜

Monday, December 28, 2009

兩口子兩個人兩碼子的事,
總會吵架.
但係一人行一步, 關係就會長久.

如果你愛佢,
就算係嬲都好快就唔記得咗,
你會唸: 咁小事, 有乜好嬲呢?
你會企係佢的一方唸: 佢都係有苦衷, 佢唔想咁做嘅.

如果佢嬲你,
你唔會捨得佢嬲,
你見到佢悶悶不樂的樣子都會好唔開心.
好想快啲搵番佢, 好想令佢快啲笑番.

如果氹極都仲嬲,
隔咗幾個月都唔搵你,
又或者冷戰期間搵咗第二個.
咁最後佢返轉頭都唔駛恨啦,
佢個心都唔係度,
根本都唔重視你地的關係同埋唔重視你!

唔好唸啦,
明天會更好啦~
下一個都會更好 :)

Sunday, December 27, 2009

聖羅蘭全家福::揀相

一行六人浩浩蕩蕩~

先揀我的部份,
西式宮廷金光燦爛, 感覺高貴啲囉.
不過個假髮一大舊咁, 好乞丐吓 :p
所以完全揀唔到近鏡的相,
除非真係好近, 近到得塊面啦.
但係同時對眼又化得唔係太好,
隻眼好似好眼瞓咁,
揀咗 18 張.

之後都爹娘的古裝造型,
老爺夫人嗰隻.
扮吓畫字畫, 彈古箏,
爹話又唔係好多張,
所以差唔多全部要晒, 20 張.

哥佢地影得最多,
主要在意邊張影得佢瘦啲 :p
不過減吓減吓都係要 20 張.

全家福就影得最靚啦,
不過影得唔多,
全部加埋都係得 25 張.
勁溫馨, 大家都笑得好開心~
所以一張都冇減 :D

最後加咗 17 張相,
加錢要個大少少 8x12 的相架,
因為原本那個 8x10 或者8x8 要裁細張相,
全家福好難裁.

就係咁,
過兩個禮拜又上去睇板~

Saturday, December 26, 2009

Love Mi 鄭秀文世界巡迴演唱會

聖誕節.
一早買咗鄭秀文演唱會,
又唸少個活動,
仲要全家一齊睇,
晚飯都唔洗唸~

Sammi 當然唔會令人失望啦.
快歌跳舞強勁.
舞台極多機關,
衣飾有型,
差唔多每首歌都換衫換機關.
目不暇給~

最失色就係鄭伊健做嘉賓,
本來都冇乜交情,
一曲走天涯又唱友情歲月,
好幸仲有葛民輝多少少氣氛.

[ Johnnie Walker Black Label Love Mi 鄭秀文世界巡迴演唱會(2009-2010)-香港站 ]
日期: 2009/12/24-29, 31, 2010/01/01-03
地點: 香港體育館 - 香港體育館
票價: $480, $280, $150

Friday, December 25, 2009

Week 17::肚突突


個肚開始突突地,
以前肥的時候會全身一齊肥,
依家淨係個肚突出黎, 感覺好怪.
以前唔覺自己瘦,
有咗的時候就覺架啦,
因為四肢都好似撐唔住個肚!

以前人多的時候會掩住個胸,
依家會不期然的掩住個肚,
個肚突出過個胸!
公司張枱頂住個肚.

開始覺得肚裡面 '有啲嘢',
有時會感覺到一啲動作, (我知道唔係腸胃的移動啦~)
有少少覺得將會做媽媽囉.
(雖然我繼續亂食嘢~~ 做冬嗰日我飲咗紅酒呀~~ hohohoho)

有時瞓覺打側偏背向天的時間會覺得會唔會'翟'住佢呢?

同事們似乎還沒有發現,
又或者知道但係唔出聲啦,
係呀, 我呢度好冷漠架~
我都樂得耳根清淨.
---------------------------------------
母親的懷孕過程 copy from Yahoo Blog
第17至18週

胎兒能啜指頭了! 你胎兒的進展: 胎兒懂得把指頭塞進口裏! 胎兒現在有20厘米(8吋)長及200克(7安士)重,它要比胎盤還重,而且把子宮的頂部推向你的恥骨和臍之間。你會開始感受到胎兒在肚子裏起起伏伏。因為它正在伸展身軀和四肢,而且還能啜姆指呢!它對於你的心跳聲和消化系統發出的喀喀聲都特別敏感,對於你體外的聲音也開始有反應。你身體上的變化:陰道分泌你會發現陰道的分泌特別多,甚至需要使用衛生巾。如果分泌物有惡臭,跟平時的分泌物有異,帶有一點點血的話,你應該要詢問你的醫生。通常陰道的感染不會傳染到胎兒,因為子宮被一層保護層包裹著,裡面是無菌狀態。但當分娩時嬰兒可能因經過產道而感染了細菌。懷孕期的性生活你可能跟一些婦女一樣,懷孕初期間的性慾會減低。 這是由於你變得容易疲倦,容易嘔吐,又或者對於自己體型的改變而感到憂慮,甚至認為性交會對胎兒有害等想法所導致的。 但一些婦女卻相反地發現自己在懷孕期間的性慾特別強,這是由於賀爾蒙的增加而刺激起對性的需要。無論如何,你和你的伴侶必須要知道在懷孕期間,沒有什麼醫學上的理由要避免或停止享受性愛的樂趣。只有在即將臨盆的情況下,女性的性高潮才會誘發分娩。

