Monday, November 30, 2009

老闆

其實老闆真的是待我不薄的呢.
今日佢等公司人少少的時候細細聲的問我: 點呀, 夠唔夠嘢做呀?
(因為我們還是很低調, 衣飾身形沒大轉變, 同事們還是不知情.)
我說: 我好夠啦!
(因為基本上佢成日都俾客我, 次次有我份, 雖然都不是什麼大客, 但都是舒舒服服的路線.)
老闆: 依家行得走得冇問題? '走走笛笛' 冇問題吖麻?
我: 冇問題, 要搵多啲錢呀 :D
老闆: 唔會太攰麻?
我: 都 ok, 你都係俾啲附近區域我, 中環灣仔都 ok. 都唔會太攰.

佢百忙之中都黎問候一句, 都算係咁啦.
仲要驚你冇嘢做! 又驚你太攰!

椰子

過大禮的時候雙方各有一對椰子,
我們都只是隨便的放在一旁,
大家都想或者有一天將它們破開煮個餸煲個湯.

記得當日陳老師將椰子放出露台,
有一天突然間發現它長芽了~
媽媽也是突然發現我家的其中一隻椰子長芽呢!

椰子, 真的有點顯示啦~

偏食

陳星星話樣樣都要食, 唔係孩子第日都會偏食.
所以....
飯後甜品有時會食雪糕,
酒店自肋餐的時候食咗生蠔,
前日去金寶食咗生蝦, 冬蔭公,
晚飯係兩興食咗鵝片,
尋晚食湖南菜全餐都辣~

哇哈哈~~~~~~~
我冇刻薄佢架 :p
其實都唔需要刻意唔食啲乜,
但係唔貪心咪得囉.

Saturday, November 28, 2009

大洗

可能結婚前餓得太耐,
成日唔敢大洗~
結婚之後,
好想狠狠地買獲勁嘅.
尋日終於都成功的洸到啦, 呵呵呵呵~~~~~~~
買咗大袋中袋小袋, 當然仲有衫啦~
開心到不得了!

Week 13::進展


進展良好.
作嘔作悶多胃氣的情況沒有了.
更食得, 更瞓得,
不過冇咁易攰啦.
肚皮是有一點漲,
但身體其他部份都還很正常, 沒有水腫.
下個月都沒有需要見西醫,
可以有個舒服的聖誕節~
--------------------------------------------
母親的懷孕過程 copy from Yahoo Blog
第13至第14週
胎兒已完全形成了! 你胎兒的進展 : 一個完全成形的胎兒你已經進入懷孕的中期了﹗懷孕的三個階段只是醫學上簡略地把40週的懷孕期平均分為時期的名稱。

但有趣的是﹐每個階段都有些明顯的分別標誌著令一階段的開始﹐就好像第一個階段的完結剛好是胎兒完全成型的時候﹔其他兩個階段主要是胎兒的成長期。若借助輔助儀器的幫助﹐你大可以聽到胎兒的心跳聲,跳動的速度要比你的還快一倍。 

胎兒現在有10.5厘米(4吋)長,體重有65克(1.5安士),你的子宮現在像一個西柚般大。 但距離懷孕的最後階段,還有好一段路要走。 你身體上的變化: 如果你有晨吐或不適現象,那麼相信你在這個階段會變得舒服多了,因為不適現象會漸漸消失。大部份孕婦的狀態在懷孕中期都是最佳的。

你的新陳代謝每天大約會有30公升(52品脫)的血液會從你的系統內循環地流到胎兒的系統內。

由於流向子宮的血液量增加,你的心臟的工作量也要比平時多出百分之四十。 你的心臟也因此會變大了。 再加上流向你肝Å戎H及皮膚的血液也同樣增加,你會感覺自己的身體就總是暖暖的,而汗水的分泌也同樣增加。

雖然如此,你脈搏跳動率並沒有多大的變化。面對身體的變化和處理懷孕期間身體出現種種的變化,有些是令你欣喜的,有些卻令人困惱的。 其實每個孕婦的經歷都有些不同。 老實說,大部份的身體變化都會令你不悅的,但無論如何,你不應過份去理會它,除非這些變化造成一些持續性的不適,痛楚,出血,晨吐或頭暈等。 如果你有任何疑問,請立刻向你的醫生查詢。以下幾點是一些較為普遍的變化。 如果一般的成藥都不能減輕你的不適,請先諮詢醫生的意見才服食任何藥物或使用任何藥膏。 同時亦有人會建議你不要在懷孕期間染髮或電髮等。(請參考第25至26週關於妊娠紋及其它皮膚色素的變化)你可能會發現,你的新陳代謝的速度比從前加快了,你的頭髮和趾甲都比以前生長得快些。 因此在懷孕期間,脫髮的情況會減少,你的頭髮會變得較為濃密。 但同時,面部及體毛卻變得較粗。有不少孕婦發現皮膚比以前更有光澤,但有些卻發現油脂分泌增加,並導致油脂粒的出現,亦有些人卻感到皮膚變得乾燥,痕癢,尤其在肚皮的位置更為明顯。你的牙肉會變得敏感和容易流血,這都是因為懷孕期的賀爾蒙變化令你的牙肉變得酸軟。(有些人認為這是胎兒從母親牙齒裡取去很多鈣質所導致的說法其實完全是謬誤)。 因此,你必須要注意口腔衛生,注意刷牙,和繼續作定期牙齒檢查。有些孕婦的面上會出現一些疙瘩或斑點,通常稱為妊娠面斑或黃褐斑。只要避免直接曬太陽或利用帽子和雨傘等隔阻太陽光,情況便可以改善。不用擔心,這些黑斑通常會在分娩後自動消失。

Friday, November 27, 2009

陪月+產前講座

其實我都唔明點解要咁早搵陪月員?
不過事實就個個都趕時間.

上次都東區覆診的時候得到 Papa-dio 的陪月服務小冊子,
賣點係社會服務所以為服務非為牟利,
價錢相比獨立的陪月員便宜一點點.
全部都有証書, 有專業訓練, 有問題直接返東區醫院.
同一般仲介公司一樣有得面談, 可以退貨.

電話傾談的康姑娘都好好人.
同時佢推介我要聽產前講座,
他們的是個別上門的指導,
時間比較好, 單對單比較隱私 :p
同埋真係有聽到,
其實比較啱我,
因為我唔鐘意一班人上堂 :p:p:p
我一定左顧右盼~
價錢當然比一大班人的貴啦,
不過感覺上好似全面啲囉, 呵呵~~

原來東區醫院依家係冇做講座架啦,
我都有比較其他, 呢幾間好似多啲選擇:
康妍專業護理中心
Fit Health
循道衛理楊震社會服務處

兩樣都未決定,
再跟進.

私家檢查 (3)::7.43

舊文: 2009 年 11 月24 日
今日的任務係度頸皮.
醫生之前都講咗,
要 bb in the right position,
要某一個角度至度到,
所以可能會用好多時間,
所以約咗做第一個客人, 10:45am.
我到的時候醫生都未返!

一照,
又長大了.
孩子直直的坐咗係度,
但係頭, 頸同身未能成一直線,
所以都睇咗一陣,
我個心不停講 : 衰仔, 快啲坐好啲, 快啲攪掂, 你阿媽我要睇樓呀! 唔好玩咁耐!
結果 11:15am 就完成啦,
都算快架啦.
過程中好似偷窺咁一路睇佢活動,
好似一隻老鼠 :p
見到佢的手手腳腳, 手指腳指一粒粒,
至少佢四肢健全,
見到眼眶, 鼻, 口咁,
都四正架.
仲有個肚啦,
心臟呀胃呀.
7.43cm 由頭頂到尾龍骨, 加埋腳大約有 10cm 啦.
腳板都有 1.xcm 架, 好大隻腳 :p
未睇到男定女.
到後期佢的跳動好似裝咗心臟起膊器咁,
啪噗啪噗~ 成個 s 型咁跳! 好勁!

講番正經事,
頸皮係 1.5mm,
屬於正常,
然後再驗小便同抽血,
小便係睇有冇糖尿病.
驗血驗一個孕婦至有的蛋白質, 一個唔記得乜嘢,
聽日至有結果.
結果會係低或者高風險,
如果低風險就冇問題啦,
高風險就要再驗其他嘢.

今日上磅係 121 磅, 不過有著鞋同著褸!
我問醫生呢三個月都冇重過有冇問題.
佢話 ok, 因為只係 10cm 的孩子唔需要太多營養,
而且孩子生長正常, 就更加冇問題啦.

走之前俾咗孕婦維他命 (Wyeth Materna) 同鈣片,
我同姑娘講我食葉酸同飲奶想嘔所以停咗,
佢話呢隻維他命都有機會, 如果想嘔就遲一個禮拜至食.
鈣片就冇問題,
依家一日需要 1000 mg 鈣,
一片鈣片 300+ mg, 所以早晚食,
而芝士約 100+ mg,
一般食物內都有鈣.
咁就要自己計住數啦.

另外我見今日報紙寫缺鐵性貧血會引致早產,
咁我一路鐵質都偏低,
所以我都有問姑娘.
姑娘話我係醫院驗血的時候有問題會話我知,
所以要等到下次醫院覆診至知啦.
---------------------------------------------
準媽媽懷孕進餐6大問 - copy from Esdlife
懷孕期間,除了正常飲食外,還需攝取甚麼營養素?

孕婦最好在正餐之外,額外添加懷孕所需要的熱量及營養素,例如蛋白質、鈣、鐵、鋅及維生素等,以適應母體在懷孕期間所產生的生理變化。

- 增加攝取肉類,確保胎兒獲得發育所需的蛋白質、維生素B12、鐵、鋅等
- 食用含葉酸成分較高的綠葉蔬菜,如青菜、菠菜、菜心等
- 勿攝取過多的鹽分或過份剌激性食物
- 多選用未加工的穀類,以獲得較多的膳食纖維
- 忌煙、酒

懷孕期的女性比一般人需要多少營養?

蛋白質、維生素、礦物質,需求增加10-50%
維生素C和鋅,需求增加60%
維生素D,需求增加100%
鐵,需求增加150%

不同階段的懷孕期,所需攝取的營養有變嗎?

懷孕早期是胎兒神經及主要內臟器官形成的關鍵時期,對葉酸、鐵和鈣的需求特別大,孕婦可補充專為孕婦配製的多種維生素、礦物質及微量元素。到了懷孕中晚期,胎兒處於迅速生長發育的階段,熱量、蛋白質及鈣質對胎兒都很重要,營養師建議每天飲用營養均衡的奶粉。實際上,無論在懷孕初期、中期或晚期,奶製品都是最好的營養補充劑。

懷孕期間體重會增加多少?

產科醫生和營養師認為,以平均身高和體重的女性為例,在孕期體重增加11-15公斤(24-33磅)是恰當的。若在懷孕前,您體重偏低,那麼您在孕期所需增加的體重在比例應該更多。至於超重的女性,更應食用大量健康而有營養的食品,千萬不要節食。

在懷孕的1-3個月,大多數女性只重幾磅,這是正常的,不必過份擔心。而在往後的日子,女性大約每周體重增加約一磅。

孕婦每天要吃多少及幾多次?

