Friday, September 25, 2009

婚前檢查::家計會

再到家計會,
拿回上次抽血的報告.
內容主要睇吓有冇乙型肝炎, 德國麻疹抗體, 地中海貧血.
簡單如身高體重, 血糖血蛋白, 危盲都有.

結果係:
血色素唔夠,
輕微貧血,
姑娘有問我俾唔俾錢再驗真地中海貧血,
但係我知道因為依家近乎食齋至係咁啫,
以前一路都能夠捐血,
地中海貧血唔會突然間有啩??
所以冇問題啦.

有德國麻疹抗體,
冇問題.

冇乙型肝炎抗體,
如果要打乙型肝炎針,
咁未來呢半年都唔可能有 bb.
(但佢有抗體.)
(而且我係為生 bb 至結婚的啦!)
咁如果唔打針有點呢?
咪就係如果我係未來的日子不幸患上乙型肝炎,
就可能係懷孕期間傳染俾 bb 啦.
結果我係冇預約打針的.

然後姑娘再問我關於經期.
今個月又遲咗 8 日,
(一向都好準時, 但係之前兩個月都係遲咗 8 日.)
姑娘有問我需唔需要即時驗孕, HK$70.
我話等多兩日先啦.
(其實自己驗都好方便囉.)
姑娘就話都好嘅, 因為愈耐就愈準.
HK$70 其實唔係好平,
可能有個護士望住支棒 confirm 你有冇, 驚你色盲睇唔到兩條線或者唔識字睇唔明說明書啩.
之後去屈先生的店睇吓驗孕棒的價錢,
最平都係 HK$29.9 啦,
尋日見到廣告標榜懷孕一日都驗到的 DoTest 都係 HK$59.9 之麻!

No comments:

Blog Widget by LinkWithin