陰道分泌的增加亦有助懷孕期間性交。性交同時亦幫助你盤骨附近肌肉的活動能力﹐等同懷孕期間應多練習盤骨運動的功效一樣有助日後生產。 (可參考第27至 28週有關盤骨的動). 如果你曾有小產的經驗,醫生會提議你在懷孕初期避免房事,如果你懷有多胎的,醫生亦會提醒你在懷孕後期避免房事。一般來說,胎兒在子宮內是十分安全的,很少因為性交而導致細菌感染、小產或提早分娩的現象。由於婦女在懷孕時的體型改變,某些性交姿勢或插入太深都可能會令你感到不舒服,你們需要改用其他姿勢,或用其他技巧來達到性交的樂趣。 如果你或你的伴侶在你懷孕期間內對性方面有任何不安或焦慮,你應該跟他好好的討論一下,並且尋求醫生的協助和意見。

Thursday, December 24, 2009

聖誕快樂!


楊千嬅 原來過得很快樂
作曲: 伍仲衡
作詞: 林夕
編曲: 伍仲衡
監製: 伍仲衡

原來在快樂中便不必明白快樂
原來愉快共處未必需要學

看情人安躺 看耐了不會自覺 衣著厚薄

原來在他枕邊儘管失眠未畏懼
連自私地吵醒他都是對
未怕被嫌討厭 過份如嫌我顧慮
傻或錯 有心知他允許
原來安心 才能開心
誰還管笑容可吸引
從此纏綿的手勢 塗鴉般都不要緊
遺忘缺憾未靠修行
亦再不必證實我多麽勇敢
找到使我自信的人
自然會一直動人

原來極盼望的愛可來自意外
原來未付出亦得到厚待
從前要被喝采 要被愛刻意自愛 怎會自在

原來誓要做到第一可能是障礙
能坐擁夢想未出於競賽
若對象屬於我 愛情長留脈搏內
門合上 也不擔心躺開

原來安心 才能開心
誰還管笑容可吸引
從此纏綿的手勢 塗鴉般都不要緊
遺忘缺憾未靠修行
亦再不必證實我多麽勇敢
找到使我自信的人
未完美便會一直動人

原來安心 才能開心
才能怎放任也吸引
從此纏綿的手勢 塗鴉般都不要緊
遺忘缺憾未靠修行
亦再不必證實我多麽勇敢
找到使我自信的人
自然會一直動人

曾經與某人一吻 動心得不放心
如此小心再愛亦不合襯

Wednesday, December 23, 2009

十月圍城


其實對呢齣戲的興趣不大,
不過陳星星想睇, 都要陪吓佢.
結果係好好睇, 好緊張,
一啲都唔覺過咗兩個鐘.

謝霆鋒冇咗個靚仔樣啲戲都好咗,
冇咗個 '懶鋒利' 的眼神,
正常好多~
係全場我最鐘意的演員.
那段小伙子的愛情, 很感動.

唔鐘意黎明, 所以唔想睇十月圍城,
不過佢原來係笑位所在,
出場次數唔好, 但係一出就忍唔住要笑兼問: 咩呀?
個造型, 個塊肥腫的面, 仲要慢動作, 想點???
成件事情都錯晒!

睇啦睇啦~~
革命緊張過打杖好多.
打架場面又好好睇,
各樣感情都好感動,
愛情, 親情, 友情, 愛國情, 乜都有,
是生死存亡之秋啦.

十月圍城 (IIB)
135 分鐘
導演: 陳德森
演員: 謝霆鋒, 曾志偉, 黎明, 梁家輝, 任達華, 范冰冰, 胡軍, 甄子丹
粵語對白,中英文字幕
12月18日上映

1905年,香港,消息傳來:革命領袖孫中山決定冒險赴港,名為探望母親,實則與革命代表見面。為保衛孫先生的安全,革命志士與清廷鷹犬、港英政府之間展開了一場殊死較量。革命志士陳少白,聯絡富商李玉堂,希望其能出資“邀請”江湖高手保護孫先生。李玉堂發掘出五位大隱于市的高手,組成臨時“護衛隊”來保護孫先生。一切準備就緒,孫先生如期抵港。清廷派出的暗殺隊,遠比李玉堂等人想像的兇狠。這些寂寂無名的平凡百姓,在良知與正義的呼喚下,放棄了家庭、愛情、事業、友情,最後,甚至是生命。一場又一場的血戰與惡鬥,在香港的街頭巷尾展開。最終,孫先生安全離港,繼續為革命事業奔波。六年後,辛亥革命爆發。

Tuesday, December 22, 2009

放開

我這個人很變態.
鐘意見到以前的 ex- 找到另一半,
那便放心了.
在此之前,
都會耿耿於懷,
覺得好似害咗人咁.
(當然唔排除人地其實一早都已經對我冇感情~)

曾經深愛過的人,
不能繼續同步向前,
唯有希望他能夠找到另一個伴.

聖誕當前,
皆大歡喜 :D
大家都重生了, 真好.