您只需均衡及充足的飲食,您可以選擇每天三次正餐,五小餐,或大小餐結合,隨您喜好。孕婦可估計自己卡路里的攝取量,然後加上孕期額外增加的300卡路里,從而計算出孕期所需的卡路里所需攝取量。

一人食量,供兩個人吃嗎?

營養均衡及充足便可以了,不必過分強調食物的份量。按照孕婦的飲食時間表,多添加一些額外的營養 (可參考上文) 便可,在懷孕期建立為BABY建立良好的飲食習慣吧。

舊文: 2009 年 11 月 23 日

近來食得最多嘅係麥當當魚柳飽或者豬柳蛋漢堡,
有魚有芝士有蛋, 仲要暖嘅~
有啲下午茶都食一個.
仲有就係美心早餐通粉或者粥品,
不過呢就要早返工至得,
因為我食得太慢~
全部食晒架!

呢啲食物理應健康又肥仔架.
點解仲冇重到??
聽日又見醫生啦...
會唔會俾人訓話架???

Thursday, November 26, 2009

中醫覆診 (3)

舊文: 2009 年 11 月 23 日

有少少外感, 流鼻水,
中醫說以後一有少少病就要去睇佢,
就算啲湯未飲完都要.
今次要飲兩日中藥醫好個外感,
過兩日好番至繼續食療.

中醫叫我食清淡,
我: 我已經好清淡咁食粥.
佢: 係乜嘢粥先?
我: 係花膠粥.
佢: 咁就錯啦, 因為花膠滋補, 所以個病就困咗係身體入面. 外感唔可以食滋補嘅嘢, 可以食蛋, 食瘦肉, 或者少少雞肉, 因為雞都滋補.

中醫: 有冇厠所去?
我: 冇, 不過一向有嘢做就冇得去.
醫: 咁係因為緊張, 情緒令到啲腸唔蠕動, 晚晚飲杯蜜糖水幫助蠕動.

卡通睡衣

如果聖誕交換禮物的金額係 HK$250-350,
我一定會買呢個,
好好玩呀~~~



All from IF tomorrow , 上海

睡姿

舊文: 2009 年 11 月 23 日

我由細到大都鐘意側睡,
媽媽叫我 '孿弓蝦米'.
書上也說孕婦適宜側睡.

但係依家側睡覺得腰骨有啲痛,
反而大字形咁瞓成條腰骨都承托到就舒服多啦.

唔似大肚?

舊文: 2009 年 11 月 21 日

星星問: 你有冇同公司的人講你有咗?
我: 冇.
星星: 冇人問咩?
我: 冇. 你睇得出咩?
星星: 睇唔出.
我: 你知我有都睇唔出啦, 更何況佢地唔知? 人地點會無拿拿問呢?

好似大肚的好處係地鐵經常有人讓座,
唔好處就實在係唔係咁型囉 :p

早餐

舊文: 2009 年 11 月 20 日

自覺太瘦,
每朝都買大大個早餐,
但係我又要慢慢食,
起碼食到十點!
自己都覺得唔係幾好意思 :p

不過真係好鐘意呢度幾多點去買嘢慢慢食都得,
啱晒需要一日五餐的我~

Wednesday, November 25, 2009

男定女

舊文: 2009 年 11 月18 日

生男定生女好?
其實冇所謂,
不過生女的支出應該會大好多,
成日見到啲好可愛的女童服,
一定大手入貨!

要四至五個月的時候才能從超聲波看到是男是女,
我說想要驚喜.
他說早些知道可以多作準備.
我說沒打緊, 男的可以穿粉紅, 女的可以穿粉藍.
他說這樣不好.
真的古老石山.

醫院覆診 2

舊文: 2009 年 11 月 18 日

覆診,
成日以為係 11.15am,
10.45am 臨出門口見到張覆診咭原來係 10.15am!!
即係出門口,
早餐都冇買.

先去中央登記,
冇收費.
有張登記咭.
(但係我忘記帶嗰張好似小朋友針咭咁嘅覆診咭 :p)
再去婦產科,
有個姑娘叫我先去工作室, 張登記咭唔使掉落箱住.
係工作室,
姑娘幫我量血壓, 驗小便 (驗小便好低能, 要自己買個樽裝去架囉.)
仲有磅重, 53.3 kg,
姑娘話我好輕,
我都覺, 呢三個月我一磅都冇重過!!!

然後等叫名見醫生,
係個女醫生,
講番上次驗血報告,
冇問題, 冇愛滋病.
然後問我有冇做柏氏抹片, 我話上年年尾,
咁醫生就話今日唔洗再做, 生完仔先.
之後佢就攞個好似小型風筒的物體放係我個肚皮上,
係擴音器聽 bb 心跳.
噗通噗通有聲囉,
都未聽真就攞起個風筒啦.
還有按胸驗乳癌, 驗陰道.
之後就打發我走啦.

10.50am 到, 12.15pm 至走得.
預約下一次七個星期後做超聲波.

忟憎

大肚婆要瞓多啲, 瞓得好,
要保持心境開朗.

個死人頭係臨瞓前同我講要思考,
將所有無聊話題都要討論一番,
唔係討論, 係質疑,
佢會同你講事情第時科技發達可以將今日的不可能變為明日的可能.
依家唔好的事情經過多年研究後可能其實係好事.
夜媽媽思乜鬼考??
請問我是科學家嗎?

包拗頸唔好搵個大肚婆啦唔該!
我冇心情冇閒情冇腦力同你玩!
你俾我安安落落咁瞓啦!!
第時個孩子變得忟憎我一定入你數!

Week 11::瘦


舊文: 2009 年 11 月 17 日

胃口好像好番一點,
胃氣少了,
不過好似愈來愈瘦,
仲瘦過以前,
面都尖了?
唔講你絕對唔覺得我有咗三個月囉~

我可是食得好, 瞓得香, 行得街喎~
------------------------------------
母親的懷孕過程 copy from Yahoo Blog
第11至第12週
表情多多的胎兒﹗ 你胎兒的進展: 會轉動的胎兒胎兒約有7.5厘米(約3吋)長,只有18克(約半安士)重。 雖然那麼細小,它全身的器官已經形成了,並且開始運作。 雖然你還未感覺到它的移動,其實它已經在不停地踢腿,屈曲身體、手指及腳趾等,而且還有面部表情呢!這時候,胎兒的性器官如卵巢及睪丸已經完成了,而外生殖器官也漸漸成型,但此時仍然未能很清楚地分別出胎兒的性別。

胎兒已長出了眼簾,它的肋骨和脊骨也開始發展成為骨骼。 它的手還要比你的指尖細小,趾甲也漸漸長出來,手臂也長出了應有的比例。胎盤臍帶開始把血液循環地輸送到胎兒及胎盤之間。 胎盤就好像一個過慮器,能把養分,包括氧氣從你的血管帶到胎兒的血管內。 同時它亦能將胎兒排出的廢物帶走,例如二氧化碳等,送到你身體的循環系統中。 你跟胎兒的血液並不會混在一起,你的血型跟胎兒的血型可能會不相同。 胎盤有內分泌腺的功能,負責生產賀爾蒙,例如孕激素和雌激素,它們能調節子宮及懷孕期的各種功能。 你身體上的變化: 超聲波檢查早在第七週開始,醫生便可跟你進行超音波的檢查。 這種檢查可以透過陰道或者在肚皮上進行。

醫生通常在第11至13週內進行以確定懷孕的週數以及檢查你及你胎兒身體的健康狀況等。 透過超音波的畫面,你可能會清楚見到胎兒大概的形態及活動,甚至看見它的心跳。 從第12週開始,你已經可以分辨到胎兒的性別,但準確程度不是百份百的。

雖然一般都認為超音波檢查是安全的,但部份醫生會盡量減少使用。身體活動及運動懷孕期間,你的身體內會進行大大小小的工程和變化。 其實你也需要為自己安排一些全身的運動。 

如果你平時沒有做一些固定的運動,那麼你在懷孕期間最少要做一些簡單的運動,例如多作步行活動或做一些柔軟體操等。如果你多做一些盤骨的運動或其他孕婦操,那麼對你在懷孕期或分娩時有莫大的幫助。(參考第27至28週). 如果你是一位活躍的運動愛好者,作經常性運動的話,在醫生允許下,你仍可計續進行這些運動。但要盡量避免在懷孕期才學習一種新的運動,或做一些難度高的運動或動作。

Tuesday, November 24, 2009

幾句

舊文: 2009 年 11 月 14 日

1.
依家我係一個麻煩人,
不能餓,
食完嘢要行吓,
要休息, 要瞓,
行一陣又攰.
個胃成日都唔舒服,
想點?
我証明小新應該命硬過我.

2.
媽媽說佢睇命書說我下年虎年一定會有孕?
我話呢個世界咁多人同一個生肖, 全部有孕呢個世界會陸沈!
媽媽說她還有看月份.
我說就算呢個同一年同一月的只有世界的千分之一, 都陸沈啦!!

3.
媽媽問點解我唔去養和生?
我話因為我有交稅!
(而且醫生已經話我知養和到時應該冇期~)

花球真身

店主將我個花球的相放咗上網俾人參考,
我就放番落個部落格度.
佢做得好有心機啦!




常常

舊文: 2009 年 11 月 13 日

常常發呆,
常常眼瞓,
常常見攰,
常常肚餓.

我都覺得自己好麻煩.

大肚婚禮

舊文: 2009 年 11 月 9 日

是比正常攰了一點.
不過好處係胸大咗, 所以著 low-cut 好睇咗, 哈哈~
而且兩個多月未見肚,
但就近一個月都少食多餐同會嘔,
所以除咗個胸, 其實我瘦咗同塊面尖咗~
皮膚係差咗啲但係化咗妝睇唔到 :)

洗牙

舊文: 2009 年 11 月 5 日

原本有咗係唔可以洗牙嘅~
頭三個月尾三個月都唔得,
因為張牙醫櫈的設計並唔啱大肚婆瞓,
bb 好易早啲走出黎架!

剛剛去到牙醫嗰度佢唔肯幫我洗...

Monday, November 23, 2009

衣櫃

舊文: 2009 年 11 月4 日

發現有孕之後,
體重並沒有改變,
不過身形就轉變不少.

第一個月的時候上圍最先有所增長,
第二個月都腰圍啦,
我的褲頭都差少少,
以前一收腹,
扣上鈕扣便算,
依家胃氣太多,
絕不能有一點焗束的感覺,
所以還可以穿上的,
只有橡筋褲頭的 leggings~

leggings 只可配長衫,
大量修腰的 one-piece 裙已經唔啱著.
衣櫃內仍能穿上得番 5 條,
大條藉口買過啲新嘅~
又破財!

中醫 (2)

舊文: 2009 年 11 月 2 日

定期覆診,
每次俾三個湯,
三個禮拜後望吓個中醫又三個湯.

醫師繼續叫我食蛋, (但係我已經食到悶 :p)
佢問我食唔食大閘蟹, (莫非把脈都知我早兩日食咗一隻??)
之後佢話今年唔好食啦,
因為孩子皮膚會好啲.
一樣話食新鮮的食物,
海鮮就少食,
唔好食煎炸嘢.

(咁我人生仲有乜嘢歡樂??? 我餓死算啦...)

首飾::Bijoudally

將近嫁的時候睇少咗 etsy,
驚發現好嘢但係寄唔到黎會揼心!
依家又可以再慢慢睇.

