Thursday, July 30, 2009

時間太少

終於明白點解人愈大, 朋友愈少,
因為每段關係都需要用心用時間經營,
但係年紀愈大, 可供分配的時間就愈少.

一個星期返五日半工,
所以可供玩樂的時間只有平日的晚上, 星期六的半晝, 及星期日的全日.

星期日例牌 family day,
星期六要做 gym.
平日的五個晚上要好好利用.
我比較幸運, 唔需要 OT, 亦暫時未有上堂.
五個晚上都可以運用.

其中一個要同家人食飯,
一個同陳星星拍拖,
一個俾十兄弟.
仲有兩個... 但係選擇太多.
除咗有可能重覆以上的人物動作, 仲有...
要俾未來奶奶, 佢好鐘意我去佢屋企食飯.
有啲少見的好朋友飯局,
有更少見的舊同學舊同事飯局,
有啲跟結婚有關的約會,
想俾自己, 一個人無無謂謂的對住部電視.

以有涯隨無涯,
殆已.

No comments:

Blog Widget by LinkWithin