Monday, December 21, 2009

神位

早早說過,
要孝順, 要對人好, 不要等到死後.
在世的時候就應該用多啲時間心思去陪伴佢地.
你永遠唔知道緣份係那年那刻完結.
死後的一個神主牌, 一場祭祀, 一縷清香並不過改變歷史.

燒多兩枝香代表甚麼?
你死後我想同你溝通,
可以對住幅相, 對住一隻屬於你的手錶,
或是對住個天係心入面講咪得囉.

我係敬鬼神而遠之.
我會拜神, 會拜山.
但係神主牌不能同我同屋共主.

放個神主牌係屋企好似佢又住係間屋度咁,
我覺得長期被監視!
雖說祖先會保祐,
放係個心度咪得囉,
我知你會睇住我,
但係我唔需要你一齊係間屋度望住我!

心照, 咪就係咁解囉.
第時我死咗, 好快去投胎架啦,
清明時節得閒黎探吓我就得架啦.

Sunday, December 20, 2009

退休生活

爸媽又返大陸自駕遊,
唔需要定時間, 唔需要定目的地,
60 歲退休又有力氣金錢冒險的心去周圍玩.
很悠閒.

遊山玩水實在有年齡所限.
20 歲的時候乜都夠膽玩,
依家條命貴咗, 顧慮多咗,
開始有啲畏高 :p

到我 60 的時候,
個世界會點呢?

Friday, December 18, 2009

BBproduct@海港城

BeBe Dream
吉之島都有 的 Combi 同 Minimoto,
日本品牌,
日本的東西安全度好似比較靠得住,
而且款式比較時尚.
有自家信用咭.

Mothercare
worldwide 品牌, 好實際.
有本原價 $15 的 catalogue,
(買咗件睡衣, 佢送咗本書俾我.)
好多嘢睇,
增加好多知識,
原來有咁多嘢買!
滙豐咭有九折, 買滿 $3000 做會員.

有好多嘢買, 以我依家少少的常識, 暫定:
1. 0/3 bb 床 @吉之島, 分三個高度.
2. 網床 @combi
3. 食飯櫈 @mothercare, 可以調教高度, 由細食到大!
4. 奶樽 (& 配套) 要比較吓先, 都唔知點為知好?
5. bb 車, 三輪? 四輪? 大定細? 點比較呢?
6. 衣物, 全棉囉.
7. 相機~
但係唔想買住, 好阻地方! :p:p:p

Thursday, December 17, 2009

60

尋晚終於係 1100+ 張相裡面揀咗 60 張做相簿,
睇到我眼都盲!!!
用咗兩個幾鐘!!!

開頭出門的時候好精神...
一路到最後 1881,
個樣謝到痺!
笑容都彊硬晒~

整體係大會攝影好過 snapshot :p
可能我都係傳統啲 :p:p:p
如果淨係 snapshot 會少咗一份紀錄.

上傳 facebook 的事情,
今晚再努力!

Wednesday, December 16, 2009

睇樓::鰂魚涌

因為多咗個小朋友,
依家目標單位都大咗少少,
六百尺至八百尺啦.
我唔鐘意康怡的三角廳,
佢唔鐘意三房的南豐走廊長.
今次主要睇咗四個屋苑:
康蕙花園, 柏蕙苑, 寶峰園, 康景花園.

康蕙花園
正門要上少少斜路,
都接受到,
價錢就四個屋苑之中最平,
不過啲房真係細得緊要.
完全唔會考慮.

柏蕙苑
四橦樓,
相對樓齡較新,
太古管理的樓宇 keep 得好,
睇咗個高層單位, 非常開揚,
而且客廳有落地玻璃, 好光猛.
樓底夠高, 廚房超大, 反而洗水間就偏細.
我睇的兩房單位, 一大一小,
兩口子住就剛剛好,
加個小朋友就細咗少少啦.

寶峰園
ABC, 三座.
三十幾年的舊樓,
非常四正實用, 高樓底.
近地鐵站.
成件事情都 ok,
不過我睇嗰間係凶宅,
又冇第二個啱的放盤,
盤源少, 要等.

康景花園
最靜, 景觀最好, 不過地點最怪.
搭車就有小巴 $2.8 上咗南豐再轉落去.
行路就由鰂魚涌圖書館氣街市路再經掠晒衫的舊樓再轉電梯上 UG.
因為相對比較隔涉,
如果返工放工的時候無論小巴定電梯都會好多人.
冇車的話方便度就最差.

下一站: 天后.

Tuesday, December 15, 2009

芝加哥


其實我想睇 Chicago the Musical,
不過時不予我,
唯有介紹大家去睇啦.
--------------------------------------------------
舉世聞名,別具特色的爵士音樂劇《芝加哥》將於2010年5月20日駕臨香港演藝學院歌劇院。自1996年在紐約百老匯首演,《芝加哥》憑其精彩萬分的歌舞場面及嚴謹的製作旋即風靡全球觀眾—蠃得六項「東尼奬」Tony Awards® 、兩項「奧利弗戲劇奬」Olivier Awards® 、一項「格林美奬」Grammy® 及上萬人次的觀眾起立鼓掌。這齣氣勢磅礡、劇力萬鈞的爵士音樂劇,勢必成為明年香港的重點盛會!