大大件好金屬,
但配深膚色又幾好睇~




All from Bijoudally, Mountlake Terrace, WA

Wii Fit Plus

舊文: 2009 年 10 月30 日
被禁止了不能玩 Wii Fit Plus 那個檸 patpat 計數遊戲,
那是我全個 game 中最喜歡的啦.
個 b 邊有咁易檸出黎喎...

Sunday, November 22, 2009

Week 9::2.94

舊文: 2009 年 10 月 30 日

覆診.

我保持得好好,
一樣 120 磅,
孩子突飛猛進, 已 2.94 cm.
(我說它是我肚裡面一條蟲, 要不要食花塔餅杜蟲?)
是九個星期又四日大.

一照照聲波,
孩子明顯的揮動小手,
是跟我們打招呼嗎?
心跳仍然強勁的噗通噗通,
依家頭同身一樣大,
見到額頭顎骨,
我覺得佢個頭形好似蠟筆小新.

下一次可以度頸皮,
看唐氏綜合症的風險.
--------------------------------------
母親的懷孕過程 copy from Yahoo Blog
第9至第10週
胎兒的骨骼長出來了你胎兒的進展:胎兒的骨骼長出來了這時候,胚胎只有4.5厘米(2吋)長,有如一粒提子般的體重,而子宮的大小就好像一個橙。 

胚胎內的軟骨已長成為骨骼。 隨著頭部的逐漸形成,胎兒的面頰漸漸的突顯出來,它的頭部也漸漸抬起來。 口部也在發展中,鼻及外耳也相繼形成。

它會輕微移動,但你卻不會察覺得到。 它的手指和腳趾已經很分明了,但仍然有樸相連著。你身體上的變化:告訴別人喜訊當你知道自己懷孕了,便要決定跟誰人和在何時宣佈你懷孕的消息。 

家人和朋友在精神上的支持是十分重要的,所以不要害羞,要以輕鬆的心情去告訴別人這個喜訊,讓他們分享你的喜悅。 他們大都會送上衷心的祝賀以及他們各種各樣的意見,無論這些意見是否對你有幫助,請你欣然接受吧!

如果你對懷孕感到焦慮多於喜悅的話,請把你的疑慮說出來,最好能夠尋求其他過來人的指導。通知你的僱主如果你是職業婦女,而且希望在懷孕後繼續工作的話,你要了解清楚你所屬國家有關懷孕的法例。 

在香港,你最好即時通知你的僱主,並提交一封醫生證明信給他,那麼你在懷孕期間所享有的待遇及權利便會得到保障。(懷孕期間如因例行檢查而離開工作崗位,可當作病假計算)。如有興趣可參考『香港勞工處』及『平等機會委員會』將為人父母有很多準父母都覺得他們與自己父母的關係正進入一個新的階段。 

尤其是準媽媽,她們不期然對自己的母親產生一份敬意和重新的理解。當你跟母親開始交流懷孕心得時,你會有一種奇妙的感覺。 開始時有一點不自然,但漸漸你會發現這種經驗交流是何等珍貴的。 

當她憶述她當年懷孕的心情和種種事的時候,恍惚她自己也快要成為母親一樣!擔心出現小產有些女性會在第14週左右才告訴別人她懷孕的消息,大都是因為害怕胎兒在14週前較不穩定,有小產的危險。 雖然萬事要小心謹慎,但切忌過份憂慮。

其實小產的比率高達百分之十,但要知道大部份小產都是由於胎兒形成時出現問題所引致的,甚至在她還未發覺懷孕前已經小產了,因為不小心而做成小產的個案其實相當少。 有些曾經小產的婦女都慶幸自己小產前已經告訴別人懷孕的消息,所以當小產發生時,有人會替她分擔,不致會有孤軍作戰的感覺。

半夜一點

舊文: 2009 年 11 月 1 日

有咗之後成日都肚餓,
少少肚餓就瞓唔著.

半夜一點, 餓醒咗.
連瞓覺的念頭都冇埋.

好彩每次只食到少少,
唔係一定變大肥婆!

命硬

舊文: 2009 年 10 月 30 日

他說我總在測試孩子是否命硬.

泡溫泉, 玩過山車,
食雪糕, 食西瓜.
今晚我想食大!閘!蟹!

我知我的孩子一定是天才!

Week 7::戒口

舊文: 2009 年 10 月 22 日

沒有特別的戒口啦,
本身已經是勁偏食的半素食者,
只是寒涼的東西都不太敢吃.

之前只是有反胃, 有胃氣,
依家開始有一點點的嘔吐,
好在一向習慣嘔吐,
嘔吐並沒有為我帶來痛苦,
反而嘔出來比那頂住頂住的胃氣舒服.

可能係咁,
很多時都好似只食一半,
雖然肚子有一點脹脹的,
覺得好像反而瘦了.
------------------------------------
母親的懷孕過程 copy from Yahoo Blog
第7至第8週

胎兒像腰果般大 你胎兒的進展:腰果BB你的胎兒已經進展到像腰果般的大小了。 比起身體其它部份,胎兒的頭部顯得特別大,並且稍微彎向胸部。 

它的鼻孔,咀唇及舌頭已經形成了,還長出四肢的雛型,手和腳還只是一些鰭狀的肢體。骨骼裡的軟骨開始慢慢形成,心臟內也形成了四個心房,其它器官已各就各位,不停地發展。你身體上的變化:身體及情緒的疲累你會感覺比以前容易疲倦,甚至有頭暈的現像。 其實這並不難理解,因為你的身體內正為孕育一個小生命而進行一項接一項的額外工程。 除了身體上的變化,你亦要面對自己的身體及體型上的種種變化而產生的情緒起伏。 因為在懷孕期間賀爾蒙的改變會令情緒變得不穩定,這跟經期時的情況一樣,完全是屬於正常的。 你也會傾向容易哭,驚慌和善忘。

懷孕期間的疲累是無可避免的,最好能夠爭取更多休息時間,例如在晚上有比較長的睡眠時間,日間的工作步伐放慢些,或者找些朋友或同事或家人為你代勞。

第一次懷孕檢查如果你懷疑自己已經懷孕的話,請盡快找醫生檢查,如果證實真的懷孕了,請跟你的婦產科醫生好好的談一談關於日後需要注意的事項,和跟他討論如何選擇分娩的方法等。 醫生會根據你的年齡和健康紀錄,來決定你是否需要作進一步的檢查或測試。

(可參考第15 至16週關於檢查有助減低懷孕期的風險)跟醫生見面時請盡量提出你的問題及疑慮。如恐怕自己善忘或過度緊張﹐你可邀請你的伴侶或朋友跟你一起去見醫生﹐他們可幫助你記下需注意的事項。醫生會問你最後一次來經期的日子來計算你的預產期,並且查詢你過往的健康紀錄。

就算你知道自己已經懷孕,他也會替你再進行一次尿液或血液檢查以確定你是否已經懷孕。 其實,尿液檢查也可以同時測你身體內的蛋白質和血糖水平。

你每一次覆診都會進行同樣的檢查。 至於驗血,除可以確定你的血型外,還可以檢驗你是否患有貧血,性病,以及德國痲疹和其它疾病的抗體。此外,醫生也會安排身體檢查,包括乳房內是否有硬塊,乳頭的狀況,以及內部檢查包括盤骨,陰道及子宮頸部。 

他亦可能為你作超音波檢查(可參考第11至12週關於超音波檢查)在懷孕初期及中期,你只需每隔四至六個星期覆診一次,但到懷孕後期(第28週至40週),你便需要每隔一至兩個星期便要覆診一次。

Saturday, November 21, 2009

孕婦褲

都說不要孕婦裝,
但也要向現實低頭,
我的褲已經不能扣上褲頭鈕啦...

找遍平常買褲的店子都沒有合身的,
腰, pat 同腳不成比例,
唯有去孕婦店看一下吧.

今日一大發現: 孕婦的褲,
我一路以為是有一大片的橡筋包住個肚皮,
但係原本有另一種!
係褲頭藏住一條幼橡筋,
條橡筋每半吋有個鈕門,
你可以時時都放鬆個褲頭扣番粒鈕,
咁一條褲就可以一路著到係生得為止!

其實減肥都啱著,
咪換轉每日扣緊一格直至成功囉~

p.s. 那些孕婦 one-piece 裙實在衰過花園街貨色啦!

中醫

舊交: 2009 年 10 月 15 日.

找了中醫去,
他給我整個療程,
由依家開始直至坐月完畢.

每次給我三個湯料,
分三個禮拜飲.
加瘦肉同薑,
煲三個鐘,
每煲飲兩日.
(今個月有蛤蟆乾...... yack....)

要食新鮮的食物,
菜, 雞肉, 豬肉, 牛肉, 蛋, 奶.
牛奶日日都要飲,
蛋每日至少一隻.
海鮮只可以食魚同蝦,
特別蜆殼類的不行.
寒涼的食物唔好食,
白菜仔黃芽白都唔得.
漬物可免則免.
可以食燕窩, 飲蜜糖水.

醫院檢查

第一次到醫院登記,
原本以為要三個小時,
結果一個小時便完成了.

登記 --> 睇愛滋病測試的短片 --> 問你聽唔聽唐氏綜合症講座 --> 預約下次檢查 --> 抽血 --> 走人

冇特別, 冇嘢講.
呃咗半日假.

話梅

舊文: 寫於 2009 年 10 月 9 日

打嗝兼頭暈,
好痛苦.
星星成日話會唔會我先捱唔住呢?
未生仔之前我已經死咗 :p

古老的說法非常正確,
孕婦係需要多多話梅,
因此話梅可以非常有效地防止打嗝!
依家起身後有一半時間都會含住粒梅.
(食到條脷都黑埋 :p)

但係我怕係個 b 未出世之前,
我的牙先行蛀掉.

Friday, November 20, 2009

Week 5::0.462

舊文: 2009 年 10 月 8 日

好煩,
都唔明點解成日都唔好話俾人知?
好大件事咩?? 有乜唔講得?
自己阿媽都唔講得, 有冇攪錯?
佢話係有醫學根據,
因為講咗俾其他人知,
其他人就會俾壓力你,
令到你都好緊張,
咁就會影響個胎云云.
其實要我唔同其他人講咪仲大壓力!!!

今日第一次見醫生,
我 120 磅.
照咗超聲波,
得一個 bb,
即係冇龍鳳胎喎~
有0.462cm 長,
心跳噗通噗通的.
醫生話應該有 5 個星期大,
不過個 b 好似細咗十日,
但係又冇話有問題.

千叮萬囑不要浸溫泉,
但係我已經浸咗啦.
同埋一定要食葉酸囉.
不過醫生話可以繼續去旅行喎,
搭飛機冇問題.
我話我接近食素,
佢問我食唔食魚, 我話魚生算唔算?
佢話唔好食咁多蝦蟹, 膽固醇高.
唔好油指甲,
唔好嗅香熏.

預產期係 2010 年 6 月 3 日.

三個星期後覆診,
然後有什麼度頸皮,
我唔知醫生講乜.
(段尾見到係關於唐氏綜合症檢查.)