官方網頁: www.lunchbox-productions.com

演出時間: 約2小時20分鐘 (設中場休息)
英語音樂劇設中文字幕

ForStarProduction::攞相

等咗成個月,
有相攞啦.
原本可以早少少,
不過婚紗展太密集啦!
上個禮拜又婚紗展, 咁就冇人得閒招呼我地.

原本個 package 已經包咗 1000 張相,
但係結果都多咗 194 張 (@$3.8),
所以加咗 $737.2.
大會攝影 500+, snapshot 600+.

兩隻 cd,
兩大本相簿,
加個公事包咁嘅套,
重死人!!!

相片質素當然 ok,
因為被影嘅 ok 吖麻~
其實我未 "lun" 啲相, 只係頭先係店度揭完 :p
不過都唔錯, 特別係珍珠相紙真係靚.
今晚慢慢睇,
順便放啲上 facebook.

我仲厚面皮的叫 andrew 幫我 scan 咗上次羅浮宮冇 file 的相添~
佢地 scan 得靚啲啦.
呵呵~~~

另外包本 12" 的相簿,
要揀 60 張相同封面相.
dvd 就要等三個月.

風雲II


我哥係漫畫迷,
風雲漫畫我都睇唔少.
頭嗰半場我覺得係立體版的漫畫,
特別係無名嗰招萬劍歸宗!

可惜之後無以為繼...
入咗魔之後木口木面的鄭伊健, (雖然佢原本都冇乜表情.)
真係慘不忍睹,
悶到我不停問隔離嗰個依家幾點!
好想散場.

郭富城身形保養得好好,
鄭伊健的近鏡唔得囉, 好鬆 :p

對白極少,
可惜啲主要演員又冇戲.
音效好嘈,
唯一好處係翡翠明珠睇銀幕超濶睇得好舒服.

佢話一定要寫: 呢齣係佢近年來睇過最悶的戲.
------------------------------------
風雲II (IIB)
110 分鐘
導演: 彭氏兄弟
演員: 郭富城, 鄭伊健, 蔡卓妍, 謝霆鋒, 任達華
粵語對白,中英文字幕

12月10日上映 故事講述聶風(鄭伊健飾演),為了對付野心勃勃的絕無神(任達華飾演),不惜以身犯險修練魔功,步驚雲(郭富城飾演)、聶風兩人約定如聶風成魔後變成一個六親不認的魔頭,便由步驚雲殺死聶風,一場驚天地,決生死的終極之戰旋即展開。是次《風雲II》兩位主角郭富城及鄭伊健飾演的角色將會性情對調,亦正亦邪的步驚雲將打破心魔讓自己走上正途,而聶風為了練功迎戰絕無神卻步入魔道,令角色層次變得更為豐富。是次電影以精湛電腦特技開創中國武俠電影新風格。

都會海逸+AwfullyChocolateCake

都會海逸 Superior Room,
除一般客房有的書枱大床洗手間, 仲有梳化, 飯枱, 廚房.

Welcome Pack
好一般, 唔覺得有誠意.
礦泉水, 茶包, 水果, 曲奇, 朱古力.

睡房

客廳, 剛好夠個新郎做拳上壓然後其他人圍觀!

飯枱 (還有生日禮物 :D)

廚房, 有煮食爐架.

洗水間, 都幾細.

間房係十樓, 剛剛對住紅館,
高層就好好多啦.
兩口子過一晚二人世界就唔錯,
但係如果用黎出門就細啲囉,
點企十幾人呀?
玩唔到任何遊戲囉.
而且個人覺得結婚前一晚住又冇乜用,
結婚當晚又攰, 又多嘢搬,
都係之後去嘆吓好過.

Awfully Chocolate Cake
切開個蛋糕,
朱古力醬, 朱古力蛋糕, 香蕉醬, 朱古力香蕉蛋糕,
一層一層.
冇太甜, 冇太漏,
不過又唔係咁特別好食囉....
又係唔會推介, 自己又唔會食第二次啦.

同場加映: Dark Chocolate Tartlets
脆口的黑朱古力, 有杏仁片, 爆香米..

得六粒, 貴啲囉.

包兩位 buffet 早餐,
聖誕的 table piece.

大窗望住 patio,
記起當日的婚禮,
仍然非常回味,
最唔滿意就係個新郎!

佢個好肉的早餐 :p

Monday, December 14, 2009

中醫覆診 (4)

中醫話 bb 脈象好好,
叫我著有領衫, 平底鞋. (我對鞋都只不過係一吋.)

我問係咪可以係脈象知道係男定女?? (我上網見到人地咁寫.)
醫師話完全唔得, 冇一本醫書係咁樣寫.

就係咁, 又俾三個湯啦.
我話可唔可以唔煲瘦肉, 因為個味道好悶,
佢話可以煲冇皮的竹絲雞/烏雞.

同埋佢又提記得食已經食到好悶的蛋!!

生日飯::Cucina

坐低望吓個餐牌,
已經知道大鑊啦,
一張 foolscape 紙,
一邊西餐,
一邊中餐, 係有點心嗰隻.
當然唔會叫中菜啦.