係診所的書見到:
五個星期作嘔係正常.
低血壓見暈係正常.
每個禮拜重兩磅係正常.
-------------------------------------------
母親的懷孕過程 copy from Yahoo Blog
第5至第6週

胎兒像一粒米般大你胎兒的進展:米般大小的胎兒這時候,胚胎內的細胞已經形成了只有像米般大小的胎兒。 這個胚胎會漸漸增長,發展出頭部,形成初形的眼,耳,腦袋,一個會跳動的心臟,以及像一條尾巴的脊骨。

這時候,整個胚胎周圍形成一層保護的羊胎水﹐保持在某一個溫度使成為胚胎的保護層﹐使胚胎能在其中自由申展,漸漸地發展成胎兒。

你身體上的變化:晨吐當你發現經期比預期遲了一至二個星期左右,你會開始感覺到身體上一些改變。 

例如你對氣味特別敏感,口味也突然改變,甚至連一向所喜愛的食物也提不起興趣,反而可能會愛上一些你向來討厭的食物。 有不少孕婦也有晨吐的現像,這是由於你體內的賀爾蒙增加而刺激胃部所引致的。 

有些人認為晨吐其實是提醒你要小心選擇食物的自然現像。晨吐現像的嚴重程度因人而異﹐可能很快會消失﹐亦可能一直伴著你整個懷孕期。奇怪的是﹐你可能同時覺得作悶和肚餓

最好吃一些有澱粉質的食物,避免吃一些甜而沒有營養的食物。

要避免或減輕這些不適﹐盡量遠離一些容易使你不適的食物和氣味。你亦可嘗試在十分不適前進食一點小吃﹐這可以消除或至少減輕你作悶的感覺。你不需要過份擔心,這種晨吐現像通常會在懷孕的中期(若第14週後)自動消失。

健康飲食對於某些女性來說,懷孕期進食的食物可說是她們一生之中最健康的。 

在這段期間你要攝取各種不同的營養以提供胎兒成長的要素。某些營養是你不可或缺的,例如葉酸,鈣質,鐵質等,除了從食物中吸取,如有需要,你的醫生或會提議你額外服食一些營養素補充劑等。(可參考第25至26週的如何解決懷孕的消化毛病) 其實懷孕期所需要的營養,與一般平日最理想的飲食餐單沒有兩樣。 

最重要是攝取均衡的營養,進食大量新鮮水果及充足的奶類飲品,以及各種含高鈣的食品。中國人傳統觀念認為孕婦不能進食一些「生冷」的東西,例如香蕉,西瓜,綠豆等。 一些亞洲國家甚至對於橙和海鮮都有所禁忌。

但在西方人眼中,只要這些食物是平日均衡飲食的一部份而非過量進食,這通通都是營養豐富的食物,絕對適合孕婦進食。 但他們認為生的海鮮,生的肉類及半熟芝士含有細菌,這些會有機會對胎兒造成影響,所以不宜進食。

煙﹑酒和切忌服用任何未經許可的藥物。應盡量減少含咖啡因的飲料(包括汽水)。

Cares Bear


爸爸給 bb 買的第一份禮物.
Bedtime Bear,
他說是陪瞓用的.

Week 3::東京懷孕日記

2009 年 10 月 1 日
不停的打嗝,
嗝到個人好煩.
食嘢要少食多餐,
會好肚餓,
但食兩啖就頂住食唔落,
一啲都唔飽.

2009 年 10 月 2 日
懷孕唔做得嘅,
我就做足 :p
持住仲係細胞分裂中~
我浸溫泉啦,
用電滋波的按摩器啦 (按背按腳~),
食生冷的雪糕魚生 :D
百無禁忌,
可能我個 b 第時係超人~
(過咗兩日我仲玩咗過山車添~~~)

2009 年 10 月 3 日
肥咗好多咁喎,
褲頭又緊,
成個腩突咗出黎,
照鏡的時間好痛苦.

日本的孕婦同媽媽都好有型,
我都想做潮媽,
不要孕婦裝啦!
-------------------------------------------
母親的懷孕過程 copy from Yahoo Blog
第3至第4週
獲知自己懷孕了! 你胎兒的進展:胚胎的形成當精子進入卵子後,他們最初仍然是一個單細胞,但不出一天,它們便開始分裂成為兩個細胞,之後又再分裂,成為4個,5個...直到第4天左右,它們已分裂成為一個超過百個細胞的東西,看起來有點像草梅。它會慢慢地游過輸卵管,直達子宮,在裡面漫游一會後便會在子宮壁內著床。 到第三週末,整個過程便會完成,這顆奇妙的細胞,牢牢地貼著子宮壁,到這時候,它可以稱為胚胎了。早期發展進入第四週。 

胚胎內的細胞將會分工合作。其中一組細胞會發展成羊水囊,即是製造一些鹽水供將來的胎兒在此生長。 

其它細胞便開始形成胎盤,為胎兒提供營養﹔ 而卵黃囊則為胎兒製造紅血球﹔還有個碟狀物體的細胞會開始形成胎兒。

從超音波畫面中,你便可以看到兩組相連的囊狀物體,那就是胚胎和卵黃囊。你身體上的變化: 知道自己懷孕了!有些準媽媽相信一開始的時候已「意識」到自己已懷孕﹔相反地有些孕婦到了經期遲遲不來的時候才懷疑可能已懷孕。

無論你屬於那一類也好﹐當你的卵子受精後,你身體內的賀爾蒙已經默默地起著變化,待一段時間後便會察覺得到。如果你在第四週時(即在受精後約兩星期)發現月經還沒有按時出現,這通常是懷孕的第一個徵狀,亦是一個很可靠的訊號。但小數過案可能在懷孕後仍會經歷月經的週期。 

只要你在停經後數天內到診所裡進行簡單的尿液或血液檢查,甚至在家利用簡單的測驗工具,也可以準確地知道自己是否懷孕了。懷孕的其它徵狀你會開始感覺到尿頻,因為子宮會開始膨脹,漸漸地迫向膀胱。 同時懷孕期間的賀爾蒙會影響你身體的肌肉,包括你膀胱的肌肉在內。

此外,你會感到乳房有些脹痛,比經期時的感覺還要來得強烈。

隨著懷孕期的週數增加,你的乳頭會變得深色,汗腺的分泌要比以前旺盛,而皮膚上的靜脈都較以前顯眼。懷孕期的衣服就算你不打算在孕婦時裝店內添置新衣,你最少也要買一些適合孕婦的內衣褲,以及襪褲。(可參考第29至30週的緊身襪褲和第35至36週的餵哺用的胸圍)由於乳房膨脹,你必須採用有承托力的胸圍來預防乳房下垂,有些婦女甚至在睡覺時也戴上胸圍來增加承托力。

在懷孕首三個月內,乳房的重量和大小增長得最快。 所以在最初數個星期,你可能要買一些比你正常尺碼大兩碼的胸圍。 如果你上圍的厚度比你乳房的膨脹得快些,你可能不需要換掉你現在的胸圍,只要你買一些胸圍加長帶便可。

Thursday, November 19, 2009

蜜蜜月告吹了!!

舊文: 寫於 2009 年 9 月 29 日

到十一月的時候,
應該有七個星期左右吧.
搭飛機是比較危險啦.
所以決定取消.

今日陳星星的事項係電郵 / 電話到各旅行社 / 酒店去跟他們解釋並爭取退款.
唉...
我還是很想去旅行啦,
雖然好大機會有壁虎...

-- 購買 Six Senses 房間那家旅行社回覆了收取 $1000 手續費.
-- All Seasons Ibis Bangkok 就收 12% 手續費.
-- Bangkok Air 最煩, 問攞醫生紙,
但係問完之後提出三大問題唔俾我 refund!
(1) document is not look like to official letter
(2) in the document do not state passenger condition which could consider that she is not fit to fly, it just confirm that she get pregnant only.
(3) for pregnancy passenger we could allow onboard with the below conditions.
any passenger who is less than 32 weeks pregnant can travel without a medical certificate. However, she is required to sign an indemnity form before departure. If a passenger is beyond her thirty second week of pregnancy, she needs to provide a doctor's certification stating that the doctor has examined and found her to be physically fit for air transportation on the traveling date. Please note that travel within 7 days before the expected delivery date is not permitted under any circumstances.
之後陳星星再作咗篇文鬧返轉頭,
佢地又俾番啲錢我地啦,
收手續費 US$55/位.

不幸中之大幸,
金錢上的損失減到最低.

未結婚前成日都驚結咗婚之後冇寄託,
依家睇怕會仲忙 :p

天下間最醜樣就係大肚婆衫啦!!
我唔要著孕婦裝呀呀呀呀呀呀呀呀!!!!!!!!!!!!!!!!!!!!!

不能告訴別人,
很口臭呢...
但星星說不能說啦 :o

Copy::大肚可以飛嗎﹖

還可以去蜜蜜月嗎??
------------------------------------------
大肚可以飛嗎﹖
快樂孕記

【明報專訊】農曆新年快到了,接連的假期令一眾旅遊愛好者心癢癢。不少孕婦希望在產前輕鬆一下,把握最後機會和伴侶到海外過二人世界,卻又顧慮到腹中塊肉的安危,躊躇不前。究竟,坐飛機所受到的輻射會否影響胎兒?孕婦又是否適宜遠行呢?

「孕婦也可以去旅行的,但要注意四大風險。」仁安醫院婦產科部門主管余啟文醫生說。四大風險包括:

1.傳染病
「飛機的環境密封,乘客之間的距離較接近,假如鄰座乘客患有傷風感冒,較容易受到傳染。理論上航機上設有空氣過濾器,但並非百分百保證能過濾細菌或病毒。」

2.血管閉塞
余啟文稱,孕婦的血管較常人容易閉塞,機艙內的相對濕度只有20%,很乾燥,加上活動範圍受到限制,座位較窄,假如十多個小時坐不動的話,靜脈容易出現閉塞。對孕婦而言,嚴重者會造成可致命的肺栓塞,胎兒也不保。

3.輻射
坐飛機時所受的輻射會否影響胎兒發展?余醫生說﹕「曾有人研究過,乘飛機由倫敦飛往紐約,等於照了一張X光片。若飛機的航道接近兩極,所受的輻射較多,乘搭短途機的影響則較少。」不過,他說即使照了一兩張X光片,對胎兒的影響也不會太大,然而,是否必須卻是另一回事。

4.早產
他提醒,每個孕婦都有可能早產或作小產,37周前早產的機會為5至10%,假如在航機上早產的話便不好了。

懷孕頭3個月不宜遠行

準媽媽除了要考慮上述風險,也要選擇在適當時候起行。余啟文說,懷孕頭3個月,胎兒的發育仍未穩定,不宜遠行。美國婦產科學院建議,懷孕18至24周去旅行較為安全,因為這段時期流產和早產的風險較低。

那麼,航空公司又會否拒絕孕婦登機?不同航空公司的規定略有分別,國泰航空公司網頁顯示,懷有單胎的孕婦可於懷孕期滿36周前(即35周+6天)乘搭客機;懷有多胎的孕婦滿32周後(即31周+6天)則不能上機。孕婦務必在上列周期前完成旅程。