好彩都有維港海景搭救, (雖然有一大條柱...)
氣氛都 ok,
全黑的裝修然後有幾個射燈射住張枱.

餐前包
好奇怪,
面層好似乾咗的油炸鬼,
底層就係正常的法包,
佢應該係乾咗的法包定係個款係咁嘅呢?
但係點包的香草醬就唔錯.
(手機相片, 又唔夠光, 係差啲啦.)

帶子沙律 HK$185
一貫西式用煙肉包住帶子黎煎,
中間係高級雜菜沙律,
油醋汁加中國辣椒油! 死未!

意式拼盤 HK$145
貪佢乜都有~
味道都 ok.
芝士, 燒瓜s, 火腿s (超冇誠意...)

火腿s, 橄欖, 魷魚

餐牌冇,
待應推介的四分一隻烤豬 HK$488.
要等 45 分鐘.
好似一隻半手掌咁大份囉.
意式燒乳豬?
皮脆肉嫩, 唔肥膩, 不過略鹹.

黑松露菌薯蓉 HK$65
好得, 好香,
呢個自己整都得.

他的飯後咖啡 HK$45,
超濃味,
那個黃糖很好吃 :p

另外水一枝 HK$70
後尾發現可以開壺茶,
都不過係 HK$50-100,
早知要茶啦.

埋單 HK$1098,
唔差, 又唔見得好好,
唔會特別推介,
自己亦好難黎第二次咁囉.

Cucina
地址 : 尖沙咀廣東道3號馬哥孛羅香港酒店6樓
電話 : 2113 0808
類別 : 多國菜

Sunday, December 13, 2009

生日

陳星星唔係一個浪漫人,
想驚喜? 應該係驚嚇多啲.
我都係為自己籌謀一下,
起碼啱自己心水.
係呀, 我好面皮厚架,
鐘意嘅我一定爭取.

大項目一早決定咗,
因為結婚的時候酒店送咗一晚 Superior Room,
一定要今年用咗佢, 但係大時大節又唔用得,
咁就生日用啦,
房間介紹另文再寫.

舊年佢冇買生日蛋糕攪到我冇蛋糕切,
但係係酒店食太大個攞走又煩,
咁我就搵咗 Awfully Chocolate 叫佢買個 6" 香蕉朱古力蛋糕.

晚飯呢早一晚食, 因為正日要做冬.
佢俾咗三間我揀, 我否決咗一間,
佢決定去 Cucina, fusion 喎.
都係另文再寫.

禮物都係自己一早揀咗,
係酒店至拆, 生日要拆禮物架啦.
好彩提醒佢買生日咭有做到 :p

就係咁,
又老一歲.

Week 15::好橙


由於一路都冇增磅,
所以好努力咁食多啲嘢~ hohoho
維持每日好飽的四餐.
面頰終於都飽滿少少.
個肚都開始突突地,
千萬唔好之後一下子嘭嘭聲暴漲!

打側瞓覺的時候好需要攪住個枕頭,
開始唔係好平衡到.

仲係好容易冇電,
一冇電就完全冇電.

每日都好想食橙,
一起身食一個橙,
三點三又飲杯橙汁,
好橙得吓~
食完個胃舒服啲.

大咗肚仲更加需要做 facial,
內分泌唔同咗,
好多油脂, 好需要針清,
小姐話好可能係仔.
---------------------------------------------
母親的懷孕過程 copy from Yahoo Blog
第15至16週

胎兒與茶杯般大 你胎兒的進展: 剛好可放入茶杯內! 你的胎兒生長得非常快,它現在約有16厘米(6吋)長,體重有135克(4.75安士),卷曲了的身體正好能放在一個茶杯內。它的手、腳、骨臼已經完全形成。它的面孔越來越似一個人的面孔。

相對於它細小的面脥來說,它的雙眼仍然顯得很大和分隔得很闊。它幼嫩和薄薄的皮膚下的血管清晰可見。頭部出現了幼小的頭髮,全身亦長滿了胎毛。

眼眉和眼捷毛也開始長出來,手指及腳紋也漸漸形成。 你身體上的變化:擴大了的子宮和盤骨當子宮不斷離開盤骨的位置膨脹的時候,你會察覺自己的身形已經很明顯是孕婦了。隨著子宮的慢慢挺起,你會感到以後有好幾個月,原本擴大了的子宮壓在膀肛所產生的壓力可得到暫時的舒緩。在整個懷孕期間,你的子宮的容量將會增大一千倍左右,有5公升的容量(即9千克)而重量增大20倍左右,即由40克(1.5 安士)增加至800克(28安士)。當醫生用手去按一下肚子,他便能估計整個子宮的長度,並可推算胎兒的週數。你的胎兒亦會長大而壓向你的盤骨,令至它向前傾斜(可參考第27至28週及第29至30週有關更多在懷孕期可能引致的身體部份及關節疼痛及如何去減輕這些不適的資料)。

有關唐氏綜合症和其他疾病檢查有一些測試可以知道胎兒是否患有唐氏綜合症(其實這些病的來源仍是一個謎,它是由於染色體起了變化而導致胎兒的智力遲緩),脊髓肌肉萎縮症,又或者是其他神經中樞管道的病。但這些測試結果,可能令你感到更加混淆及引起不必要的焦慮。因此要記著,這些測試的目的只是評估一下胎兒是否患了以上那些疾病的可能性,而不是給你一個百分之百準確的答案,所以父母必須要衡量一下怎樣去接受及處理評估的結果。