Reference: 2009年1月11日 明報
-------------------------------------------------------------
其他注意事項:
• 孕婦登機
航空公司可因應情況拒絕孕婦登機。不同航空公 司的規定略有分別。如國泰航空公司網頁顯示,懷有單胎的孕婦可於懷孕期滿 36 周前(即 35 周 +6 天)乘搭客機;懷有多胎的孕婦滿 32 周後(即 31 周 +6 天)則不能上機。孕婦務必在上列周期前完成旅程。孕婦必須於出發前向有關航空公司或旅行社查詢。

• 醫生健康証明
辦理登機手續時或於過境口岸可能被要求出示醫生健康証明,證明孕婦適合飛行。建議滿 28 周(即 27 周 +6 天)孕婦於飛行前徵詢主診醫生的意見,並隨身攜帶醫生健康証明。內容需包括:健康懷孕狀況證明、預產期、孕婦的健康狀況良好及適合飛行。

• 避免長時間坐著
孕婦坐飛機時要多飲水,令血管流通,切勿長時間坐著不動。如有需要可要求一個較寬闊的座位。上機後應通知空姐,以便空姐加以留意及照顧。

• 選擇較安全旅遊點
應選擇安全、醫療及衛生程度較好的地方,短線旅行較為合適。應考慮語言障礙的問題,最好揀選能跟當地人溝通的地方。

• 小心飲食及可攜帶小食
切勿進食不知名或不安全的食物及食水。由於部分孕婦特別容易肚餓,建議隨身攜帶梳打餅和提子乾等小食,以防在旅途上找不到食肆而捱餓。

• 行程需輕鬆
建議計劃輕鬆行程,切勿過份操勞,事前應徵詢醫生意見。

• 避免高危動作
因為孕婦的平衡力較差,避免作出或參加高危動作及活動,如:滑雪、駕駛電單車等。

• 切勿浸溫泉
切勿浸溫泉。孕婦的新陳代謝與常人有別,體溫上升一度,胎兒的體溫卻不止升一度,浸溫泉會令胎兒的心跳加快,影響其循環系統的健康。
Info from Safety-YP.com
---------------------------------------------------------
新店耕莘醫院婦產科主治醫師 張正坤

現代人搭機出國旅遊或經商洽公的機會日增,在門診時常遇孕婦問及在懷孕期間搭機是否安全,一般來說,在沒有產科或內科併發症的健康懷孕婦女,在懷孕36週之前,只要行前有充分的準備和安全上的認知,都可以同一般人一樣搭乘飛機出國。

在飛機上,低艙壓及低濕度的環境,加上懷孕的生理變化,母體在適應的初期會暫時影響胎兒;當機上的濕度小於25%時,會造成人體血液濃縮,增加靜脈栓塞及早產的危險。根據統計,空服員早期流產率是正常懷孕婦女的二倍,但並沒有證據顯示乘客的流產率會增加。當孕婦有產科或內科併發症,包括早產、胎盤異常、妊娠高血壓、糖尿病控制不良、貧血者,站在醫師的立場並不建議其搭機,因無法事先預測在機上是否產生緊急情況。

當長程飛機飛行在3萬二千英呎高度時,機內艙壓維持在一般海平面6千英呎高度時的壓力。當飛機急升,艙壓維持在6千英呎高度時,胎兒並未顯示不良反應,而母體本身會產生短暫心肺功能的調適,包括心跳增加,血壓升高、血液帶氧能力降低。根據研究顯示,當艙壓維持在6千英呎高度時,孕婦的氧氣消耗量降低13%,而非孕婦只降低3%,而此數據關係到血中的氧分壓,當血液中血氧分壓降低,一般正常懷孕婦女尚可承受,亦不至導致胎兒缺氧,然而對有心肺系統疾病及產科併發症的孕婦而言,其病況會因缺氧環境而變壞,因此並不適合搭乘飛機。醫學上曾有胎盤異常的孕婦,在機上發生胎盤早期剝離的報告。

此外搭乘飛機出國前,最好和婦產科醫師做充分的溝通,可請他給你一份產檢病例摘要,以備不時之需。而孕婦本身對到訪國的飲食衛生、交通工具、檢疫情況及如瘧疾、霍亂、下痢等疾病的預防與治療亦應掌握充分的資訊。至於未開發國家、疫區、生活飲食落地區,氣溫太冷或太熱的地方,在懷孕期間最好避免前往。

就懷孕的週數而言,懷孕初期的健康孕婦若沒有妊娠吐或先兆性流產都可以搭乘飛機,但較舒適的時機還是在懷孕中期(四至六個月)時,到了懷孕末期常因大腹便便行動較不方便,一般國際航線的飛機,允許36週以前的孕婦登機,孕婦最好事先備妥相關懷孕週數文件及醫師許可,以備特殊情況下的檢查。

以下的搭機注意事項可減輕在機上的不適:
1. 搭機前,宜避免吃會產生氣體的食物或飲料,因高空會使氣體膨脹,引起腸胃不適。
2. 會暈機噁心時,可給予預防性止吐藥物。
3. 穿著彈性襪並定期活動下肢。長程飛行時,因長時間處於低濕度及靜坐的狀態,易引起下肢水腫及靜脈栓塞。可事先穿著彈性襪,建議每隔一段時間即離坐起身走動以活動下肢,以促進血液循環。

此外,在機上時應將安全帶繫在骨盆上,至於噪音和宇宙輻射,對孕婦的影響是可忽略的;因此,無併發症的健康孕婦,在懷孕36週前搭機,是不會影響胎兒安全的。

Info from Yahoo 知識+

Week 1::變化

舊文: 寫於 2009/09/28

做 facial 的時候小姐說我的皮膚變差啦.
很多油啦!
well...
很多年沒有人這樣說我啦,
我是人乾啦.

早上換衫返工的時候,
換咗好幾件衫至出到門口,
是真的胖了!
特別是下半身很不對勁啦.
整個人都水腫的.
唉...
有沒有衫能望落去瘦一點啦?

以前的我在那裡啦?
這麼快身體就不是我啦.

媽媽很偉大啦,
一下就俾個衰仔破壞咗三十年對身材保養的功業啦!
--------------------------------------------
蜜蜜月的事,
可能要放棄啦.
七個星期很不穩定啦,
不能飛吧.
他說會賠償我啦.
好彩剛開始都去咗一趟東京.
--------------------------------------------
已預約了醫生,
日本回來就可以照超聲波啦.
-------------------------------------------------------
母親的懷孕過程 copy from Yahoo Blog
第1至第2週

懷孕是一個充滿驚喜的生理及心理變化歷程。當醫生確定你已經懷孕後,醫生便會告訴你這一胎的預產期。 其實一個正常的懷孕期是266日,但醫學上的計算往往由你懷孕前最後一次經期的第一天開始計算而成為280日﹐所以受孕兩週一般都稱為「已妊娠四週了」。

由於要準確地掌握你胎兒真正的受精日較為困難,因此醫生通常會假設在一個28日月經週期的情況下,經期開始後第十四天便進行排卵及受精,因此便把這24天加在266天之上,成為280天或40週。你要記住,這個預產期純粹是一個估計,只有4%的產婦才能真正在預產期日分娩。 因此在第37週至42週之間分娩的話也屬十分正常。懷孕的前奏無論懷孕是你期待以久,又或者是你從來沒有預計的事,你的身體也會週期性地為懷孕而作好準備。 

大約在月經完結之後一星期左右,你其中一個卵巢,便會排出一粒卵子。 它會慢慢地游到輸卵管內準備受精。這顆卵子是一個單細胞,只有0.13毫米長(即0.005吋)的大小,若果沒有受精的話,它只能活上24 小時。

懷孕的一刻如果你在這個時候進行性行為,你的伴侶在你體內射精時,數以億計的精子會進入你的陰道內。但其中只有數千條能成功進入你的輸卵管,而最終只有一條精子能成功進入在那裡等候著的卵子內,令卵子受精。如果兩條精子分別進入兩粒卵子的話,便會成為雙卵性的雙胞胎﹐誕下的孩子會完全不同樣)。 由射精到受精的過程,可以短在一小時內完成。 由於精子能活上36小時,因此如果在排卵前進行性行為,卵子仍然可以受精。 
其實在卵子受精的一刻,胎兒的性別已經決定了,因為精子帶有決定性別的染色體。 如果精子是帶有X 染色體的話,胎兒便是個女孩。 如果精子是帶有Y 染色體的話,胎兒便是個男孩。

Wednesday, November 18, 2009

Copy::素食孕婦如何孕育健康胎兒?

小心編排素食絕對可滿足任何年齡人士的營養需要,包括孕婦。

有報告指素食媽媽產下的嬰兒體重與吃葷媽媽的相若,所以均衡的素食絕對可孕育健康的胎兒。可是,任何素食人士均要注意某幾種營養素的攝取量,如︰蛋白質、鈣、鐵、鋅、維生素D及B12。孕婦的熱量需要比一般婦女高,每天應比未懷孕前多攝取300千卡熱量,這樣既可供給胎兒生長的需要,也不會令孕婦長胖。

蛋白質與鐵質

孕婦的蛋白質及鐵質需要也比一般婦女高,因需額外的蛋白質組織胎兒的細胞,及額外的鐵質製造胎兒的血液。孕婦比一般婦女需每天多攝取10克蛋白質及多一倍的鐵質(由平日每天15毫克增至30毫克)。素食者的鐵來自黃豆及其製成品、其它豆類及豆製品、果仁等。



素食婦女若每日飲3杯鮮奶或吃其它奶品,應可滿足鈣質的需要。全素食(vegan)孕婦不吃任可動物性食物,那就可飲用加鈣豆漿及吃豆腐來攝取足夠的鈣質。不然,鈣便會從母體的骨骼中抽出,以供給製造胎兒的骨骼。

葉酸

素食者常吃蔬菜,所以甚少缺乏葉酸。相反吃葷人士因可能吃不夠蔬菜,而不能達到葉酸的建議攝取量。缺乏葉酸與胎兒患脊髓分裂症有關,嚴重者可引致嬰兒一出生便四肢癱瘓或半身不遂。

維生素D

含有維生素D的食物不多,只有魚油、蛋黃及動物的肝臟。素食孕婦可選強化食物,如︰奶品、五穀麥片、豆漿等。當紫外光折射到皮膚,我們的身體可製造維生素D,大概每天5-15分鐘的日光照射至面及手,便有足夠的維生素D。可是,我們愈來愈重視美白,多選有防曬的護膚品,這無疑可保護皮膚,防止黑色素的出現,但也減低皮膚製造維生素D的能力。所以我們要確保食用強化維生素D的食物,而建議量是每天5微克,其實不難達到。

維生素B12

維生素B12只存在於動物性食物,植物性食物就算含有此維生素也不是活性,所以身體也不能使用。素食者唯有依賴強化食物如︰豆漿、五穀麥片及一些強化的素肉來攝取維生素B12。如維生素B12不足,或會引致貧血。



鋅亦是一種較難達到建議攝取量的營養素,因為其主要來源也是動物性食物。鋅的功用包括製造體內70多種酵素、維持免疫力、促進生殖器官的發育,也協助製造蛋白質。至於素食者的食物來源包括豆類及其製成品、豆腐、五穀麥片、果仁等。

僅記,素食孕婦要孕育健康的胎兒,需特別注意攝取足夠的蛋白質、鈣、鐵、鋅、維生素D及B12。若不確保飲食營養素充足,可由醫生處方所需的補充劑。

copy from she.com

懷孕

過咗三個月, 可以公開.
是預定之內啦,
唔生仔做乜結婚呢?
決定結婚之後當然想拿拿臨生仔.
而且事情俾我想像中容易,
成日都聽人講好努力都冇,
我們都只是等了兩個月,
是很好彩吧?
--------------------------------
舊文, 寫於 2009 年 9 月27 日.

是老虎 bb 啦.
他說我是名副其實的老虎乸.

怕 bb 小氣,
懷孕是秘密不能說.
我已經忍了三日,
別人問了也說是: 不能說的秘密.
他說至少結婚後至公佈.
我們的父母也不知道.
(他的父親知道啦, 他一回家就上香啦.)

驗到的第一反應係: 有冇咁易呀?
點解人地話幾年都不行呢?
你可以 msn 問我 '秘技'. 哈哈.

然後我就擔心去日本冇得浸溫泉, 冇得食魚生.
平時唔可以食生冷嘢, 唔食得芒果, 唔食得 xxx.... 下劃一百樣美食.
然後各位長老就俾啲 '補品' 我飲, 又或者不停要食呢樣食嗰樣.
呢度唔去得, 嗰樣唔做得.
星星話要買本孕婦手冊.
我相信我係一個非常唔聽話的孕婦.

還沒有看醫生,
去完日本先算啦,
但係仲可唔可以去蜜蜜月呢?

原本想叫陳竹竺,
但英文是 chu chu,
實俾人笑啦.
但他仍然堅持 bb 乳名是 瓜瓜 啦.

身體的變化係:
'肚腩' 大咗少少.
個胸漲咗,
非常易攰,
食量差唔多.

成日話懷胎十月,
其實係八個月.
星星上網查一下,
預產期似乎係 5 月 31 日啦.
對唔住啦麥同學,
我個人就好想出席,
但係你要問吓瓜瓜啦.
------------------------------------------
計算預產期方程式
以最後月經的來潮日、月份減三或加九,日數加七,即為預產期。舉例來說:最終月經為四月四日,則預產期為一月十一日;最終月經是一月卅一日,則預產期為十一月七日;最後月經為十二月廿五日,則預產期為十月二日。月經指的是來潮的第一天,不是最後一天,要用農曆,不是用陰曆。
 
這個公式,也是基於孕期為四十週的道理,因此也同樣包含了兩週的尚未受孕期。如果月經週期為卅五天,則排卵日之前有廿一天,而非十四天,因此預產期其實要延後七天;如果週期為四十五天,則預產期要延後十七天,原因是婦女的月經週期雖然有長有短,但是排卵日都是在下次來經之前十四天,也就是說每個人的黃體期(排卵之後到下次來之前),都是兩週左右,濾泡期(排卵之前)則不一定,週期越長者,濾泡期越長,則公式算出預產期,和實際也差越多。
 
如果孕婦的月經週期為四十二天,最終月經日為五月五日,依公式計算,預產期應為二月十二日,但因月經週期不是廿八天,而是四十二天,排卵日延後十四天,因此預產期改為二月廿六日才對,這叫做「矯正的預產期」。
 
由於目前婦產科學認為,懷孕滿卅七週以上,即算足月妊娠,不算早產,而四十二週以上,才叫過期妊娠,因此如果月經週期為廿三到卅五天之間的,其實矯不矯正預產期,影響都不太大,但如月經週期比一般人長上兩、三週以上,而未告訴醫師,沒有更正預產期,則可能造成其實還沒到預產期,卻被誤為已經過期,而接受不必要的處置。
 
告訴你一個最簡單的方式,婦產科醫生都是這麼計算.
最後一次月經的月份+9(月) , 日期 + 7(天)
 例如:最後一次月經是 1月24日,那麼1月+ 9(月)=10(月) , 24日+ 9(天) =33 , 33天 減掉10月份的31天, 預產期就是 11月2日.
又或著 ,另一種方式
最後一次月經的月份 - 3(月) , 日期 + 7(天)
 例如:最後一次月經是 2 月 5 日 ,那麼 2月- 3(月) =11 (月) , 5日+ 9(天) =14 , 預產期就是11月14日.
很簡單的公式喔~
只要記得 + 9 + 7 或著 - 3 + 7 , 就可以自行計算準確的預產期。

資料 from Yahoo Blog

Tuesday, November 17, 2009

2012 末日預言

唔好睇, 唔推介, 其實幾悶.
災難片唔緊張, 唔溫情, 唔特技.
作家做司機然後好似超人一樣囉??
架車去到邊, 飛機去到邊, 後面條路就跟住個轆裂開囉.
全球一連串火山爆發再加超級海潚, 27日後就風平浪靜仲可以見到藍天白雲?
明日之後好睇好多.

2012末日預言 (IIA)
158 分鐘
導演: 羅倫艾默烈治
演員: 丹迪紐頓, 活地夏里遜, 尊古錫, 阿曼達比蒂
英語對白,中文字幕

導演羅倫艾默烈治(Roland Emmerich)繼《明日之後》再打造驚世災難片《2012 末日預言》,尊克鍚克(John Cusack)飾演的學者設法阻止瑪雅曆法預言的世界末日發生,全人類攜手對抗這場絕世浩劫的降臨...其他演員包括:阿曼達比蒂(Amanda Peet)、丹迪紐頓(Thandie Newton)、活地夏里遜(Woody Harrelson)。《2012 末日預言》以瑪雅曆法預言的世界末日為背景,根據瑪雅曆法,地球已歷經四個太陽紀,而每一紀結束之時,均會發生全球性的大災難。我們現正處於第五太陽紀的末期,瑪雅曆法預言第五太陽紀將於2012年12月21日前後結束。

天氣寒冷

很冷很冷很冷很冷很冷很冷很冷很冷很冷很冷很冷很冷
我想留係被窩入面
唔出街得唔得呀????
很冷很冷很冷很冷很冷很冷很冷很冷很冷很冷很冷很冷

Sunday, November 15, 2009

婚後生活3

終於婚後第一次的拍拖出街,
只有我們兩人共處的一天,
這件事情可是很少發生的呢!

佢冇返工,
所以今日佢黎 '接我放工'!
被接放工的感覺很好,
好像被重視一樣.

然後到銅鑼灣食個簡單午餐,
再到 Sogo Thankful Week 血拼!
人多到頭痛!
不過我地已經有目標, 要買枕頭同風筒.
這些都是他那邊缺乏的.

先睇枕頭,
試瞓咗一輪,
原本想平平地買減價中 $298 有 2 個的木炭枕,
不過試過 Sinomax 新出的 3D 護肩枕之後, 一致決定呢個好啲.
雖然就貴啲, 而且減價加 85 折都 $480~
當初測試前覺得呢款枕頭好怪,
唔係一般成件肥皂咁樣的平實四方形,
有啲似三角椎體, 好有人體工學 feel,
因為我瞓得唔係幾好, 成日換睡姿,
呢個枕用黎平瞓同側瞓都好好,
尋晚我即刻用新枕頭,
真係瞓得好好.
所以決定將個枕頭留係我屋企,
再買多個新的放係佢屋企~

風筒只要求大風,
拿拿臨吹到半乾就可以出門口,
什麼負離子, 什麼造型工具全部唔需要.
小姐介紹 Alpha Tool,
佢話 Salon 都係用佢, 好襟用云云.
2100W, 真係好強勁,
樣就衰啲, 而且幾大部.
$350+
後尾返到屋企發現自己都係用緊佢個 2000W 的輕身版!
(即刻好後悔俾個小姐 sell 我買個勁少少但係重咁多的版本, 14kg vs 8kg 啦!!!)

仲買咗少量家居物品,
睇咗 2012, (麻麻地, 另文再講.)
食個住家菜,
一日就過啦.

Friday, November 13, 2009

婚後生活2

這段時間認識自己多一點,
同時覺得佢未完全的了解我.

我應該是個孤僻的人吧? 或是怕生補??
我的世界很小, 除了家人, 就是兄弟, 還有少數的友人, 你見我請飲請幾多人就知啦.
朋友都要用時間演化成好友,
我愛觀察同研究別人,
並不代表我愛受注目,
一向最怕成為別人的焦點,
一下子要我接受新人大刺刺的走進我的內心世界,
很可怕, 我想逃.

我怕別人問問題, 正如我也不是一個問題兒童.
由心的覺得如果想分享的話, 一開口便停不了.
如果不想說出來, 你問我也無可奉告.
我很小心的分別那些是可以分享的對象.
最怕別人窺探我的事情, 就算家人都一樣, 在合適的時間地點, 想說的話自不然會講出來.
盡量的不想說謊, 因為一個大話需要更多的大話來自圓其說, 我記性差.

不喜歡別人知道我在幹什麼, 總之我會交出成績,
不需要知道流程, 做事不希望別人看見.
不要問, 只要信.
喜歡一個人靜靜的做事.

在家裡, 只有電視的聲音,
各據一方做自己喜歡的事,
很近又那麼遠.
食飯的時候閒話家常,
食過飯後果各自回到軌道,
真正的休息.
點解要自己有一間房?
就係有自己的活動空間可供休息.
家的用處是休息,
並不是吵吵嚷嚷.
我怕嘈. 可能年紀大.

認識自己多一點,
也是一件好事吧?
看見事實的真相,
人是放鬆一點.
可惜各人都有自己的喜惡,
你的喜等於我的惡,
應如何拿捏?
很不容易.
是上天見到我太安逸而給的新挑戰吧?

Maple 跟進

總監話超唔得,
我都覺得係.

我個 part 呢就係結婚前一日冇人打俾我第二日佢地幾點會到,
當日亦冇人同我講佢到咗定走咗?
零交帶.
雖然我只係需要佢舖兩張枱有加個 backdrop 布咁大把.
其他的我都係總監攪掂.

當日總監早了一個小時到場擺檔,
她跟我說了這些:
- maple 的人完全冇同佢打招呼.
- 見你放好咗個大相架, 佢地只顧自的走去裝飾.
- 工作做好了, 並沒有走來問一下是否妥當.
- 無聲無息的來, 無聲無息的走.
後來仙地同學話該工作人員有跟她說 3.30 pm 會回來收檔.

服務態度實在係零~
好在我都唔係俾好多嘢佢地做,
加埋係酒店 discount coupon,
個心都舒服啲.

Thursday, November 12, 2009

短髮

結婚後第一件事當然是換上一頭清爽的短髮,
沒有跟髮型師講要幾短,
總之幫我剪晒佢啦.
從髮型屋出來的時候我自覺好似叫你打防子宮頸癌針的阿 sa,
希望聽朝我自己都整得到呢個頭.

長頭髮跟咗我超過十年,
不過一啲唔捨得的感覺都冇,
反而有點標誌著一個時代的結束.



成長的短髮 梁詠琪
作曲:陳綺貞 填詞:林夕 編曲:謝浩文

煩腦絲 誰也知
長到某處要割愛一次
如玩意 曾在意
然而這已說到很久那陣時

煩腦絲 不休止
常要剪走每次更添我睿智
型像變 無限次
人大了發覺怎麼剪也可以

成長的短髮 不斷要剪
回憶中的髮碎慢慢掃出去以後才能開展
才能維持新鮮 回頭一天
霎眼已變動十年

長短的黑髮 一樣要剪
曾不捨的髮碎就似將我歲月緩緩鋪展
曾純真點 曾明星點
智慧要進步從未變

煩腦絲 無法止
隨緣放棄每次當考試
成熟了 難在意
留長到了哪裡剪短看天意

Wednesday, November 11, 2009

距離

見面多並不等於感情有所增長,
反而磨擦更多造成不能修補的裂痕.