AFP 測試 (甲胎蛋白驗血測試) - 醫生會視乎你的年齡和衡量其他的因素後,可能會提議你在第16至18週左右進行兩種特別的血液測試,以測試你身體內的AFP水平,和其他物質。

如果水平高的話,這可能是胎兒有神經管的缺陷如脊柱裂﹔如果低的話,可以能表示胎兒患有唐氏綜合症。這些測試也會有出現錯誤結果的可能性﹐因此醫生通常會配合多種不同的測試一起進行,以確定問題是否存在。 超音波或頸背射線的掃描- 有些醫生會利用較仔細的超音波在胎兒的頸部屈摺的位置進行掃描,以進一步確定胎兒是否不正常。

(香港的公立醫院並不普遍使用這種測試) 羊水化驗- 大約在第14至18週之間,醫生可能會替孕婦抽取羊水來進行檢驗,以確定胎兒是否患上唐氏綜合症。這項測試的準確程度可達百分之九十七。

但這種測試本身亦有引致小產的危險,所以通常醫生只替那些較容易懷有問題胎兒的孕婦進行檢驗。一般35歲或以上的高齡孕婦懷有唐氏綜合症胎兒的機會比一般人大,而進行羊水化驗而導致小產的機會相對較細,因此未進行血液測試前﹐醫生可能建議你直接進行羊水化驗。 絨毛樣本檢驗(CVS) - 有些遺傳性疾病在早期的胎盤造織中已能檢查出來。標本一般通過子宮入口而被切除下來作測試。

絨毛樣本檢驗的準確性跟羊水化驗一樣屬於準確性高的測試,好處是它能夠早在第10至12週的懷孕期間便可住行,但它可導致小產的比率卻較羊水化驗還要高。醫生會建議你是否需要以上的測試,但最後總得要準父母的同意才能進行。

有些人想準確地知道胎兒是否有問題,但需要有心理準備萬一測試結果題示他們的胎兒有高比率患有唐氏綜合症或其他嚴重殘疾的時候,他們應作出怎樣的處理方法。但對一些孕婦來說,無論胎兒的健康狀況怎樣﹐她們還是會堅持完成整個懷孕期,所以測試對於她們來說是沒有什麼意義的。

Friday, December 11, 2009

BabyPlus寶寶佳胎教機

買了新玩意: 胎教機.
week 18 開始日日放係個肚皮上面,
早一個鐘, 晚一個鐘.
一部模仿心跳, 發出 <嘭! 嘭! 嘭!> 的儀器.
16 星期節奏由慢到快.
睇吓係咪真係比較聰明、富想像力及情緒穩定?


什麼是Babyplus?
BabyPlus是為期16星期的胎教專科器材,此乃現時唯一得到美國政府專利的胎教產品,全球有超過150,000個家庭曾經使用。BabyPlus模仿人類的心跳聲,胎兒會將每一節課之頻率和節奏的轉變,以及BabyPlus的聲音與他在母體中所聽到的其他聲音,進行區別和比較,在過程中提高胎兒的腦部發展,增強認知能力,大部分媽媽於使用BabyPlus後都發現胎兒活動增加。

為什麼做胎教?
美國的腦科專家Dr. R. Joseph 於1999年發表了一篇論文,說明了每個胎兒的腦細胞,在母親體內會快速地以兩至三倍超額生產,但若沒有任何外來的刺激,至懷孕八個月時,40-75%的腦細胞便會因沒有和其他腦細胞連結而枯萎 (不會影響孩子健康)。胎教目的旨在減少腦細胞的枯萎率。初生嬰兒能保存更緊密及活躍的腦細胞,便能更聰明和健康;畢竟我們的腦主導了我們的一切活動。
Babyplus的”聽覺練習”有助鞏固胎兒腦細胞之間的連結,它是第一部胎教器材並且被廣泛認同。胎教寶寶一般都會比較聰明、富想像力及情緒穩定。

甚麼時候做胎教?
人類都用聽覺、視覺、味覺、嗅覺和觸覺來學習,而聽覺是人類最早成熟的感觀。醫學界早已確定胎兒在十八週巳能聽到聲音,所以胎教最理想在第十八週起開始進行。美國西雅圖的 Dr. Brent Logan 於過往二十年做了很多有關胎教的研究,亦說明了胎教在懷孕18-35週內任何時間開始,直到孩子出世前,效果會最明顯。

如何做胎教?
胎兒在母體內的四十週,都活在羊水中,被媽媽體內的心跳聲、肺部呼吸聲、血液流動的聲音、腸道內消化的聲音等等共約90分貝的聲音包圍著。故此使用音樂作為胎教的工具,無疑能令媽媽身心輕快,情緒穩定,但音樂聲卻未能傳送到胎兒耳中,從而達到以上提及的胎教效果。而且,胎教必需要以簡單及胎兒明白的聲音來進行,媽媽的心跳聲便是胎兒最熟悉的一種聲音。
有效的胎教必要以「安全」的音量把訊息傳送給胎兒。研製BabyPlus的專家把BabyPlus的聲量按研究資料數據調節,聲音到達胎兒耳中時已變為25-30分貝,非常安全。
用BabyPlus做胎教非常簡單,媽媽只要每日兩次,給肚裡的寶寶聽BabyPlus一小時,並且按“課程時間表”的編排調較節奏,胎教便已經進行了。

info from BabyPlusAsia

Thursday, December 10, 2009

牛同學問我: 係咪行多一步, 咁就有機會架啦?
答案: 唔係. 還需要一點手段.