欲速則不達.
這麼簡單的道理還不明白麼?

Tuesday, November 10, 2009

婚後生活

突然多了一大班熱情熱心熱血的親戚,
過度的熱烈歡迎讓我喘不過氣來.
不要人來人往的築起人牆,
我很需要私人空間.
更請不要入侵我的小天地,
那可是我唯一的淨土.

Monday, November 9, 2009

完滿結束2

17.
咁高的鞋好冇著?
nina 鞋很好,
超舒服!
另一對Sauvignon,
個樣影相就靚,
行咁耐呢,
都係差啲.

18.
forstarproduction 的相片三至四個星期後有得睇.

19.
都會海逸,
還是有很多人會去咗黃埔海逸,
包括我老豆!
依家得 150 人都覺得剛剛好,
再多人應該會有啲迫.
不過那個露天公園讓賓客出外吸煙很好, 影相很好.

20.
何廣榮律師很準時,
(雖然我唸佢已經慣咗所有人都會 delay.)
而且很交帶,
先同你講個流程,
仲可以預先練習吓,
不過練習咗就冇咁感動囉.

21.
桃紅色 moschino cocktail 裙一致好評,
條裙好搶,
誇張的頭飾好配,
連那對閃閃珠片鞋都一絕~

22.
結婚當晚瞓落張床的時候有好多蓮子!!!
好 "UN",
我撥晒去佢嗰半邊床!

23.
醒起我沒有跟我特地選來的鬼娃娃花子 PM 公仔影張車頭相!!!

24.
我一向都係乾人,
嘴唇脫皮尤其嚴重.
好在當日又唔係太大問題,
冇乜脫皮喎~~
面呢, 之前一晚冇敷面膜,
因為怕水腫,
當朝我自己先打底, SK-2 essence + Soigne Rubfeed (其實都幾好用)(兩支都係幫助吸收) + 厚的 water massage
Mona 再加一個 Laneige base.
嘴呢, 之前一晚敷一個 blisstex,
第二日仲好嫩~
之後 Mona 加咗個 skinfood 的潤唇膏, 都 ok.

25.
幸好起身的時候仍然覺得選擇正確,
嫁咗個好老公.

記起再寫.
想搵番各項資料,
請係進度表搵.

Sunday, November 8, 2009

最後定案


婚禮日期: 2009 年 11 月 7 日 - 日期的故事 1, 2
註册地點
: 紅磡都會海逸酒店 The Patio 11.00am - 3.00pm 場地照

婚妙/婚禮當日攝影
婚紗相:
聖羅蘭::預約::揀衫::拍攝::揀相::睇板::取相,
羅浮宮::預約::揀衫::拍攝::揀相, 14/11 取相
婚禮當日攝錄:
ForStarProduction - 經驗 - Notes

新娘 Styling
婚紗: Vintage Gown + 頭紗 + 頭飾 + Sauvignon 鞋 - 圖樣
晚裝: Moschino Cocktail Dress + Fascinator + Nina 鞋
裙褂: 美華 - 經驗 + 金耳環 + Nina 鞋
花球: Croska
化妝造型: Mona@Triangel - 試妝

新郎
禮服: 陳師傅
恤衫: 陳師傅 - 圖樣
袖口鈕: 馬莎
皮鞋: 平時返工嗰對

兄弟姊妹
兄弟: Jay, Lawrence, Simon,
姊妹: Iris, Jo, Sum, Ling, Cindy
宴會MC: Jo; Jay, Please Read
媽媽服裝: 裙掛 + 喱士裙 - 圖樣
爸爸服裝: Kent & Curwen 西裝, 領呔圖樣
奶奶服裝: 裙掛 + 金都小店租旗抱
主人家襟花: DIY - 圖樣
兄弟服裝: 自備西裝
姊妹服裝: fM, 跟進
兄弟襟花/姊妹手花: DIY - 圖樣

接新娘/註冊
結婚戒子: 點睛品, 已取 - 經驗
花車: BMW X5
兄弟姊妹/親戚接送車: 酒店 benz + 24 座小巴
花車佈置: 圖樣
結婚公仔: Precious Moments - 圖樣 - 手牌
律師: 何廣榮律師 - 跟進
擬結婚通知書:已做 @20Aug
結婚証書套: DIY - 完成版 - 半完成版- PM 十字繡
戒指枕+羽毛筆: 酒店提供 - 圖樣
接新娘遊戲道具: 未決定
紅傘及睡衣: 紅傘買咗, 睡衣美華送咗
Cushion及敬茶用具: 屋企有
利是封: :買咗
過大禮日子: 2009 年 9 月 20 日 :完成::女家禮品 : 完成::男家禮品
上頭日子: 2009 年 11 月 6 日 11.00PM
出門地點: 女家
出門吉時: 09.00-11.00 -- 時辰
入門地點: 男家
入門吉時: 09.00-11.00 -- 時辰

婚宴酒席
賓客坐位表: 最後一刻造起
場地佈置: Maple - 樣板
Table Stand: 完成, 初稿圖樣
Wedding Theme:Vintage, Lace & Pearl. 白色 & 紫紅色
Reception 相架: Designed by Iris, 小相架 - 圖樣 - 半完成版 - 大相框
March-in片頭: 完成, 跟進
婚宴音樂: 王若琳 Times of Your Life
嘉賓簽名冊: 加工版 - 酒店提供原裝
簽名筆: 鑽石筆
酒水: 酒店提供, 額外爹已買紅酒
婚宴請帖: Designed by Iris, 完成圖, Gocco DIY + Print100 + Joys' Card 信封 - 經驗 - 進度
請帖回禮利是::買咗

儀式用品類/其他
當日 run down: 另有簡陋 excel
工作人員 task list:另有簡陋 excel, Update 版; 初稿
用品 packing list: 最後版, Update 版; 初稿
嫁妝: 冇特別買 - 床上用品
中式禮餅券: 奇華
西餅券: 美心
上頭用品:買咗
男女家對聯:買咗
婚前檢查: 家計會抽咗血, 報告
回門乳豬: 太興
新居: 應該唔睇住分開住
蜜蜜月地點:暫時唔去住

上回

完滿結束

多謝各位的蒞臨!
多謝各位的幫忙!
多謝各位的祝福!

這些是我小小的感想啦.
有讚有彈啦.

1.
結婚真係好攰,
之前 pre-wedding 影相好攰,
準備過程好攰,
當日頻能的流程好攰.
對手拿花球拿到酸了.
對腳穿半日高跟鞋小腳實了.
企足一日腰骨都直了.

2.
開心嗎?
我只想快些完成成件俗事讓我好好休息.
新娘子的喜悅不及休息的渴求 :p
只要跟家人好友一起就好,
事情過程的本身並不重要.

3.
五點幾起床沒有令我眼瞓,
因為全程就好趕好怕遺漏好怕招呼不週.
個腦轉數極頻繁,
一刻都不能放鬆.
幸好姊妹有跟進全部準備功夫,
否則冇人幫係掛漏萬一.
千萬不要信任新郎哥與兄弟,
佢地都係滋事份子.

4.
化妝師 Triangel 的 Mona 十個準時,
化妝髮型的都好滿意.
特別對於我此特 '大細超' 的眼睛,
真的修飾得很好.
新娘兩個小時準備亦冇問題,
時間拉制得很好.
轉妝半個小時左右.
個妝好襟,
基本上唔便點補.
不過佢公司的頭飾一來殘殘地, 二來唔係我杯茶,
雖然有先借下來, 不過結果冇用到.

5.
流程就預計一樣有 delay,
不過我預的 buffer 比較少,
然後又有太多的估唔到,
一件疊一件,
所以好趕,
兼且冇時間食嘢.
係女家姊妹化妝遲咗少少,
玩遊戲遲咗少少,
然後都係發生係唔鐘意溝通的新郎身上.
原來佢屋企拜神咁誠心,
原本奶奶咁多朋友, 而且.鐘.意.分.開.影.相.
而且因為自助餐的關係,
啲人出去攞嘢食,
佢冇一個人可以一早集合啲人係台邊等一陣上台影相.
成日都係我企係上面等佢地慢慢行!!
仲要等極都唔齊人,
我係台上餓死咗!!!
淨係食咗少少甜品 :p

6.
影相最緊要聽攝影師指揮,
一台都係人,
你一定要幫手移動大家,
唔係有排都做唔完.
forstarproduction Ben 同 Joe 兩位攝影師都很好,
好 nice,
營造輕鬆的氣氛,
心情都開朗啲.

7.
租車司機我都覺得好好喎,
雖然我冇坐那輛車,
不過當橫過冇交通燈的馬路的時候,
司機叔叔有幫忙指揮交通喎,
這不是他工作範圍啦.

8.
酒店招呼很好,
有個經理一路跟住新郎,
我就有個小姐阿賢跟住,
會攞食物俾我,
冇叫佢都會遞杯水俾我飲,
走路佢會扶住我.
(但係佢估唔到我著四吋高跟鞋都健步好飛行得快過佢 :p)
影相啲哥哥搬櫈又快,
有 DJ 打碟,
食物不錯,
我冇食但 MUA Mona 同我講生蠔不俗.
(都好, 生蠔正常 menu 冇架, 我加錢架!)

9.
Maple 場地佈置呢...
因為我大部份都係總監做,
Maple 要做的部份比較少,
同埋我遲到,
到達的時候已經整好晒,
我留意自己的 DIY 齊唔齊全咋~
唯一 comment 係之前一晚間公司冇打電話黎 reconfirm,
我都唔知佢地幾點到?
詳細情形我要問番總監.

10.
總監的部份我當然非常滿意啦~
全部我都係無厘頭的起咗頭,
然後總監幫我解決.
好似無拿拿係 scrapblog 整咗個蛋糕開頭,
總監幫我畫咗張蛋糕喜帖,
整咗個珍珠相架,
總監幫我砌張 welcome 紙放入去.
繡幅十字繡,
總監幫我拚貼個証書套.
買咗個大相架,
總監幫我唸點樣整珍珠名 (雖然最後冇用到~)
還有襟花手花, pom pom 花,
簽名簿, 簽名筆, 座位表, lace 布.....
我記得這些製作過程多過尋日的婚禮啦,
多謝 iris!
多謝大家!

11.
Croska 花球係美國空運到港,
前一日至到手,
實在有啲驚~
不過完全係我想要的款式,
很高興~

12.
買咗球桃紅牡丹做頭花,
早一日下午四點係花墟買的時候係一個球狀細過個拳頭,
零開花的意欲,
返屋企都只係用水養住.
第二朝起身一望,
開.晒!!! 大過隻手板~
差唔多撕咗半朵花至可以放上個頭度!
開有開好嘅,
見到黃色的花蕊.
媽媽話花開富貴!
另花店介紹臘梅用襯花也不錯.

13.
我貪靚,
個人造型很滿意,
全部頭飾.手飾.裙.鞋.都是一手一腳找來的,
出黎的效果比我想像中好,
滿足感好大~

14.
完成之後走得都四點,
出街影相淨係去到尖沙咀 1881,
我想要的中環夜景都太攰冇去到.
我會記錄在案,
下次一定要影中環銅鑼灣.