行多一步比較低級組.
某程度上有啲似: 女追男, 隔層紗 :p
俾多啲 signal 對方令佢知: 你係有機會, 唔好放棄呀.

另外有高級組,
有點置之死地而後生的方法.
就係激起佢競爭的心同認識多啲你的吸引力.
就好似你去買嘢,
見到個銀包唔錯, 得番一個, 但係心大心細,
突然隔離有個小姐虎視眈眈你手上未俾錢的銀包,
你就會拿拿臨去付款一樣.
當然, 唔排除你可能會割愛. (但係人係好衰嘅, 我買咗唔用一件事, 但係我唔會益你.)
咁買咗咪用囉,
用用吓你就會發現佢嘅可愛啦.

你唔可以俾對方知道: 你日日都係係屋企等佢電話, 隨傳隨到,
你要俾佢知道: 你唔要, 仲有大把人排隊等緊你.
1. 人都係最怕冇人要的東西, 人地唔要冇理由我要架, 係咪有問題呀?
2. 有對手佢會覺得你係優質股, 可能佢未知點解, 但係會覺得有麝自然香.
3. 人係鐘意爭嘅, 嬴咗都覺得自己勁啲.

有對手咪大方啲話俾人知有對手, 等佢加多兩錢肉緊,
冇對手咪搵個男性朋友幫幫手做吓煙幕囉.
男歡女愛, 都係打心理戰啫.

HairPiece::BoringSidney

如果薛凱琪戴上頭,
應該幾好.



All from BoringSidney, Seattle Washington, USA

Wednesday, December 9, 2009

行多一步

從小的教育都係男主導, 女的要矜持.
作為驕縱的港女,
要先為感情付出,
其實有點難.

總怕多走一步,
不夠淑女, 沒有面子, 不矜貴, 怕太容易別人不會珍惜.
說到底,
你是不想付出?
或者這個人不夠力量令你去付出?
總是說:
有心的, 不妨主動一點.

每次都想:
就主動那麼一次,
以後都有人愛護你,
這不是很好嗎?

談名字

我: '衍' 字好唔好?
星: 好, 不過冇用, 有個長輩個名有 '衍' 字. 你點解唸到個 '衍' 字?
我: 因為我見到 '衍生開奶茶' 個廣告.
星: 咁不如叫 '衍開' 啦, 人地問個名點黎, 因為 '衍生開奶茶' 囉.

星: 我覺得筆劃少的名字型啲.
我: 咁叫 '陳一一' 囉.
星: 唔好, 叫 '陳一,' --> 符號, 音: '陳一逗'
我: 或者 '陳一、 ' --> 符號, 音: '陳一頓'
我: 用個句號 '陳一. ' --> 符號, 音: '陳一點'
星: 用一條線, 但係唔係 '陳一一', 係 '陳一- ' --> 符號, 音: '陳一橫'

實在係天下間最無聊的父母.

陪月員的分享

1.
第一胎應該會遲唔會早,
最後的一個禮拜食多啲涼嘢會幫助順產.

2.
bb 的物品唔需要多, 唔需要貴, 最緊要實用.
bb 床要實淨, 唔需要多餘的網紗.
bb 衫唔需要多, 因為少出街, 但係質地要好, bb 皮膚好嫩.
唔需要買什麼多用途沖涼盆, 一個 $20 紅色橢圓形膠盆非常實際.

3.
依家都未知有啲乜嘢要準備,
去咗產前講座就會知多好多.

Tuesday, December 8, 2009

港男

中女有缺點, so does 港男.

畏首畏尾, 缺乏承擔, 害怕承諾, 自我中心.
冇計劃, 冇將來.

我見到的普遍問題,
不過經濟唔係特別好,
要佢地滿足多多要求的但係本身已經獨立的港女,
其實都有一定難度.

我都明白咁好難令人有安全感,
不過唔好要求過高又唔好咁貪心,
人品好又關心你咪 ok 囉...

中女

任性, 高傲, 過度自信, 愛面子, 要求多多,
這些常犯的錯誤.
都係戀愛失敗的原因.

擁有的時候都不珍惜,
冇咗的時候就哭哭啼啼,
這就是人性囉.

無聊時要分手,
不被重視要分手,
遲到要分手,
搵唔到人要分手,
食飯忘記叫你鐘意的食物要分手,
忘記一百日拍拖記念要分手.
最鐘意半途而廢.

只記得權利, 忘記了義務.
應該關心體諒明白身邊的人.
可能佢工作忙, 記性差,
甚至個人本質不夠浪漫,
咁你咪幫佢一把囉.
每人心目中都幻想出一個完美的伴侶,
但係個天係公平的, 人係冇完美,
佢做唔到你想要的,
你俾提示, 或者行多一步,
或者直接接受佢的不完美,
咁大家至可以長久.

由有到冇,
大家都理所當然的認為屬於自己的東西不會變,
總是在有競爭或是失去的時候才想起他的可愛.

到失去的時候又苦苦哀求,
到頭來只苦了自己,
總是自責悔不當初.

相愛係雙方的事,
唔係吓吓都要男人做主導,
大家都要出一分力.
最緊要唔好後悔.
愛自己便主動一點為自己謀求多一點幸福.

花木蘭

其實冇乜興趣,
不過全家都睇, 咁我咪又去囉.
裝修咗的 UA 太古城不錯,
走廊濶咗,
張梳化椅舒服咗,
價錢暫時未變.

片頭預告<刺陵>好像不錯,
<十月圍城>好似都唔錯, 不過我唔鐘意黎明.

花木蘭好似女版趙子龍,
一打仗我就唸起劉德華.
中段有點悶.

花木蘭打仗十二年,
一刻都不想留在戰場,
唯有文泰令好振作.
最後解甲後點到家鄉,
文泰要木蘭忘記他,
木蘭對文泰說:
十二年來在戰場上,
每一天起來,
想起你, 我才有勇氣張開眼睛.

那一刻, 真係全場最感動~

花木蘭 (IIB)
114 分鐘
導演: 馬楚成
演員: 趙薇, 陳坤, 胡軍
普通話對白,中英文字幕

12月3日上映 北魏,有個小女孩叫花木蘭(徐嬌飾演小花木蘭),與父親花弧相依為命。她受父親影響從小偷練武功,私學陣法,武藝高強。木蘭(趙薇飾演)十八歲時,遊牧民族柔然犯境,軍情緊急,魏國全民徵兵。木蘭不忍年邁的父親再上戰場,便灌醉父親,違抗軍令,悄悄地替父從軍。初入軍營,木蘭精湛的武藝引起了副營長文泰(陳坤飾演)的注意。一次,木蘭在不知情的情況下去到營長的專用溫泉裏泡澡,正巧與文泰撞了個正著。她踢傷文泰,得以逃脫,但身份的危機卻一步步逼近木蘭...

帽子::NaturallyCraftyShop

太可愛啦!!!
出街的時候一定係焦點所在~




All from Naturally Crafty Shop, New York, USA

Monday, December 7, 2009

原來...結咗婚成個月啦

一啲都唔覺得結咗婚 :p

天氣乾燥

1.
一除衫的時候雪花紛飛~
成條 leggings 都有白色點點.
~ 好多死皮 :p ~

2.
半夜瞓瞓吓都口渴,
一定要飲幾啖水至可以再瞓.

順產vs開刀

一定要順產~
點解?
辛苦咗十個月至可以得到難得一次的生仔經驗,
唔係攞把刀去破壞佢呀???
仲要唔係係想順就順,
可能你痛咗廿個鐘結果都要開刀架喎,
順產都講天時地利人和,
係福氣黎架~
成個過程係一個體驗,
唔容易有架.
我膽生毛唔怕血又唔多怕痛,
應該 ok~

開刀呢,
有機會咪留番下次囉.
如果今次開刀, 下次就冇機會順產架啦.

Sunday, December 6, 2009

爛片 x2

租了爛片兩套,
明知爛但係都冇唸到爛成咁!
怪談同埋機器俠.


一向冇睇有線的怪談,
覺得非常嘩眾取寵,
刻意營造氣氛,
但係一啲都唔恐怖.
齣戲係佢揀嘅,
佢都十萬個唔願意,
但係佢揀其他的戰爭/民初片/天水圍,
我寧願睇爛片.
主打係電視尺度以外的片段.


機器俠當時上映之前雷聲大,
說什麼中國人的機械人,
什麼長時間後期製作,
到上映的時候好似冇咗影咁.

先睇怪談,
專登關燈開大聲,
希望可以感受多一點的恐懼.
結果當然係失望啦,
個個故事都虎頭蛇尾,
最後尾都係不了了之.
三級片的原因係有部份非常血腥, 虐待家禽,
同埋最後有個全祼的陰陽人! (即係上面係女人, 下面係男人.)
係驚奇, 並非驚嚇.

機器俠節奏奇慢,
機械人的化妝好恐怖,
係好厚, 但係好多粒粒, 點解電腦唔執執佢呢?
機械人一出城市的第一件事係溝女?
故事左一忽右一忽,
有點變形金剛溝啲百變星君,
但係好悶,
全程都想瞓,
結果都係要分開兩次加啲快鏡至睇完.
只有十分鐘左右的變形金剛部份係值得睇.

講完.

Saturday, December 5, 2009

Capelets

香港的新娘比較鐘意袒胸露臂,
凍到死先加件假毛,
一啲都唔優雅 :p
加件 Capelet 有型好多,
用途又多啲,
結婚襯婚紗,
causal 又得,
再去飲又得.

Modern Romance, from Portland, USA


Oveja Negra, from Buenos Aires, Brazil

Sunda Rose from Pittsburgh, USA

red2white from Inverness, Scotland

mucar from Istabul, Turkey


Magical Laboratory of Fashion, from Russian
Blog Widget by LinkWithin