15.
全日都太緊張,
六點半返到屋企好攰都瞓唔著.
晚飯都係食咗少少,
八點半再試瞓,
半夜一點大家都醒咗有啲餓~
起身食咗芒果!

16.
一唸到什麼裙掛頭飾都係借三日兩夜而一陣要周圍歸還,
全身都攰到不.得.之.了!

寫住咁多先啦...
唸吓都攰!

想搵番各項資料,
請係最後定案搵.

Saturday, November 7, 2009

鞋帶

當呢段文章出街的時候,
我已經係陳太啦.
佢都唔會理會係乜嘢事情感動我要嫁俾佢啦.
米已成炊啦.
------------------------------------------
從小不太懂綁鞋帶,
總之那天出街是自己綁鞋帶的話,
在街上至少要綁三次以上,
我綁的蝴蝶結,
壽命只有兩,三個小時,
很快便會散掉.
大家以為我懶唔拆鞋帶著鞋,
其實因為波鞋上的蝴蝶結一般都係請別人幫我繫的.

有一日我同佢係羅湖返香港,
當時上緊一條好短的扶手梯,
佢企我後面.
我發現鞋帶鬆咗,
然後就搖一搖隻腳同佢講: 鞋帶鬆咗呀.
意指離開扶手梯之後我要死埋一邊綁鞋帶, 冇 imply 老點佢架.
估唔到離開咗扶手梯行埋一邊的時候,
我都未彎身,
佢已經先我一步烏低咗幫我綁啦.
起身之後佢仲要話: 快啲睇吓有冇人睇到? 一陣間俾人放上 youtube 話你港女呀!

一件好簡單自發性的小事,
不過當下就覺得好 warm 好感動, (女人都是為一點不顯眼的小事而感動.)
仲決定將下半生交拓俾佢,
我知道以後一定會好幸福 :)

Thursday, November 5, 2009

最後檢閱

有一些小手作完成了但沒有拍照.
求其影兩張先,
(其實係我唔記得用花花近鏡 :p)
過兩日留俾攝影師影多幾張靚相 :)

竹蜻蜓, 會變成像牡丹的 pom pom 花啦.

喜帖

結婚証書套


要謝謝總監啦 :D

結婚禮物::fromUK

又係包裹,
遠自英國.
是初戀男友絡我的小禮物啦 :)
我的人緣不錯吧~

很別緻的小盒子啦.
多謝!多謝!



永別

重申一次,
我倆對死亡實在百無禁忌.
不要跟我 '啋~啋~啋~'

好多時我地分別的時候,
我好少講 '拜拜' 或者 '再見'.
我鐘意講 '永別喇' 或者 '分手啦'.
佢都耐我唔可.

經過尋日的骨髓捐贈,
今日佢出街的時候,
我又講永別.
佢: 小心你一語成籤!
我: 咁都好, 成為先知下半生都唔休.
佢: 但係我未簽器官捐贈喎, 都好, 可以保留全屍. (尋日紅十字會派晒器官捐贈証!)
我: 留黎都冇用啦.
佢: 我可以種樹喎!

也好,
都可以為環保出一分力.

Wednesday, November 4, 2009

花球

終於在途中啦,
好緊張呀~!!!!

Label/Receipt Number: EH......
Guaranteed Delivery Date: November 6, 2009
Class: Express Mail International®
Status: International Dispatch

Your item left the United States from ISC NEW YORK NY(USPS) at 2:41 PM on November 3, 2009. Information, if available, is updated periodically throughout the day. Please check again later.

Detailed Results:
International Dispatch, November 03, 2009, 2:41 pm, ISC NEW YORK NY(USPS)
Arrival
Processed through Sort Facility, November 02, 2009, 3:41 pm, CHARLOTTESVILLE, VA 22911
Acceptance, November 02, 2009, 2:49 pm, WAYNESBORO, VA 22980

骨髓捐贈

當你去紅十字會捐血的時間,
護士會問你介唔介意抽多少少血去檢驗骨髓的配對.
將你的資料留待有一日跟有需要的人.

今日紅十字會打電話俾我,
話有病者初步跟我吻合,
需要我到會再抽一茶匙的血再驗得更詳細.
骨髓的白血球配對比較精密,
唔係咁容易搵到一個完全相配的人.

陳星星跟我說準備有孕暫時不能幫人,
不要無端端捱一針, 不如一年半載後才驗吧!
這些說話讓我很氣憤!
你的孩子是命, 別人的不是命嗎?
現在別人有一小個機會可能痊癒, 為什麼不讓我盡一點綿力呢?
莫講話可能不配合,
如果好運的能配上, 雖然不能立即的幫人, 也可以給人一個希望呢.
我又不是怕打針的人,
只不過是抽一點點血,
行街仆親都唔止留咁少血啦!
實在是舉手之勞!!

身體健康是很重要的,
幫到一點就一點啦.
人命關天啦.
除了骨髓的配對,
我還有簽署器官捐贈,
死後那無用的肉身還是遺愛人間,
是很值得高興的事啦.

一陣去抽血的時間一定要攞多張器官捐贈証俾那個無知的陳星星!
橫掂佢死咗我唔需要佢嘅全屍陪伴我,
可以幫到人咁佢死得仲有意義 :p
--------------------------------------------------------
香港骨髓捐贈者資料庫
簡介

香港每年有近一千名成人及兒童罹患血癌及其他嚴重血病。血癌雖可致命,卻並非絕對不治。對許多病人來說,骨髓移植可給予他們一線希望。要進行移植,首先要覓得合適的捐髓者。部分較幸運的病人可從親屬中找到捐髓者,但其餘的病人便要從非親屬人士中尋覓。

香港骨髓捐贈者資料庫的成立背景

1991年,年僅16個月大的小哥頓吳品宏,因患了嚴重血病,急需接受骨髓移植手術。小哥頓與家人專程自加拿大返港展開徵求骨髓捐贈者的「救救小哥頓」運動,而「香港骨髓捐贈基金」(「基金」)亦由此成立。

是次運動引起了全港熱心人士的關注,反應非常踴躍,在短短數星期內便有近一萬三千人向「基金」登記成為志願捐髓者,促使「基金」成立了全球首個以華人為主的「香港骨髓捐贈基金資料庫」 (「基金資料庫」),為血病患者尋找適合的無血緣骨髓。

直至2005年8月止,「基金」已招募了超過50,000名骨髓捐贈者,同時亦為逾250名危在旦夕的病人,提供骨髓作移植治療。

由2005年9月1日開始,「基金」會將工作重點放在骨髓移植研究及社區教育,同時仍會繼續與國際骨髓移植組織保持聯繫,並協助有需要作無血緣骨髓移植的病人。而由同日起,「基金資料庫」的管理將轉移至「香港紅十字會」(「紅十字會」)管理。與此同時,「紅十字會」另立一個新的骨髓捐贈者資料庫—「香港骨髓捐贈者資料庫」(「捐贈者資料庫」),繼續為有需要的病人尋找骨髓。

「基金」及「紅十字會」亦已共同委任「紅十字會」轄下由「醫院管理局」管理之「香港紅十字會輸血服務中心」(「中心」),查閱及使用存於「基金資料庫」及「捐贈者資料庫」的捐贈者個人資料,並由同日起,提供與「基金」原有服務,包括管理及維持「基金資料庫」及「捐贈者資料庫」的運作、為病人或捐贈者進行白血球組織型化驗等及其他相關服務。

服務範圍
1. 招募捐髓者
市民可親臨香港紅十字會輸血服務中心「中心」的固定捐血站辦理登記及驗血手續,成為骨髓捐贈者。此外,「中心」會與熱心支持是項服務之機構或團體合辦招募及驗血活動。

2. 尋找合適的捐髓者
登記者的驗血及個人資料會被儲存於資料庫內。遇到有嚴重血病患者需要骨髓移植時,「捐贈者資料庫」會在電腦的資料庫內尋找吻合的捐贈者。在尋找過程中,「捐贈者資料庫」與醫院及捐贈者保持緊密聯絡,並負責安排捐贈者接受覆驗及其他跟進工作。

誰是合適的捐贈者?
捐髓者與病人的白血球組織型( HLA )是否吻合是骨髓移植成功的關鍵。
紅血球有A、B、AB和O等血型,白血球也有組織血型,主要分為A、B及DR三組。每組均包涵多種不同抗原,所以白血球組織型多達數千種。
登記者需先接受驗血以確認其白血球組織型,倘若登記者的白血球組織型與病人吻合,就是一個合適的捐贈者。

更多資料

Michael Jackson’s This Is It

我不是 MJ 粉絲,
從沒有認真的聽過睇過他任何的歌曲表演.
不過 This is it 好好睇.

縱使他整容整得怪怪的.
縱使他病到得棚骨.
完全冇損他的舞台王者表現.
舉手投足都令人毛管直起.
天妒英才.

以前認為郭富城的鐵幕誘惑好型,
睇過 MJ,
對唔住 Jo,
Aaron 真係似小學生 :p
那種 power, 那些肢體語言很震撼!
MJ 的伴舞都係全球最強的,
相信過程都獲益良多,
他的舞蹈非常複雜困難.

一個演唱會好多項目要兼顧,
但係 MJ 真係可以每件事都加入自己的要求,
佢對舞台歌曲舞蹈全部都非常熟悉.
好有才華!
音樂燈光一起即刻好似上身咁龍精虎猛.
天生是個表演者吧.

睇完成齣戲好感動,
基本上每一個場節完咗我都好想拍手,
不過係冷漠的戲院中拍手會俾人歧視囉.

故事簡介
《Michael Jackson’s This Is It》將會讓全球樂迷一睹流行樂天王米高積遜籌備及綵排This Is It演唱會時的珍貴片段。米高積遜叱吒樂壇四十多年,今年3月,他宣佈復出舉行五十場環球演唱會This Is It,令全球樂迷熱切期待,但可惜他未能完成「最後演唱」,便於本年6月25日猝逝。
在米高積遜離世後四個月,全球樂迷將有機會親歷他的最後演唱會,在戲院大銀幕一睹這位一代巨星的最後風采。《Michael Jackson’s This Is It》電影剪輯自米高積遜在本年4月至6月期間,籌備This Is It演唱會時以高清制式拍攝的逾百小時綵排片段及幕後花絮,讓觀眾有如近距離接觸米高積遜,見證這位舞台天王如何力求盡善盡美地締造他的最後演出,電影亦加插米高積遜生前好友及工作伙伴的訪問片段,回顧米高積遜傳奇的星路歷程。本片由Sony Pictures Releasing於全球發行,全球放映只限兩週,香港上映日期為10月29日,戲票會於9月27日開始預售。

導演 : 奧爾特加
演員 : 米高積遜

Tuesday, November 3, 2009

咀咒

我知道我是受到咀咒的,
每次接近放假都會突然我繁忙起來,
連結婚都唔放過我 :(
我有好多嘢想做啦,
但係工作又唔知點解的忙起來,
要知道之前坐了很久的冷板凳啦!

我要做 facial, 洗牙, 修甲, 買結婚用的瑣碎東西.
冇時間啦...
Blog Widget by LinkWithin